Post: #7 Title: Re: إهداء من طــارق الأمين .. لزهيـر عثمان حمد (العزابي) ^_^ Author: HAIDER ALZAIN Date: 12-15-2011, 06:01 AM Parent: #6
مرحبوووو يا ابو حسين بالتنجليزي
خلي بالك معاوية عوض الكريم دا.. لسع عريس جديد لنج فبيكون رايح ليهو الدرب خليهو يقدم شوية زينا كدة ورااهو بفك الشفرات
سلامات يا النذير حجازي ياخ
Quote: أقترح إنو نعمل شيرينق لزهير علشان يعرس
عندنا واحد كان بيحكي لينا ونحن صبيان قال: كان في واحد زيكم كدة جنو مشاكل وعامل فيها فتوة يلابخ دا ويقالع دا وكل يوم والتاني في مجلس عائلة للتاديب .. قام ابوهو قال عشان ينفك من شرو مافي حل غير يعرس ليهو قام عرس ليهو مرة ودخل بيها وفجاة اختفي من الحلة.. غاب تب بقي الناس ما بيشوفوهو الا جاي من الشغل داخل البيت.. مارق من البيت ماشي الدكان شايل ليهو ربطة حطب وكيس دقيق.. داخل البيت مارق الجامع وهكذا اها يوم وهو جاي من الدكان شاف ليك الناس جاريين ويكوركو قال ليهم في شنو؟؟ قالوا ليهو تور هائج في الحلة واقع في الناس نطح وما قدرنا عليهو نقبضو قال لهم بسيطة تب يا ناس.. التور دا عرسوا ليهو براااهو بيهمد ويلزم بيتو:)
هسع اظنك عاوز تجيب اجل ابو الزهور دا وتهمدو وتعدمو النفس :)
Post: #8 Title: Re: إهداء من طــارق الأمين .. لزهيـر عثمان حمد (العزابي) ^_^ Author: محمد عمر جبريل Date: 12-15-2011, 06:19 AM Parent: #7
والله يا حيدر أنا ما زعلان إلا من الصورة الخاتيها في بداية البوست دي .. قصدي زهير . . غايتو حاولت أنبه الناس لكن حسن النية غالب
ومن ثم كيف الحال
Post: #9 Title: Re: إهداء من طــارق الأمين .. لزهيـر عثمان حمد (العزابي) ^_^ Author: نوفل عبد الرحيم حسن Date: 12-15-2011, 09:26 AM Parent: #8
