Post: #1 Title: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 11:38 AM Parent: #0
اول بالتبادي.. اصدق التعازي لكل من فقد عزيز في لحظة غيابنا الأخيرة.. تاني التبادي.. نطالب باطلاق سراح كل معتقل ضمير و راي في السودان.. تالت التبادي.. اسمحوا لينا ببريك..نلصق فوقو المحطات النادرة التالية..و هي بتأكد حاجة واحدة: انو الضمير السوداني مافي حاجة ح توحد اكتر من مجهمود ناس الغنا السوداني.. لأنو ديل الواحد بيعمل ليهو تجربة بتدخل كل بيت..كل قلب..كل دماغ.. يعني الذخيرة تكون مدورة في راسك..و برضك بيكون عندك الإستعداد تسمع ليك حاجة تذكر بزمن بعيد خلاص..! يبقى.ز نهديكم المحطات..و انتو و زوقكم..و كسرتكم..و حنينكم ذاتو..!!
كبر
Post: #2 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 11:44 AM Parent: #1
اها دي ( العزيزة).. و متأكد كل زول سمعها و غناها و كتبها في جواب..و يه بالمناسبة من كلمات الشاعر (سعد الدين ابراهيم)..يعني ناس ممكن تقول ليك (صحيفة الجردة دي شنو؟..و سعد الدين البيحاكموا فيهو ده منو..و الغريبة نفس الزول/ة البيتساءل ده ممكن يكون يردد مقاطع الغنية..نسوي شنو نحن كده (التحية للفاضل سعيد) ..)
اها ده سيد الشي ذاتا.. الفنان فتحي حسين.. هو اول من سجل الأغنية دي في الإذاعة.. قبل كم سنة.. ذكرت في المنتديات اسم الفنان.. و الشعب السوداني كتر خيرو يقول ليك..ياخي فنانك ده قاطعوا من وين؟.. التحية للفنان فتحي حسين..غنية واحدة.. ممكن تترك بصمات كبيرة في وجدان الناس..
كبر
Post: #3 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 11:47 AM Parent: #2
اها..ناس كتيرة بتكون سمعت ( يا بنات بحري)..و (انا ليتني زهرا)..و حاجات كتيرة.. الفنان رمضان زايد..واحد من الكانوا عندهم قدرة تطريب عالية..
كبر
Post: #4 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 11:53 AM Parent: #3
ناس زمان .. ممكن يتذكروا رمية بتقول: (عمري قصير.. عمرك كم؟.. عشان نقضيهو في الآهات.. و نفتش لمصير مجهول.. و باب الريد مهما ندقوا..نلقاهو باب مقفول.. و حقو الريد لا يلاقينا ..لا نتلاقى..لا نتلم).. طبعا ممكن الرمية دي بعض الناس تكون سمعتها من الفنان الخالدي.. لكنها اول من تغناها الفنان الرشيد كسلا..و ناس زمان ممكن يتذكروا ليهو غنية (النعناع).. الفنان الرشيد كسلا.. في نيو لووك..و الصوت قاعد زي ما هو متل ما كان قبل ..اربعة و تلاتين سنة..
كبر
Post: #5 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:01 PM Parent: #4
ناس كسلا..ديل لازم نكتر منهم..و ذلك محبة لله ..و لإعتبارات خاصة جدا.. اها..دي اسال العنبة الرامية فوق بيتنا..و قبالها كانت..حبيت عشانك كسلا..و فايت مروح وين.. مرة عندي قريبتي (بت عمتي لزم) كانت بتعمل في ماجستير في جامعة امدرمان الإسلامية..و قالت لي..ياخي دايرة غنية عبد الكريم ابوطالب.. قلت ليها ياتا فيهن ..بكل قوة عين قالت لي: اسال العنبة الرامية فوق بيتنا؟.. صابتني ام هلاهلا.. و سألت بالعدد تسعطاشر نفر (بنات و اولاد) و قالوا لي دي غنية عبد الكريم ابو طالب..!! اها الزولة دي هسع بقت دكتورة..و بتدرس ناس كتار.. و ممكن بكل اطمئنان تقول ليهم دي غنية عبد الكريم ابوطالب..و احتمال لو شافت الفيديو التالي تقول في ذاتها الزول ده شنو اللاماهو في غنية عبد الكريم ابو طالب..!!! اهديكم التاج مصطفى..
Post: #8 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:07 PM Parent: #5
اها الزول الجاي..مظلوم خلاص.. طبعا العواجيز (رجال و نساء) بيكون سمعو بغنية (عبر الأثير).. (مطر الرشاش الرشا ..عقلي راح و طشا ورا المرااح السايرات وراهو ناس عشا)..(و يا مسافر بعيد غاب ساب بلد الحبايب).. دخلت في حوار مع شباب سودانيين..و حلفوا بدينهم انو غنية اللالاية ضي الرتينة.. دي بتاعة محمود عبد العزيز..!!
اهديكم الفنان..صديق عباس..
كبر
Post: #6 Title: Re: محطات نادرة: الى عواجيز البورد ، و تمبس و عمر الفاروق ..! Author: بله محمد الفاضل Date: 12-07-2011, 12:01 PM Parent: #4
سلام يا كبر يا اخي دا والله فتيش وجيب سمح تب أغنية العزيزة دي عزيزة علي جدا وبسمعا عند الطيب مدثر بمزاج عالــــــــــــــــــــــي ولا أعلم إلا اللحظة أن هناك من سبقه إليها
تحياتي واحترامي
ومتابعين المحطات
Post: #20 Title: Re: محطات نادرة: الى عواجيز البورد ، و تمبس و عمر الفاروق ..! Author: Salah Abdulla Date: 12-07-2011, 01:14 PM Parent: #6
أستاذنا كبر ، والله أهنيك على اضانك النضيفة ، خاصة العزيزة.. دي غنية يا تسمعها عند فتحي حسين ، يا تسمعها عندو وبعدين الخالدي ده -الله يرحمو- كان فردتي كده -لحام- عطستو أنا حافظها ماسمعتو قال الرمية حقت الرشيد دي ، بالله لو عندك نزلّها لينا(كان الرشيد كان سلاّم). الرشيد كسلا (مُقّرش) في أبوظبي وشامي الهوا النضيف كلو ، ترطيبة تمنمية، مش أربعة وتلاتين.
----------- غايتو أبوطالب ده مفروض يركّز على دافوري العصريات أحسن، وينسى قصة المغنى دي.
Post: #7 Title: Re: محطات نادرة: الى عواجيز البورد ، و تمبس و عمر الفاروق ..! Author: أيمن الطيب Date: 12-07-2011, 12:03 PM Parent: #4
Quote: الرشيد كسلا
وقام إتعزز الليمون عشان بالغنا فى ريدو!!!
تحياتى يا كبر..
إبداع ..
Post: #9 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:20 PM Parent: #7
صديقي بله..حبابك كتر خيرك على المرور.. وكتر خيرك على المطايبة.. اهو قلنا نجيب المحطات النادرة.. عشان الناس تعرف البدايات و اسياد الشي ذاتا.. الفنان فتحي حسين سجل الأغنية دي في السبعينات..غايتو انا سمعتها سنة 1977..و في اليوتوب كاتبين انو سجلها سنة (1974..هل تصدق دي نفس السنة السجل فيها الهادي حامد (الجبل) في الإذاعة؟).؟؟ المهم نحاول نصحح لأجيال كتيرة بعض المعلومات.. كتر خيرك با بله..و خليك قريب..
كبر
Post: #11 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:28 PM Parent: #9
Quote: وقام إتعزز الليمون عشان بالغنا فى ريدو!!!..
صديقي أيمن..حبابك كتر خيرك على المرور..
قام اتعزز الليمون.. فعلا كانت مشهورة في وكتها.. لكنها ما حقت الرشيد كسلا..و انما فنانها اسمو محمد سلام..شفتو قبل سبعة شهور بيغني في التلفزيون السوداني..و فرحت فرحة ما بعدها فرحة.. عندو غنية تاني بيقول فيها ( بلقاك في سرب الظبا)..زول نادر خلاص..و مرة كنت بتكلم في منتديات سودانيات,, و اخونا محمد عثمان قام جاب ليهو اكتر من كم عمل.. اها محمد سلام ده من الناس لمن نجيب اسمو.. العالم تقول ليك (انتا فنانك ده قاطعو من وين؟).. فتشت لمحمد سلام اعمال في اليوتوب..و ما لقيتها..و برضك فتشت للفنان الصافي محمد احمد (يا عواجيز البورد ده الزول الكان عندو اغنيات من ضمنها لون الكاكاو جلا السواه.. الغريبة النسخة الوحيدة المتوفرة في اليوتوب بصوت فنان تشادي عاش في الأبيض ).. كتر خيرك يا ايمن..و خليك قريب ياخي.. كبر
Post: #13 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:34 PM Parent: #11
اها مرة (قبل سبع سنين) كنت قاعد اتونس مع اخونا تمبس في المسنجر..و قام قال دقيقة ارسل ليك حاجة..و كانت اغنية انصاف (يا حبيبي انصفني)..بصوت تمبس و عود كمان..!! و مرة اخرى كنت اتونس مع صديقي محمد عثمان ابنعوف ( و هو مرهف للغاية..و لا يسمع الإ النادرة) فقام قال لي.. محمود عبد الغزيز غني ليهو غنية جميلة لكن ما عرفت سيدها الأصلي..و قلت ليهو دي حقت التاج مصطفى..!! اها دي غنية يا نسيم قول للأزاهر..و محمود فعلا غناها .. لكن سيدها ياهو التاج مصطفى..و هو برضك صاحب (انصاف).. ( يا نسيم ارجوك)..و كم غنية في مكتبة الإذاعة السودانية..!!
كبر
Post: #15 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:49 PM Parent: #13
اها في فنان سوداني.. قاعد اسميها فنان الفنانين..!! الفنان وردي شال منو .. غنية المرسال..عبدالرحمن عبد الله (ود بارا) شال منو التومات..مصطفى سيد احمد شال منو ( يا مطر عز الحريق)..و الجيلاني الواثق.. شال من الغنية دي (اجمل الحلوين).. اها فنان الفنانين ده يا اهلنا هو الفنا صديق احمد (ح نجيب ليه نموذج)..و العجيب في صديق هذا انو اي عمل قدموا و قاموا نطى فيهو واحد طوالي بينساهو ..و بيجيب حاجة تانية و نادرة كمان.. ياخي التحية للفنان صديق احمد.. اينما كان و كيف ما كان.. و كلام شمارات.. وردي كان بيحاول اتناسى صوتين : صديق احمد..و عبد الرحمن عبد الله..و الغريبة الإتنين فيهم خامة صوت بتشبه صوت وردي..و كان خايف يسحبوا البساط منو (طبعا ود بارا و صديق.. بدايتهم كانت تقليد وردي..!!)..
الجيلاني الواثق..و هو من الأصوات النادرة.. و العواجيز كان بتذكروا حكاية (انا ملك ملوك الجاز)..!!!! لكن الجيلاني يظل هو من اجمل الأصوات..و عندو صوت حالم خلاص..!! الشباب..و الشبات.. جيلاني الواثق كان فنان جاز..وواحدة من النوادر أنو نزل في انتخابات 1986..في نفس الدايرة النازل فيها محمد ابراهيم نقد..و قام نقد قال ليهو شنو الحكاية يا اخينا؟..شيل عودك و انا اشيل عودي..و غنى ساكت ح اغلبك ( ناس الحزب الشيوعي تعالوا اكدوا المعلومة دي).. اهديكم جيلاني في عمل من اعمال صديق احمد..
نسيت من اغنيات جيلاني المشهورة (ديل عيونك ولا واحة..ولا للشوق استراحة.. الموصلي لقيتني كيف ياخي..!!) كبر
Post: #10 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 12:26 PM Parent: #7
احيييييييييييييي انا دا
و الله ريحتني باولاد كسلا ياخ انا تااااااااكل هنا
و يا كبر أنا عندى غناء عجيب لإبراهيم موسى بس مشكلتى انو ملفات و ما بعرف ارفعوا هنا و عندى غناء بيت سااااي للكحلاوي و محمد احمد عوض برضو نفس القصة ملفات .
ياخ و ما عندي إي طريقة اخليهو مع زول عشان يرفعوا .
اردم ياخ اردم و لو في وصف للرقيص انا بوصف ليك تب و ما تشيل هم كان رقيص مدن و لا ريف بنوصف حنانو ذاتو .
يا كبر أنت عشان زول كويس دائماً بلقاك صاحبي .
Post: #14 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-07-2011, 12:44 PM Parent: #10
Quote: اهو قلنا نجيب المحطات النادرة.. عشان الناس تعرف البدايات و اسياد الشي ذاتا.. الفنان فتحي حسين سجل الأغنية دي في السبعينات..غايتو انا سمعتها سنة 1977..و في اليوتوب كاتبين انو سجلها سنة
كبر سلام كلمه فى حق صديقى المظلوم فتحى حسين لم تكن العزيزة فقط هى الاغنية الوحيدة التى هى من تغنى بها وهى من الحان عمر الشاعر ايضاًً اغنية الغاريك جمالك التى يتغنى بها الفنان حمد الريح هى ايضاً لفتحى حسين. قاتل الله الغربه والكانوا السبب فقد حرمت السودان من مبدع. التحية لفتحى حسين العزيز،،،
Post: #12 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-07-2011, 12:30 PM Parent: #7
من كل الأعمال يا كبر أدهشتني العزيزة بي صوت سيد الشي زاتا..ده صوت معتق وقادر على العطاء سنوات لي قدام..يا سلام على الفنان فتحي.. رمثصان زايد وعبدالعظيم حركة عندهم رشاقة في الأداء تخليك تحبهم قبل ما تركز في صوتهم.. للأسف لي عتب على التاج مكي لأنو بي ظهوره المتأخر في الإعلام وبكثرة مع إصرار على ترديد أغانيه بعد ما شاخ صوته خصم منو كتيييير.. ويكفي إنك تسمع حبيت عشانك كسلا من الفنان ياسر إبراهيم -بورتسودان- عشان تعرف الفرق.. صديق عباس ما طور روحو وخندق في عباية عبر الأثير واللالايا.. شكرا كبر ياخ
Post: #16 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:53 PM Parent: #12
سفيان...دندق يا قـُص.. حكتر خيرك على المرور من هنا.. على قول قيقراوي.. المافي شنو..نجيب ليك الكحلاوي..و محمد احمد عوض في القائمة اصلا.. بس خليك قريب..
كبر
Post: #17 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 12:58 PM Parent: #16
صديق الموج..حبابك يا صديقي غايتو يا صديقي لو طلعت شفت فتحي حسين ده ساكت في دنيتك.. دي ما عافي ليك..! ياخي ده من الحاجات النادرة..و انا متذكر اسمو فقط (لاحظ ذاكرة 1977 دي أنا كنت في الإبتدائي بتاع عمك جعفر نميري)..! غايتو دي دعوة ليك و لكل من يعرف حاجة عن الأستاذ فتحي حسين انو يجي يكتب عنو..من باب العرفان ساكت.. الغريك جمالك دي.. كنت برضك داير اقولها.. لكن خفت الناس تتلحني ساكت..شفت الإنقاذ وصلتنا وين يا صديق؟..ياخي حاجاتنا.. نصل مرحلة انو نشك انها حاجاتنا ولا حاجات ناس تانين..!! كبر
Post: #18 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-07-2011, 01:07 PM Parent: #17
Quote: صديق الموج..حبابك يا صديقي غايتو يا صديقي لو طلعت شفت فتحي حسين ده ساكت في دنيتك.. دي ما عافي ليك..!
كبر كيفك سويتا لى فى زمتى ياكبر فتحى فى السعوديه من عام 1979م والان يسكن جارى فى الرياض وبلتقيه فى الاسبوع مره،مازال بصوته الندى ومازال فتحى الحبوب ابن الناس المظلوم من الاعلام.. سوف اكتب لك عنه سيرة شارعه وعشان خاطرك اصلو فى البيت واسجل ليك منه لقاء كامل وفيه كم اغنية كمان، وبخليه يحكى بعظمة لسانه عن سبب ذهاب الاغنيتين لاخرين. الله يدينا وقت وعمر بس. على فكره بلغته تحياتك الان بالتلفون والرجل يشكر لكم انكم ما زلتم تذكرونه الى الان،،،
Post: #19 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 01:08 PM Parent: #17
عمر.. حبابك يا صديقي.. كتر خيرك على المرور..و اتمنى انو ما نكون ضايقناك بوضع اسمك في اليافطة فوق.. من الحاجات النادرة في عمر الفاروق.. يا صديقي..و انو نحن نبعرفو الزول البيقدر يفرق بين نقرشات عوض احمودي (المصنوعة كما نرى)..و بشير عباس (النقرشات الواصلة العميقة..برضك كما نرى)..!! فعلا التاج و صديق.. لسع في نفس المحطات القديمة..و يبدو لي لمن دخلوا الصاللات الحديثة.. دخلوا بي فكرة أنو نثبت حاجاتنا القديمة.. عشان كده الفكرة عندهم انو يرددو ما سبق ان سمعه الناس..و بيني بينك في وسط الأمية المنتشرة دي.. ليهم حق..!! الحاجة التانية.. فرق المؤثرات.. (في اغنية ح اضيفها هنا للكابلي).. يعني غنية زمان محتاج تضيف ليها مؤثرات عشان الناس تتجاوب معاها.. بالنسبة لي شفت رمضان زايد من قبل.. و لكن الفكرة انو الناس تشوفهم على الطبيعة..و كذا التاج مكي و صديق عباس و التاج مصطفى و التاج مكي..و صلاح محمد عيسى.. لأنو في ناس كتيرة ممكن تكون سمعت الأغنية في الإذاعة..لكن ما شافت الشكل كيف..!! يا ريت تحي معانا كمال كيلا..و هارمبي..و الخرطوم وتري..محي الدين حماد (القلب النابض)..ديل ناس يا عمر ناس البندر بيكون نسوهم.. فما بالك بناس نحن الهامش..و نحن مظلومين..و عيك و عاك..شفتنا نحن ضعن كيف..!! كتر خيرك يا عمر..و ضروري التعليقات..! كبر
Post: #21 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 01:23 PM Parent: #19
سلام صاحب البوست و الضيوف
Quote: (عمري قصير.. عمرك كم؟.. عشان نقضيهو في الآهات.. و نفتش لمصير مجهول.. و باب الريد مهما ندقوا..نلقاهو باب مقفول.. و حقو الريد لا يلاقينا ..لا نتلاقى..لا نتلم)..
الرمية دي على ما أظن كان بقولها محمد سلام و تحديداً مع أغنية قام إتعزز الليمون عشان بالغنا في ريدو
تحياتي و إحترامي
Post: #22 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 01:24 PM Parent: #19
زمان في جامعة الخرطوم.. عملنا اسبوع كردفان الثقافي الثالثة..و من الصدف العجيبة..كنت نائب رئيس اللجنة العليا لذلك الأسبوع..و من الغرائب كنت من الناس الصاغت شعار ذلك الأسبوع (كردفان الأصالة.. يدا تعطي..الخ)..علق صديق مصطفى (من اولاد الشريق في دار الرباطاب) على الشعار و قال لي شعار يدخل القلب تووش..! اما صديقي الشيوعي حسن عبد المنعم ( من اولاد الدويم..و شايقي..فيها مشكلة يعني..؟؟)..و قال ..اتنين في السودان ده عندهم حنين غريب خلاص,, انسان كردفان و انسان الشايقية..!! طبعا كلامات حسن.. خلتني رجعت و راجعة سماعي لناس كتيرة خلاس.. النعام ادم..محمد جبارة.. محمد كرم الله.. عيسى بروي..و صديق احمد (طبعا المني ما في طريقة تب..ياخي لغاية الألفية الثالثة دي قاعد اراجع نفسى و اسمع اعمالوا في اليوتوب..لكن تب مافي طريقة.. احساسي دايما انو متصنع و متكلف اكتر من اللازم..!!).. ياخي الواحد ممكن يتجاوب مع جعفر السقيد.. لكن اليمني ده ما بنبلع كلو كلو..!! المهم اهديكم فنان الفنانين.. صديق احمد..و صدقوني هسع ده اسمع غنية للشباب و الشبات الحايمة اللحظة..و ح تلقوا واحد بغني لصديق احمد..!!
كبر
Post: #25 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 01:38 PM Parent: #22
طبعا اصعب حاجة في الدنيا دي تتغالط مع الحيكومة (بتاعتنا مش بتاعة عمر البشر)..! الحيكومة..و هي الصديقة سهام بشرى (شقيقة الفنان الطاهر بشرى)..بالرغم من انها من عندياتنا ( انكرة:دي اسالوا عبد الغني بريش و يشرح ليكم..و بالعدم سفيان نابري القدامكم ده.. غايتو نسطح ليك بصديقتنا دومة.. عشان نتعرف السودان ده بلد ملخبط بي شكل..!!)..اها الحيكومة دي قاعدة تبتزانا جنس ابتزاز في الدنيا دي..يعني مرات كتيرة لمن النقاش يحتدم تقول ليك انتو عيال اقاليم..شن العرفكم بحاجات العاصمة..!! (طبعا الزولة من مواليد ود نوباوي في امدرمان.. غايتو انا قعدت في الخرطوم سبع سنين و ما عارف ود نوباوي ده بي وين..تقول لي ناس العدل و المساواة.. نو اوفينس..!!).. المهم..الحيكومة مصرة انو الغنية دي بتاعة صالح الضي..(كتر خيرها في ناس تانين بيقولوا ليك بكل صدق انها غنية نبوية الملاك)..!! و الغنبية لفنان كسلا العظيم استاذنا و استاذ الأجيال الفنان ابراهيم حسين ( مافي مشكلة نجيب ليكم اسياد الشي ذاتا)..!!
كبر
Post: #23 Title: Re: محطات نادرة: الى عواجيز البورد ، و تمبس و عمر الفاروق ..! Author: حمد عبد الغفار عمر Date: 12-07-2011, 01:30 PM Parent: #19
سلام يا استاذ كبر
بوست حلو
ولو الله هون بنفتش الذاكرة معاك
لكن يا جماعة كان تخلوني الغاريك جمالك دي زي الغناها
فنان اسمو عز الدين عبد الماجد
وكمان قام حمد الريح اتشبك فيهو وقال ليهو الأغنية دي حقتي
Post: #26 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 01:56 PM Parent: #23
صديقي حمد..حبابك ياخي كتر خيرك على المرور.. تصدق انو عز الدين عبد الماجد في اللستة؟؟!!.. ما قلنا ليكم محطات نادرة..! الغريبة ناس اليومين ديل ممكن يتذكروا ليك عمار السنوسي.. لكن عز الدين ده.. نادر..! عز الدين معظم الأعمال التي سمعتها له ..كانت اداء اعمال الأخرين..و صوتو كان برضك حاجة مختلفة.. الغاريك جمالك حقت فتحي..و محمد سلام اعمالو مختلفة خالص.. الغريبة هناك تشابه اصوات بين سلام..و الرشيد..و عز الدين..و السنوسي,,و الصافي.. لكن اللمين عبد الغفار (رحمه الله) اتفوق عليهم بالإنتشار و التجويد الأكاديمي..!! ياخي حمد الريح (مع انو فناني المفضل) شبك في شال هم فرقتك قلبي..و اساسا غناها مصطفى سيد احمد ( مصطفى لمن غنى الأغنية دي استخدم فيها ايقاع الريقي..وكان البعض يتندر عليه بقولهم الإيقاع الأعرج..!!..و يا الفنانين هوي الحقونا بالمعلومات..!!)..! واحدة من الأعمال النادرة و القاعد افتش ليها .. غنية اولها بتقول (بتقول لي الفراق مكتوب..زي اول جمعنا قدر)..و هي حقت الفنان عبد التواب عبد الله.. و قام مصطفى سيد احمد غناها و نزلها في شريط سنة 1987..
( لبقية الجماهير: الفنان حمد الريح هو الفنان الوحيد.. القامت الإذاعة السودانية تسكس فيهو عشان يسجل ليها.. لأنو ، خلافا للعادة وقتها ، انتشر جماهيريا قبل أن يسجل للإذاعة..!!)؟؟ شكرا ليك يا عبد الغفار..و نشوفك دايما ياخي.. كبر
Post: #24 Title: Re: محطات نادرة: الى عواجيز البورد ، و تمبس و عمر الفاروق ..! Author: احمد التجانى احمد Date: 12-07-2011, 01:31 PM Parent: #17
Quote: نسيت من اغنيات جيلاني المشهورة (ديل عيونك ولا واحة..ولا للشوق استراحة.. الموصلي لقيتني كيف ياخي..!!)
يا سلام يا كبر ياخ .. من الاغنيات الجميلة التى كتبها الخال كامل عبد الماجد , التقيت بصحبته كثير من عمالقة الفن ومنهم الجيلانى الواثق فى منزله فى بداية التسعينات بعد تخرجنا مباشرة من الجامعة
Quote: و انما فنانها اسمو محمد سلام
شفت والله يا كبر واضانك سنينة وما شاء الله الذاكرة حديد, لكن المستغرب ليه انه بلة الفاضل يقول ليك قايل العزيزة حقت الطيب مدثر لكن بنعذر ايمن الطيب , الرشيد كسلا ومحمد سلام ونجم الدين الفاضل كلهم ظهروا فى نفس الفترة وكمان اختفوا فى نفس الفترة
Post: #27 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-07-2011, 01:57 PM Parent: #24
Quote: لكن يا جماعة كان تخلوني الغاريك جمالك دي زي الغناها
فنان اسمو عز الدين عبد الماجد
وكمان قام حمد الريح اتشبك فيهو وقال ليهو الأغنية دي حقتي
حمد عبد الغفار ....سلام شوف ليك ذاكرة الف قيقا ورام جديد فعلا الفنان وصديقنا عز الدين عبد الماجد غنى هذه الاغنية كهاوى وقتها تزاملنا انا والصديق عز الدين فى ثانوية محمد حسين ولكن النزاع كان بين صاحبها وهو فتحى حسين وحمد الريح لذا لزم التنويه،،،
Post: #28 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 02:03 PM Parent: #27
صديقي احمد التجاني..حبابك كتر خيرك ياخي.. فعلا النت بيقرب المسافات و حاجات تانية كمان.. بالله الشاعر كامل عبد الماجد خالك عدييل؟.. اها دي مناسبة..و امانة في رقبتك يا احمد تجيب تعريف عن الشاعر..و نماذج من اغنياتو كمان.. و نشوك طوالي يا احمد.. كبر
Post: #29 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 02:13 PM Parent: #28
صديقي ابو الحسين..حبابك كتر خيرك على المرور من هنا (نو اوفينس..كنت قاليك ما شغال بالحاجات دي.. المهم)..! الرمية غناها الخالدي..و كل الأعمال التي سمعتها عن محمد سلام ما فيها رميات..!! الغريبة.. في لحظة كتابة البوست ده. اتصل بي صديق و قال الرمية دي اداها اسماعيل حسب الدايم سنة 1975.. شفت المحن دي كيف..!).. غايتو انا مع راي (و سمعتها) انها رمية الرشيد كسلا صاحب غنية النعناع ( يا ناس كسلا عليكم الله الحقوا الرشيد.. قبال ما نجيب حمد البابلي سيد يا حمام ححم..شتت ليك سكر..لمن تطير يا سلام انا قلبي بيتأسر..فيكم واحد كان متذكر صحف 1987 و سخريتها من الغنية دي؟؟!!)..! و نشوفك طوالي يا ابو حسين.. كبر
Post: #30 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 02:22 PM Parent: #29
اها يا سفيان..معاي صديقات من السودان..و قاعدين نتبادل الأشرطة و السيدهات..طبعا ديل عالم تحلف يمين انو قالوا علي شق و مجنون.. دي حقت ناسي عجاج..!! واحدة قامت فيهم اهدت لي شي دي.. بتاع جمال فرفور (المناسبة ، وبي شهادة الحيكومة ، انو جمال فرفور ده.. انو قريبك هو السوادني الوحيد في المدينة دي حضر ليهو حفلة في حدايق عبود..ومن ناس جلابية بيضا و مكوية..و ناس النورس..ياخي الناس ديل وين الحي بيهم..؟؟).. الشابات ديل مصرات انو الغنية التالية حقت فرفور..!! المهم.. نغالط و نغالط..و في وسط الغلاط اهديك الكحلاوي...!
كبر
Post: #31 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 02:46 PM Parent: #30
تاني يا سفيان.. في ناس يا اخوي..سودانك في اليومين ديل ما جايب ليهم خبر..و هم عندي افضل من ناس سيدي..المهم.. كتبت حكي في هذا المنبر قبل سنوات.. اسمو (اختفاء..حكايات الزمن الموات)..و على لسان احد شخصيات تلك الرواية ( اميرة على ما اذكر)..جات سيرة قنان سوداني..و هو محمد احمد عوض..في الرواية.. البطلة قالت عليهو انو فنان امها المفضل (الأم كانت في كادقلي.. و عليكم و على الجميع مراعاة فرق الهوامش..و حكاية المركز و الهامش اياها)..و الأهم انها قالت عنو انو.. عنوان زمن الوسامة.. طبعا كانت بتقصد محمد احمد عوض لمن كان بليبس طاقية الحرير الحمرا..!! اما من الواقع.. تصدق أو ألا تصدق.. ناس بتقول ليك غنيات من شاكلة ( حبيبي فاكرك معاي)..و ( رغم بعدي برسل سلامي )...و (عندي كلمة احب اقولها)..انو اعمال زي دي .. بتاعة محمود عبد العزيز..!!! ده غير انو لمن نجيب ليك ناس زي محمود على الحاج..و عبد الله محمد (متذكر ليهو غنية..؟)..و عبد الوهاب الصادق..و كمال ترباس زمن الرق (صدقني ما بقدر اعيد...و رسلت ليك اجمل خطاب..الخ)..
المهم.. كبر
Post: #32 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 03:00 PM Parent: #31
طبعا ناس كتيرة بتكون سمعت اغنيات من شاكلة (حبابيبي الحلوين .. اهلا جوني ) .. أو ( مالك مجافي الناس عايش ..براك في غربة).. أو ( حتى سبب الريد عينك وعيني..و محمود عبد العزيز غناها..)..!! اها دي اغنيات.. محمود على الحاج..و هو خريج جامعة القاهرة (على ما اظن كلية التجارة).!! غايتو يكون محاسب.. مراجع.. مش مهم.. المهم انو نحن جماهير الشعب السوداني بنتذكر فنان اسمو محمود على الحاج..و جمل وجداننا باغنيات جميلات خالدات..!!
كبر
Post: #33 Title: Re: محطات نادرة: الى عواجيز البورد ، و تمبس و عمر الفاروق ..! Author: شرف الدين آدم إسماعيل Date: 12-07-2011, 03:18 PM Parent: #32
الاستاذ / كبر
تحية طيبة..
بوست موفق .. ولا املك سوي متابعته .. بالمناسبة لدي صديق كلما يسمع اغنية العزيزة تنهمر دموعه..
Post: #36 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 03:28 PM Parent: #33
Quote: و عبد الله محمد (متذكر ليهو غنية..؟
خد عندك يا قص
غدر الزمن الحنين البي ما بنقدر نغير
و عيييييك غناء ماليه حد
Post: #34 Title: Re: محطات نادرة: الى عواجيز البورد ، و تمبس و عمر الفاروق ..! Author: فدياس نجم الدين Date: 12-07-2011, 03:24 PM Parent: #32
كبر سلام ما دام الموضوع توثيق ورد الحاجات لاصحابها خليني اصحح لكتير من الناس معلومه عن اغنيه قطار الشوق متين ترحل تودينا اها الناس بتختلف في الاغنيه هل هي للبلابل او حسين شندي تصدقوا بالله ولا واحد من ديل الاغنيه لفنان شعبي من عطبره اسمه بابكر الذاكر واظنه عايش حتى الان فحقو نكرمه بنسبه الاغنيه ليهو وعشان كمان يا كبر تعرف ان ما كل الاجيال الجديده تجهل تاريخها الفني ازيدك من الشعر بيت اغنيه بريدك يا شقي الايام او شال هم فرقته قلبي بتاعت حمد الريح اول من غناها مصطفى سيد احمد وللان في تسجيلات بالعود ليهو وهو بيغنيها ولاختلاف مالي بينه وبين شاعر الاغنيه التجاني حاج موسي تركها لحمد الريح وليته لم يتنازل عنها
Post: #37 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 03:29 PM Parent: #32
صديقنا و اخونا ، زميل المنبر ، عزيز خطاب (و هو خريج معهد الموسيقى و المسرح ) له تسجيلات نادرة حايمة في النت..و هو يغني..(بعد ما فات الأوان.. الليلة جيت تعتذر..و ترجع ايامنا الزمان.. من وين نجيب ليك العذر)..! و الأغنية واحدة من اغنيات الفنان..عبد الوهاب الصافي .. صاحب.. الجرح جرحي براي منو البيداوي معاي,. و ما احلى التصافي من بعد التجافي...و ست الريد بقت قساية..زي ما الدنيا لي نساية. و...المدرسة بدا الحصة.. قصة وراها قصة..!!! اها هنا عبد الوهاب الصافي.. من بعد ما فات الآوان..!
كبر
Post: #35 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 03:27 PM Parent: #29
اخونا كبر
غايتو حكاية حا تشوفني دي أكيد و كتير كمان عنوان البوست إلى العواجيز و تمبس و عمر الفاروق يعني طلعت أكبر ديناصورين مننا و لا كيف ..؟؟
أما عن الرمية أنا متأكد إنو في واحد كان بقولها قبل الخالدي الله إرحمو و إغفر ليه غايتو غالباً محمد سلام بحاول أتأكد ليك منها....
حاول عطل لي سفيان دا لأنو بجيب ليك أغاني ما أنزل الله بها من سلطان الزول دا عجيز شديد...
Post: #38 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 03:35 PM Parent: #35
و الله يا كبر لقيتك خطير شديد.... بالله ما تنسى الوصية حاول أقفل لي سفيان دا لأنو عجوز و خطير
هاك دا عربون سيدها و سيد أبوها كمان
قالو علي شقي و مجنون بصوت الكحلاوي
Post: #39 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 03:42 PM Parent: #35
اها يا سفيان.. عبد الله محمد غني (زهرة السوسن) برضك.. أما غدر الزمن.. ما عندي غير اضيف ليك ناس الشي ذاتا..و دي شاعرة الأغنية بذات نفسها..الأستاذة سمرقندية محمد المحتسب 0بالمناسبة الزولة دي من الأبيض..و يقال انها تعمل في المحاماة..).. نسيت اضيف حاجة صغيرة عن الفنان الصافي..و هو غنى باغنيات الشاعرة حكمت ياسين..مثل الجرح جرحي براي منو البيقاسي معاي..و في الوكت داك كان الموضوع منافسة شديدة (منتصف سبعينات القرن الماضي)..و قام برضك ترباس غنى ليها (صدقني ما باقدر اعيد.زقصة غرام بالشوق بدت)..و قام عبد الله محمد غنى.. غدر الزمن شغل القليب بالشوق على زولا بيحن.. و هنا الشاعرة و القصيدة..معا..!! \اها شفت ازدهار الزمن داك..وكتها لا نظام عام..ولا شريعة جلدة سريعة..!!!
كبر
Post: #40 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 03:47 PM Parent: #39
Quote: الفنان..عبد الوهاب الصافي
الفنان ....... عبدالوهاب الصادق
راجل فنان بمعنى الكلمة و دمو خفيف و زول حبوب
Post: #42 Title: Re: محطات نادرة: الى عواجيز البورد ، و تمبس و عمر الفاروق ..! Author: بلدى يا حبوب Date: 12-07-2011, 03:56 PM Parent: #40
شوفوا العجايز وين نحنحنا جيل العربية تقوم بينا وتودينى العربية؟؟ تحياتى
Post: #44 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 04:03 PM Parent: #40
Quote: قالو علي شقي و مجنون بصوت الكحلاوي
ابو الحسين يا (جال دونق) انا بتعطل ليك براي بس بنفس الطاقية الفوق دي جيب عمك دا في اغنية (حبيبي أنا آمتى آراكا في نعيمك و في عز ضراكا).
يا كبر حلقة سمرقندية دي حضرتها في يوم جابوها ياخ انبسطته و اتكيفته كيف منها ما عادي .
يا قص ادقشنا بي ابراهيم موسى ابا ياخ و بالله من القميس ياخ .
يا أبو الحسين أنا ما بقدر انتظرك اكتر من كدا ياخ .
يا قص شوف لينا الأمير بتاع سواكن داك ياخ إي إي إدريس الأمير .
Post: #41 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 03:56 PM Parent: #39
الأصدقاء.. شرف.. فدياس.. صديق.. ابو الحسين.. كتر خيركم على المرور من هنا..و ساعود اليكم في الفرقة الجاية كنا ربنا هون.. و نشكو غياب الجكس.. لأنو حكاية عواجيز دي طفشت العصافير..!! اهديكم فنان.. قاعد اسمعو كتير..و كتير من الأحيان انسب اغانيه للفنان ابراهيم حسين.. أو العكس.. ان انسب اغاني الفنان ابراهيم حسين..اليه..! و الجامع انو الفنان ابراهيم حسين (من كسلا) و فنانا صالح الضي (بورتسودان/بارا) هم الإتنين من الشرق..! اخير انا.. ياخي الحيكومة مفتكرة انو بعض من اغنيات صالح الضي..هي اغنيات الشباب من امثال نبوية الملاك..!! اهديكم صالح الضي.. دلال..و متأكد ناس عديدة ادت هذا العمل..و ناس كتيرة بتكون ما عندها فكرة عن اسياد الشي ذاتا..!!
اهدي هذا الخيط لأصدقائنا و صديقاتنا.. هنا و هناك..و ما بين..
كبر
Post: #43 Title: Re: محطات نادرة: الى عواجيز البورد ، و تمبس و عمر الفاروق ..! Author: حمد عبد الغفار عمر Date: 12-07-2011, 04:01 PM Parent: #35
معليش يا شباب بعد ما عملنا ابديت للذاكرة ظهر نفس الجرس بتاع العزيزة في الغاريك جمالك وهي فعلا لفتحي حسين
بالله عليكم ما تنسوا
أوعك تخلف الميعاد وانت عارف شوقي كم
أوع تطول البعاد وتزيد لي الألم بستناك وقلبي خاضع في لحظات العشم
لصالح الضي
عذاب شديد
Post: #45 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 04:29 PM Parent: #43
سفيان حاول جيب ليك حاجة ..... ما تبقى مداخلاتك كلها طلبات
هاك ياخ
Post: #46 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-07-2011, 04:42 PM Parent: #43
صديقي حمد...معليش ياخي ماشي انو م ( و اصلي الصبح كمان)..!! اوعك تخلف المعياد.. هي في الأساس غنية صالح الضي..و النسخة الوحيدة المتوفرة في النت هي بصوت الفنان نجم الدين الفاضل.. هنا اهديك ليالي الأنس بصوت نجم الدين..(صدقني ح اجيب ليك زول غناها في الستينات).. لغاية ما نجيب اوعك تخلف المعياد.. و نجم الدين.. كما تعلم و يعلم مثلنا من العواجيز هو صاحب غنية (قالوا قطعة سكر..ولا احلى و انضر..ايه نعومة المخمل ولا عود الصندل).. اما الغنية المضافة هنا ..ليالي الأنس..و هي بصوت نجم الدين.. اذكر اخونا و صديقنا الجميل عزة المهري (يكتب في المنبر باسم ابنوس).. كتب عنها من سنوات مضت..و اظنو ذكر انو شاعر الغنية كان اعمي (ما عارف كلما اسمعها تدمع عيني..!..ياخي نحن نلحق نموت بالعطش ولا بالإبادة العرقية ولا شنو ما عارف ذاتو..!)..و انو الفكرة اساسا قامت على تيه قافلة كانت في طريقها الى مصر..و ماتت بسبب العطش ( يا ود باقير ما قلت خبير)...! المهم عزة المهرى.. من اسياد الشي ذاتا برضك.. فهو الذي اخترع عبارة (سودانيز اونلاين.. وطن من لا وطن له)...
كبر
Post: #47 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 04:54 PM Parent: #46
سفيان دي زيادة خير
حجبوه من عيني إلا من قلب لا ما قدرو حجبوه
Post: #48 Title: Re: محطات نادرة: الى عواجيز البورد ، و تمبس و عمر الفاروق ..! Author: حمد عبد الغفار عمر Date: 12-07-2011, 05:26 PM Parent: #47
شكرا يا كبر
Quote: (قالوا قطعة سكر..ولا احلى و انضر..ايه نعومة المخمل ولا عود الصندل)
طيب لو قلت ليك الأغنية دي مسجلة بصوتي أنا شخصيا في إذاعة أمدرمان بتصدق ؟
طبعا دا كان في 1980 تحديدا في برنامج من خارج الاستوديو للاستاذ صلاح طه
بس بكل اسف الشريط ضاع مني وممكن يكون التسجيل ضاع من الإذاعة أيام هجمة الطيب مصطفى على التسجيلات
في الإذاعة.
زمن ياخ
Post: #50 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-07-2011, 06:00 PM Parent: #48
يا كبر.. خلينا اخاءفك شوية في قصة محمود عبدالعزيز دي..فمحمود عمرو ما رسخ في ذهن الشباب أعمال الغير إنها حقتو بل بالعكس نفض الغبار ورجع فنانين كبار لي دائرة الضوء..فغدر الزمن أعادت عبدالله محمد وعيني ما تبكي خلت ترباس يعيد ألقا.. الأهم إنو ما الشباب ديل براهم اللي رسخو أغاني الغير حتى الفنانين الكبار عملو الحركة دي..بدور القلعة ناس كتار قايلنها حقت ود اللمين..قسم بي محيك البدري انا كنت قايلا حقت وردي.. بالمناسبة يا ابوحسين إتلوووومت في الكحلاوي وجبت ليهو أردأ التسجيلات وأظن سفيان بيتفق معايي بس جاملك وقدر مجهودك:-) وانا هنا ما بلومك لكن لو كنت خاشي من اللاب توب كان متعتكم بي الكحلاوي..يا سفيان فييييييي ذمتك الكحلاوي عندو طعم كان ما سمعتو بيقول أرييييتا ريييتا ريييتا أريتا أريتا أريتا ريييييتا..؟؟؟شقي مجنون دي الكحلاوي بيتسلطن فيا لمن تحلف تقول هو زاااتو جن لمن يقول ليك برايا برايا برااااي برايا أححححيييا انا... ياخ انا عندي تسجيل لي الكحلاوي وابداوود وبادي جاضمين فيو حقيبة الحقييييبة.. وأريييتا ريييتا رييييتا
Post: #49 Title: Re: محطات نادرة: الى عواجيز البورد ، و تمبس و عمر الفاروق ..! Author: أيمن الطيب Date: 12-07-2011, 05:43 PM Parent: #47
كبر يا صاحب,,
التحية لك وكل من مر من هنا ومن سيمر,,
والله قبل هذا البوست وبعده إحترامى ليك من صميم قلبى,,
بالنسبة للرمية وقام إتعزز الليمون وهو فعلا محمد سلام يا عزيزى زى ما بقولو فى أدراج خلفية فى الذاكرة مخزونة أشياء وبعضها قد إختلط ببعضها فيما يبدو,,بوست ذو شجون والله,,
تحياتى ,,,
Post: #52 Title: Re: محطات نادرة: الى عواجيز البورد ، و تمبس و عمر الفاروق ..! Author: Alsawi Date: 12-07-2011, 07:41 PM Parent: #49
تحياتي عزيزي كبر
بالله برضو قول ليهم اغنية الابيض ضميرك ما بتاعت معتز صباحي وانما واحد مغترب قديم اسمه الطيب عبد الله. سألت قناة الشروق حوالي 40 شابا وشابة عن أغنية يا فتاتي .. من هو فنانها، فلم يعرفوه وللتسهيل قال ليهم هو نفسه صاحب الابيض ضميرك فهتفوا كلهم بصوت واحد: نعتز صباحي!!
وعندك محمد حسنين: يا سايق البوباي والحبيتها ديك جاهلة ما دارية..
وعندك محمد مسكين ومحجوب عثمان وحسن سليمان الخ الخ
وبالله برضو ننوه الى ان اغنية لو عايز تسيبنا ليست لسميرة دنيا ولا حتى عمار السنوسي وانما لفنان كان ذريا في زمانه اسمه ابراهيم عوض وينطبق الامر على المصير ويا زمن التي ليست من املاك نانسي عجاج..
بعدين يا كبر انت الاغتراب برضو حرمك، هناك الان اذاعة البيت السوداني متخصصة في الاغاني القديمة والحمد لله ناس كتار من البسمعوها اصبحوا عارفين اهل الشي زاتو
غالطوني الشباب وما قدرت اقنعهم انو يا طير يا ماشي لي اهلنا ليست لاسرار بابكر ولا فرفور وانما للمرحوم صالح الضي ابن الابيض وليس بورسودان، بورسودان مشى ليها نازح، برضو ما تنسي العطبراوي وقول ليهم انا سوداني دي ما حقت اسرار بابكر بدليل انا بتقول: كالفدائيُّ بضم الياء المشددة!!
تحياتي وشكري.
Post: #53 Title: Re: محطات نادرة: الى عواجيز البورد ، و تمبس و عمر الفاروق ..! Author: الصادق اسماعيل Date: 12-07-2011, 08:25 PM Parent: #49
صديقنا كبر
كيفك يا "كبير"
المهم
كدي شوف لينا معاك الزول الاسمو ابراهيم خوجلي كان طوالي في الاذاعة بي اغنيتين الأولي "غرد يا حمام بي بذكرة الاحباب" والتانية "دمعة الشوق صُبِّي"، أنا اتذكرتو بعد جهد واستعانة بي صديق لأنو كنت عارف الأغاني لكن الفنان منو ما قدرت اتذكرو لحدي ما قال لي صاحبي.
الفنان التاني هو على ما اظن (الطاهر أو عبد المنعم حسيب) ملخبت بينو وبين الزول اللاعب بتاع بورتسودان، وعندو اغنية (عيونك يجو في عيوني ويخاصمونى) أو شئ من هذا القبيل.
وأدينا طلة لي قديم النور الجيلاني لو أمكن.
تحياتي
Post: #95 Title: Re: محطات نادرة: الى عواجيز البورد ، و تمبس و عمر الفاروق ..! Author: اسماعيل كردولي Date: 12-09-2011, 01:39 AM Parent: #29
كبر سلامات و التحية موصولة لضيوفك الكرام الرشيد كسلا هو صاحب الرمية المشهورة (عمرى قصير عمرك كم) و اتذكر كان طوالى بيليها باغنية بنفس المستوى من الجودة او اكتر تقريبا اغنية (لما تبقي بعيدة عنى) و الله اعلم - عليك انت و ضيوفك فتشوها لي معاكم
Post: #51 Title: Re: محطات نادرة: الى عواجيز البورد ، و تمبس و عمر الفاروق ..! Author: نيازي مصطفى Date: 12-07-2011, 07:04 PM Parent: #1
سلامات يا كبر وشكرا على الاستراحة دي وياريت الناس تحاول انقاذ ارشيف تلفزيون واذاعة السودان فالشئ المؤكد ان كثير من الجمال تم حذفه او اهلاكه والا فلما لا نسمع ولا نرى هذا الارشيف؟ تقريبا كما ذكر بعض الاخوان ان الرمية هي لفنان ظهر واختفى في نفس ايام الرشيد كسلا اسمه محمد سلام من الاغنيات الجميلة اغنية عقد الجواهر لابوعبيده حسن واللالاية زي الرتينة لموسى ابا وغناءها ايضا صديق عباس :) ياخ بلدنا مبدعيها كثيرين ..ربنا يحفظهم جميعا . تحياتي للجميع
Post: #54 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 10:16 PM Parent: #51
Quote: الفنان عبد التواب عبد الله..
أها شفته ما لقيت لي زول بعرف عبدالتواب عبدالله دا...
و هو غنى لا توجد منطقة وسطى ما بين الجنة و النار لي نزار قباني
كبر رجعتنا لي ورا كتير
Post: #55 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 10:20 PM Parent: #51
Quote: اذكر اخونا و صديقنا الجميل عزة المهري (يكتب في المنبر باسم ابنوس).. كتب عنها من سنوات مضت..و اظنو ذكر انو شاعر الغنية كان اعمي (ما عارف كلما اسمعها تدمع عيني..!..ياخي نحن نلحق نموت بالعطش ولا بالإبادة العرقية ولا شنو ما عارف ذاتو..!)..و انو الفكرة اساسا قامت على تيه قافلة كانت في طريقها الى مصر..و ماتت بسبب العطش ( يا ود باقير ما قلت خبير)...! المهم عزة المهرى.. من اسياد الشي ذاتا برضك.. فهو الذي اخترع عبارة (سودانيز اونلاين.. وطن من لا وطن له)...
سلام الساعه 12 بالليل يا كبر و أنا في سودان الجن دا و مداقر البوست بتاعك دا .
شوف يا حبيب لو عزت الماهري قال الكلام الفوق دا (مصدقك طبعاً) بس عزت غلطان و كلاموا ما صاح الأغنية دي حقت الشيخ فضل المولي الفكي إبراهيم و قيل انها قيلت تصوف زهد منه مع سايقه و هم في زيارة لاحد المشايخ و السائق يدعى ود باقير ، الشيخ فضل المولى من أبناء ابو قرون يا كبر .
يا أبو الحسين أنا لحدود هسي صابر و (براعي) ليك ساااكت الكع الكع خلص نضمك .
Quote: يا سفيان فييييييي ذمتك الكحلاوي عندو طعم كان ما سمعتو بيقول أرييييتا ريييتا ريييتا أريتا أريتا أريتا ريييييتا..؟؟؟شقي مجنون دي الكحلاوي بيتسلطن فيا لمن تحلف تقول هو زاااتو جن لمن يقول ليك برايا برايا برااااي برايا أححححيييا انا... ياخ انا عندي تسجيل لي الكحلاوي وابداوود وبادي جاضمين فيو حقيبة الحقييييبة.. وأريييتا ريييتا رييييتا
سويته لي في ذمتي يا عمر!!! اها النكلمك و الله الذي لا اله إلا هو انا ما سمعته زول صوتو جميل زى الكحلاوي دا و عزة الله و جلاله كمان ما سمعته زول بعمل رميات زي ما بعمله الكحلاوي يا ارتا ارتا اريتتتا دي لما يعمله الناس كلها بتكون راحله شمال و يمين و لما يقول :- اححححححيييا انا و استغفر الله العظيم الروح بتمرق و ترجع و العجب لما يشوف ليهو راجل كبير هجج شديد و يقول ليهو :- يا حاج حج ياااا حاج حج مبااااالغه . اقول ليك كلام يا عمر !!؟ شريطك دا عندي تصدق ولا لا؟
استغفر الله ياخ .
Post: #56 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 10:22 PM Parent: #51
Quote: اذكر اخونا و صديقنا الجميل عزة المهري (يكتب في المنبر باسم ابنوس).. كتب عنها من سنوات مضت..و اظنو ذكر انو شاعر الغنية كان اعمي (ما عارف كلما اسمعها تدمع عيني..!..ياخي نحن نلحق نموت بالعطش ولا بالإبادة العرقية ولا شنو ما عارف ذاتو..!)..و انو الفكرة اساسا قامت على تيه قافلة كانت في طريقها الى مصر..و ماتت بسبب العطش ( يا ود باقير ما قلت خبير)...! المهم عزة المهرى.. من اسياد الشي ذاتا برضك.. فهو الذي اخترع عبارة (سودانيز اونلاين.. وطن من لا وطن له)...
سلام الساعه 12 بالليل يا كبر و أنا في سودان الجن دا و مداقر البوست بتاعك دا .
شوف يا حبيب لو عزت الماهري قال الكلام الفوق دا (مصدقك طبعاً) بس عزت غلطان و كلاموا ما صاح الأغنية دي حقت الشيخ فضل المولي الفكي إبراهيم و قيل انها قيلت تصوف زهد منه مع سايقه و هم في زيارة لاحد المشايخ و السائق يدعى ود باقير ، الشيخ فضل المولى من أبناء ابو قرون يا كبر .
يا أبو الحسين أنا لحدود هسي صابر و (براعي) ليك ساااكت الكع الكع خلص نضمك .
Quote: يا سفيان فييييييي ذمتك الكحلاوي عندو طعم كان ما سمعتو بيقول أرييييتا ريييتا ريييتا أريتا أريتا أريتا ريييييتا..؟؟؟شقي مجنون دي الكحلاوي بيتسلطن فيا لمن تحلف تقول هو زاااتو جن لمن يقول ليك برايا برايا برااااي برايا أححححيييا انا... ياخ انا عندي تسجيل لي الكحلاوي وابداوود وبادي جاضمين فيو حقيبة الحقييييبة.. وأريييتا ريييتا رييييتا
سويته لي في ذمتي يا عمر!!! اها النكلمك و الله الذي لا اله إلا هو انا ما سمعته زول صوتو جميل زى الكحلاوي دا و عزة الله و جلاله كمان ما سمعته زول بعمل رميات زي ما بعمله الكحلاوي يا ارتا ارتا اريتتتا دي لما يعمله الناس كلها بتكون راحله شمال و يمين و لما يقول :- اححححححيييا انا و استغفر الله العظيم الروح بتمرق و ترجع و العجب لما يشوف ليهو راجل كبير هجج شديد و يقول ليهو :- يا حاج حج ياااا حاج حج مبااااالغه . اقول ليك كلام يا عمر !!؟ شريطك دا عندي تصدق ولا لا؟
استغفر الله ياخ .
Post: #57 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-07-2011, 10:25 PM Parent: #51
Quote: اذكر اخونا و صديقنا الجميل عزة المهري (يكتب في المنبر باسم ابنوس).. كتب عنها من سنوات مضت..و اظنو ذكر انو شاعر الغنية كان اعمي (ما عارف كلما اسمعها تدمع عيني..!..ياخي نحن نلحق نموت بالعطش ولا بالإبادة العرقية ولا شنو ما عارف ذاتو..!)..و انو الفكرة اساسا قامت على تيه قافلة كانت في طريقها الى مصر..و ماتت بسبب العطش ( يا ود باقير ما قلت خبير)...! المهم عزة المهرى.. من اسياد الشي ذاتا برضك.. فهو الذي اخترع عبارة (سودانيز اونلاين.. وطن من لا وطن له)...
سلام الساعه 12 بالليل يا كبر و أنا في سودان الجن دا و مداقر البوست بتاعك دا .
شوف يا حبيب لو عزت الماهري قال الكلام الفوق دا (مصدقك طبعاً) بس عزت غلطان و كلاموا ما صاح الأغنية دي حقت الشيخ فضل المولي الفكي إبراهيم و قيل انها قيلت تصوف زهد منه مع سايقه و هم في زيارة لاحد المشايخ و السائق يدعى ود باقير ، الشيخ فضل المولى من أبناء ابو قرون يا كبر .
يا أبو الحسين أنا لحدود هسي صابر و (براعي) ليك ساااكت الكع الكع خلص نضمك .
Quote: يا سفيان فييييييي ذمتك الكحلاوي عندو طعم كان ما سمعتو بيقول أرييييتا ريييتا ريييتا أريتا أريتا أريتا ريييييتا..؟؟؟شقي مجنون دي الكحلاوي بيتسلطن فيا لمن تحلف تقول هو زاااتو جن لمن يقول ليك برايا برايا برااااي برايا أححححيييا انا... ياخ انا عندي تسجيل لي الكحلاوي وابداوود وبادي جاضمين فيو حقيبة الحقييييبة.. وأريييتا ريييتا رييييتا
سويته لي في ذمتي يا عمر!!! اها النكلمك و الله الذي لا اله إلا هو انا ما سمعته زول صوتو جميل زى الكحلاوي دا و عزة الله و جلاله كمان ما سمعته زول بعمل رميات زي ما بعمله الكحلاوي يا ارتا ارتا اريتتتا دي لما يعمله الناس كلها بتكون راحله شمال و يمين و لما يقول :- اححححححيييا انا و استغفر الله العظيم الروح بتمرق و ترجع و العجب لما يشوف ليهو راجل كبير هجج شديد و يقول ليهو :- يا حاج حج ياااا حاج حج مبااااالغه . اقول ليك كلام يا عمر !!؟ شريطك دا عندي تصدق ولا لا؟
استغفر الله ياخ .
Post: #58 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 10:31 PM Parent: #57
سفيان البوست دا بوظ اعصابك جدجد
مداخلة تتكرر مرتين عرفناها لكن تلاتة مرات كتيرة ياخ.......
Post: #59 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-07-2011, 11:15 PM Parent: #58
مـنى الـخـيــر/ عــيـون الـمـهــا
Post: #60 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-07-2011, 11:28 PM Parent: #59
عارف يا نابري انا بحب الكحلاوي ده من عمري كم؟؟؟ أظن 12 سنة....عارف للدرجة البعد كبرت مشيت إتعرفتا على اولادو..عندو بتو الكبيرة يا الله على صوتها.....أسة أسة بسمع فيهو ..ده صوت غريب وعجيب... تخريمة يا ابو حسين زولك ده كان ما لحقتو بنصبح لقا البوست عمل خمسة صفحات بي الدبيل
Post: #61 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 01:23 AM Parent: #60
Quote: واحدة من الأعمال النادرة و القاعد افتش ليها .. غنية اولها بتقول (بتقول لي الفراق مكتوب..زي اول جمعنا قدر)..و هي حقت الفنان عبد التواب عبد الله.. و قام مصطفى سيد احمد غناها و نزلها في شريط سنة 1987..
وترحل يا حبيب الروح .. تخلي صباحنا ليل وسهر .. اقاسمك في السفر بالروح سعيد انت وشقاني سفر لما كتمت دمع الشوق بكيت من غير دموع اكتر .. ... يا كبر كتر خيرك والله وكتر خير الشباب المعاك .. البوست دا كلمتني بيهو (الحكومـة) قبل شوية .. الساعة اتنين صباحا بتوقيت السعودية.. اهــا .. لو كل مرة يا كبر بتجو تحاضرو لينا في الحاجات دي .. مش احسن من عيك وعااك القاعدين يدخلونا فيها لا ناقة لنا ولا ناقة اخرى ؟؟ على كل .. ساجدد اقامتي بهذا البوست .. ح اتنرجس احيانا .. ودا طبعا من بعد اذنك .. يعني يا مهمشين ما تقولو اولاد (قلبـــه) قاعدين يتطنقعو علينا حتى في الغنا ..
تعرف يا كبر الاغنية الفوقانية دي .. لما احس اني عايز اغني .. بقوم بدندن بيها ربما تكون من اكتر الاغاني للراحل بتشدني ما عارف ليه مرة في حياة المرحوم كان عندو حفلة في حديقة الجندول بي امدرمان وهي طبعا قصاد عوضية سمك .. وحسعدي ما عارفه بقت شنو كان ما قلبوها جامع المهم كان فيها صالة ديسكو .. وبتقام فيها الحفلات النهارية ومنتزة للعوائل بالليل .. المهم ايام الجاهلية حبينا فيها وجكسنا واي حاجة .. الحفلة كانت نهارية جدا بالراحل وهو في عنفوانو .. نهاية التمانينات .. والبلد بي خيره كان بغني وبعد الفاصل .. دخلت ليهو قلت ليو يا استاذ.. الليلة كان ما غنيت لي جمعنا قدر.. اصلو ما عافي ليك .. ضحك المرحوم على التعليق بتاع عدم العفو دا .. قالي الاغنية دي بغنيها ليك سااكت كدا .. لانو الشباب ديل ما حافظنها .. قام غنى لي منها المقاطع دي وانا كنت حافظه صم .. وقعدت اغني معاهو بي صوتي الشين دا .. بعدما انتهى قالي دي جبتها من ووين حسع دي ..؟؟ قمت من بنطلون الجينز وفي الجيب الوراني .. طلعت ليهو شريط الكاسيت النوعية البتلقى فيها الاسم مكتوب والاغاني (شريط ماستر) ايام الاشرطة بكتبو ليك فيها صنع في اليونان قالي الشريط دا انا ذاتي بفتش ليهو .. وطبعا شال الشريط ربنا يرحمو ويغفر ليهو .. ..
بالمناسبة يا كبـــر .. كدي في تفتيشك دا .. اكان صادفتك الاغنية بتاعت (حجــر الظلط) .. بي صوت الراحل .. عثمان عوض الله ..
بس ماف واحد يجي يقولي عثمان عوض الله دا منو ..
Post: #62 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 01:33 AM Parent: #61
Quote: التحية للفنان فتحي حسين..غنية واحدة.. ممكن تترك بصمات كبيرة في وجدان الناس..
دي طبعا يا كبر قراية افكار فنانية عديل كدا..
تتخيل قبل اسبوعين كنا في السودان .. ومشينا مكتب عقد الجلاد ومعاي الحكومـة المنتخبة بتاعتنا.. كنا بنتونس عن الاغاني وفجاة جات سيرة الاغنية دي بدون اي سبب .. تتخيل غالطت ليك شريف شرحبيل في انو الاغنية دي حقت (حسيب) والغريبة كنت مالي يدي شديد من الحتة دي .. لدرجة اني عملت خلل لي شريف في قناعاتو .. غالطتوو عديل طبعا هو قالي الاغنية دي حقت فتحي حسين وواحدة بس غناها وكانت بمثابة بصمة ليهو حتى كمان قام قلد لينا اصوات الكمنجات عاملة كيف الوكت داااك ..
Post: #63 Title: Re: محطات نادرة: الى عواجيز البورد ، و تمبس و عمر الفاروق ..! Author: أبوبكر أبوالقاسم Date: 12-08-2011, 01:37 AM Parent: #60
كبر وزواره سلامات أمتعتونا ورديتوا رويحتنا ....
لكن يا كبر ما نسيت المبدع (خليل اسماعيل) بدءاً بالأمانى العذبة وجبل مرة ... وبسحروك ...إلخ ... يأخى لو عندكم أغرفوا لينا.
Post: #65 Title: Re: محطات نادرة: الى عواجيز البورد ، و تمبس و عمر الفاروق ..! Author: Gaafar Ismail Date: 12-08-2011, 02:07 AM Parent: #63
الحبيب كبر وضيوفه الكرام بوست ظريف ودمه خفيف
تحياتي ووافر احترامي
Post: #64 Title: Re: محطات نادرة: الى عواجيز البورد ، و تمبس و عمر الفاروق ..! Author: امينة عيسى Date: 12-08-2011, 01:42 AM Parent: #1
كبر يا جميل سلامات والبركة بالشوفة
عليا بــ جملة الايمان انت زول فنان ياخ تسلم كتير
دا طرب حد الوجع
*غايتو لو فى العنوان اضفت اسم اخيتك ما بطالة معاى دا ما فن الزول بتنصل منو
Post: #66 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 02:19 AM Parent: #64
Quote: و الأغنية واحدة من اغنيات الفنان..عبد الوهاب الصافي .. صاحب.. الجرح جرحي براي منو البيداوي معاي,. و ما احلى التصافي من بعد التجافي...و ست الريد بقت قساية..زي ما الدنيا لي نساية. و...المدرسة بدا الحصة.. قصة وراها قصة..!!! اها هنا عبد الوهاب الصافي.. من بعد ما فات الآوان..!
الصافي منو يا كبـــر .. كدا عليك واحد .. الاستاذ عبد الوهاب الصادق ربنا يديهو الصحة والعافية بقدرما غنى وامتع .. ست الريد بقت نساية .. للاسف الشديد معظم الناس انتبهو ليها بعدما غناها نجم نجوم الغد ابوبكر رحمة الله .. ومعظم الناس ما عارفين شاعر الاغنية الشاعر مكاوي الشيخ الامين ..
Post: #67 Title: Re: محطات نادرة: الى عواجيز البورد ، و تمبس و عمر الفاروق ..! Author: الخير محمد عوض Date: 12-08-2011, 02:44 AM Parent: #64
الواحد من شدة ما متكيف من البوست دا بقى يشغل غنيتين في وقت واحد ياخ البوست دا بيت كلاوي الغنا زاتو.... دا ساسنا المتين البخليني اطمئن ان غنانا دا ما بتهبش وما بنقدر....
انا غايتو جاييكم مالي يدي بغنية لا امل سماعها وان سمعتها في اليوم مية مرة لفنان بسلطن الغنا جد جد
اسمعوها واودنا رايكم لغاية ما نجيكم في براح كدا
عبد الوهاب الصادق (ست الريد)
Post: #68 Title: Re: محطات نادرة: الى عواجيز البورد ، و تمبس و عمر الفاروق ..! Author: الخير محمد عوض Date: 12-08-2011, 02:48 AM Parent: #67
سبحان الله يا تمبس
في اللحظة الانت بتكتب فيها مداخلتك عن ( ست الريد) انا كنت بنزل فيها
Post: #69 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-08-2011, 03:30 AM Parent: #68
Quote: ما دام الموضوع توثيق ورد الحاجات لاصحابها خليني اصحح لكتير من الناس معلومه عن اغنيه قطار الشوق متين ترحل تودينا اها الناس بتختلف في الاغنيه هل هي للبلابل او حسين شندي تصدقوا بالله ولا واحد من ديل الاغنيه لفنان شعبي من عطبره اسمه بابكر الذاكر واظنه عايش حتى الان فحقو نكرمه بنسبه الاغنيه ليهو
فدياس سلام الزول اسمه بابكر الذكار وليس الذاكر مامختلفين كتير، زول صوته جميل وهو فعلاًمن ناس عطبره.. وقبل حسين شندى الاغنية دى غناها عبد الفتاح عباس من ودراوة وكان يغنى فى الابيض وهو اول من غنى ليالى الانس لذاذ بلحيل واخيراً اصيب بمشكله فى الحنجرة فهجر الغناء. وطالما نحن بنوثق ارجو ان لاننسى ثلاثة فنانين نساهما الناس تماماً الاول التجانى السيوفى والتجانى هو صاحب الندامى، وعيونى وعيونك وعيونك علمن عينى بكاء الخنساء، والثانى الامين على سليمان وله اغنيتين مسجلتين بالاذاعه جرحى والامى ، وكلما سالت عليك صدونى حراسك، والثالث صالح سعد وغنى القطار يوم حبيبو ودعته فهل تذكرونهم؟؟؟
Post: #70 Title: Re: محطات نادرة: الى عواجيز البورد ، و تمبس و عمر الفاروق ..! Author: Salah Abdulla Date: 12-08-2011, 05:30 AM Parent: #69
المــوج ســلامات ,,
Quote: وطالما نحن بنوثق ارجو ان لاننسى ثلاثة فنانين نساهما الناس تماماً الاول التجانى السيوفى والتجانى هو صاحب الندامى، وعيونى وعيونك وعيونك علمن عينى بكاء الخنساء، والثانى الامين على سليمان وله اغنيتين مسجلتين بالاذاعه جرحى والامى ، وكلما سالت عليك صدونى حراسك، والثالث صالح سعد وغنى القطار يوم حبيبو ودعته فهل تذكرونهم؟؟؟
بالحيل بعرفهم يا ود الموج ،وأظن أن أغنية (غاب عن عيني ربيعك مالو) حقت صالح سعد، صاح واللا غلط.
يا أبوحسين ، عبدالتواب عبدالله برضو بعرفو ، والنبهني ليهو المرحوم مصطفى سيدأحمد وبالمناسبة صوت عبدالتواب هو أحد ثلاثة أصوات تطرب الراحل مصطفي ، وتسلطنو ألف. لكن الفنانين الاتنين الباقين ما ح أقول اسماءهم عشان ما يعملوا لينا غاغا..
Post: #71 Title: Re: محطات نادرة: الى عواجيز البورد ، و تمبس و عمر الفاروق ..! Author: معاوية عبيد الصائم Date: 12-08-2011, 05:45 AM Parent: #70
Quote: الزول اسمه بابكر الذكار وليس الذاكر مامختلفين كتير، زول صوته جميل وهو فعلاًمن ناس عطبره..
بابكر الذكار من ام الطيور (سيتى) قريتنا
شكرا العزيز كبر للبوست الانيق... تحياتى ليك والمتداخلين
تخريمة
المصدر ....انا ده....والله يا كبر قصة المصادر بقت قصة اكان قلت فلان عيان يقولوا ليك هات المصدر او اسم الطبيب المعالج او الحقنة الفاضية
Post: #72 Title: Re: محطات نادرة: الى عواجيز البورد ، و تمبس و عمر الفاروق ..! Author: khaleel Date: 12-08-2011, 05:46 AM Parent: #70
وانا لازم اشارك يا كبر
Post: #73 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-08-2011, 07:35 AM Parent: #72
دندق يا قص و صباحكم زين بمواعيد السودان .
يا أبو الحسين ياخ بطل شيل حال ياخ أنا بنزلهم تلاته تلاته عشان اعطل ليك روحي ياخ .
Quote: عارف يا نابري انا بحب الكحلاوي ده من عمري كم؟؟؟ أظن 12 سنة....عارف للدرجة البعد كبرت مشيت إتعرفتا على اولادو..عندو بتو الكبيرة يا الله على صوتها.....أسة أسة بسمع فيهو ..ده صوت غريب وعجيب... تخريمة يا ابو حسين زولك ده كان ما لحقتو بنصبح لقا البوست عمل خمسة صفحات بي الدبيل
يا عمر يا فاروق انا متلك بالضبط بس الفرق الوحيد أني عرفته الكحلاوي و أنا في اولى متوسطه و مجدي و لدو دفعتى و فردتى لحدي يوم الليلة ، ياخ عشته زمن عجيب و انا كل صباح بلز عربية عمك الكحلاوي لحدى ما تدور و بعديها نمشي المدرسه . بالله يا زارع القسى دى لما يغنوها ناس البيت ديل بتجن رسمي ياخ دى أسرة عجيبة .
هاكم دا ادريس الأمير ولد الشرق الجميل صوت من الفراديس إدريس اتوفي بدري و اتوفي وهو في بداية مشواره الغنائي و لا زال الناس يتذكرون (صب دمعي) يا سلااام عليها .
Post: #74 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-08-2011, 08:21 AM Parent: #73
الصديقات و الأصدقاء.. حبابكم جميعا.. و كتر خيركم على المرور من هنا.. و سوف اعود لكل مرور بالتفصيل..
اهديكم الفنان عثمان الأطرش..و هو برضك عندو اعمال قليلة.. اذكر في واحد من مهرجانات الثقافة في عهد مايو.. انو عثمان الأطرش نال المركز الأول..و ان لم تخني الذاكرة.. التاني كان اللمين عبد الغفار..و الثالث مصطفى سيد احمد.. من اغنيات عثمان..(بت بلدي)..
وبالجد سعيد بمروركم جميعا..و سوف نعود..
كبر
Post: #75 Title: Re: محطات نادرة: الى عواجيز البورد ، و تمبس و عمر الفاروق ..! Author: ismeil abbas Date: 12-08-2011, 08:56 AM Parent: #72
أخى كبر...لك التحية.وبوست موفق وتوثيقى ممتاز..
حقيقة العنوان فيهو خصوصية عشان كده تحاشيته كثيرآ وبصراحة فيه مادة قوية ومفيدة
Quote: فيكم واحد كان متذكر صحف 1987 و سخريتها من الغنية دي؟؟!!)..!
ألأغنية دار حولها حديث كثير..وكيف أجيزت لآن فى ذلك الحين كانت مستواها ليس بمستوى الأغنيات المجازة...وأن هناك واسطة تدخلت لتمرير تسجيلها.
أغنية زهرة السوسن للفنان المرحوم.ألأستاذ عبدالله لحاج وليست لعبدالله محمد..
الراحل المبدع الرحوم/ عبدالله الحاج رجل مترع بالفن ومثقف.
زهرة السوسن عطرك الفواح للنفوس مسكن.
تقديرى وإحترامى للجميع.
Post: #76 Title: Re: محطات نادرة: الى عواجيز البورد ، و تمبس و عمر الفاروق ..! Author: أبو ساندرا Date: 12-08-2011, 09:29 AM Parent: #75
Quote: و برضك فتشت للفنان الصافي محمد احمد (يا عواجيز البورد ده الزول الكان عندو اغنيات من ضمنها لون الكاكاو جلا السواه.. الغريبة النسخة الوحيدة المتوفرة في اليوتوب بصوت فنان تشادي عاش في الأبيض )..
الصافي صوت صافي جدآ وقوي غنى ( يا حنين لا تهجرني وهجرانك صار معذبني ) والأغنية للفنان حسين ابوعرب غايتو ده بيكون متذكرنو صلاح عبدالله وتمبس بس
Post: #77 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-08-2011, 10:17 AM Parent: #76
الصافي ده كان بيغني أغنية إسمها جنى الكاكاو؟؟
Post: #78 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-08-2011, 10:20 AM Parent: #77
الزول ده كان ساكن جارنا في الثورة..لكن إختفى فجأة ما بعرفو وين.. الغريبة كانت منطبقة عليهو زامر الحي لا يطرب!!
Post: #79 Title: Re: محطات نادرة: الى عواجيز البورد ، و تمبس و عمر الفاروق ..! Author: أبو ساندرا Date: 12-08-2011, 10:51 AM Parent: #78
يا كبر ارجو ان لاتغفل في سفرك الجميل هذا ذكرى فنان مقتدر هو الراحل بهاء الدين عبدالرحمن ابوشلة خاصة ولاحظت اعتنائك بالفنانين المغمورين و المنسيين
Post: #85 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-08-2011, 11:31 AM Parent: #79
Quote: يا كبر ارجو ان لاتغفل في سفرك الجميل هذا ذكرى فنان مقتدر هو الراحل بهاء الدين عبدالرحمن ابوشلة خاصة ولاحظت اعتنائك بالفنانين المغمورين و المنسيين
ابو ساندرا يا قديم جداً انا اسم بهاء الدين ابوشلة عندى مربوط دائما بالمقطع الشهير فى الملحمة البقول (والشارع ثار غضب الامة اتمدد نار) وعنده اغنية لازلت اذكرها اسمها (مهما أمري يهون عليك) واغنية تانية اسمها (واحة الربيع) حتى اذكر كان الشباب يرددونها ساحة الربيع عندما تم تسوير نادى الربيع فى امدرمان كان مكتوب فى اليافطة ساحة الربيع اظنه توفى قل سنة على ما اظن له الرحمه،،،
Post: #80 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 11:02 AM Parent: #78
Quote: والأغنية للفنان حسين ابوعرب غايتو ده بيكون متذكرنو صلاح عبدالله وتمبس بس
والله يا ابوساندرا مبالغة لكن .. تتخيل صحيت قبل شوية وفي بالي حسين ابوعرب .. قلت اسال عنو .. الزول دا ما اشتهر كتير .. لكن على ما اعتقد كان في سلاح الموسيقى .. عندو اغنية كـــدا بتاعت (اخـــوان) .. بتذكر في نصها كدا بقول السمبا الرمبــا .. الخ .. يوم جابوهو جيرانا قاعد يغني في الاغنية دي بالعود .. والشغلانة كانت قعده لكن متذكره لحدت الان .. اكيد صلاح بون الوكت داك كان مقدد ليك حفلاتو ..
يا الخير .. ياخ ست الريد دي .. على مستواي الشخصي اجمل ما اتغنى في الغنا الشعبي لحدت الان مع باقي احترامي لبقية الاعمال الباقية
Post: #81 Title: Re: محطات نادرة: الى عواجيز البورد ، و تمبس و عمر الفاروق ..! Author: ABUHUSSEIN Date: 12-08-2011, 11:14 AM Parent: #80
Quote: حسين ابوعرب .. قلت اسال عنو ..
فنان حفلات و قعدات تقريباً
أظن من حي العرب
راجل غناي و بتاع ربات
Post: #82 Title: Re: محطات نادرة: الى عواجيز البورد ، و تمبس و عمر الفاروق ..! Author: أبو ساندرا Date: 12-08-2011, 11:17 AM Parent: #80
تمبس :
Quote: والله يا ابوساندرا مبالغة لكن .. تتخيل صحيت قبل شوية وفي بالي حسين ابوعرب .. قلت اسال عنو .. الزول دا ما اشتهر كتير .. لكن على ما اعتقد كان في سلاح الموسيقى .. عندو اغنية كـــدا بتاعت (اخـــوان) .. بتذكر في نصها كدا بقول السمبا الرمبــا .. الخ .. يوم جابوهو جيرانا قاعد يغني في الاغنية دي بالعود .. والشغلانة كانت قعده لكن متذكره لحدت الان .. اكيد صلاح بون الوكت داك كان مقدد ليك حفلاتو ..
عنده أغنية كثيرآ ما أترنم بها ، وانا في الحمام مطلعها :( خلاص افرحو يا عزال .. حبيبي الليلة سافر وراح قطارو اتحرك الليلة .. حبيبي ذكرياتو الحلوة يا حليلة )
Post: #83 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 11:18 AM Parent: #80
Quote: يا كبر ارجو ان لاتغفل في سفرك الجميل هذا ذكرى فنان مقتدر هو الراحل بهاء الدين عبدالرحمن ابوشلةخاصة ولاحظت اعتنائك بالفنانين المغمورين و المنسيين
Post: #84 Title: Re: محطات نادرة: الى عواجيز البورد ، و تمبس و عمر الفاروق ..! Author: tmbis Date: 12-08-2011, 11:26 AM Parent: #83
Quote: عنده أغنية كثيرآ ما أترنم بها ، وانا في الحمام مطلعها :( خلاص افرحو يا عزال .. حبيبي الليلة سافر وراح قطارو اتحرك الليلة .. حبيبي ذكرياتو الحلوة يا حليلة )
ايووووة يا ابوساندرا .. كان بتاع قعدات بالعود زيما قال ابوحسين .. والاغنية اظنها بتقول .. خلاص افرحو يا شمات حبيبي الليلة سافر وفات .. وكان بتاع كسرات في النص كدا .. وبقول فيها قطر الجنوب دا الشال المحبوب .. الجاب لينا وجع القلوب وذكرنا ايام حنتوب
Post: #86 Title: Re: محطات نادرة: الى عواجيز البورد ، و تمبس و عمر الفاروق ..! Author: أبو ساندرا Date: 12-08-2011, 11:33 AM Parent: #83
يا تمبس ، البوست بتاعك اعلاه عن الراحل بهاء ابوشلة نبهني له استاذي وصديقي عثمان حامد سليمان طاالعته ونويت ان اكتب فيه ثه ذهب في النسيان
قد اكتب يومآ ما عنه ، مستعينآ بك وب عثمان حامد سليمان
Post: #87 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-08-2011, 11:47 AM Parent: #83
بمناسبة إدريس الأمير الفوق داك يا شباب اها أغنيته الشهيره بتاعة (صب دمعي) غناها برضو فنان من اولاد رفاعه أسمو (جلال مسعود) الزول دا و ين؟
Post: #88 Title: Re: محطات نادرة: الى عواجيز البورد ، و تمبس و عمر الفاروق ..! Author: صديق الموج Date: 12-08-2011, 12:16 PM Parent: #87
Quote: فنان من اولاد رفاعه أسمو (جلال مسعود) الزول دا و ين؟
سفيان سلام جلال ده كان معانا هنا فى الرياض لكنه غادر للسودان فى العام 1990 وكانت تردنا اخباره من بورتسودان لكن انقطعت اخباره من فتره له التحيه وين ماكان،،،
Post: #89 Title: Re: محطات نادرة: الى عواجيز البورد ، و تمبس و عمر الفاروق ..! Author: أبو ساندرا Date: 12-08-2011, 12:43 PM Parent: #88
الموج
Quote: ابو ساندرا يا قديم جداً انا اسم بهاء الدين ابوشلة عندى مربوط دائما بالمقطع الشهير فى الملحمة البقول (والشارع ثار غضب الامة اتمدد نار) وعنده اغنية لازلت اذكرها اسمها (مهما أمري يهون عليك) واغنية تانية اسمها (واحة الربيع) حتى اذكر كان الشباب يرددونها ساحة الربيع عندما تم تسوير نادى الربيع فى امدرمان كان مكتوب فى اليافطة ساحة الربيع اظنه توفى قل سنة على ما اظن له الرحمه،،
قديم كسرة بس نزلت في الفيسبوك 5 اغنيات للراحل بهاء ابوشلة ارجو متابعتها هناك ولو قدرت جيب منها هنا
Post: #90 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-08-2011, 12:49 PM Parent: #89
الكلام دا لعمر الفاروق
يا عمر أمس محمود احتله مسرح خضر بشير احتلال ابيض احتلال كامل شامل في ذكري لخضر بشير . هسي منقوله على قناة الخرطوم و قطع شك بيعدوها تاني.
حاجة ما تخلص محمود عمل عمايل هو و محمد خضر .
انتهى .
Post: #91 Title: Re: محطات نادرة: الى عواجيز البورد ، و تمبس و عمر الفاروق ..! Author: عمر الفاروق Date: 12-08-2011, 03:54 PM Parent: #90
يا نااابرييييييب ياخ... إن شاء الله ما تنفعكم.. الأيام دي انا ماري لي بي مرحلة مخييييفة في حب محمود عبد العزيز.. والله ووالله كل ما اسمعو ولا اشوفو في التلفزيون ببكي ..فسرتو إنو خليط من اعجاب لي حب لي حزن لهذا الأسمر اللجمييييل الغنااااي... محمود ده اعجوبة سودانية ما حيعرفوها الناس الا بعد موتو.. وح يتكتب فيهو كتابات الأساطير فهذا الحوت إسطووورة.. إلي كل من يلاقي محمود يبلغو سلامي وبوسة في جبهتو مع دعاء الله يحفظك ويغطيك يا حوووووتة...
Post: #92 Title: Re: محطات نادرة: الى عواجيز البورد ، و تمبس و عمر الفاروق ..! Author: فدياس نجم الدين Date: 12-08-2011, 11:47 PM Parent: #91
Quote: بابكر الذكار
شكراً صديق الموج على تصحيح الخطأ المطبعي
لازم نشير هنا يا سفيان نابري لأغنيه خوجلي هاشم
يا الفت إنت وفات زمان
البغنيها محمود عبدالعزيز والناس مفتكره إنها حقت محمود
Post: #93 Title: Re: محطات نادرة: الى عواجيز البورد ، و تمبس و عمر الفاروق ..! Author: حمزه بابكر الكوبي Date: 12-09-2011, 01:01 AM Parent: #92
Quote: حبابيبي الحلوين .. اهلا جوني
كبر وكل محبي الطرب الجميل الحاتلين في البوست ده لكم التحيه اغنية حبايبي الحلوين ياكبر لعبدالوهاب الصادق وليست لمحمود علي الحاج
واحد من الفنانين من العيار الثقيل هو ابراهيم موسى ابا الذي ظهر للساحه الفنيه في فرقة كردفان التي ظهرت في الستينات على ما اظن مع عبدالقادر سالم وعبدالرحمن عبدالله وصديق عباس وام بلينه السنوسي ومن اغانيه "شوف جمال السودان في بلدنا كردفان " وايضا " بعز التوب " اما اشهر اغانيه " ملكة جمال بارا" وهي واحده من اجمل اغاني منطقة كردفان عامه حسب وجهة نظري وبارا تقريبا اكتر مدن السودان نافست كسلا جكسيا فملكة جمالهن اكيد بتكون ابداع ماعادي
Post: #94 Title: Re: محطات نادرة: الى عواجيز البورد ، و تمبس و عمر الفاروق ..! Author: حمزه بابكر الكوبي Date: 12-09-2011, 01:09 AM Parent: #93
ماننسى كمان ياشباب احمد عمر الرباطابي الذي اشتهر باغنية الربوع والله ليلي انا وايضا الحبيب الشاغل العقول وين ياراقي منك طولنا طول
ومن طرائف الفنان احمد عمر الرباطابي وهو مشهور بالرد الساخر شانه شان الكثير من الرباطاب حينما سألوه عن اداء فرقة عقد الجلاد لاغنيته امدر ياربوع سودانا وهو لم يكن راضي عن ادائهم ... قال زي الزول لما يكون ماشي في الطين
Post: #96 Title: Re: محطات نادرة: الى عواجيز البورد ، و تمبس و عمر الفاروق ..! Author: elsawi Date: 12-09-2011, 04:01 AM Parent: #94
سلام يا كبر وسلامات لضيوفك ويديك الف عافية و الله بوستك ريحني راحة شديدة والواحد بالجد كان محتاج لي ضل نيمتك دي
يا سفيان هاك دي صب دمعي مرتين الأولى بغنيها سيد الشي ذاتا الراحل ادريس الأمير والتانية بي صوت جلال مسعود والأثنين غاية الروعة
Post: #97 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-10-2011, 09:05 AM Parent: #96
شكراً الصاوى فردة جناحى التانى
Quote: لازم نشير هنا يا سفيان نابري لأغنيه خوجلي هاشميا الفت إنت وفات زمان
البغنيها محمود عبدالعزيز والناس مفتكره إنها حقت محمود
فدياس ود الناس ياخ أنا خوجلى دا لما اسمع اسمو ساى قلبي بوجعنى خوجلى دا زول فنان فنان فنان بس تقول شنو عاد!!
يا كبر و ياشباب شوفو خوجلى هاشم و ادونا النجيضة ياخ دا ولد غنااااي و خساره انو ينزوي و الله خساره
اسمعوا تهجرني يا ناكر دي بالله دى بتكتل رسمى
زول عاااارف نفسوا و عارف امكانياتو تمام
دى الفات زمان من صاحبه الاصلى بس صدقونى التسجيل دا بعد سنين من الغربه و كان تسجيل قريب دا .
خوجلى دا فنان كبير من ما ظهر فى 81 و ما اتازل من عرشه نهائي لكن الظروف و القدر حرمتنا منو .. ربنا يعيدوا ياخ .
حاولوا القوا ليه عشق البنفسج عشان المزيكا و اللحن و الكلمات . و القوا ليهو الراكوبة عشان هى من اغانيهو الاولى .
و شكراً يا فدياس علي و جع القلب و بتسداها فيك.
Post: #98 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-10-2011, 09:41 AM Parent: #97
معليش تاني يا شباب اصلاً فدياس دا مضر أنا عااارفو
خوجلى هاشم دا فى فنان مشهور اسمو محمد سعدان و هو صاحب (يازمن لي وين مسيرنا و يا طريق لى وين تنتهي) اتنازل منها لدعم مسيرة خوجلي هاشم.
Post: #99 Title: Re: محطات نادرة: الى عواجيز البورد ، و تمبس و عمر الفاروق ..! Author: امينة عيسى Date: 12-10-2011, 10:00 AM Parent: #98
بـ نصبح وبــ نمسى عليكم جميعا
Post: #100 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 10:59 AM Parent: #99
صديقي صلاح عبد الله..حبابك كتر خيرك على المرور من هنا.. طبعا زي ما عارف الوكت داك كانت اشرطة الكاسيت نادرة (ظهرت في الثمانينات)..و معظم الناس ديل سمعناهم في السبعينات..بعد تسجيلهم في الإذاعة.. الرمية فعلا قد يكون اداها محمد سلام..وقد يكون الخالدي غناها في حفلات أو لم يغنيها اساسا.. اها لمن جا زمن الأشرطة.. لحقنا سمعنا جلال الصحافة (يوم نتلاقا و نجتمع..نضوي البيت بالشمع).. و محمد اسماعيل (كان بيؤدي اعمال الكاشف).. التجاني السيوفي سمعتو..و برضك التيجاني مختار.. كتر خيرك ..و كل مرة جيبوا لينا اسم جديد/قديم..على الأقل نقول طيب في حق الناس ديل..
كبر
Post: #101 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:00 AM Parent: #100
شرف الدين..حبابك كتر خيرك على المرور.. غنية (العزيزة) فعلا غنية جميلة..و كلماتها انيقة للغاية..مش صديقك براهو..ناس كتيرة يا اخوي بتجيها حالة استغراق اسكت ساكت خليها.. كبر
Post: #102 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:01 AM Parent: #101
فدياس..حبابك يا صديقي كتر خيرك على المرور.. فعلا (قطار الشوق ) دي اول مرة سمعتها عند حسين شندي..و معاها (يا ساير..يا ماشي..النظرة ماشة وراك) و الأخيرة اعتقد سيدها (عبيد الطيب بتاع ..سلام روحي..يوصل اليك).. غنية شقى الأيام.. عندي مسجلة بصوت مصطفى..و كان بيستخدم فيها ايقاع ريقي..و حمد الريح شالها فيما بعد.. يتخيل لي واحدة من سبب جهل الأجيال الجديدة..انتشار الكاسيت..و الحفلات..و انفصلت الأجيال.. لأنو بعض الشباب بيكون سمع الغنية عند فنان جديد..و بيفتكرها بتاعة الفنان الجديد.. في بعض الفنان سجلوا في الإذاعة اغنيات كتيرة للغاية..و قضوا عمر طويل في الساحة الفنية السودانية..و احتمال الواحد فيهم ما يكون عمل حفلات عامة.. أو يكون عمل لكن بصورة نادرة..
كبر
Post: #103 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:02 AM Parent: #102
بلدي يا حبوب..حبابك كتر خيرك على المرور.. نعم يا قريبي..و ناس كتيرة ممكن تغني (بلدي يا حبوب..اب جلابية و توب)..و ممكن تكون ما عندها فكرة عن سيد احمد الحردلو.. الأجيال الجديدة..مستمعة بتساهيل الحياة..يعني قاموا و لقوا الأشرطة..و الفيديو كليب..و فرص سماع متنوعة..ياخي نحن زمنا (خصوصا في السبعينات و الثمانينات) كان في احتكار سوداني جميل..يعني الست و محمد عبد الوهاب..و عبد الحليم حافظ.. ديل الإ كن تسمع بيهم في المجلات..و الإذاعة كانت بتجيب ليهم اعمال في فترات متباعدة.. اها القصة دي حفظت لينا الغنا حقنا و خلتو يصل الفرقان و الحلال.. اها حالنا يا قريبي..الجوابات كانت بتدا بي صيغة واحدة محفوظة..لكنها كانت اختراع سوداني.. زمان كانت في هواية بين الشباب من الجنسين..كل زول/ة يعمل ليه كراس اغاني..و يكتب فيهو الأغاني بصورة انيقة.. البعض طور الحكاية و جاب فكرة (زهرة الأغاني) و غيرها من الكراسات المطبوعة التي كانت تباع في المكتبات..و اتحفظت الحاجات بعض الشي..
كبر
Post: #104 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:05 AM Parent: #103
عمر الفاروق..حبابك يا صديقي كتر خيرك على المثابرة.. ابدا ما في خلاف يا عمر..و و محمود عبد العزيز ما كان عندو ادعاء ان الأغاني التي يؤديها هي ملك له..و فعلا واحدة من افكاره النابهة انتباهه لأغنيات الفن الشعبي (كما يقولون) و نفض الغبار عنها و تقديمها للناس بصورة لطيفة و بهية..! المشكلة الوحيدة.. هي مشكلة شركات التسجيل..و هي التي كانت تاخذ الأغنية و تذهب الى الشاعر مباشرة..و تتفاهم معاهو..ثم تقوم تقول لمحمود غنيها..و في الشريط يكتب اسم الملحن و اسم الشاعر..و يختفى اسم الزول الذي قدمها للناس في البدء..و القصة دي بدت مع ناس شركة البدوي..و غيرها من الشركات..ولا تنطبق على محمود فقط..ناس كتيرة مثل عبد الكريم ابو طالب..فكلهم انتشرت اشرطتهم و هم يغنون اغاني التانيين..و الشباب بيفتكر انو الفنان ديل اصحاب الغنا المقدم..
كبر
Post: #105 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:11 AM Parent: #104
ايمن..حبابك كتر خيرك على المرور.. فعلا الرمية بيكون غناها محمد سلام (بالرغم من تأكيد صديقنا اسماعيل كردلي لحكاية الرشيد كسلا)....و هو زول نادر للغاية.. من الطرائف يا ايمن..معاي واحد صاحبي هنا في كالقري..و كنا بنتونس..و قام التلفزيون السوداني جاب محمد سلام بيغني..اها صاحبي قال لي ما عارف التلفزيون ده بجيب الفنانين ديل منو وين (طبعا الراجل دفعتنا و عارف كتير في الفن السوداني).. اها قمت قلت ليهو ادي وشك على الحيطة بسرعة قبال الأغنية تنتهي..اها قريبي قبل على الحيطة و رخى اضانو..و لدهشتي قال لي: ياخي الزول صوتو الخالق الناطق لصوت الزول الكان بيغني (قام اتعزز الليمون..عشان بالغنا في ريدو)..!! قلت ليهو ياهو ذاتو..! المفارقة.. انو الناس ديل معظمهم سمعناهم في الإذاعة..و لمن تشوف الشكل.. معظم الناس بتكون بتركز في الشكل و بتتجاهل حكاية الصوت دي.. و نشوفك طوالي يا ايمن..البريكات دي مرات بتجيب الوش التاني (احدى الصديقات رسلت لي رسالة في الهوت ميل و مستغربة..و قالت لي و الله الزمن ده كلو قايلاك بتاع شكل و غلاط..و غرابة..و عييك و عاك..!!).. كبر
Post: #106 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:17 AM Parent: #105
حمد..حبابك يا صديقي ياخي كده خوفتني عديل..يعني قالوا قطعة سكر دي كانت من عندك؟.. اوعى تكون انتا حمد البابلي؟.. غايتو لو كنت البابلي او شبه اسامي ساكت.. اثبت موقفي من غنية يا حمام..و قلتو سنة 1987.. انها غنية عادية..و فيها شوية اناقة.. و اليوم اقول كما قالت الزولة (عجبني للمرقوت)..لأنو في بالي نقة ناس الصحافة و سخريتهم..في واحد كتب,.(يا جداد كر كر..و يا حمار عر عر).. اها الزول ده اتمنى يكون شجاع و يجي يفتي لينا في ناس (راجل المرا ) و (حركتك ########ة..عمليتك ما ظريفة)..و (اضربني بمسدسك)..و (كلام يا عوض دكام)..!!! و نشوفك طوالي يا حمد.. كبر
Post: #107 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:26 AM Parent: #106
صديقي الصاوي..حبابك كتر خيرك على المرور من هنا..و لينا طولة ياخي.. لقيت تسجيلات نادرة لمحمد حسنين (متذكر تسجيل نادر لجيلاني الواثق غنا فيهو يا سهارى)..و حايم في النت..بس الصفحة بقت تقيلة شوية وح انزلها لو لقيت فرقة.. الطيب عبد الله من الناس الشكلت وجداننا..وو اكتر فنان سوداني نسجت حولو اساطير كتيرة خلاص..لأنو بتاع غنا حزايني.. من المفارقات.. كنت سكرتير ثقافي لجمعية القانون.. اها قمت حظيت بترتيب جلسة استماع مع الفنان هاشم ميرغني (و هو برضك عندو غنا حزايني خلاص)..و الجلسة كانت في قاعة الشارقة..طبعا الجكسي (خصوصا ناس الأقاليم) كلو بصمة خشمو زحم ليك القاعة..و العالم دايرة تشوف هاشم ميرغني للدنيا و الزمان..اطرف تعليق من صديقة (من ناس سنار..و بتسمع هاشم ميرغني كتير)..و قالت لي: ياخي الراجل ده يعذب فينا و نسهر الليالي الطوالي..و كمان عندو نفس يتبسم..(طبعا شافت هاشم مبسوط و بيتبسم)..!! دي واقعة بتأكد أنو الإذاعة كانت بتقدم الصوت..و الناس بتخلق تصور معين..للفنان..و بتستغرب لمن يكون شكلو مختلف عن التصور ده..! محمد مسكين متذكر ليهو (ربي ما تحرم بيت من الأطفال)..و اعتبرها اغنية خالدة لأنها تناولت ثيمة اجتماعية ما سمعت فنان في الدنيا غنا ليها..! كتر خيرك و نشوفك طوالي.. كبر
Post: #108 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:35 AM Parent: #107
صديقي الصادق..حبابك كتر خيرك على المرور.. ابراهيم خوجلي من المحطات الجميلة و النادرة ايضا..و تعجبني في تجربته انو الزول التاني (بعد خضر بشير) كان بيستخدم المندلين.. لإبراهيم خوجلي.. تسجيلات عديدة (كتر خير الفكي يوتوب على حسب اجتراحات صديقنا الجميل محسن طه)..و لكن اهديك و الجميع هنا هذه المادة.. و الأغنية هي افكاري تايهة..لكن المفارقة أن الفنانة التي تؤديها هي ابنة الأستاذ ابراهيم خوجلي ..
النور الجيلاني عندو (كدراوية)..و ح اشوفها و انزلا.. و نشوفك طوالي يا الصادق,,
كبر
Post: #109 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:42 AM Parent: #108
صديقي نيازي..حبابك كتر خيرك على المرور من هنا.. فعلا حاجات كتيرة سمحة..و ما بنحس بسماحتها الإ لمن تمضى عليها سنين..! اخوانا المؤتمرجية (ناس مؤتمر الطلاب المستقلين) عندهم نظرية لذيذة خلاص.. بتقول انو ما صدفة غريبة كل اولاد و بنات السودان يبدو الجوابات بعبارة واحدة و هي ( اذا دار محور سؤالكم عنا في هذه المدة الطويلة لم نفقد شي سوي عدم مشاهدتكم الغالية)..و برضك عندهم ملاحظة عن فكرة ليه كل فنان سوداني بيبدأ بترديد اغاني الحقيبة..! طبعا الكلام ده في الثمانينات و بداية التسعينات..و يمكن يكون منطبق حتى اليوم..لكن زاد عليهو انو الناس بقت تنفض الغبار عن اغاني السبعينات و بداية الثمانينات..اما الجديد من الغنا.. اخير ياخي ردد غنا زمان و نقرض على كده..! ابوعبيدة حسن من الناس السمعت ليهم كتير..و رجع عمل تسجيلات تاني في التلفزيون..و ح انزل بعض منها.. و نشوفك يا نيازي.. كبر
Post: #110 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 11:56 AM Parent: #109
صديقتي امينة..حبابك كتر خيرك على هذه الوقفة الصامدة (ياخي جكس البورد كلو اتغبى فينا العرفة..just kidding..غايتو عالم خوتها اسكتي ساكت خليها ).. المهم.. نهديك حاجة نادرة..و هي لأستاذنا محمد ميرغني (غايتو خمس و عشرين سنة ما شفتا الزول ده بيغني بالعود)..!
اها الغنية دي ناس اليومين ديل اتلحوها تلحة السنين..لكنها بصوت ميرغني عندها وقع خاص للغاية.. سمعت لميرغني اشتقت ليك تسجيل جديد (ما انبعلت لي)..و سمعت ليهو (عشان خاطرنا..)بصوت اخونا مجاهد (قاعد اسمعها في اليوم تلاتة مرات.. لأنو مجاهد زول مو ساهل تب).. اتمنى ان تعجبك الهدية.. و نشوفك طوالي..يا امينة ياخي.. كبر
Post: #111 Title: Re: محطات نادرة: الى عواجيز البورد ، و تمبس و عمر الفاروق ..! Author: Kabar Date: 12-10-2011, 12:06 PM Parent: #110
براوة للصديقة امينة.. اساتذتي و اصدقائي.. ابوبكر ابو القاسم.. جعفر اسماعيل.. ابوساندرا.. و الأصدقاء.. اسماعيل عباس.. تمبس.. الخير.. معاوية.. حمزة..اسماعيل كردلي.. و الأصدقاء المداومين.. ابو حسين.. سفيان.. صديق الموج.. عمر الفاروق..
كتر خيركم كتير.. وسوف اعود بالتفصيل..و الإضافات.. و دمتم في عالم المحبة..و الحنين النضيف ..
كبر
Post: #112 Title: Re: محطات نادرة: الى عواجيز البورد ، و تمبس و عمر الفاروق ..! Author: امينة عيسى Date: 12-10-2011, 01:41 PM Parent: #111
كبر يا جميل فى كل شىء شكرا نبيلا يشبهك ويشبه ضيوفك والناس الدفعة واختياراتكم رائعة والهدية مقبولة جدا يسلموا الايادى
Post: #113 Title: Re: محطات نادرة: الى عواجيز البورد ، و تمبس و عمر الفاروق ..! Author: سفيان بشير نابرى Date: 12-12-2011, 10:53 AM Parent: #112
يا جماعة الفنان أحمد فرح دا زول جميل و صوتو جميل بس أنا و الله ما عارف ليهو حاجة غير دي و زمااان سمعتها في الاذاعه بس ما كنت عارف الزول دا اسمو منو و مرة فى المنبر دا رفعه و احد من الأخوان و جاتنا هدية من حبيبنا صابر عبد الهادي :-
