Post: #1
Title: ضابط أمن سوداني متمرد يعد أفلاماً مفبركة تدين الخرطوم
Author: صلاح غريبة
Date: 12-07-2011, 10:50 AM
قالت مصادر أمنية لوكالة السودان للأنباء "سونا" إن ضابطاً كان يعمل بجهاز الأمن والمخابرات السوداني تمرد مع والي النيل الأزرق المقال مالك عقار، ويعمل الآن مع منظمة يهودية بجنوب السودان لإنتاج أفلام مفبركة تدين الخرطوم.
وأفادت المصادر الأمنية أن المقدم "أبوقاية" مدير أمن محافظة الكرمك الهارب يتواجد حالياً بمنطقة البونج بأعالي النيل .وكان أبوقاية يعمل بجهاز الأمن والمخابرات الوطني.
وذكرت المصادر أن المقدم أبوقاية يعمل حالياً بالتنسيق مع منظمة اسمارتن بيرث وهي منظمة يهودية لها وجود بجبال النوبة والنيل الأزرق وتتعامل مع حكومة الجنوب على إنتاج أفلام مفبركة عن الوضع في المنطقة بهدف تجريم الحكومة وإظهارها بمظهر المنتهك لحقوق الإنسان .وتمتلك المنظمة أجهزة تصنت وتصوير متقدمة.
|
Post: #2
Title: Re: ضابط أمن سوداني متمرد يعد أفلاماً مفبركة تدين الخرطوم
Author: Deng
Date: 12-07-2011, 11:29 AM
Parent: #1
الإنتهازي صلاح غوريبة.
أنتهاكات وجرائم نظام الإنقاذ لا تحتاج الى أي أفلام مفبركة أو حتى حقيقية.
الخبراء ومنظمات حقوق الأنسان يشاهدون هذه الجرائم على البث المباشر بواسطة قول إيرث وأجهزة الستالايت.
أنتهى زمن الكذب وزمن أخفاء الجرائم يا صلاح غوريبة. قول للجماعة البتسلف ليهم الباسوورد بتاعك ده أنو القصة خلاص أنكشفت.
|
Post: #3
Title: Re: ضابط أمن سوداني متمرد يعد أفلاماً مفبركة تدين الخرطوم
Author: Adil Ali
Date: 12-07-2011, 04:19 PM
Parent: #2
| Quote: بهدف تجريم الحكومة وإظهارها بمظهر المنتهك لحقوق الإنسان |
يا الزول العليك الوردية الليلة في حساب صلاح غريبة السلطة الحاكمة في السودان ليست سوى نظام مجرم وفاسد...نظام دولة لصوص وقتلة ولا يحتاج إثبات ذلك إلى انشقاق ضابط أمن او إنتاج أفلام.
الكلام المكتوب فوق دا ما كلام غريبة لأن غريبة شخص شبه أمي لا يستطيع حتى كتابة شبه جملة بدون أخطاء!
|
Post: #4
Title: Re: ضابط أمن سوداني متمرد يعد أفلاماً مفبركة تدين الخرطوم
Author: سيف النصر محي الدين
Date: 12-07-2011, 04:33 PM
Parent: #3
اسمو ابو قاية و للا ابو قناية؟
غايتو بوستك ده يا غريبة استباق للاحداث و ينطبق عليهو المثل بتاع ضربني و بكى
سبقني و اشتكى. اصبروا شوية و شوفوا الافلام في الاول بعدين احكموا عليها بالفبركة
او عدم الفبركة أو خلونا نحن برانا-تقرأ الشعب- نحكم عليها.
|
Post: #5
Title: Re: ضابط أمن سوداني متمرد يعد أفلاماً مفبركة تدين الخرطوم
Author: سيف النصر محي الدين
Date: 12-15-2011, 10:35 PM
Parent: #4
الافلام نزلت دور العرض و للا لسه باقي عليها شوية؟
|
|