البدق حمادة، انا ادقو دقة ، انا اقطع لحمو ، حتة حتة

البدق حمادة انا ادقو دقة
انا اقطع لحمو ، حتة حتة
...
حمادة حصلت مصيبة
حمادة في شارع الزريبة








_
اغنية بنات

حمادة منو في السقط ده

Quote: البدق حمادة انا ادقو دقة انا اقطع لحمو ، حتة حتة

نسال الله السلامة

ان شاء الله يكون هكر بس ....

القدعان ..
اولاد السودانيين ..
شباب الاحزاب ..
غندور و الوطني لع

بنمسي علي المعازيم و القيران و قيران القيران
و كل اللي شرفونا النهاردة عشان يوئفوا مع اخواتهم في سوريا
سوريا يعني الشعب الباسل الرقالة ولاد الرقالة اللي ضد الدكتاتوريات
بنمسي علي سوريا و سوريايعني دمشق
يعني حلب
يعني اللاذئية
يعني حماة
يعني دير الزور
يعني طرطوس
يعني درعا
يعني اودونيس
يعني الشعر و السئافة و الموسيئا
يعني صباح فخري
يعني اصالة نصري
يعني سلطان الطرب جورج وسوف.
النهاردة سهرتنا موش هاتنسوها طول عمركو مع كوكبة من المع نجوم الوسط الفني .
و مدام إحناالنهاردة هنتضامن مع الشعب السوري لازم برضك نتضامن مع الشعب السوداني, الشعب المعلم و كبير اوي اوي اوي , اللي عمل الربيع العربي مرتين قبل كده, و لمن نئول ثورة
يعني المهدي الكبير
يعني تور شين
يعني ام دبيكرات
يعني حمدان ابوعنجة
يعني سئوط الخرطوم
يعني علي عبداللطيف
يعني الماظ
يعني القرشي
يعني اكتوبر
يعني مارس ابريل
يعني شهداء الحركة الطلابية
يعني التاية و بشير
يعني شهداء معتقلات بيوت الاشباح
يعني علي فضل
يعني موش عاوزين خونة النهاردة هنا
يعني لا وفاق مع النفاق
يعني غور غور يا غندور
ورأصني يا قدع

Quote: بنمسي علي المعازيم و القيران و قيران القيران و كل اللي شرفونا النهاردة عشان يوئفوا مع اخواتهم في سوريا سوريا يعني الشعب الباسل الرقالة ولاد الرقالة اللي ضد الدكتاتوريات بنمسي علي سوريا و سوريايعني دمشق يعني حلب يعني اللاذئية يعني حماة يعني دير الزور يعني طرطوس يعني درعا يعني اودونيس يعني الشعر و السئافة و الموسيئا يعني صباح فخري يعني اصالة نصري يعني سلطان الطرب جورج وسوف. النهاردة سهرتنا موش هاتنسوها طول عمركو مع كوكبة من المع نجوم الوسط الفني . و مدام إحناالنهاردة هنتضامن مع الشعب السوري لازم برضك نتضامن مع الشعب السوداني, الشعب المعلم و كبير اوي اوي اوي , اللي عمل الربيع العربي مرتين قبل كده, و لمن نئول ثورة يعني المهدي الكبير يعني تور شين يعني ام دبيكرات يعني حمدان ابوعنجة يعني سئوط الخرطوم يعني علي عبداللطيف يعني الماظ يعني القرشي يعني اكتوبر يعني مارس ابريل يعني شهداء الحركة الطلابية يعني التاية و بشير يعني شهداء معتقلات بيوت الاشباح يعني علي فضل يعني موش عاوزين خونة النهاردة هنا يعني لا وفاق مع النفاق يعني غور غور يا غندور ورأصني يا قدع

حالتك متاخرة شديد يا خدر

اركز يا زول

وبطل بطبطة

ود الباوقة
في ذمتك اليركز منو ؟
الشباب ولا نافع ذاتوالجاب السيرة في مؤتمر توقيع الشراكة بين الوطني و الاتحادي قبيل في التلفزيون ؟
ولا الجرائد و المنابر المليتوها من الصباح بي عبارة (من دخل دار المؤتمر الوطني فهو امن) ؟





___
شباب السودان قالوا ليكم تاني الدق بس

شنو الكواريك فينا يا منسوبي الوطني في المنابر و الصحف السيارة ؟
اول دقة او طردة ولا اخر واحدة ؟ نافع ده موش اتدقا في لندن قريب ؟ ثم شنو قصة من دخل دار ابوسفيان والمؤتمر الوطني امن دي ؟ و من متين ليكم اخلاق المسلمين دي ؟ ماعمركم كلو 23 سنة نازلين في الشباب ديل اعتقالات و تعذيب و ارهاب و ضرب في الجامعات و المعتقلات ، الليلة شن جد علي المخدة ؟ ، بضاعتكم و ردت اليكم . انتم في عهد التمكين كنتم من ابتدع فكرة التنكيل بالخصوم لارهابهم ، ابتدا من الجامعات و انتهاء بالمعتقلات ، وصل تنكيلكم بهم حد قتل عدد كبير منهم و اليوم تتباكون علي دقة نافع و طرد غندور بواسطة شباب الامة ؟ البدخل دار الوطني يتدق و ينطرد زي الما حصل شي ، غلطان هو و غبيان لانو الصراع الان بين المؤتمر الوطني - الحزب الحاكم - و شباب السودان وصل ذروته . الشباب السوداني (صاحب الامر و النهي في مستقبل السودان ) تجاوز الان كل تلك الحيل يا ارباب و منسوبي المؤتمر الوطني ، هم ليسوا اصحاب ثارات ، هم فقط يعملون من اجل مستقبل يحلمون ان يجدوا فيه فرص متكافئة للعمل و المنافسة و تطوير الذات و ستر اسرهم . احلامهم ذات شقين ، احلام ذاتية بمستقبل يحلمون فيه بتكوين اسر جديدة و انجاب اطفال و تزويج شقيقات و اكرام اباء و امهات في ارزل العمر و احلام وطنية بان يروا السودان يسعي حثيثا باتجاة دولة الانتاج و العدالة و احترام مواطنيها و كرامتهم.
منذ الان فصاعدا استعدوا يا قيادة الوطني فكما حشدتم عسسكم و زبانية امنكم لترهيبهم و تدجينهم سابقا في الاحياء و الجامعات ، استعدوا لردهم عليكم في كل ندواتكم و فعالياتكم الشعبية لتجييش الشعب السوداني خلف سياساتكم و احلامكم لانفسكم ، فقد شب هؤلاء الشباب عن طوق احزابهم وقياداتهم التاريخية ، كفروا بهم و بكم و هم الان يسعون حثيثا لاسقاطكم . سيستعينون عليكم بالزجاجات الفارغة و الطوب الاحمر و الدراب و الطين و كل ما ستطاله اياديهم البيضاء، سيطردونكم من كل المنتديات و الفعاليات الجماهيرية ولن تجدوا ملاذ لكم الا خلف الشاشات البلورية و احسبها خير عاصم لكم من غضبتهم.

وماتنسي ياطارق دقة حسين خوجلي في الأهلية وطردتو...
لغاية لما ساب مركوب النمر بتاعو..



والبنات قعدوا يهتفوا ويصفقوا...
الطرحة فين ياحسين
الطرحة فين ياحسين

Quote: منذ الان فصاعدا استعدوا يا قيادة الوطني فكما حشدتم عسسكم و زبانية امنكم لترهيبهم و تدجينهم سابقا في الاحياء و الجامعات ، استعدوا لردهم عليكم في كل ندواتكم و فعالياتكم الشعبية لتجييش الشعب السوداني خلف سياساتكم و احلامكم لانفسكم ، فقد شب هؤلاء الشباب عن طوق احزابهم وقياداتهم التاريخية ، كفروا بهم و بكم و هم الان يسعون حثيثا لاسقاطكم . سيستعينون عليكم بالزجاجات الفارغة و الطوب الاحمر و الدراب و الطين و كل ما ستطاله اياديهم البيضاء، سيطردونكم من كل المنتديات و الفعاليات الجماهيرية ولن تجدوا ملاذ لكم الا خلف الشاشات البلورية و احسبها خير عاصم لكم من غضبتهم.

ياخوي مستعدين وراكزين ؛اركزوا إنتو ؛الواحد منكم لو نهرو ساي يجي جاري
يبحث عن التضامن وعوك وعاك
ونشجب وندين وشنو ياكيزان ليكم يوم !!!
22سنة ياطارق ياخوي والكيزان مدلدين كرعيهم
وتجي تقول لي اركزوا...


خلي الشباب يمرقوا لعسس وزبانية الكيزان
والشاشات البلورية دي مالا ؟ عيبها لي ؛شوية كيزان في المنبر ده عاملين ليكم خمّت نفس؛وخلو المعارضة طاشة شبكة في النت وفي الشارع.

___________

تحياتي ياطارق

سلامات يا بشير
انت قايل الجري وراء بوستات التضامن ده نحن خجلانين منو ولا ناكرينو ؟ ده يا سعادتك السلاح الفي يدنا لضمان حياة المعتقلين من قبل جهازكم الباطش. يا بشير الانقاذ دي لمن جات كانت بتعذب بالجملة و بتكتل و تدفن طوالي ، مافي زول بكون عارف ذاتو المعتقل وينو و مصيرو شنو ( منعم رحمة و رفاقه الان مثال ناصع و متكرر) . اها نحن جرينا و سكليبتنا دي حفظ لارواح شباب و شابات وطنيين و ده السلاح الفي يدنا. منو القال ليك انو حشد التضامن او جمع التوقيعات في البيتيشنز عيب ؟ منو القال ليك انو الاتصال و التنسيق مع منظمات حقوق النسان رجس من عمل الشيطان ؟
انتو الليلة من اصبحت ما مليتوا منابر الحوار علي الشبكة تنديد بضرب و طرد بروف غندور و الصحف الموالية ليكم عجت مانشيتاتها بكلمة الغوغائية و استفاضت في الحديث عن الممارسة السياسية السليمة، سالناكم ؟ شباب السودان يا بشير قبل التحدي و قرر ( كما هو حادث الان) انو يخوض حرب عصاباتو معاكم في كل فعالياتكم الغير محمية ، انكربوا انتو و اركزوا ، سيهدر شباب السودان كرامة و جبروت قياداتكم الواحد تلو الاخر الي ان يسقط حكومتكم التي ذاقتهم الامرين .








_
فاتني ان احي قيادة حزب الامة علي لعبهم للقيم صاح ، جزء يفلق و جزء يداوي :)

حميد زماااان قال :-

نصبر صبر ... نصبر علي البوخ الغريب
نستحمل اصوات (القعو) لمن نلاقي المهبريب
و الليل غناوي نولعوا
و يا يمه تفرحي من طرف عاد و المسافرين يرجعوا
دا كانو لا دمع اتذرف لا خيوط قلوب اتقطعوا
يختونا يمشوا يودعوا فقراً علينا اتربعوا
ديل لا بخافوا من الحاسب لا بختشوا لا بشبعوا
و بحراً بلا الخازوق زحف نبنيلوا قيف ما يطلعوا .


يا خدر سلام و زي ما قال صاحبنا :-
من يزرع الريح يحصد العاصفه

الشعب السودانى موت و مات و دق و اندقه
يبقى الناس تتساوا .
اخدوا نفس جامد يا جماعه و لسه بائن اننا
في المناظر فقط .

Quote: 22سنة ياطارق ياخوي والكيزان مدلدين كرعيهم

متضاريين ورا الدوله و أجهزتها ... طبعآ تدلدلو كرعينكم زى بشار و مبارك و القذافي

حليل أيام كانت تنظيم لتنظيم و العاجكو و الفرع و الخرطوم يشهدو منو الكان مدلدل كرعينو ... و ما دوامه يا بشير

Quote: الليلة شن جد علي المخدة ؟

(الأحلام ) ..

يا جميل..

شوف يا طارق ،
إنت زول قانون والقانون إنعكاس لما تواطأ عليه وجدان المجتمع
ندين العنف أيا كان ، اللفظي والمادي،
ضرب غندور عمل ندينه
وندين بصوت أعلى العنف الذي ظلت تمارسه الدولة ضد شعبها منذ 22 عاما،
إذا كانت الدوله التي ينتظر منها تنفيذ القانون والحفاظ على هيبته
والذي منه تستمد هيبتها تمارس أسوا صنوف العنف فإن الأفراد يتوقع
منهم مثل ذلك التصرف المرفوض أيضا..
إنه غياب القدوة..

Quote: متضاريين ورا الدوله و أجهزتها ... طبعآ تدلدلو كرعينكم زى بشار و مبارك و القذافي

و الله يا صاحبي دي النجيضه البقولها و الطوووالي انا بتجي في رأسي
خلي و احد منهم يزح السلطه دى من يدوا و من وراء ضهرو و يجي صدر
لي صدر يقول كلامو الفارغ دا لي سوداني يمين الله الارض دى تنشق ..!

Quote: ياخوي مستعدين وراكزين ؛اركزوا إنتو ؛الواحد منكم لو نهرو ساي يجي جاري يبحث عن التضامن وعوك وعاك ونشجب وندين وشنو ياكيزان ليكم يوم !!! 22سنة ياطارق ياخوي والكيزان مدلدين كرعيهم وتجي تقول لي اركزوا... خلي الشباب يمرقوا لعسس وزبانية الكيزان والشاشات البلورية دي مالا ؟ عيبها لي ؛شوية كيزان في المنبر ده عاملين ليكم خمّت نفس؛وخلو المعارضة طاشة شبكة في النت وفي الشارع. __________ تحياتي ياطارق

دا قمة الإفلاس وقل ة الأدب السياسية.

Quote: خلي الشباب يمرقوا لعسس وزبانية الكيزان

عسس وزبانية !!
هسع ده
شكر وللا نبذ؟
مدح وللا ذم؟
تاييد وللا معارضة؟

يا حاج بشير

ابو حريره
صدقت والله كلم حاج بشير ما بيتفهم باخوي واخوك
مرات كتيره في الاونلاين ده بطلع نفسي فهمي على قدري
عشان اقدر اتعايش مع المواطنيين هنا
كتير ما تلقي ناس هنا كرعينهم الاتنيين شمال

مع احترامي للشيخ بشير احمد

Quote: عسس و زبانية

دي بتتقال طقم مع بعض يا اب حريرة :)
زي
شعيرية باللبن
زيد و عبيد
جبنة و زيتون
الامة و غندور ... الخ الخ. :)

خدر
ياخي انت زول جميل ومعارضتك زاتها تعجب وانا خايف لو تابعتك القي نفسي عضو في الجبهه الثوريه
الواحد ما عارف زاتو يرد عليك كيف
فشنو خليني اتخيل اني بكتب لمعاويه عبيد الصائم ولا لطراجي
يعني خلاص كده المعارضه حققت انتصار ساحق بطرد غندور وشتيمته كان ده اقصي امانيكم فالتراب في خشمكم
خليني انقل ليك تاملات الكاتب الكبير حسين ملاسي اليوم في السوداني ( اثار تعيين السيد الصادق مساعدا لرئيس الجمهوريه غبينه بعض اعضاء حزب الامه ولانهم لا يستطيعون فش غبينتهم في السيد عبدالرحمن او السيد الصادق الذي بارك التعيين ضمنا لذا لم يجدوا متنفسا سوى حصب بروفيسور غندور بالحجاره وهو في دارهم ........ فتامل )
شفت يا خدر المعلم ملاسي حلل الموضوع كيف
ورائصني يا قدع

Quote: القي نفسي عضو في الجبهه الثوريه

ومن ثم عضواً في الجيم دال


خدردر صيدك سمين

Quote: فاتني ان احي قيادة حزب الامة علي لعبهم للقيم صاح ، جزء يفلق و جزء يداوي :)

لم نر هذه البراعة في تخريجات نكران عضوية عبدالرحمن الصادق في الحزب
غير ان ذلك التبرؤ يعتبر في حد ذاته رأيآ سلبيآ في المشاركة من قبل الحزب

مشتاقون جدآ

شكرا يا فدياس علي النص الفوقاني من كلامك
لكن عاوز اقول ليك نصيحة من زول عاوزك تكون موقفك انت بمعزل عمن هو معاك او ضدك
اوعك تشجع الهلال و انت بتحب المريخ
و اوعك تشجع المريخ عشان غلب الهلال فقط
و اوعك تمشي الاستاد و تحضر الكورة و تقول كورة بيض
خليك مريخابي اصيل رغم بعض لاعبي المريخ اللعبهم خشن



فكر في كلامي الفوق ده و راجع لي معاك برضو كلامك ده تاني

Quote: كتب فدياس نجم الدين اعتبر نفسي من الاغلبيه الصامته التي دفعتها معارضه النت للوقوف في صف الحكومه معارضين عنصريين يتوعدوننا بالاجتياح والقضاء على ما يسمي عندهم بالجلابه معارضيين علمانيين وشيوعيين يدعون لشطب الدين من حياتنا فوجدنا انفسنا للاقرب لمزاجنا وفهمنا ومعتفداتنا

_
اعفي لي يا فيدياس ياخي ، ما اتعودت طوال حياتي اني اقنع زول بي فكرة ، احلامي اقل من كده كتير .

Quote: دا قمة الإفلاس وقل ة الأدب السياسية.

هو في إفلاس اكتر من جديع الطوب لفشّ الفشل في ازالة الكيزان!!!
ماقلتوا بتاعيين ديمقراطية وبطيخ !!!

سلام يا دكتور بشير
شنو يازول ؟ شكلك رجعته الغربة
و قاعد زهجان لوووول

Quote: هو في إفلاس اكتر من جديع الطوب لفشّ الفشل في ازالة الكيزان!!! ماقلتوا بتاعيين ديمقراطية وبطيخ !!!

إي و الله في يا دكتور افلاس اكتر من كدا لو حسبناهوا بتحسب !!
امسك عندك نبذ مصطفي عتمان إسماعيل للشعب السوداني .
امسك عندك كلام نافع و طولة لسانو .
امسك عندك كلام البشير الهبتلي داك .
امسك عندك كلام قوش بتاع نقطع اطرافهم و ايديهم .
عييييييييييك يا دكتور ما تعدش .

لكن زي ما قال عصام جبر الله سانداهم السلطة
كلامهم دا نفر لنفر مااااا بقولوهو صدقني .

و السلام والتحيات

سفيان نابري يا زميل البورد والمعارض المحترم

كلامك في نقل كلام عصام والاستشهاد به على انه الحقيقه امر غريب ومحير
الكلام عن شجاعه الاسلاميين وان كلامهم ده لانهم مسنودين بالسلطه لا محل له من الاعراب لانك لو متذكر الانشوده الشهيره التي كان يرجز بها الاسلاميين في انتخابات الجامعات
فاليعد للدين مجده او ترق منا الدماء
فاليعد للدين مجده او ترق كل الدماء
تدل على شجاعه هؤلاء النفر
لكن ما تستدنا من مسئول يقول ليك طالعني الخلاء
اعداء الانقاذ الحقيقين في المعارك حيث الموت والدم يعرفون قوه وشكيمه ابناء الحركه الاسلاميه
سيبك من نضال الكيبورد
لمن القصه تبقي دواس بتلقي وبتعرف كيف ربت الحركه ابناءها

ده كله طبعا مع ودي الذي تعرف

Quote: كلامك في نقل كلام عصام والاستشهاد به على انه الحقيقه امر غريب ومحير الكلام عن شجاعه الاسلاميين وان كلامهم ده لانهم مسنودين بالسلطه لا محل له من الاعراب لانك لو متذكر الانشوده الشهيره التي كان يرجز بها الاسلاميين في انتخابات الجامعات فاليعد للدين مجده او ترق منا الدماء فاليعد للدين مجده او ترق كل الدماء تدل على شجاعه هؤلاء النفر لكن ما تستدنا من مسئول يقول ليك طالعني الخلاء اعداء الانقاذ الحقيقين في المعارك حيث الموت والدم يعرفون قوه وشكيمه ابناء الحركه الاسلاميه سيبك من نضال الكيبورد لمن القصه تبقي دواس بتلقي وبتعرف كيف ربت الحركه ابناءها

شكراً يا فدياس يا عزيزي علي كلامك في حقي و ياخي و الله اخوك براااحه طول حياتو
و ما بحب الحقاره زي زي إي سوداني و خلاص .
انا قادر افهم تمام و جهة نظرك لو تم ربطها بالاسلاميين ، بالمناسبة يا فيدياس
إي عقيدة لو صاحبه اقتنع بيها كامل الاقتناع مستعد يموت من احله و لا يرمش له
جفن و الكلام دا عارفك عارفو بس حبيت اللفت نظرك للشق الاخر من العقائد الشايلنها
الناس و مقتنعين بيها و اهو المسيرة قدامك طووووويله ناس قدموا روهم دون تراجع .

و النشودة طبعاً عايشتها بل حضرته زمنه رسمي و عايشتها قادته من الإسلاميين في النصف
الأول من التسعينات لكن يا فدياس بمرور الزمن على سلطة الأسلامويين في الخرطوم و المفاصلة
الشهيرة اتضح انو العقدية و الأيدلوجيا الدينية الجيشت الشباب ديل كان الدافع ليها الحقيقى
ما الدين بل هو السلطة عشان كدا يا فدياس أنا حسمته المسألة ببساطة (اخدتها من قاصره) و غرسته
سهمي في البستندوا ليهو طوالي اها البستندوا ليهو دا هم جابوهو غصب و بالليل و الفجر مهما طال
غيابه مصيروا يشرق الساعه ديك يا فدياس الناس البتجعجع دي صدقني بروح ليها .

إن شاء الله اكون و ضحته و جهة نظري ؟

مع المودة التي تعلمها .

معليش يا خدر لو خرمنا ليك بالبوست
أنا و أخوي الكاشف دا اعذرنا اصلنا
ناس كوره سااااي.

يا سفيان , شايفك داير تعمل لي مشاكل مع اتحاد الكرة الطائرة
انا مستمتع بنقاشكم ده بالمناسبة
واصلوا و البوست بوستكم

كتب فدياس نجم الدين في بوست سابق ..

Quote: اعتبر نفسي من الاغلبيه الصامته التي دفعتها معارضه النت للوقوف في صف الحكومه معارضين عنصريين يتوعدوننا بالاجتياح والقضاء على ما يسمي عندهم بالجلابه معارضيين علمانيين وشيوعيين يدعون لشطب الدين من حياتنا فوجدنا انفسنا للاقرب لمزاجنا وفهمنا ومعتفداتنا

و كتب فدياس نجم الدين في بوستنا ده ..

Quote: الكلام عن شجاعه الاسلاميين وان كلامهم ده لانهم مسنودين بالسلطه لا محل له من الاعراب لانك لو متذكر الانشوده الشهيره التي كان يرجز بها الاسلاميين في انتخابات الجامعات فاليعد للدين مجده او ترق منا الدماء فاليعد للدين مجده او ترق كل الدماء تدل على شجاعه هؤلاء النفر لكن ما تستدنا من مسئول يقول ليك طالعني الخلاء اعداء الانقاذ الحقيقين في المعارك حيث الموت والدم يعرفون قوه وشكيمه ابناء الحركه الاسلاميه سيبك من نضال الكيبورد لمن القصه تبقي دواس بتلقي وبتعرف كيف ربت الحركه ابناءها

يا فدياس ماااااا جهجهتنا



___
انت مؤتمر وطني ولا هوندا ؟

ابسطهالك يا بشير :)
قول جاك حرامي تلب ليك في بيتك و مسكتو دقيتو ، جوك المثقفين رفعوا ليك لافتات ضد العنف و مع حق الاخر
تسوي شنو ؟ :)

اها ناس الانقاذ ديل حرامي سرق البلد كلها و التلفزيون القومي و الاذاعة و المنابر و في الاخر عاوز يسرق دار الامة
شباب الامة ديل يدقوهو ليكم متين الحرامي ده :)

غياب العدل يا مولانا محمد المرتضي والله ، الشباب السوداني او قل شباب الالفية الجديدة في عموم العالم ، ثورة الاتصالات خلقت منو جيل مختلف عن الاجيال السابقة في طريقتو في التعاطي مع المواقف سلبا او ايجابا ، سهولة الحصول علي المعلومة من خلال التكنلوجيا عند الجيل ده زائد متعة سبر اغوار التكنلوجيا دي خلق منهم كائنات لا تثق الا في لغة الارقام و حسابات الفورمولا الواضحة، الميرغني شارك معناها الميرغني خان عهدو معاهم. مافي ككو تاني ممكن يقنعهم انو دي تكتيكات سياسية .. الصادق و مجلس الحل و العقد رفض المشاركة ، غندور ما يدقها في دار الامة ، و هكذا.
في ظني ان قادة الاحزاب جميعا الان في مازق تاريخي امام قواعدهم الشبابية ، اما الشفافية و اما سيتم تجاوزهم .








_
قرمانين يا مولانا لي ونسة سياسية و غير سياسية معاك يعلم الله :)

Quote: في ظني ان قادة الاحزاب جميعا الان في مازق تاريخي امام قواعدهم الشبابية ، اما الشفافية و اما سيتم تجاوزهم .

حتى الشيوعيين!؟















------

شايفم شاركوا .. و شاركوا .. و شاركوا .. لمن كرشوهم من الحكومة بعد انتهت مدة صلاحية تمومة الجرتق
و لم نسمع (نقد ذاتي) و لا بغم ساي! .. هي (الشفافية) دي غيروها يا مولانا و لّ كيف!؟
و لا طردوا نافع من المؤتمر العام الخامس!!

اقول قولي هذا مع كامل الادانة للعنف .. اها و ماذا بعد!؟
نعم للسياسة .. و لا للعنف و ممن صدر

مش كان اولى انو النصرة دي من الاساس تكون لنصرة الشعوب السودانية!؟
الزاد كان ما كفى ناس البيت، ما بقدروا يفتحوا عيونم يشوفوا الجيران ذاتو!

سئمنا عديييل والله

حتي الشيوعيين يا قيقا
هو المافي شنو ؟

عارف يا بتاع الـ Help Desk انت ,مافي جملة في السياسة السودانية دق ابظرطة حقت اليومين ديل بتقدر تنتزع مني ابتسامة ثمينة قدر جملة (مع كامل الادانة للعنف) دي, عاملة زي الزول اللابس طاقية و شراب و كرفتة .. فوق كم نان جيشتو جيوش الاحزاب و هللتوا ليها مطلع التسعينات ؟ ولا الالفية التالتة دي جابت مفاهيم جدية ؟ حدثونا سمح بالمفاهيم الجديدة دي ملامحها شنو و الاتغير شنو في واقعنا عشان نتبناها و بهد شوية نقبل كدي نفتح التلفزيون و نهلل للثورات العربية و نتحدث عن صمود ثوار طرابلس و اللاذقية في وجه العدوان الغاشم!! دول الربيع العربي الليلة بموت فيها اعداد كبيرة جدا في انتظار دعم احلاف الدول الغربية العسكري منتظرين بس يعملوا ليهم الغطاء الجوي و يتخارجوا و هم كفيلين بالدواس علي الارض. عشان كده سلفاكير سلفاكير كان اذكي من كل الاحزاب و مشي خطوة متقدمة بطلب الحظر الجوي علي مناطق النيل الازرق من اسه. دي قواعد اللعب اسه ما فيها بنيات فوقية قاعدة ام فكو بدون سراويل والخلوق تعاين ليها و تضحك و هي بتستعدل في نظاراتها و بتكرر حتمية التاريخ و جدل المعرفة ولا للعنف و الاقصاء. هو العنف ده كيفنو يا قيقا؟ و شنو في تاريخك السياسي او الاجتماعي كان ضد العنف ؟ العنف يمشي في السودان بين الناس رغما عن انف الموروث الغنائي الجمالي السوداني كلو. فـ يا زميل , ما تضحكونا بي افكار بعيدة عن واقعنا و اداوت صراعو, الانقاذ هي الحددت قواعد اللعبة دي و نحن كلنا كومبارس فيها , ما عندنا خيار غير نلعب وفق القواعد المحددة سلفا, انا و انت البنتفاصح في المنتديات ديل ما عندنا الحق حتي في اننا نحدد كيفية اللعب , انا لو مننا ننتظر البجيبوهو شباب السودان و نقول صاح و قدر ما نقدر نساعدهم بالصفقة و إخطار المنظمات الدولية لحماية ظهرهم.



___
افتحوا لينا بوست (فكري ) عن ثقافة العنف و آلام المسيح السوداني بهناك عشان نجي نتفنكة بهناك, خلو البوست ده شهادة تقدير لشباب الامة و احترام لخياراتهم
و
فكري دايما معاكي .. انا جاااني قال لي
و مستحيل انساكي .. انا جاااني قال لي

خدر

ما عارف الجهجه باكاتك في كلامي شنو


عادي يا فنان

في مرحله بتلقي نفسك زهجت من كل المعارضين والعنصريين تقوم تتلم على الأقرب ليك فكريا وجهوياً زاتو

إختصر ليك

أخوك مع توحد أهل القبله ولو عمك الصادق المهدي فك درب بناته ودخل بالباب عديل بدل دخول الشباك كان يكون ميه ميه

مرات بتجيني أفكار عنصريه متمثله في تأييد فكره مثلث حمدي لكن بقاوم في الحاله دي وببعد المؤثرات البتغذيها

وفي الآخر يا خدر

Quote: معليش يا خدر لو خرمنا ليك بالبوست أنا و أخوي الكاشف دا اعذرنا اصلنا ناس كوره سااااي.

Quote: هو في إفلاس اكتر من جديع الطوب لفشّ الفشل في ازالة الكيزان!!! ماقلتوا بتاعيين ديمقراطية وبطيخ !!!

و منو القال انو جديع الطوب ده ما ديمقراطية يا بشير







_
مالك عاوز تخليني افهمك صاح !! :)

خدر تحياتى لك ايها الحبيب
والتحية عبرك للجمع
يتحمل المؤتمر الوطني كل ما حادثة الاعتداء على د نافع ود غندور
المؤتمر الوطني جلد الناس فى بيت الاشباح وبيت الامن
المؤتمر الوطني جلد الشعب السوداني على بكرة أبيهم

Quote: القدعان .. اولاد السودانيين .. شباب الاحزاب .. غندور و الوطني لع بنمسي علي المعازيم و القيران و قيران القيران و كل اللي شرفونا النهاردة عشان يوئفوا مع اخواتهم في سوريا سوريا يعني الشعب الباسل الرقالة ولاد الرقالة اللي ضد الدكتاتوريات بنمسي علي سوريا و سوريايعني دمشق يعني حلب يعني اللاذئية يعني حماة يعني دير الزور يعني طرطوس يعني درعا يعني اودونيس يعني الشعر و السئافة و الموسيئا يعني صباح فخري يعني اصالة نصري يعني سلطان الطرب جورج وسوف. النهاردة سهرتنا موش هاتنسوها طول عمركو مع كوكبة من المع نجوم الوسط الفني . و مدام إحناالنهاردة هنتضامن مع الشعب السوري لازم برضك نتضامن مع الشعب السوداني, الشعب المعلم و كبير اوي اوي اوي , اللي عمل الربيع العربي مرتين قبل كده, و لمن نئول ثورة يعني المهدي الكبير يعني تور شين يعني ام دبيكرات يعني حمدان ابوعنجة يعني سئوط الخرطوم يعني علي عبداللطيف يعني الماظ يعني القرشي يعني اكتوبر يعني مارس ابريل يعني شهداء الحركة الطلابية يعني التاية و بشير يعني شهداء معتقلات بيوت الاشباح يعني علي فضل يعني موش عاوزين خونة النهاردة هنا يعني لا وفاق مع النفاق يعني غور غور يا غندور ورأصني يا قدع

ابنعوف يا فنان
المؤتمر الوطني هو نافع و غندور و بالعكس
كلهم يتحملون ذلك الوزر ، افراد و حزب

اخر الاخبار
الوطني يرفض اعتذار حزب الامة










_
تستاهلوا يا ناس حزب الامة ، عشان تاني ما تعتذروا عن حاجة مافي يدكم

كتب الحبيب خدر معلقا عن رفض الوطني لاعتذار حزب الامه
تستاهلو يا ناس حزب الامه عشان تاني( ما تعتذروا عن حاجه ما في يدكم)

مما يجعلنا نستفهم هنا لو صح فهمنا لهذا التلميح هل فعلا تم اختراق هذا الحزب العريق فاصبح لا يملك من امره شئ

Quote: كتب الحبيب خدر معلقا عن رفض الوطني لاعتذار حزب الامه تستاهلو يا ناس حزب الامه عشان تاني( ما تعتذروا عن حاجه ما في يدكم) مما يجعلنا نستفهم هنا لو صح فهمنا لهذا التلميح هل فعلا تم اختراق هذا الحزب العريق فاصبح لا يملك من امره شئ

هههههههههههههههههه
يا اخوانا امير فتحي وين ؟ :)







_
Yooooooghurt :)

شر البلية ما يضحك والله العظيم ....

انتو يا السوادنة قايلين الدنيا بترجاكم لى بتين؟

لغاية ما تحسموا غلاتكم بتاع "الخاتي" منو دا؛ تكون الغيامة قامت ...






... المهم ....

Quote: عارف يا بتاع الـ Help Desk انت ,مافي جملة في السياسة السودانية دق ابظرطة حقت اليومين ديل بتقدر تنتزع مني ابتسامة ثمينة قدر جملة (مع كامل الادانة للعنف) دي, عاملة زي الزول اللابس طاقية و شراب و كرفتة .. فوق كم نان جيشتو جيوش الاحزاب و هللتوا ليها مطلع التسعينات ؟ ولا الالفية التالتة دي جابت مفاهيم جدية ؟ حدثونا سمح بالمفاهيم الجديدة دي ملامحها شنو و الاتغير شنو في واقعنا عشان نتبناها و بهد شوية نقبل كدي نفتح التلفزيون و نهلل للثورات العربية و نتحدث عن صمود ثوار طرابلس و اللاذقية في وجه العدوان الغاشم!! دول الربيع العربي الليلة بموت فيها اعداد كبيرة جدا في انتظار دعم احلاف الدول الغربية العسكري منتظرين بس يعملوا ليهم الغطاء الجوي و يتخارجوا و هم كفيلين بالدواس علي الارض.

يا خدوري انت عايش وين؟

عد الى كهفك ياخي
و اضحك براحتك هناك .. المافي شنو؟

امس رسالة واضحة من اوروبا للثورة السورية بالمحافظة على السلمية

بعدين ياخ ما بنتعلم من تجاربنا ليه، مش كفاية 23 سنة من الخيارات البائسة!؟
الفار -في التجربة- خبط راسو مرتين، احدهما خفيقة، و في التالتة حاحا لمن لقى الدرب!

اصحى يا بريش









------

على مستوى شخصي -رغم اني مارست العنف لمن الله غفر لي- باقي ليك بعد الاربعين القصرت الخطى و حتت الشعر، و اشتعل ما تبقى شيباً، باقي ليك لسه قادر على حمل السلاح!؟

ببقى ليكم خسائر ساي ياخ!