Post: #1 Title: الكبير كبير يا مصطفي عثمان اسماعيل Author: خدر Date: 12-10-2011, 10:16 PM
المدرب الصادق المهدي في برنامج في الواجهة قبل قليل ، قدم مهارات فردية و لياقة بدنية عالية امام اللاعب الناشئ مصطفي عثمان اسماعيل حيث انتهت المباراة بهزيمة مصطفي اسمعيل زي خمسين صفر كده :)
Post: #2 Title: Re: الكبير كبير يا مصطفي عثمان اسماعيل Author: معاوية عبيد الصائم Date: 12-10-2011, 10:23 PM Parent: #1
Quote: حيث انتهت المباراة بهزيمة مصطفي اسمعيل زي خمسين صفر كده :)
طوالى عملتها 50 صفر ..
انتهت وانا متابع 49ــــــــــ ا
لكن ضربة الجزاء الاخيرة فيها (كلام) الحق حق بعدين الخبرة الخبرة تلعب استوبر ياخ
شكرا ..مشجع اممى
Post: #3 Title: Re: الكبير كبير يا مصطفي عثمان اسماعيل Author: Ali Sirelkhatim Date: 12-10-2011, 11:20 PM Parent: #2
Quote: المدرب الصادق المهدي في برنامج في الواجهة قبل قليل ، قدم مهارات فردية و لياقة بدنية عالية امام اللاعب الناشئ مصطفي عثمان اسماعيل حيث انتهت المباراة بهزيمة مصطفي اسمعيل زي خمسين صفر كده :)
اوافقك الراى تماما ياخضر والله السيد الصادق كان مقنع تمااااااما مافى كلام..فى طرحه واجاباته وكل شى ...مدرسة والله مدرسة
Post: #4 Title: Re: الكبير كبير يا مصطفي عثمان اسماعيل Author: ABDALLAH ABDALLAH Date: 12-11-2011, 00:45 AM Parent: #3
Quote: المدرب الصادق المهدي في برنامج في الواجهة قبل قليل ، قدم مهارات فردية و لياقة بدنية عالية امام اللاعب الناشئ مصطفي عثمان اسماعيل حيث انتهت المباراة بهزيمة مصطفي اسمعيل زي خمسين صفر كده :)
أخونا الفنان الكبير خدر , تحياتى ليك ظروفنا ما سمحت لينا نشاهد تلك المباراه حيه عليكم الله العنده شريط يسعفنا بيهو
Post: #5 Title: Re: الكبير كبير يا مصطفي عثمان اسماعيل Author: عمر عبد الله فضل المولى Date: 12-11-2011, 06:11 AM Parent: #4
مفروض الامام اساسا ما يكون في حوار مع هذا الرجل كان ارسل ليهواي طالب من الطلاب والسلام
تحياتي اخي خدر
Post: #6 Title: Re: الكبير كبير يا مصطفي عثمان اسماعيل Author: صديق الموج Date: 12-11-2011, 06:42 AM Parent: #5
المباراة غير متكافئة تماماً معقول برشلونه ضد الشغله عوج الدرب؟
Post: #7 Title: Re: الكبير كبير يا مصطفي عثمان اسماعيل Author: أيمن الطيب Date: 12-11-2011, 08:28 AM Parent: #6
يا خدر يا فنان... تحياتى ياخ مع الخمسين صفر دى..
فعلا الكبير كبير والمعلم معلم... السيد الصادق شكلو كدا كان لابد للزول دا وجاهو مدردق أو إحتمال قنطروه ليهو ...
Quote: برنامج في الواجهة يختتم حلقاته حول المفاوضات بين المؤتمر الوطنى وحزب الامة بتاريخ 15-1-1433 هـ الموضوع: في الواجهة
الامام الصادق و د. مصطفى عثمان يتفقان حول تفويض حزب الامة لادارة الحوار مع الجنوب أختتم برنامج في الواجهة التلفزيوني الذي يعده و يقدمه الأستاذ أحمد البلال الطيب حلقته الثانية التي أستضاف فيها كل من الأمام الصادق المهدي و مستشار رئيس الجمهويه دكتور مصطفي عثمان أسماعيل القيادي بالمؤتمر الوطني حول المفاوضات بين الحزبين. أختتم حوار الحلقه الكبيرة بهدية كبيرة قدمها الضيفان عبر البرنامج من خلال التفويض المفتوح الذي منحه الأستاذ مصطفي عثمان أسماعيل بلسان المؤتمر الوطني للامام الصادق المهدي و حزبه للسير قدماً في الحوار مع حكومة جوبا لدفع و تطوير العلاقه بين جوبا و الخرطوم بالكيفية التي يري حزب الأمه القومي انها تحفظ مصالح الشعب السوداني مع جارته الوليدة و هي دوله جنوب السودان. و عندما سأل الأستاذ أحمد البلال الأمام الصادق المهدي عن مدي استعدادهم لقبول العرض و التتفويض أجاب بنعم و قال بأنهم مستعدون. و كانت أستهلالية حلقة الأمس بين الضيفين قد بدأت عبر أستعراض ما دار في ندوة حزب الأمه و ما تعرض له البروفسيور ابراهيم غندور في أمسية مناصرة الشعب السوري حيث نفي الأمام الصادق المهدي أي علاقة لهم في حزب الأمة مما حدث من تهريج و غوغائية و قال بأنهم في حزب الأمة أنفسهم كانوا مستهدفين بذلك السلوك بحسبان أن حزبهم
كان مجرد مستضيف للحدث في داره و أنهم أسفوا جداً لما تعرض له اليبروفسيور غندور ؟لأنهم حزب ديمقراطي لا يمكن ان تكمم الأفواه في دارهم و قال أنهم شكلوا لجنة تحقيق لمعرفة دوافع و ملابسات الحدث. من جانبه دافع دكتور مصطفي عثمان اسماعيل عما نسب اليه في جامعة النيلين و قال انه يشارك في ندوة طلابية نظمها طلابهم و عندما انبري ممثلو القوي السياسية بين طلاب الجامعة للحزب و لرئيس الجمهورية أضطر لمهاجمة التنظيمات الطلابية المتطرفة و أن الأمر في جوهره كان موجهاً للكتل الطلابية و لا علاقة له بالرموز الحزبية الوطنية نافياً أن يكون قد قال بأنهم يرفضون أعتذار حزب الأمة علي خلفية ما تعرض له البروفسيور غندور في دار حزب الأمة. و عن تشكيل حكومة القاعدة العريضة وجه لها ألأمام الصادق أنتقادات عنيفة و قال ان ثلثي هذه الحكومة من المؤتمر الوطني. و قال أنهم أصدروا بيانأ من حزب الأمة حول تشكيلها. وو صف الأمام الصادق دخول الحزب الأتحادي الديمقراطي الأصل في الحكومة واصفاً ذلك بالتهميش للمؤسسية و ان ذلك سيقود لمزيد من التمزق في صفوف الأحزاب و تفتيتها و هو أمر ينبغي بأن تحتاط له الحكومة و قال أن الجدية هي الأحاطة من مجموعة المؤتمر الوطني مؤكداً بأنهم محتاجين لحكومة تحت مظلة نظام جديد مضيفاً أن هذه الحكومة الحالية لا تمثل الا نفسها فيما لم يتفق دكتور مصطفي عثمان مع الأمام الصادق في رؤيته، و قال ان مشاركة الأتحاديين أضافه حقيقية للحكومة و الذي كان رئيساً للمعارضة في الخارج و له و زنه في ذلك حتي عندما جاء مشاركاً جاء بهذه القاعدة . مشيراً لبرنامج الحكومة من خلال البرنامج الذي وقعه دكتور نافع مع دكتور سعد، نافياً ان يكون في مشاركته تهمشياً للمؤسسية في الحزب. و عن ثورات الربيع العربي قال الأمام الصاق أن القراءات الواضحة تشير الي أن السودان قد أحدث ربيعاً منذ توقيع السودان الا أن التحول الديمقراطي يومها لم يحدث و أن عدم حل المشكلة ديمقراطياً هو الذي يقود الي الحروب. (نص الحلقة في أعدادنا القادمة)
Post: #15 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:31 AM Parent: #14
الامام الصادق قال ان الربيع العربي في السودان حدث ساعة توقيع المؤتمر الوطني علي نيفاشا لكن المؤتمر الوطني اضاع الفرصة باستعداء الجنوب و عدم ترشيد عائدات البترول بالصرف الغير مسئول
-- دكتور مصطفي زعل و بدا في غلاط سيد الصادق (غلاط زي بتاع سودانيز اونلاين داك ) لكن سيد الصادق لم ينحدر معه لذلك الدرك :)
Post: #19 Title: Re: الكبير كبير يا مصطفي عثمان اسماعيل Author: قيقراوي Date: 12-11-2011, 10:43 AM Parent: #15
Quote: دكتور مصطفي زعل و بدا في غلاط سيد الصادق (غلاط زي بتاع سودانيز اونلاين داك ) لكن سيد الصادق لم ينحدر معه لذلك الدرك :)
طيب بكري ما يديو باسويرد؟ المافي شنو!؟
------
عشان يطير ليو!!
Post: #45 Title: Re: الكبير كبير يا مصطفي عثمان اسماعيل Author: خدر Date: 12-11-2011, 07:00 PM Parent: #19
Quote: Re: الكبير كبير يا مصطفي عثمان اسماعيل (Re: خدر)
Quote: دكتور مصطفي زعل و بدا في غلاط سيد الصادق (غلاط زي بتاع سودانيز اونلاين داك ) لكن سيد الصادق لم ينحدر معه لذلك الدرك :)
طيب بكري ما يديو باسويرد؟ المافي شنو!؟
------
عشان يطير ليو!!
هههههههههههههههههههههههههههه والله فعلا حا يكون مكانو الطبيعي حيث حا يطير ليهو فعلا :)
Post: #16 Title: Re: الكبير كبير يا مصطفي عثمان اسماعيل Author: lana mahdi Date: 12-11-2011, 10:34 AM Parent: #14
بختو مصطفى عثمان فرصة عمره عشان يتعلم^__^ لاكين أنا سمعت أنه نكر كلامه الاتبوبر بيهو قبل يومين! أيكون على سبيل الهرشة أم ماذا؟ خدر خوي كيف أخبارك يا حبيب
Post: #17 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:36 AM Parent: #16
الحلقة الان تبث اعادة علي التلفزيون القومي و مصطفي اسماعيل متجرس و بنكر انو هاجم الاحزاب سيد الصادق قفل النقاش بانو في لجنة تحقيق بتحقق في طردة غندور
حصلوا الحلقة
Post: #18 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:41 AM Parent: #17
استخدم الامام الصادق لتوصيف الحكومة الحالية و منهج المؤتمر الوطني في الحكم ، تعبير التاءت الثلاثة تمكين ترهل تورم
_ ههههههههه ياخ الامام ده معلم كبير :)
Post: #20 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:47 AM Parent: #18
ما مضحكاني الا الطريقة و العين البعاين بيها الامام الصادق لمصطفي اسمعيل :)
الحوار اثبت انو الصادق المهدي شخص محترم و امام مهذب و سياسي حريف بعرف كيف يرد بتهذيب و كيف يتكلم و بفوكس علي السؤال في اجابتو و يقدر بحرفية عالية كيف ينهي او يقفل الحوار . بعكس مصطفي اسماعيل الكان واضح انو بهاتر و بسرد في وقائع لا علاقة لها بموضوع الحوار - كان نفسو حار - بتكلم عن الشيوعي ة الشعبي و البعث دون داع غلاط عديل + عدم تهذيب في الردود ..
Post: #21 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:54 AM Parent: #20
نحن لا نتعامل مع الناس بما فعلوا في الماضي و الا ما كنا قعدنا مع الجماعة ديل فهم قد فعلوا بنا ما فعل الحداد ( قالها مبتسما و هو يشيح بيده ) و اردف ( المصائب يجمعن المصابينا ) :)
_ الصادق المهدي في برنامج في الواجهة مع مصطفي اسماعيل
Post: #22 Title: Re: الكبير كبير يا مصطفي عثمان اسماعيل Author: خدر Date: 12-11-2011, 10:57 AM Parent: #21
و ختم الامام الصادق حديثه ب اسكت خليهو الايام بتوريهو
_ ههههههههههههههههههههههه
Post: #23 Title: Re: الكبير كبير يا مصطفي عثمان اسماعيل Author: خدر Date: 12-11-2011, 11:05 AM Parent: #22
مصطفي اسماعيل يثبت في الحلقة عدم اختلاف الامة مع الوطني علي نسبة المشاركة الاختلاف كان فيما يخص الاجندة الوطنية لحزب الامة ، حيث وافقوا علي معظمها لكن اختلفوا في تفاصيل اخري ليس من بينها نسبة الحكم .
حزب الامة براءة من تهمة عدم المشاركة في الحكم بدواعي صغر النسبة المئوية للمشاركة 50% ام 60%
Post: #24 Title: Re: الكبير كبير يا مصطفي عثمان اسماعيل Author: احمد محمد بشير Date: 12-11-2011, 11:08 AM Parent: #22
خدر أخوى سلام انا لا لي في التور لا لي في العجين لكين حبينا نشارككم في العكننة ..
Post: #25 Title: Re: الكبير كبير يا مصطفي عثمان اسماعيل Author: خدر Date: 12-11-2011, 11:13 AM Parent: #24
يعني انا حزب امة يا احمد بشير :) شكرا ياخي علي الفيديوهات ، انا ما حبيت انزلها احتراما لمجهود صحيفة اخبار اليوم و حفظا لحقها لكن كويس انك جبتها عشان تشيل وش القباحة بدلي :)
Post: #28 Title: Re: الكبير كبير يا مصطفي عثمان اسماعيل Author: خدر Date: 12-11-2011, 11:32 AM Parent: #25
مصطفي اسمعيل يتحدث عن اخفاقات حكومة الصادق المهدي في اخر ديمقراطية في الامن و المواد التموينية و المحروقات و يتهمها بانهم ورثوا منها خزينة خاوية من زمن نميري
الاما م الصادق يرد : الصلح الوض بتاع السودان هو وجود البترول و العشرة سنوات الاولي للانقاذ كانت اسواء من التلاتة سنوات من الديمقراطية نحن ما اضفنا دين جديد علي السودان لكن الانقاذ اضافت 9 مليار ديون للسودان ( اصبحت الان 39 مليار ) بسبب الصرف الغير مرشد لعائدات البترول . حدث تضخم هائل في الانفاق الاداري و الامني و السيادي بحيث تضاعفت ميزانية الدولة عشرة اضعاف في عشرة سنين معقول في ظل الاسلام يرفعوا الدعم عن الرعاية الاجتماعية ؟ الجنية السوداني حصل ليهو تضخك ، كل ما يشيلوا منو صفر ينزل صحيح في عهدنا كان في ضيق لكن كان في دولة رعاية اجتماعية ، تعليم مدعوم و صحة مدعومة الليلة لو عاوز تموت في المستشفي لو ما دفعت ما زول بعمل ليك شي
رد مصطفي اسمعيل انو البترول و الدهب ديل نعمة من ربنا نحن طلعناهو. و ضحك ( اشارة في ظني لي انو طلعناهو و نصرفوا علي كيفنا )
Post: #26 Title: Re: الكبير كبير يا مصطفي عثمان اسماعيل Author: Amjad ibrahim Date: 12-11-2011, 11:27 AM Parent: #24
سلامات خدر خباراتك
امبارح حضرت الحلقة بمزاج، و لسواء حظ طفل الانقاذ المعجزة مصطفى عثمان انو السيد الصادق خارج لتوه من المؤتمر الاقتصادي اللي اقامه حزب الامة الشهر الماضي و قدم فيها السيد الصادق ورقة متميزة
الطفل المعجزة فقد اعصابه و قعد يغالط و يردد شعارات الانقاذيين الجوفاء صفوف العيش و البنزين و خلافه كان رد السيد الصادق مقنعا عندما وضح له ان صفوف السلع كانت تعكس قدرة الناس على الشراء و تكدس السلع في عالم الانقاذ القاسي يدل على فقر المجتمع
و استند السيد الصادق بالارقام و الاحصائيات بينما اتى حديث مهين السودانيين طفل الانقاذ ( وصف السودانيين بانهم شحادين) اتى حديث مصطفى عثمان اشبه بغلاط اركان النقاش
اعجبتنى الحكمة التي اوردتها ياخدر عندما قال السيد الصادق موجها كلامه لاحمد البلال محذرا من خطورة الحرب الاهلية
" اسكت خليه الايام بتوريهو" و فعلا وضح ان قيادة المؤتمر الوطني في تيه و ذهول عن الواقع
الله يكفي البلد شر الحرب الاهلية التي لا بد قادمة بحكومة بها 66 وزير
شكرا يا خدر على البوست
Post: #27 Title: Re: الكبير كبير يا مصطفي عثمان اسماعيل Author: محمد فرح Date: 12-11-2011, 11:30 AM Parent: #22
التحكيم خااااااااااااااااااين
راجعزا الفيديو الذي أدرجه علاء الدين يوسف
Post: #29 Title: Re: الكبير كبير يا مصطفي عثمان اسماعيل Author: خدر Date: 12-11-2011, 11:42 AM Parent: #27
يا محمد فرح سيد الصادق قال ناسك ديل في السبعة سنوات الاولي ( باروا القذافي و عملوا ليهو الساحة الخضراء و كسروا ليهو حيطة السجن و كان بديهم البترول باسعار مخفضة و بالدين و ادوهو بدلها جنينة الحيوانات دي ) الكلام ده صحي ؟ :)
_ جيب لينا فيديو زولك ده هنا ، عشان ما نتغالط ساي :)
Post: #30 Title: Re: الكبير كبير يا مصطفي عثمان اسماعيل Author: قيقراوي Date: 12-11-2011, 11:57 AM Parent: #29
Quote: جيب لينا فيديو زولك ده هنا ، عشان ما نتغالط ساي :)
او قول لينا:
خوووووووودوا عيني شوفوا بيهاااااااا!!
Post: #31 Title: Re: الكبير كبير يا مصطفي عثمان اسماعيل Author: محمد فرح Date: 12-11-2011, 12:03 PM Parent: #29
ده رابط الفيديو وأظن مافي سوداني مابعرف مدى متانة العلاقه الكانت بين حزب الأمه والقذافي اللي دعمهم بالمرتزقه وبالعتاد والمال وتسببوا في تهديد البلد وقتلوا من قتلوا ده تاريخ أسود مابتنسي القذافي عدائه للإنقاذ كان واضح وصريح لدرجة إنو ماكان بدس الدعم البقدموا لخليل وبقية الحركات المسلحه بدارفور والحمد لله الذي أبعد عن أفريقيا والعالم أذى القذافي وحرر الشعب الليبي من أذاه ونشكر للحكومه الليبيه الجديده إنها ماإتناست الدور السوداني الكبير في تحرير طرابلس والقبض على مساعدي القذافي وده الأمر اللي إنعكس خيراً وفيراً ومتن العلاقات بين الشعبين
Post: #34 Title: Re: الكبير كبير يا مصطفي عثمان اسماعيل Author: خدر Date: 12-11-2011, 01:43 PM Parent: #31
يا محمد فرح شكرا علي جلب الفيديو بدون خسائر :) كدي اسمع المقطع المسجل ده و اسمع النكران البلا خجلة بتاع مصطفي اسمعيل و قول لي رايك
Post: #32 Title: Re: الكبير كبير يا مصطفي عثمان اسماعيل Author: حمد عبد الغفار عمر Date: 12-11-2011, 12:17 PM Parent: #27
سلام يا خدر
الصادق المهدي دائما بتحس بالمسئولية والجدية في كلامو
وتناولو للأشياء دائما فيهو عمق نابع من معين الثقافة الكبيرة البتميز الصادق المهدي
حاجة تانية الصادق المهدي زول معروف جيد للدوائر العالمية بل معترف بيهو في الدوائر دي كزول سياسة محترف
لذلك كان واضح الفارق الكبير في منطلقات النقاش عند الرجلين والترجيح الحتمي لكفة النقاش لصالح المهدي
سمحة الحتة بتاعة تجربة تونس ومحاولة نقلها للسودان
Post: #33 Title: Re: الكبير كبير يا مصطفي عثمان اسماعيل Author: ABDALLAH ABDALLAH Date: 12-11-2011, 01:25 PM Parent: #32
Quote: الاما م الصادق يرد : الصلح الوضع بتاع السودان هو وجود البترول و العشرة سنوات الاولي للانقاذ كانت اسواء من التلاتة سنوات من الديمقراطية نحن ما اضفنا دين جديد علي السودان لكن الانقاذ اضافت 9 مليار ديون للسودان ( اصبحت الان 39 مليار ) بسبب الصرف الغير مرشد لعائدات البترول . حدث تضخم هائل في الانفاق الاداري و الامني و السيادي بحيث تضاعفت ميزانية الدولة عشرة اضعاف في عشرة سنين معقول في ظل الاسلام يرفعوا الدعم عن الرعاية الاجتماعية ؟ الجنية السوداني حصل ليهو تضخم ، كل ما يشيلوا منو صفر ينزل صحيح في عهدنا كان في ضيق لكن كان في دولة رعاية اجتماعية ، تعليم مدعوم و صحة مدعومة الليلة لو عاوز تموت في المستشفي لو ما دفعت ما زول بعمل ليك شي
شكراً لك مرةً أخرى الأخ خدر ودعنى أضيف لهذه المداخله :- 1- وأصبحت القيمه الشرائيه للجنيه السودانى تساوى صفراً. 2- سوء السجل بعدم إيفاء سداد الديون وتراكمها دفعت البنك الدولى وصندوق النقد الدولى الى حظر إسم السودان من أى إستفاده تقدمها الدول المانحه رغم وصول مندوبه على منصب مدير تنفيذى. 3- ولوجود مخارجه من تلك الديون والتى أصبحت حجر عثره كؤود , وافقوا على فصل الجنوب بعد فشلهم فى إخضاعه عسكريَاً , مؤملين بضرب عصفورين بحجر الإرتياح من مشكلة الجنوب وكسب رضا الدول الغربيه المانحه لتشطب ديونها لكن النتيجه ميته وخراب ديار.
Post: #35 Title: Re: الكبير كبير يا مصطفي عثمان اسماعيل Author: سفيان بشير نابرى Date: 12-11-2011, 01:49 PM Parent: #32
سلام يا خدر و يا شباب و يا شابات
طبعاً قطع شك مافينا زول أو زولة ممكن يتغالط فى آدب و احترام السيد الصادق بس صراحة أنا زعلان زعل شديد جداً أنو السيد الصادق يوافق و يرضى أن يكون في مواجهة هذا الرجل ، جد حاجة تغيظ أنا ما عارف السيد الصادق و افق ليه!!؟ أنا لو في حتت السيد الصادق برفض رفض قاطع مواجهة زول زي دا و طوالي ببلغ صاحب البرنامج و برشح محمد حسن (فول) فهو جدير أن لقن هذا الرجل الدرس الذي يستحقه (ليس طعن في آدب و احترام صديقي محمد حسن لكن محمد حسن يعرف تمام كيف يتعامل مع هذا الرجل) و زي ما قلته السيد الصادق يعف تماما عن المهاترة .
علشان كدا يا خدر أن شايف ال50 صفر دي ذاتو نتيجه ظالمه للسيد الصادق و شايف رغم هزيمته للرجل هذا إلا أن ردة فعلى الخاصة ما كويسه و ما متفاعله ابداً مع الحصل دا .
و الله يا جماعة الزول دا كان ترسلوا ليهو اخونا فتحي مادبو عشان يفهم حاجة !!
لكن زول الموتمر الوطنى طلع جد ما بعرف حاجة مجرد راجل محموق و حانق ياخ دا كان بينظر للسيد الصادق نظرة بتاعة حنق و غل و زعل مبالغ فيه زيادة على كدا الزول دا ما عندو اصلاً احترام و آدب نهائي و طريقتوا فى الكلام بتدلل على كدا .
تحياتي يا ناس
ـــــــــــــــــــــــــــــــــــــــــــــــــــــــــــــــــــ يا فول و يا مادبو عارررررفكم بتكونو متابعين البوست دا فافهموني صاح يا فرد لووووووووول و افهم ليه انا مغيوظ من السيد الصادق لوووووول .
Post: #36 Title: Re: الكبير كبير يا مصطفي عثمان اسماعيل Author: خدر Date: 12-11-2011, 02:25 PM Parent: #35
يا سفيان شفت الفرق بين الادب و الثقافة و الالمام بالامور و بين الغلاط. ؟ اللقاء ده جد جد ذكرني الديمقراطية الاخيرة و شفت بي عيني الفرق بين السياسة كعلم و تربية و بين العنتريات و الغوغائية ال######ت اضاننا طوال السنوات العشرين الفاتت
سيد الصادق ، ما في كلام ما عندو نديد من سياسيي المؤتمر الوطني مصطفي اسمعيل مفروض يكون انضف الحلول ال######انة باعتبارو وزير خارجية الانقاذ الرئيس لكن نسوي شنو !! اصبر خليهو الايام بتوريهو :)
Post: #37 Title: Re: الكبير كبير يا مصطفي عثمان اسماعيل Author: سفيان بشير نابرى Date: 12-11-2011, 03:20 PM Parent: #36
Quote: اصبر خليهو الايام بتوريهو :)
ياخ دي انا كانت عايزه تكتلنى رسممممممي يمين الله بعد ضحكته و انتهيت و نمته جاتنى ضحكة فى النوم يمين الله .
Post: #38 Title: Re: الكبير كبير يا مصطفي عثمان اسماعيل Author: محمد حامد جمعه Date: 12-11-2011, 03:51 PM Parent: #37
الصادق المهدى (حفظه الله ) كان فى لياقة ذهنية عالية وعامل تحضير كويس
Post: #39 Title: Re: الكبير كبير يا مصطفي عثمان اسماعيل Author: عبدالمجيد الكونت Date: 12-11-2011, 04:00 PM Parent: #38
حكيم الامة
لن تلد السياسة السودانية مثله في القريب .....حفظه الله
Post: #40 Title: Re: الكبير كبير يا مصطفي عثمان اسماعيل Author: El Dukhri Date: 12-11-2011, 04:15 PM Parent: #39
بكل امانة لقد كان السيد الصادق في قمة الموضوعية مما افحم مصطفى عثمان واقصاه تماما ، التحية للسيد الامام وهذا عشمنا فيه .
Post: #41 Title: Re: الكبير كبير يا مصطفي عثمان اسماعيل Author: ود الباوقة Date: 12-11-2011, 04:25 PM Parent: #39
سيد صادق لما كان رئيس وزراء
د . مصطفى لم يولد بعد
وشكرا
Post: #42 Title: Re: الكبير كبير يا مصطفي عثمان اسماعيل Author: عمر دفع الله Date: 12-11-2011, 04:47 PM Parent: #41
والله يا خدر حالتكم تحنن .
ياهو دا عماركم مع الشعوب . دا كبير ودا صغير والتاءات التلاتة والطاءات الخمسة والناس الكبار بالجد قادوا الربيع العربى وقلعوا العفاريت عدييييييل .
ولا اقول ليك خليكم مع صاحب البرنامج ابو شلاضيم دا ومع ضيفو الكبير وضيفو الصغير وبعد ما تخلصوا من البرنامج غيروا لقناة الجزيرة واستمتعوا بالربيع العربى يا اعاجم .
والله صاحب البرنامج دا انا بكرهو اكتر من ملاح الويكاب . ياخى ذنبا شنو عشان تلوث لينا المنبر بى خلقتو دى .
Post: #43 Title: Re: الكبير كبير يا مصطفي عثمان اسماعيل Author: خدر Date: 12-11-2011, 06:43 PM Parent: #42
Quote: والله يا خدر حالتكم تحنن .
ياهو دا عماركم مع الشعوب . دا كبير ودا صغير والتاءات التلاتة والطاءات الخمسة والناس الكبار بالجد قادوا الربيع العربى وقلعوا العفاريت عدييييييل .
ولا اقول ليك خليكم مع صاحب البرنامج ابو شلاضيم دا ومع ضيفو الكبير وضيفو الصغير وبعد ما تخلصوا من البرنامج غيروا لقناة الجزيرة واستمتعوا بالربيع العربى يا اعاجم .
والله صاحب البرنامج دا انا بكرهو اكتر من ملاح الويكاب . ياخى ذنبا شنو عشان تلوث لينا المنبر بى خلقتو دى .
يا ابو عمير ، انت بوستنا ده في عضمو ما فهمتو .. داير تسقط الحكومة كيف ؟ :) ثم ياخي السياسة دي ما فيها عواطف و انا بحب فلان و مكجن علان عشان قدومو :) و انت وكت شايفنا اعاجم و بنستمتع بي برامج التلفزيون ما تخلينا في سجمنا و رمادنا .. مباري بوستاتنا مالك ؟ غبيان من مكان الناس الكبار ؟ ما تمشي ليهم !!
_ اكتب لي روحك اعد يا عمر و اقرا البوست تاني ، يمكن تفهم عاوزين نقول شنو نحن .
Post: #44 Title: Re: الكبير كبير يا مصطفي عثمان اسماعيل Author: خدر Date: 12-11-2011, 06:57 PM Parent: #43
Quote: سيد صادق لما كان رئيس وزراء
د . مصطفى لم يولد بعد
وشكرا
ههههههههههههههههههههههه حتي في دي عاوز تكضب يا ود الباوقة ؟ مصطفي اسمعيل بنفسو قال في اللقاء ده انو الصادق لمن كان رئيس وزراء ( نحن كنا صغار ) يعني ما حدد صغار قدر شنو :)
_ زولكم الصغيروني ده ما ادوهم في المدرسة زمان انو ما يغالط و يفاصح الناس الاكبر منو ؟ :)
Post: #47 Title: Re: الكبير كبير يا مصطفي عثمان اسماعيل Author: عمر دفع الله Date: 12-11-2011, 07:37 PM Parent: #44
Quote: ما تخلينا في سجمنا و رمادنا .. مباري بوستاتنا مالك
ياخى انا جيت جارى جرى للبوست يا خدر قلت الليلة البلد بقا فيها كبير اخيرا والربيع العربى هبت نسايمو علينا وبكرا تتزاحم الفضائيات على اخبار بلدنا الفضل .
اها الموضوع طلع برنامج ابو شلاضيم البذكرنى بملاح الويكاب وفي حضرة رئيس الوزراء المخلوع بقوة السلاح وفي الطرف الآخر ( ابو الدبلوماسية السودانية ) .
هسى يا خدر في ذمتك السيد الصادق دا لو ما فياقة منو إقعد إضيع في زمنو مع الهلافيت الاتنين ديل في برنامج يشاهده الملايين من الناس المغلوب على امرها وكايسا للخلاص حتى و لو بواسطة الشيطان زاتو ؟ !
Post: #46 Title: Re: الكبير كبير يا مصطفي عثمان اسماعيل Author: جمال خضر Date: 12-11-2011, 07:15 PM Parent: #42
Quote: سيد صادق لما كان رئيس وزراء
د . مصطفى لم يولد بعد
وشكرا
ود الباوقة
لك التحية
هو الوداهو يلعب مع الكبار شنو
عشان يتشلت كده غايتو نجمو نجام
قبورة متمنى لى حاجة زى دى لى نافع
Post: #48 Title: Re: الكبير كبير يا مصطفي عثمان اسماعيل Author: خدر Date: 12-11-2011, 08:02 PM Parent: #46
مقطع فيديو للمقارنة بين الوضع الاقتصادي ايام الديمقراطية الاخيرة بالمقارنة مع الوضع الاقتصادي الان يسبقه حديث قليل عن التجربة الاسلامية في الربيع العربي.
Post: #49 Title: Re: الكبير كبير يا مصطفي عثمان اسماعيل Author: عمر دفع الله Date: 12-11-2011, 08:23 PM Parent: #48
- ايهما افضل يا سيد الصادق , الفترة الاولى ام الفترة الثانية ؟ -مافى شك الاولى افضل من التانية .
؟؟؟؟؟؟؟؟
Post: #50 Title: Re: الكبير كبير يا مصطفي عثمان اسماعيل Author: عبد الملك يوسف الملك Date: 12-11-2011, 08:27 PM Parent: #46
هنالك اعتبارات من الناحية النفسية فالمشجع لمصطفى اسماعيل سيرى انه تفوق على الامام بخمسين صفر ايضا عشان كده كل طرف بشوف الحكم خائن
من الناحية الشكلية فوجود الامام مع مصطفى انتصار للمؤتمر الوطني من قولة تيت فالامام هو الزعيم الروحي والابدي والفرد والاول لحزب الامة عندما يتلجلج مع رجل من الصف الثاني في حزب الحكومة يدخل في مغالطة عن شوراع الظلط والكلام الذي يقوله اي شخص عن سيئات الانقاذ وفسادهاوهومايكتب يوميا في صحف السودان وسودانيزاونلاين والاهم التنازلات الضخمة التي قدمها الاماموهذا هو جوهر الموضوع وهو يتكلم عن ثورة الربيع العربي بالمنظور السوداني اذ يقول ان السودان قد جرب الربيع العربي عبر اتفاقية السلا م
ويمضي في حديثه عن التعاون مع الحكومة ومناداته بعدم تقليد ثورات العرب ويرفض اي اقصاء لاي طرف ويتحدث عن نموذج التحول الديمقراطي زي شيلي وكولمبيا وهلم جرا ثم اشادته بالعشر سنوات الاخيرة في الانقاذ على حساب العشرة الاولى مايريد مصطفى اسماعيل اكثر من ذلك مع التحية ياحكم مفروض تعاين لرجل الخط
Post: #51 Title: Re: الكبير كبير يا مصطفي عثمان اسماعيل Author: خدر Date: 12-11-2011, 11:17 PM Parent: #50
هههههههههههههههه عبدالملك عليك الله شوف ليك شغلة تانية غير التحليل السياسي !! بطريقتك دي يوم بتجيب قون في روحك ، زي اسه :)
Post: #52 Title: Re: الكبير كبير يا مصطفي عثمان اسماعيل Author: سفيان بشير نابرى Date: 12-12-2011, 06:26 AM Parent: #51
Quote: من الناحية الشكلية فوجود الامام مع مصطفى انتصار للمؤتمر الوطني من قولة تيت فالامام هو الزعيم الروحي والابدي والفرد والاول لحزب الامة عندما يتلجلج مع رجل من الصف الثاني في حزب الحكومة يدخل في مغالطة عن شوراع الظلط والكلام الذي يقوله اي شخص عن سيئات الانقاذ وفسادهاوهومايكتب يوميا في صحف السودان وسودانيزاونلاين والاهم التنازلات الضخمة التي قدمها الاماموهذا هو جوهر الموضوع وهو يتكلم عن ثورة الربيع العربي بالمنظور السوداني اذ يقول ان السودان قد جرب الربيع العربي عبر اتفاقية السلا م
ويمضي في حديثه عن التعاون مع الحكومة ومناداته بعدم تقليد ثورات العرب ويرفض اي اقصاء لاي طرف ويتحدث عن نموذج التحول الديمقراطي زي شيلي وكولمبيا وهلم جرا ثم اشادته بالعشر سنوات الاخيرة في الانقاذ على حساب العشرة الاولى مايريد مصطفى اسماعيل اكثر من ذلك مع التحية ياحكم مفروض تعاين لرجل الخط
لووووووووووووول يا عبد الملك ياخ دي مصطفي اسماعيل ما بكون فكر فيها هاهاهاهاهاهاها
خاف الله يازول فينا كاااااك
و الله يا عبد الملك متعتني الله يمتعك فى الدارين قول آمييييين
Post: #53 Title: Re: الكبير كبير يا مصطفي عثمان اسماعيل Author: قيقراوي Date: 12-12-2011, 08:23 AM Parent: #52
عمر دفع الله يا فنان
Quote: هسى يا خدر في ذمتك السيد الصادق دا لو ما فياقة منو إقعد إضيع في زمنو مع الهلافيت الاتنين ديل في برنامج يشاهده الملايين من الناس المغلوب على امرها وكايسا للخلاص حتى و لو بواسطة الشيطان زاتو ؟ !
ممكن سؤال؟
لو افترضنا انو السيد الصادق عمل بي نصيحتك اعلاه بخصوص تضييع الزمن دي .. اها عشان يسوي في زمنو شنو بالضبط؟ يظهر في سهرة يكلمنا عن الشعر؟ و لّ يمشي سبق الخيل؟
يا زول الصادق كان في المكان و الزمان الصحيح .. تماماً في الموعد .. و قدر اشواق (الامة)
ثم ياخ الملايين المغلوبة دي السيد الصادق يعمل ليها شنو؟ تنقا هو يعمل ليهم ربيع براو الله ورقبتو دي!؟
ما تطلع الملايين دي- ان وجدت- و تحقق ربيعا براها ياخي!؟
سئمنا و الله
تحياتي
Post: #54 Title: Re: الكبير كبير يا مصطفي عثمان اسماعيل Author: خدر Date: 12-12-2011, 08:46 AM Parent: #53
الجزء المتعلق بعلاقة الانقاذ بالقذافي
شوف دي يا قيقا , this is my favorite one (بالدين , اللي اخد قصادها جنينة الحيوانات )
امبسبول يا قيقا ياخي , ياخي ده حوار متعة عديييل الامام ما خلي ليك حتي ماتسي تونق هيمسيلف ياخي , اداهو هبشة
___ لاحظ للحرجة بتاعت البرتكول العسكري و شوفو صحح لي مصطفي اسماعيل المعلومة بأستخفاف كيف
Post: #55 Title: Re: الكبير كبير يا مصطفي عثمان اسماعيل Author: Elawad Eltayeb Date: 12-12-2011, 01:38 PM Parent: #54
أنا مستغرب اهلنا في حزب الأمة ليه لسه ما عملو ليهم قناة للحزب
على الأقل لو ما للحزب... للسيد الصادق
فهو فعلاً مدرسة في الديمقراطية والمنطق.
ولو قارنا فرص القنوات المتاحة مع حزب السيخ لكانت المقارنة مبكية.
ولو كانت الأرزاق تجري على الحجا هلكن إذاً من جهلهن الكوازن
Post: #56 Title: Re: الكبير كبير يا مصطفي عثمان اسماعيل Author: عمر دفع الله Date: 12-12-2011, 01:54 PM Parent: #54
Quote: ثم ياخ الملايين المغلوبة دي السيد الصادق يعمل ليها شنو؟ تنقا هو يعمل ليهم ربيع براو الله ورقبتو دي!؟
يا اخونا قيقراوي لو السيد الصادق بس نقطنا بى سكاتو إكون ماقصر . وشكلو كدا قنع خلاس من السلطة الشالوها منو عشان كدا بجهز في اولاده وبناته للمستقبل إمكن وعسى ولعل إطلع الولد امام والبنية رئيسة وزراء حتى لا تفقد سلالة الامام محمد احمد المهدى الريادة وقيادة السودان الفضل وحتى لا يصبحوا كاعوام من امثالنا .
الربيع السودانى سيأتى عندما يحين اوانه ويستوفى شروطه . والسيد الصادق يخاف من تداعيات اى تغيير لا يضمن فيه مقعد لآل بيت المهدى لذلك كان تصريحه المعيب بحق قوى الهامش عندما افصح عن مخاوفه من ان تملا - قوى الهامش - فراغ السلطة في حالة سقوط النظام .
اتفق مع الاخ عبدالملك ان المؤتمر الوطنى قد انتصر على السيد الصادق ( من قولة تيت ) عندما ارسل اليه هذا الهلفوت لمحاورته وقد قبل السيد الصادق بمحاورة المستشار الهلفوت بس عشان إتكلم وبس وفي النهاية ما قال حاجة جديدة وخليهو إقعد إباري في تجارب اميركا اللاتنية وامريكا الباسيفكية لانو عارف الربيع العربى دا شعرا ما عندو ليه رقبة .
ورحم الله الشريف حسين الهندى ........
Post: #57 Title: Re: الكبير كبير يا مصطفي عثمان اسماعيل Author: قيقراوي Date: 12-12-2011, 02:11 PM Parent: #56
Quote: لو السيد الصادق بس نقطنا بى سكاتو إكون ماقصر . وشكلو كدا قنع خلاس من السلطة الشالوها منو عشان كدا بجهز في اولاده وبناته للمستقبل إمكن وعسى ولعل إطلع الولد امام والبنية رئيسة وزراء حتى لا تفقد سلالة الامام محمد احمد المهدى الريادة وقيادة السودان الفضل وحتى لا يصبحوا كاعوام من امثالنا .
متفقين يا عمر .. مع اني ما شايف ما يعيب في النظرة دي لو كانت زاوية الشوف (الابوة)! المافي شنو!؟ طالما المظلة ديموقراطية .. و في حرية منافسة الحشاش يملأ شبكتو يا فنان ياخ!
الصادق المهدي عندو مميزات شخصية فريدة جداً، و لا تغمطوا الناس اشياؤهم كما له جلاطاته -حسب زاوية الشوف- و تفاصيل الصراع السياسي
------
الانقاذ انتصرت على الصادق لمن ظهرتو في مناسبتين واحدة عن الشعر، و التانية عن سبق الخيل! دي الما مبلوعة لي انا غايتو ..
خيل و بدون سيف؟ و سبق ساي ما بيداء؟ و هو آخر رئيس وزراء منتخب شعبياً! يا للهول!!
دي تفاصيل الهزيمة هنا .. من زاوية شوفي غايتو.
الربيع العربي ما عندو علاقة بالصادق المهدي و لا محمد عثمان الميرغني و لا نقد .. ابرز ملامح الربيع انو صنعوهو الشباب .. مش الناس الحاضنين الجدادة وخامين بيضا!! الناس الاتسرقت احلامهم .. و استبيحت آمالهم في حياة كريمة الجمرة بتحرق الواطيها اقلو ياخ خليو يمارس هوايتو في شئ مفيد
اكيد لو عاوز اسمع شعر او كلام عن الشعر الصادق ما هو الزول المناسب أكيد .. و سبق الخيل دا ما وكتو .. الناس في شنو اسي مع الربيع دا!؟
سلام و سلام
Post: #58 Title: Re: الكبير كبير يا مصطفي عثمان اسماعيل Author: عمر دفع الله Date: 12-12-2011, 02:57 PM Parent: #57
هو الما بتبلع شوية ! هاك دى يا قيقا كان تقدر تبلعها :
Quote: عندما بدأ النظام المغتصب إعتقال القيادات السياسية في مقارهم المعروفة كان رئيس الوزراء مختبئاً في منزل آمن غرب مدينة أم درمان . وبعد مضي بضعة أيام بعث رئيس الوزراء الشرعي برسالة لقائد الانقلاب نقلها مدير جهاز أمنه السابق ( عبدالرحمن فرح ) مبدياً فيها الاستعداد لتسليم نفسه للسلطات الغاصبة ، شريطة أن يعامل كما عومل السياسيون الآخرون المعتقلون . وتوحي الرسالة أن الصادق كان يخشى من بطش النظام به. آثر الصادق الاختفاء ، بل أزال لحيته إمعاناً في التعمية ، وكان في هيئته تلك عندما ألقى عليه القبض زبانية النظام . وفي الرسالة التي بعث بها للرجل الذي إغتصب منه السلطة ( البشير)، سعى الصادق (كما فعل من قبل مع نميري) لايجاد تكييف نظري لموقفه من الانقلاب . قال انه كان يتملى في حقيقة الانقلاب . أهو إنقلاب وطني ، أم انقلاب موحى به من الخارج ؟ بتلك الكلمات اضفى الصادق المحلل الفيلسوف ، شرعية على النظام ، في حين كان ينبغى على الصادق ، الحاكم الشرعى ، أن يدين الانقلاب جملة وتفصيلاً ليؤكد امراً مبدئياً ، إن كان قد عجز عن إستنهاض قوى الامة لمكافحة الغاصبين.
لو كان الامام الثائر محمد احمد المهدى عندو خصال حفيدو دا ( وميزاتو الشخصية ) على بالايمان كانت الثورة المهدية إنتهت وانقضى امرها في الجزيرة ابا واحتمال كان الانجليز بعد داك يعملوا السيد على الميرغنى علينا ملك وكان لى يوم الليلة ما قدرنا نتفك من ملكية المراغنة .
Post: #59 Title: Re: الكبير كبير يا مصطفي عثمان اسماعيل Author: قيقراوي Date: 12-12-2011, 03:09 PM Parent: #58
Quote: لو كان الامام الثائر محمد احمد المهدى عندو خصال حفيدو دا ( وميزاتو الشخصية ) على بالايمان كانت الثورة المهدية إنتهت وانقضى امرها في الجزيرة ابا واحتمال كان الانجليز بعد داك يعملوا السيد على الميرغنى علينا ملك وكان لى يوم الليلة ما قدرنا نتفك من ملكية المراغنة .
-------
غايتو في عهد الخليفة جعفوري الصادق -خريج روضة دار الحنان- كان حنان ساي الربيع خلعو (اقرا راسياً و افقياً في "الخلع" دا)
Post: #60 Title: Re: الكبير كبير يا مصطفي عثمان اسماعيل Author: خدر Date: 12-13-2011, 09:20 AM Parent: #59
Quote: غايتو في عهد الخليفة جعفوري الصادق -خريج روضة دار الحنان- كان حنان ساي الربيع خلعو (اقرا راسياً و افقياً في "الخلع" دا
:)
Post: #61 Title: Re: الكبير كبير يا مصطفي عثمان اسماعيل Author: سيف اليزل الماحي Date: 12-13-2011, 11:58 AM Parent: #60
.
الصادق المهدي ده موش هو الصادق المهدي الذي رفض حتى ان يصدق معلومات مدير المخابرات العسكرية برصد تحرك جماعة انقلاب الجبهة! فماذا نصنع نحن بهزيمته لمحاور يسمى مصطفى اسماعيل بعد كم وعشرين سنة من حكم الانقاذ!
)