???? تجاوزات بحاجة الى وقفة؟؟؟؟

صباحكم فل

عندما تتأمل في حقوق المواطن المهضومة فهي كثر ولكن ورد في خاطري علاقة المنفعة الخدمية التي تقدمها ادارة الكهرباء للمواطن والتي بموجبها يقوم المواطن بدفع قيمة ما يرغب في استهلاكه مستقبلاً ويقوم بدفع قيمتها نقداً ومقدماً واذا نفذ الرصيد بعد الاستخدام نقول لا حول ولا قوة والله المستعان

سؤال برئ

ماذا لو تم قطع الكهرباء لائ سبب كان فني او غيره ، بمعنى من المتضرر الاول بينما تم قبض الثمن من قبل الطرف الاول ( شركة الكهرباء )

كسرة

ممكن البعض يقول لي دي شربكة منك ساكت لكن انا البعرفو في الدنيا دي كلها ادفع قيمة استلم مقابلها خدمة او الخ.... ودة مثال قليل من كثير

مع مودتي

Quote: ماذا لو تم قطع الكهرباء لائ سبب كان فني او غيره ، بمعنى من المتضرر الاول بينما تم قبض الثمن من قبل الطرف الاول ( شركة الكهرباء )

يا عزيزي
مثل هذا الوضع الجائر يعني انك تعيش في سودان الانقاذ
تدفع مقدما
وتقدم لك الخدمه بمزاج شركه الكهرباء
فان لم يوفوا بالتزامهم بالامداد
لا اعتذار لا تعويض لا يحزنون .
والمواطن كراعهم فوق رقبته
يدفع ويلتزم الصمت والصبرالجميل

عشان كدة يا حبوب انا شايف الناس شاغلة رقبتها بالتناحر في المقاعد والعراك السياسي المقيت والمواطن البسيط في وادي وهن ليس في وادي قريب انما في الشط الثاني صعب الوصول اليه ، والمسكين ما عارف يطالب بي شنو واللا شنو

الله يصلح الحال ، لك التحية مجدداً

مع مودتي

ما ذكر اعلاه موضوع فيهو شربكة مع الحكومة وقصص طويلة ، لكن في حاجات بين محمد احمد و محمد احمد ذاتو

يعني مثلاً لما تتفق مع الفنان لحفلة عرس وتدفع ليهو كم دشليون ويجيك الساعة عشرة ونص يكون الخسران منو؟

ودي ولا داخلة فيها حكومة ولا حاجة مش حقو الناس تقنن حاجات زي دي فيما بينها؟

المشكلة بس الناس تقعد كيف؟

لكم مودتي

Quote: عني مثلاً لما تتفق مع الفنان لحفلة عرس وتدفع ليهو كم دشليون ويجيك الساعة عشرة ونص يكون الخسران منو؟ ودي ولا داخلة فيها حكومة ولا حاجة مش حقو الناس تقنن حاجات زي دي فيما بينها؟ المشكلة بس الناس تقعد كيف؟

يا سيدي العزيز
اذا كان رب البيت للدف ضاربا

فشيمه اهل البيت كلهم الرقص .
في غياب دوله القانون دا ياهو الحال .
هل تصدق اذا احتكمت لقانونهم يظلمونك عينك عينك.
مثلا عندي قطعة ارض اشتريها بعرق جبيني لانني لم اتمكن من الحصول علي قطعه ارض في الخطه الاسكانيه
وامتلك اوراق الشراء منذ العام 1985 ومسجله لدي مجلس المنطقه ودفعت كل الرسوم وايصالاتها لدينا وورقه المبايعه وكل الشهود احياء ومجلس المنطقه يعلم تماما انها ملكي اذ يثبت ذلك السجل الموجود بحوزتهم . لكن اللعبه بتتم في مجلس اراضي حله كوكو .
قام احد السماسره بييعها لشخص اخر في العام 2004
تنازعنا عليها فامرت اللجنه المكلفه بحل النزاع ان اقتسمها مع المشتري الاخر
وهذا يعني ان السيد البائع قد باع بعلم مكتب اراضي حله كوكو واقتسموا المبلغ .

يا أسامة يا ولدي إنت في دا ولاّ إجازتي القريبة دي لقيت لي صف في محطة الكيلو في الحلفاية... رِكبت الصف كان قدّامي زي سبعطاشر نفر وأنا التمنطاشراوي.... يا أسامه الحر في نُص السما والعرق هلول هلول...لمن وصلت الشافع الخاتِّي ليهو طشِت فيهو شِيتاً أحمر حصلت المفاجأة...قلت ليهو يا شافع الجن دا شِنو؟... قال لي دي (دُقَّه) يا حاج!... قلت ليهو يدُق بيض أبوك!! موقفني في الشمس دي ساعتين عشان تقول لي دِي دُقَّه؟؟ قال لي يا حاج كان ما داير أبعد لينا الصف وراك طويل....إتلفتَّ وراي لقيت زي عشرين نفر واقفين....الخجله مسكتني قلت ليهو جيب بي خمسه جنيه....

يا خوانّا أنا راكب من وين؟