Post: #1 Title: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:11 AM
Post: #2 Title: Re: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:22 AM Parent: #1
مميزات الجهاز الجديد
اكبر شاشة عرض لجهاز موبايل انتج في العالم 5,3 (الايفون 3,5 ) 800 - 1280 HD ,
Prosessor: 1,4 Hz dual core Video: 1920*1080 full HD الكاميرا 8 ميقا وزن الجهاز 178 قرام ونظام بطارية شحن تعيش مدة مضاعفه من منتجات اجهزة سامسونج الاخري رغم كبر الشاشه ,, الجهاز يتيح للمستخدم الكتابه والتصفح باللمس او القلم المرفق مع الجهاز
Post: #3 Title: Re: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:30 AM Parent: #2
Post: #5 Title: Re: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:35 AM Parent: #3
Post: #4 Title: Re: سامسونج تطلق افضل واكبر موبايل في العالم (samsung galaxy note) Author: عابدون محمد عابدون Date: 12-07-2011, 09:30 AM Parent: #2
معاوية سلامات ونشكرك على المعلومة القيمة كعادتك لكن برضو انا تابعت يامعاوية انو الجلاكسى تاب دا تم سحبه من بعض الاسواق العالمية بى سبب حقوق ملكية او ماشابه..
أها دى فرصة كمان تورينا زى النوت بوكس دى قالوا احسن الواحد يشترى لاب توب بيكون احسن عشان كدة عايزين رأيك الفنى برضو لأنو وعلى ما أظن مابتقدر تنزل برامج وبرضو هناك شىء متعلق بالوندوز بتاعه مامتذكره شنو.
Post: #6 Title: Re: سامسونج تطلق افضل واكبر موبايل في العالم (samsung galaxy note) Author: بكري الخير Date: 12-07-2011, 09:44 AM Parent: #4
متابعين
Post: #8 Title: Re: سامسونج تطلق افضل واكبر موبايل في العالم (samsung galaxy note) Author: معاوية المدير Date: 12-07-2011, 09:53 AM Parent: #6
سلآمات يا معاوية. يا أخي ناس سامسونج ديل فاتوا الكبار والقدرهم. الجماعة ديل في التلفزيونات عندهم كولتي بتاعت صورة تذهلك عدييييل كده. بصرآحة ضربو سوني والبقية في الأنكل...
Post: #10 Title: Re: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:59 AM Parent: #8
سلامات يا بكري والمدير
اتصلت بي شركة سامسونج لمعرفة تفاصيل اكتر عن المنتج ...وعرفت انو المنتج متاح في الاسواق العالميه من اول ديسمير اي قبل اسبوع .. والسعر بتراوح بين 600 لي 800 دولار ..ومعلومة انو انسحب من الاسواق دي غير صحيحه
Post: #7 Title: Re: سامسونج تطلق افضل واكبر موبايل في العالم (samsung galaxy note) Author: Maawya Hussein Date: 12-07-2011, 09:48 AM Parent: #4
سلامات يا عابدون
ما ظنيت انو منتج النوت دا نزل السوق احتمال دا يكون منتج Nexus النزل بعد سامسونج جلكسي 2 والله اعلم .. بالنسبه لاجهزة النوت ومقارنتا مع اللابتوب طبعا مافي اي مقارنه عمليه مهما كان ..حتي اللابتوب الميني دا انا شايفو ما عملي وضياع زمن ساكت لكن ان شاء الله اقرا اكتر عن المنتج الجديد ولو لقينا طريقه نتفك من عالم الايفون دا وندخل عالم الساميونج والاندرويد عشان نديك النتيجه عبر معايشات حقيقيه
Post: #9 Title: Re: سامسونج تطلق افضل واكبر موبايل في العالم (samsung galaxy note) Author: عابدون محمد عابدون Date: 12-07-2011, 09:57 AM Parent: #7
الله يديك العافية يامعاوية وشكرا .
Post: #11 Title: Re: سامسونج تطلق افضل واكبر موبايل في العالم (samsung galaxy note) Author: امير عبدالدائم Date: 12-07-2011, 11:47 AM Parent: #9
اخونا معاويه سلام عليكم ياخى عندى استفسار صغيرونى كده لو امكن داير اشترى ipad2 wifi+3gمن ناس شركه ابل لكن المشكله داير ارسلوا السودان وانا عارف انو لو بقىwifiبس ما حا يشتغل بسهوله وذلك لصعوبه وجود الويرلس فى السودان ناس ابل عندهم ipad wifi بدون كونترات لكن ال3gلازم عن طريق مشغل وفى الموقع بتاعم بيقولوا هو مفتوح لكن لم تطلب اونلاين يقولوا ليك لازم تختار مشغل رغم البوستات الشغاله دى عن الجيلبريك انا ملاوز من الحته دى لانو هنا حا افقد الابديت بتاع ناس ابل لو عملت الجيل بريك عايز لى منك نصيحه ومنها الزول يتوكل على الله ويمشى عليها مشكور كتير اخونا معاويه
لو باقي علي نصيحتي بقول ليك جلي الفكرة نهائي لأسباب كتيره بجيك ليها بعدين بي التفصيل. لكن كمان لو وضحت لي الغرض من الآي يباد تحديدا شنو عشان ممكن نشوف ليك البديل
اخونا معاويه السلام عليكم لو باقي علي نصيحتي دى ياها زاتا الانا باقى عليها تب الغرض من ipad2 wifi 3gانوا فى الاول عملى جدا وخفيف وبيقوم بمعظم اعمال اللابتوب وكمان فى مجال الدراسه فى الجامعه هو المتعه هنا فى امريكا بيغنيك كتير عن شيل اللابتوب وكمان انت عارف النت متوفر فى اى مكان ده غير الابات الممكن تلقاها تسهل حاجات كتيره خالص بعدين تصفح النت فيه اسهل مما يكون وكمان اظن انو ناس ابل ديل مافى فايروس ممكن يصل ليهم يعنى ممكن تحفظ فيه اى حاجه وانت مطمئن دى اسباب تخلينى امتلك الايباد لكن من ردك اكاد اكون فقدت 50%من الاهتمام بيه والمشكله الاهم انت عارف لم تنزل البلد مافى شى بترجع معاك يعنى الواحد عارف انو الوليدات حا يتعنكبوا فوقوا والواحد كمان داير يسيب ليهم حاجه كويسه وما بتخرب وشغاله تمام وفيها تقنيه حديثه شكرا اخونا معاويه ونردها ليك فى السمح ان شاء الله
عرض قسم شاشات الأجهزة المحمولة في شركة سامسونج فيديو يتناول أحد أبرز الأفكار المستقبلية التي قد تعمل الشركة على تطويرها مستقبلاً، حيث تحدث الفيديو عن جهاز أشبه بالأجهزة اللوحية ولكنه يتمتع بشاشة شفافة ذات مرونة عالية. قدم الفيديو فكرة واضحة عن استخدامات الجهاز المستقبلي، فيمكن استخدام الشاشة الشفافة كإطار رقمي لعرض الصور، والاستفادة من خدمات الخرائط والترجمة المدعمة بتقنية الواقع المعزز، كما يمكن الاستفادة من الجهاز لعرض المجلات والكتب الإلكترونية التي يتم التحكم فيها عن طريق الإيماءات. وبالرغم من أن الوقت ما زال مبكراً للغاية على إنتاج أول موديلات هذا الجهاز، فإن سامسونج اتخذت بالفعل خطوات جادة في المشروع بإعلانها عن نيتها تقديم أول شاشات AMOLED مرنة في عام 2012، وهي الشاشات التي سيتم استخدامها في كل من الهواتف الذكية والأجهزة اللوحية. يذكر أن سامسونج ليست الشركة الأولى التي تفكر في تقديم شاشات مرنة والاستعانة بها لتطوير أداء وقدرات أجهزتها اللوحية، حيث سبقتها إلى هذه الفكرة شركة نوكيا والتي عرضت في مؤتمر Nokia World 2011 فكرة مماثلة، وحينها أوضحت أن الفكرة ستدخل حيز التنفيذ بعد ثلاث سنوات تقريباً.
