لكين ما الدكتورة حارقها البوره ! دا واحد مسحوا بي البلاط !!

#

حلوه البوره في الدكتورة
ما لكين الدكتوره حارقها البوره
ماهي بقت بت أربعين لكين الوش
مبدر زي بنات الحلبه يوم العيد
والطرحه خفيفه بس شاشه والاسكيترمحزق
كأنو أسترش وأضيق من الضيق كمان
ولازم يتلبس بمساعدة الاخوات والجيران ولو ما في بالفازلين
أكيد أكيد بيزل حاجة تمام
والبلوزه قميص فضفاض
ونهاياتا أخ أنا بتحكي قصة الزمن الجميل
أتخصصت وأجمل الهوايات الفسبكا
وأعراس الصالات والنوداي
والجم بالامسيات وأيسكريم لذيذ
اللذيذة
بالليل الونسة الدقاقة
بالاسكايب مع الجكس النضيف
بالحيل
ما هي فريدة عصرها وبتقول كان كنا أتنين
ما بتروح فيها ياسجمان
أخوكم عامل رشيق وظريف
قدم نفسو كمعجب وعيان
طالب القرب
وصرح:والله يادكتورة عاين بيك
وأنا بحب المنقه مص وعصر
غرودت العيون قالت
داشنوالتخلف دا
أطرح نفسك بطريقه عصرية
وأعرف أنت بتكلم منو
ولا البلد بقت فوضي
لا فيها مقامات ولا ناس بقدر الانسان
أمشي يا شاطر ألعب بعيد
ولا تعال في شنطي حلاوة ولبان
بالله شوفوا عجوز الغابرين دي
سلاسة توت عمخمون
الردما وشها بوردة
ست العيون الجحزات
أنا والله ما بتوب وديمة
بأكل العلقه وأنهان
ما أنتو أحلي النسوان وبنات زمن الجغمسه
وأخوات نسيبه الفقدان التحنان
مات فيكن الاحساس
برضو ياعله بلقي مناي
وبكرة بتقتلك بورتك
وأنا بسعد بعصفورة من جنان رضوان
أخ أنا ماأزمتني و مارست فيني كل أنواع العنف اللفظي ونظرات الحقارة كمان
لكين ما الدكتورة حارقها البوره
والله حارقها شديد البوره يأخوان !!!!

سلام يا أبوالزهور ,,,

الرجاء التوقف عن إطلاق النار على رجليك!!! أكرر رجليك!!!


ما ساعدتنا كلو كلو,,,


معقولة بس؟؟؟؟

ــههههههههههههههههه

ابو الزهور النبي فيك تلم لي اعداد الشاهد الاسبوعية الفيها الملحق الثقافي الانت بتشرف عليه لغاية ما اجي الإجازة
دا حيكون ملحق تحفة ما بتفوّت

Quote: ابو الزهور النبي فيك تلم لي اعداد الشاهد الاسبوعية الفيها الملحق الثقافي الانت بتشرف عليه لغاية ما اجي الإجازة دا حيكون ملحق تحفة ما بتفوّت

هسه عليك الله ..أبو الزهور دا طارح نفسو مثقفاتى ..

دا أسلوب زول مشرف على ملحق ثقافى لصحيفة ؟!

هانت الزلابية فى عهد الإنقاذ .

.........

واحدة وصلت الأربعين .

أبو الزهور وشه معجن زى الكدارة القديمة
شلاليفو زى كفرات العربية المطرشقة
وجدومو زى الفيل أبو زلومة

شكلو ما بيسر العين
وكلامو بيعمل وجع إضنين
حيلو ميتان ومروته بين بين

لونه شاحب وشربان تقول ما عندو لون
وشعره ركيك ومضروب خالى من الفنون
وكمان جاى عامل فيها آلن ديلون

Quote: أبو الزهور وشه معجن زى الكدارة القديمة شلاليفو زى كفرات العربية المطرشقة وجدومو زى الفيل أبو زلومة شكلو ما بيسر العين وكلامو بيعمل وجع إضنين حيلو ميتان ومروته بين بين لونه شاحب وشربان تقول ما عندو لون وشعره ركيك ومضروب خالى من الفنون وكمان جاى عامل فيها آلن ديلون

البوست دا فيهو أنواع من العنف ضد المرأة :

تمييز بناء على العمر
إساءة للنساء غير المتزوجات
إزدراء للنساء المتعلمات ( ودا طبعا أسبابه معروفة )
تدخل فى لبس النساء ( وبصراحة عندنا رأى فى البتدخل فى لبس النسوان )

.............

بعدين إنت قايل النساء المتعلمات عافن الزواج ليه ..
ما عشان الرجال الجد ماتوا فى كررى ..وفضلوا أمثالك ديل من الرجال النص كم .

Quote: أبو الزهور وشه معجن زى الكدارة القديمة شلاليفو زى كفرات العربية المطرشقة وجدومو زى الفيل أبو زلومة شكلو ما بيسر العين وكلامو بيعمل وجع إضنين حيلو ميتان ومروته بين بين لونه شاحب وشربان تقول ما عندو لون وشعره ركيك ومضروب خالى من الفنون وكمان جاى عامل فيها آلن ديلون

لكن يا امنه ده ما ابوالزهور القال الكلام ده
قاليكم ده واحد شكلو دكتوره مسحت بيهو الواطه قام قال فيها الشعر ده
زى ما انتى هخسى قاعده تمسحى فى ابو الزهور

امنه مختار العزيزه

بس عايزه اقول ليك
حلاتك

الاستاذةأمنه مختار
تحياتي
في البداية أثلج صدري أن تكوني واحدة من قراء العبد لله لمقامك الرفيع في نفسي فأنت بوردابية معتقة وصاحبة قلم رشيق وقليلة سجال لا طائلة منه بل صاحبة المكتبات التي ندل الاخوات في الصحافة السيارة لقراءة بعض أفكارك وطريقة معالجتك لنصوصك وأيضا ما أسعدني ردة فعلك العفوية دافعا عن بنات جنسك في زمن قل فيه الذين يحملون قضايا الاخرين متعك ربي بالعافية لاغرو ما ذهبت اليه هو الفوضي والتهجم الغير مبرر علي شخص له حقوق وكان الاجدر أنا أحترم أنسانية هذه الانسانة في المبدأ وأناأكون صاحب خلق ومباديء ولكن هنا سيدي نكتب الداعبة والطرفة والمسائل الغير جادة بعد أصبحنا في عالم يعتبر الاخلاقيين مرضي ولهم قاع عليل صدقيني لم أقصد عنفا صريح ضد المرأة أو بنات بلدي فأنا أبن أصوال وسليل مجد مؤثل ولكن قد نشطط أحيانا ونضل وهذا هو حال النفس الانسانية عند ما يدركها السأم وتسيطر عليها مشاكل الزمن ومعضالات الحياة الشخصية وصراعات الفكر والاقصاء الذي يمارس علينا في كل حين ولحظة عذر سيدتي والله كل ما تم مبرأمن الشخصانة وممارسة غل أو معالجة النصوص من خلال غبن أوحقد قديم لا والله وأحمدالله لي أم أجلها كثيراوأخوات وزميلات عمل وصديقه وعشيقه ومحبوبة فهن الحياة وأنبل الروابط والاواصر وهذاليس سلوكي أو فهمي للحياة مع بنات حواء الارض بل كل ما ورد كان داعبة أو مزحة سخيفة أرجو أن لا أكون تسببت في جرح الاخوات وأنا غافل ضليل ولهن في جناني مكانة سامية وتقدير يرقي لمقامعن ودورهن في الحياة والمجمتع

سيدتي الكتابة علي المنتديات بالعالم الاسفيري لابد أن تحرر من قيود الكتابة المتعارف عليها لكي نفسح المجال لاقلام شابة لديها القدرة علي الكتابة ولكن بطرق بسيطة ولكنها في النهاية تؤدي لمعني وهذا حالي بالرغم من أن مشروع التخرج الذي تقدمت به هو اللغة العربية وتطور الخطاب السياسي خلال نصف قرن بالصحافة السودانية ولكن أعلمي قد يكون أكون أجهل من ضب بصحراء العراق ولكن أبارك من يوجودون الان علي الساحة وخاصة ساحة الصحافة الثقافية لا أريد أن أطرح نفسي كمثقف أو ناشط فدوري محدد بالخبر والصورة والتقرير الاخباري وكل الذي أقوم به هو محاولة أن نكون صحافة يحترمها القراء لا أقل ولا أكثر حتي نكون بحق أهل أمانة وصدق لا منافقين وأصحاب غرض ولكن لي من التوفيق الالهي أن أجد من يقرأ في هذا المنبر فهم أخوة وأصدقاء تسود بيننا الداعبة وعدم الجدية وما أبغض ضنك المنافي والهجرة وطول الاغتراب دعينا نلهو بعفوية لكي نحفف غلواء المعاناة علينا وصادق أقول لا أمت للانقاذ بصلة لا من قريب ولا بعيد, لقد أعجني وصفك الرائع وتصوريك لشخصي وأحمد ألله علي خلقي وصورتي المتواضعة وبالرغم من بشاعة الصورة ولكن لهذه الصورة التي ترينها غاية في القبح حسناوات يموتن ولها تعلقا بها فالجمال جمال الخلق والطبائع لا المنظر أوالصورة وأقول أحمد الله علي أمراضي الشخصية فهي أمام علل الاخرين بسيطةو يمكن أن تعالج ولكن متي وكيف هذا أمرأ أخر لا أخوض فيه
سيدتي العزيزة والاستاذة المبجلة أود أن يكون هذا السجال بدات لتعامل راقي يؤسس لعلاقة صداقة أنسانية نحترم فيها أنسانية بعضنا البعض بلا ضرر ولا أذي وأاسف كثير لما سببته لك من ضيق عسي ربي يجعل ذلك في ميزان حسانتك ومرة أخري أتشرف بأن يكون لي صديق يهديني عيوبي قبل أن يجاملني
متعك ربي بالعافية ولك كل الاجلال أختي الكريمة

الاستاذ عبد الله النجيب هومسؤول القسم الثقافي بالشاهد..

كان عندي فيها عمود قبل فترة...

ويبدو انو امورها ما ماشة كويس لتدخل صاحبها في الخط اليومي للصحيفة(فصاحبها وزير اقيل في التشكيل الاخير).منعوني من كتابة عمودي لاسبوع لانتقادي والي الخرطوم واحد اصدقائي من الوزراء هذا الاخير الذي تدخل لدى المالك مفهمااياه انو القصة دي عادية وهو ما زعلان، وعندما تحدثت مع رئيس التحرير النحاس عن سبب ايقاف العمود افهمني انها اوامر عليا ..فسخرت منه وهو المنوط به حماية صحفييه قبل حماية كرسيه...

المضحك انو النحاس كان اول الخاسرين والخارجين من الشاهد رغم (مسًَََََََََََاحته!!!!)



الغريبة انو رغم دعم الحزب كانت الصحيفة مفلسة خالص قالوا القروش ما بتجي الجريدة

فانا لدي بطرفهم متاخرات شهرين ما قادرين يدفعوها

والله انت احلى زول

Quote: فانا لدي بطرفهم متاخرات شهرين ما قادرين يدفعوها

صهيب يا صديق ..
هسه نحنا فى شنو ..وإنت فى شنو ..

قروشك ما أظن عند أبو شلاضيم دا ........:)

Quote: لكين ما الدكتورة حارقها البوره

والله الدكتورة ما شكلها حارقاها البورة ...
لكن في زول شكلو حرقو الشلوت حرقة لمن عمل ليهو فقدان توازن ...
داير يكتب خطاب كتب بوست ... هئ هئ هئ
ثم نحن ذنبنا شنو ... كل واحد يجي يستفرغ عقدو في المنتدى دة ويفوت ... في زول قال ليكم إنو دي "مطرشة" (إن صح الاشتقاق) ..
دنيا عجيبة ...

......................................................................................

والله يا أبو الزهور حقوا الواحد يفتح فيك
بلاغ بأشانة سمعة العزابه بالبورد يازول
الجرس لزوما شنو الصوم دا مالوا عيبوا لي؟
صوم لمن الله يفرجا .

Quote: الجرس لزوما شنو الصوم دا مالوا عيبوا لي؟

او اشتري ليك فيل

زهير سلامات

واعمل حسابك...يا زهير البورد
ده مليان جندريات خطرات اعمل حسابك!


اها آمونه ردمتك.....وما قصرت.يبقى نخليك الفيك مكفيك!

غايتو يا عادل الباهي.....حرام عليك
عايز تسكت زهير لمتين وايمان بدر الدين شانة حمله على
زواج (راجل المرا) وانت تقول لزهير سوم واسكت؟!

Quote: بلاغ بأشانة سمعة العزابه بالبورد يازول الجرس لزوما شنو الصوم دا مالوا عيبوا لي؟ صوم لمن الله يفرجا .

يا نشطات قضية المرأة والاسرة كيف نحارب زواج الزوج المتزوج (راجل المرة
اها لولا صومكم وصمتكم لما برطع رجال النسوان مثنى وثلاث ورباع!

زهير صباح الخير

جاك عرض من بنات كوستى الحق قبل يطير ,,,,,

العزيزة تراجي
طابت أوقاتك بكل خير

Quote: غايتو يا عادل الباهي.....حرام عليك عايز تسكت زهير لمتين وايمان بدر الدين شانة حمله على زواج (راجل المرا) وانت تقول لزهير سوم واسكت؟!

يأخي أبو الزهور دا عملها ظاهرة كل صباح لوماجاب السيرة
دي مابرتاح أها أسع مسكت فيهوا امنه مختار طقطقتوا في محلوا
ثلاثه صفر ، هو زول صبر لمن دخل الزون خليهوا يصوم لمن يأتي
الله بالفرج

Quote: اها لولا صومكم وصمتكم لما برطع رجال النسوان مثنى وثلاث ورباع!

أي حاجة لمن تجي في وقتها وبفهم بتكون كويسة والعرس ماصعب المشكلة
تكون الشغلانية هبتلي ساكت الواحد يعذب ليهوا بنت ناس وأطفال ذنب ماعندهم
ورجال النسوان ببقي ليهم بمبي بعد العرسه الثانيةوالامثله كثيرة .

السلام لزهير ورحمة الله وبركاته

Quote: توت عمخمون

بالله هو توت دا عم خمون ؟؟؟؟
والله أول مرة أعرف يا أبو الزهور ..
لكن صاحبك أظنو قاصد (توت عنخ آمون) ..
وبصراحة لو قاصد الأخير دا فيستاهل يمسحوا بيهو البلاط وأية حاجة ذاتو .

الزول ده محتاج مساعدة عاجلة .. بؤس شديد

الاخوة والاخوات البورداب والعابرين والضيوف

صباح الخير وشكرا علي المداخلات و زيارة البوست أو المرور عليه أنا صحيت الان من نومة أمس بعد الاحتفال بشخصي الضعيف في ليلة شتوية فنانة و حضرة بعض الاصدقاء وماشي الصلاة وبعدها يكون الرد علي الاستاذ أمنه أحمد مختار وكل الاحباب
دمتم ولكم ودي

يا ابو الزهور جمعتك مباركة
ترد على امنة بت مختار براها كدي
والباقين في كوتة واجدة
ياخ عصرت عليهم شديد!!!


دام ليكم الود

Quote: ماهي بقت بت أربعين لكين الوش مبدر زي بنات الحلبه يوم العيد

يا النبي نوح

Quote: وصرحت:والله يادكتورة عاين بيك وأنا بحب المجنه مص وعصر

وضح فسر أبن يا أبو الزهور
فقد تعبنا من القراءة بين السطور

اتوقع اصحابك المحتفلين بيك ديل كتاب و مثقفين من الوزن الثقيل زيكـ كده

Quote: أنا صحيت الان من نومة أمس بعد الاحتفال بشخصي الضعيف في ليلة شتوية فنانة و حضرة بعض الاصدقاء وماشي الصلاة

ابو الزهور متبعا القول المأثور:اعمل لآخرتك كأنك تموت غدا و لدنياك كأنك تعيش أبدا.

Quote: ولكن لهذه الصورة التي ترينها غاية في القبح حسناوات يموتن ولها

وجع...

ههههههههههههههه
وريها بالله
هي آمنة كمان شن عرفها

العزيز ودالبشري
يا خي أمنه دي خلوها والله هي ما قبلت حركات أبوالزهراء النص كم دي وليها حق ودا رأي كمان والله يا ود البشري في واحدة جارتنا بعد صلاة العصر جات عملت عمايل أخوك سمع كلام كان ميت يحي تاني والله ياصديق أنا ما قيل قصتي بقت كدا وأحسن أعلان أستسلمي

الأخ الحبيب زهير
سلام ليك وتقدير يا زول ..

Quote: أتشرف بأن يكون لي صديق يهديني عيوبي قبل أن يجاملني

أعجبني هذا واحي فيك هذه الروح السمحة وعليه وبعد أن قرأت ردك أعلاه لآمنة مختار
يسعدني أن أكون صديق يهدي العيوب والله هو العليم ..
هذه

Quote: ولهم قاع عليل

لم أفهمها والله وأتمني أن تشرحها
وهذه

Quote: مبرأمن الشخصانة

أظنك تقصد الشخصنة بدون ألف .
وهذه

Quote: ولكن أبارك من يوجودون

وأظنك تقصد الموجودين أو الموجودون أو من تواجدوا
وهذه

Quote: نكتب الداعبة والطرفة والمسائل الغير جادة

كررتها أكثر من مرة وأظنك تقصد الدعابة
وهذه

Quote: وكان الاجدر أنا أحترم أنسانية هذه الانسانة في المبدأ وأناأكون صاحب خلق

كررتها أكثر من مرة أيضا وأظنك تقصد أن
وهذه

Quote: وقليلة سجال لا طائلة منه

وأظنك تقصد لا طائل منه بدون تاء مربوطة.
تحياتي ليك مرة تانية وتقديري وأرجو لك التوفيق .

Quote: أنا ما قيل قصتي بقت كدا وأحسن أعلان أستسلمي

استسلام شنو يا ابو الزهور ياخ
و الحسناوات البموتن ولهن ديل زنبهن شنو ؟
اوعك تستسلم وخليك صنديد كعهدنا بيك

Quote: والله ياصديق أنا ما قيل قصتي بقت كدا وأحسن أعلان أستسلمي

طبعاً أنا لي ساعتين بعافر وأتح وأرح لمن بلعت حبة ضغط عشان أفهم الجملة دي والحمد لله ربنا فتح على في الآخر وقدرت أفك طلاسمها، كان غلطت واحد يصححني بالله:

"والله يا صديق أنا ما قايل قصتي بقت كدا وأحسن أعلن إستسلامي"
دة شكلو عربي بالأردو :)

كيف بالله أنفع بتاع شفرات في المخابرات ....

Quote: وهذا حالي بالرغم من أن مشروع التخرج الذي تقدمت به هو اللغة العربية وتطور الخطاب السياسي خلال نصف قرن بالصحافة السودانية

Quote: الاستاذةأمنه مختار تحياتي في البداية أثلج صدري أن تكوني واحدة من قراء العبد لله لمقامك الرفيع في نفسي فأنت بوردابية معتقة وصاحبة قلم رشيق وقليلة سجال لا طائلة منه بل صاحبة المكتبات التي ندل الاخوات في الصحافة السيارة لقراءة بعض أفكارك وطريقة معالجتك لنصوصك وأيضا ما أسعدني ردة فعلك العفوية دافعا عن بنات جنسك في زمن قل فيه الذين يحملون قضايا الاخرين متعك ربي بالعافية لاغرو ما ذهبت اليه هو الفوضي والتهجم الغير مبرر علي شخص له حقوق وكان الاجدر أنا أحترم أنسانية هذه الانسانة في المبدأ وأناأكون صاحب خلق ومباديء ولكن هنا سيدي نكتب الداعبة والطرفة والمسائل الغير جادة بعد أصبحنا في عالم يعتبر الاخلاقيين مرضي ولهم قاع عليل صدقيني لم أقصد عنفا صريح ضد المرأة أو بنات بلدي فأنا أبن أصوال وسليل مجد مؤثل ولكن قد نشطط أحيانا ونضل وهذا هو حال النفس الانسانية عند ما يدركها السأم وتسيطر عليها مشاكل الزمن ومعضالات الحياة الشخصية وصراعات الفكر والاقصاء الذي يمارس علينا في كل حين ولحظة عذر سيدتي والله كل ما تم مبرأمن الشخصانة وممارسة غل أو معالجة النصوص من خلال غبن أوحقد قديم لا والله وأحمدالله لي أم أجلها كثيراوأخوات وزميلات عمل وصديقه وعشيقه ومحبوبة فهن الحياة وأنبل الروابط والاواصر وهذاليس سلوكي أو فهمي للحياة مع بنات حواء الارض بل كل ما ورد كان داعبة أو مزحة سخيفة أرجو أن لا أكون تسببت في جرح الاخوات وأنا غافل ضليل ولهن في جناني مكانة سامية وتقدير يرقي لمقامعن ودورهن في الحياة والمجمتع سيدتي الكتابة علي المنتديات بالعالم الاسفيري لابد أن تحرر من قيود الكتابة المتعارف عليها لكي نفسح المجال لاقلام شابة لديها القدرة علي الكتابة ولكن بطرق بسيطة ولكنها في النهاية تؤدي لمعني وهذا حالي بالرغم من أن مشروع التخرج الذي تقدمت به هو اللغة العربية وتطور الخطاب السياسي خلال نصف قرن بالصحافة السودانية ولكن أعلمي قد يكون أكون أجهل من ضب بصحراء العراق ولكن أبارك من يوجودون الان علي الساحة وخاصة ساحة الصحافة الثقافية لا أريد أن أطرح نفسي كمثقف أو ناشط فدوري محدد بالخبر والصورة والتقرير الاخباري وكل الذي أقوم به هو محاولة أن نكون صحافة يحترمها القراء لا أقل ولا أكثر حتي نكون بحق أهل أمانة وصدق لا منافقين وأصحاب غرض ولكن لي من التوفيق الالهي أن أجد من يقرأ في هذا المنبر فهم أخوة وأصدقاء تسود بيننا الداعبة وعدم الجدية وما أبغض ضنك المنافي والهجرة وطول الاغتراب دعينا نلهو بعفوية لكي نحفف غلواء المعاناة علينا وصادق أقول لا أمت للانقاذ بصلة لا من قريب ولا بعيد, لقد أعجني وصفك الرائع وتصوريك لشخصي وأحمد ألله علي خلقي وصورتي المتواضعة وبالرغم من بشاعة الصورة ولكن لهذه الصورة التي ترينها غاية في القبح حسناوات يموتن ولها تعلقا بها فالجمال جمال الخلق والطبائع لا المنظر أوالصورة وأقول أحمد الله علي أمراضي الشخصية فهي أمام علل الاخرين بسيطةو يمكن أن تعالج ولكن متي وكيف هذا أمرأ أخر لا أخوض فيه سيدتي العزيزة والاستاذة المبجلة أود أن يكون هذا السجال بدات لتعامل راقي يؤسس لعلاقة صداقة أنسانية نحترم فيها أنسانية بعضنا البعض بلا ضرر ولا أذي وأاسف كثير لما سببته لك من ضيق عسي ربي يجعل ذلك في ميزان حسانتك ومرة أخري أتشرف بأن يكون لي صديق يهديني عيوبي قبل أن يجاملني متعك ربي بالعافية ولك كل الاجلال أختي الكريمة

- تعبت من الرصد
- جمل كثيرة لم أفهمها ( طبعاً الغلط فيني أنا )

سؤال جادي عزيزي أبو الزهور

مااسم الجامعة التي تخرجت فيها ؟؟؟

عشان أعرف أختار جامعة لأنجالي الذين هم بفضل الله على مشارف الدراسة الجامعية



________________

آمنة مختار

مين أدك ؟؟؟

عاطف ليه عايز تعمل شنو ح ترفع قضية علي الجامعة هي أساسا مخستكه ما في داعي للمشاكل وناس الجامعة الاسلامية ديل الايام دي نافذين أعمل حسابك وشغالين جغمسه زي حالتي كدا وجاي أبعد بجلدك من المشاكل !

Quote: واحدة وصلت الأربعين .

أموووووووووونة اضحك الله سنك ياخ
وليك من عندي اربعين وش اخدر مدردق ومدور لوووووووولز


سلام اخونا زهير صاحب البوست
ياخوي اعمل حسابك ورفقا بالقوارير
ما تنسا القوارير دي زاتها ياها البقولوا عليها
إن كيدهن عظيـــــــــم
والله على قول تراجي البورد ملان جندريات , كل واحده بتجيك بي طاقة
انا غايتو إن قبلت عليك بفك فيك واحد هجاء , يخليك تشرب ما تروى
واللــــــه صحي

الاخت أسماء الجنيد
تحياتي
تعرفي أخوك عايش بص مخ يعني تاخدو علي عمايلو وكتابات التعيسه دي بس خليلك صبوره مافي داعي للتهديد لانو أبوالزهراء نوع قوات وأسلحة حديثه شكرا علي المرور لكين في سؤال أنت برضو أربعنييه معليش ما تزعلي بس سؤال ساي

Quote: لكين في سؤال أنت برضو أربعنييه معليش ما تزعلي بس سؤال ساي

لووووووووووووووووووووووولز
لا يا ابو الزهور خمسينية وإنت الصادق
فيك الخير مالك بخيل كدة ؟ اربعينية دي ما شويــــــــــة ؟
البزعل شنو يابا ؟
العمر اصلو ماااااااااااشي
الله يكبر العقول

اها كده يا حلاتو الهجاء فيك
ناس بطانة كمان واجرك على الله
هيـــع اركز على قول ود الباوقة

غايتو في حاجة ما مفهومة...

أكان ما أخاف الكضب...الشي دا ...يا عوارة راسا عديل...

يا كمان لداحة وتناحة فايتة الحد...

استغفرتك يا مالك روحي...

معقول أنت تكون كداب ما ممكن ياخي

يازهير سلامات

ياخي انت حكايتك شنو مع البورة....؟

Quote: تعالي يابت القبايل والرايعة اللي بتدي الحنان وتجيب الولد وتعمر معاي البيت ما حلمت بيك عمر ودهر طويل بالحيل ياست الناس والله ديناك براك مافيها أمان وضلي أحسن ليك من سراب أحلامك وضلال البوبار وفتنة الدولار أسالي عني بس بفخر بأني أنسان وأنسان معقول ياراتيك تفهمي أني بحاول أبني بيت بالحلال يسع أحلامنا الصغيرة ما بالدجل ودي ظروفي يا حلوة لو عايزة أهلا بيك تعالي ما ح نموت جوع بس بنتعب شوية وأمكن كتير ولكين عوضك مني عشق كبير و حميم وريدة تسوي الدنيا بالفيها لاخر العمر وتصبحي أنت روحي وليك العمر مبذول بس تعالي والله أنا أخير ليك من البورة يازوالة . * رسالة عشان البت اللي بحبها تقبل بالزواج مني شرط لابد من الالتزام به الجندريات أبعدوا بالله

رسالة سابقة من زهير لمن تريد الارتباط به


دعوة جادة جدا لكل من تريد الارتباط بي!

ارجو ان تكف امنة مختار الشهيرة بي امونـة عن ملاحقـة زهيــر الشاعر ..

وارجو الا تقطع حبل افكاره والا تشوش عليه افكار كتاباته ..

الرجل لديه فكرة لكن غالبو يوصله ..


واحد من رابطة المعجبين بي زهــير في الفترة الاخيرة

العزيز تمبس
تحياتي وحمدلله علي سلامتك

المهم أخوك ما شاعر بس بيتكب كلام مجغمس الجماعة ديل بيقول شعر ياخي شعر شنو دا زمن شعر المهم طبعا أنا أعجمي لكين ناسك ديل بيظنوا أني أتقن العربية بعدين *قصة معجبي زهير دي شنو جديدة* بالله خلو الامور تمشي والواحد يلقي بت الحلال بدل التشهير بي أنتو ألله يستر منكم
أموري كدا ح تبوظ شديد!!!!!!

يا زوز..

Quote: انا غايتو إن قبلت عليك بفك فيك واحد هجاء , يخليك تشرب ما تروى واللــــــه صحي

أنساك من كلام أمونة الفوق داك,, لكن التهديد دا تاخدو على
محمل الجد...

بت الجنيد دا الترسانة زاتا وعندها منصة لإطلاق أى حاجة يعنى ممكن تروح فيها والله صحى,,
شوف الساتر بتاعك بى وين يا فردة قبل ما تبقى فيك البقت فى هناى داك,,,

يازول اثبت
الشاكوش لايزيد المسمار الا ثباتا

Quote: وهذا حالي بالرغم من أن مشروع التخرج الذي تقدمت به هو اللغة العربية وتطور الخطاب السياسي خلال نصف قرن بالصحافة السودانية ولكن أعلمي قد يكون أكون أجهل من ضب بصحراء العراق

حشاك يا ابو الزهور
بس خليك رومانسي شوية في الوصف

ضب بتاع الساعة كم ياخ!؟

















------


اوعك تستسلم يا ابو الزهور

نحن -من وراء تمبس في رابطة المعجبين- من خلفك نشد من ازرك
لو خضت او استعرضت بينا بحر الجندر لخضناه معاك لا نلوي على شئ

ثورة .. ثورة
نصر او شهادة
لا استسلام

الاخ قيقراوي
تحياتي وشكرا علي المساندة لكين موضوع أبسط من ثورة وبس هو حوجة أنسانية لرفيقة درب

فتشوا معي بس الهمة يا جماعة!؟

Quote: فتشوا معي بس الهمة يا جماعة!؟

المافي شنو!؟


سير سير يا زهير
















------

بس بالله ساعدنا باللفظ ... سمح؟
ما تمش تتفولح تجيبا لينا ضقلا يتلولح!

Quote: بت الجنيد دا الترسانة زاتا

أها يا عاطف عمر، الهوطميلو راح في حق الله،
هو زهير برااااهو البحمرولو كلامو؟
أيمن دا عيبو لي
ولّا فِشان ماهو بتاع حِلَل كوارع بقر وجداد؟



زهير، الله يهدّي سِرْك
قول آمين


أيوااا،
قبلما ما أنسى
شكراً لي جيبتك للصايم وعلاء، رغم انو الأخير خاتلو وشوش صَفِّرَه ظاهرها الرحمه

Quote: لكين في سؤال أنت برضو أربعنييه معليش ما تزعلي بس سؤال ساي

زهير
انا اربعينية جندرية على السكين لكن وحات قبة جدى ود مدنى شنبك الشايب ده حق ستين

وبعد ده ما فى داعى للعرس من بنت الاربعين شوف ليك حاجة بتاعةخمسين خمسة وخمسين سنة لكن افتكر بتاعة الاربعين مكسراك ومدشدشاك

طبعا بنت الاربعين بتصبغ شعرها لو شابت بالصبغة لكن عاد شنبك ده الا تحلقوه يوم العرس كمان تقوم تشالق تخت ليك صبغة فى خشمك نبقى فى العريس اتلحس وبعد البورة دى كووووووووووووووووووولها

بضحك ساكت يا زهير ما تزعل صحى والله علامات بنت الجنيد

Quote: اها كده يا حلاتو الهجاء فيك ناس بطانة كمان واجرك على الله هيـــع اركز على قول ود الباوقة

أديهو يا سومة ومن بيت الكلاوي ..
حتى يكون عبرة لمن يعتبر ..

Quote: [أنا والله ما بتوب وديمة بأكل العلقه وأنهان

LoLs @ Iman, Suma and Amna

Quote: [أنا والله ما بتوب وديمة بأكل العلقه وأنهان

LoLs @ Iman, Suma and Amna

حنني والله ياجماعة

لمت فيك امنة مختار ضقلت بيهو ضقل شديد


عيبن لي امات اربعين



حلاتن ياناس