معقول الكلام دا يا قوى يا سياسية و يا قوى مدنية !!!!

Quote: ثار طلاب داخلية مصعب بن عمير بالكلاكله وخرجوا فى تظاهرات لمدة ثلاث ايام احتجاجا على تردى البيئه الطلابيه وسوءالاوضاع المعيشيه...واعتقلت السلطات 39طالب بقسم الكلاكله واشترطت للافراج عنهم دفع ضمان مالى قيمته 15000جنيه بالاضافة للضمان الشخصى..ظل هؤلاء الطلاب لمدة اربعه أيام رهن الاحتجاز...باع بعضهم موبايلاتهم وبمساعدة اسرهم تمكنوا من دفع الضمانه..بينما عجز البعض..رغم العدد الكبير للطلاب المعتقلين ورغم بسالاتهم فى حسم قرارهم بالخروج للشارع لم يتوفر لهم أى نوع من التضامن لا احزاب ..ولا منظمات مجتمع مدنى..ولا أفراد..سواء احد المحاميين من اقارب احد المعتقلين..ومتابعه من احد محامى اللجنه القانونيه للحركه الشعبيه (المحظوره تعسفيا)..تقدمت امراه تعمل معلمه باحدى المدارس الابتدائيه بقطعة أرض تحصلت عليها بعد سنين عمل طويله فى الخطه الاسكانيه بالوادى الاخضر كضمان مقابل اطلاق سراح الطلاب...ومن المفترض اكمال الاجراءات غدا..

إمراة عظيمه تتقدم لحل مشكلة طلاب الكلاكلة المعتقلون..وفشل المعارضه..

شكراً للمرآة المعلمة العظيمة.

لكن يجب أن لا نسكت على هذه القوى السياسية ابداً

فما قولكم اخوأتي و أخوني .



ـــــــــــــــــــــــــــــــــــــــ
معليش يا علي زين العابدين لكن كان لابد
من فرد بوست منفصل .

بالله باعت الارض عشان تدفع الضمان؟؟

هسة لو كان المعتقلين ديل من الاسامي اللامعة السياسية ولا صحفيين ذوي اصوات عالية ولا كانو من مشاهير المجتمع كان حتلاقي صف بتاع محامين وقروش هبطرش عشان تضمنهم ....

وكان اتعملت مهرجانات خطابية واعتصامات وتضامنات ومكرفونات ومؤتمرات صحفية وقصص ميتة ..

وزي ما قال صلاح احمد ابراهيم :

لو انهم ....
ولكنهم ...

سفيان
بيكون الطلاب ديل مافيهم شيوعي ولا حركه شعبيه ولا مهمش
والا كان لقيت المنبر واقف على رجل واحده
وكان منظمات حقوق الانسان خاطبت المنظمات العالميه
وكان حمله جمع التوقيعات ما تديك الدرب
عموما
لا افهم كثيرا في القانون لكني لا احسب ان التجمهو او التظاهر يستوجب دفع ضمان كبير لاطلاق السراح وتكفي الضمانه الشخصيه ما لم يكن هناك اضرار ماديه وهؤلاء الطلاب لهم مطالب مشروعه فيا حكومه الجن لديكي منسوبيين يفلحون في خلق الازمات فشدي لجامهم قليلا واعطي كل ذي حقا حقه
وكامل تضامني مع هؤلاء الاخوه

Quote: بيكون الطلاب ديل مافيهم شيوعي ولا حركه شعبيه ولا مهمش والا كان لقيت المنبر واقف على رجل واحده وكان منظمات حقوق الانسان خاطبت المنظمات العالميه وكان حمله جمع التوقيعات ما تديك الدرب

للأسف يا فدياس دا المفهوم الحيصل لأي إنسان يقرأ الخبر دا !!!

بالمناسبة يا فدياس ناس المنبر ديل بيختلفوا كتير عن قواهم
السياسية فهم في شوفهم و آرائيهم تجدهم اكتر و ضوح .

لكن بغض النظر عن هذا لابد الموضوع دا يتم الوقوف فيه كتير جداً
و نتكلم فيهو اكتر .

Quote: بالله باعت الارض عشان تدفع الضمان؟؟ هسة لو كان المعتقلين ديل من الاسامي اللامعة السياسية ولا صحفيين ذوي اصوات عالية ولا كانو من مشاهير المجتمع كان حتلاقي صف بتاع محامين وقروش هبطرش عشان تضمنهم .... وكان اتعملت مهرجانات خطابية واعتصامات وتضامنات ومكرفونات ومؤتمرات صحفية وقصص ميتة .. وزي ما قال صلاح احمد ابراهيم : لو انهم .... ولكنهم ...

تصدقي يا ريهان!!!!

و بعد كدا يقولوا للجماهير اطلعوا الشارع !!!

قوى سياسيه عايزه تحكم شنو و منو في الأساس!!!؟

يا ريهان لو أنتي دي حصل معاك كدا ردت فعلك شنو؟

دا ياسفيان إذا إستثنينا الأحزاب الموظفة منظمات المجتمع المدني لخدمة مصالحها كأحزاب
ورؤساء تلك المنظمات الذين يقبضون آالاف الدولات كأجر شهري.
ياخي مايصرف علي فعالية واحدة كفيل بفك أسر الطلاب ديل وإطعامهم لمدة سنة.
حاجة تحزن بجد ياخي...

__
وجايبين ليك ناس روضة الحنان ديل يتصدروا المشهد السياسي .. طيب خليناها النيل الأزبيض دي.
الكلالكة دي الناس دي ماسمعت بيها -
خلي يشوفها في قوقل إيرث في الأيباد بتاعو دا!!!

Quote: دا ياسفيان إذا إستثنينا الأحزاب الموظفة منظمات المجتمع المدني لخدمة مصالحها كأحزاب ورؤساء تلك المنظمات الذين يقبضون آالاف الدولات كأجر شهري. ياخي مايصرف علي فعالية واحدة كفيل بفك أسر الطلاب ديل وإطعامهم لمدة سنة. حاجة تحزن بجد ياخي...

الموضع دا قاتل يا صاحبي و موجع
و في حاجات محددة لمحددة لو فتحناها هسى
بنقلب عاليها سافلها و هسى أنا بنعل في
ابليس سااااي ..
يا ود آدم تتذكر ضمانات الجزيرة الطلاب
كانوا بلقطوها كيف!!؟
تتذكر مفصولي السياسه الطلاب بتاعين القوى
السياسية بحفو كيف عشان يسجلوهم في جامعة
اخرى !!!؟
الفي الجوف اكتر من كدا يا محمد و أنا
ممكن افتح ملف التجمع و القوى السياسية
دى من آعتى حزب لحدي اصغر حزب و نراجع
مواقفهم لانو و اضح سكاتنا هو الجرى علينا
الهوان و المذله دى!!!

Quote: وجايبين ليك ناس روضة الحنان ديل يتصدروا المشهد السياسي .. طيب خليناها النيل الأزبيض دي. الكلالكة دي الناس دي ماسمعت بيها - خلي يشوفها في قوقل إيرث في الأيباد بتاعو دا!!!

يا عزيزي يعرف الكلاكله ليه !!!؟

المصيبة هو أن السيد و أبنه بعد سلم و ما تسلم و بعد كل الذين توسدوا
الارض شهداء مضرجي الدماء حيتحاسب زيو و زي المجرمين .

الفي الجوف كتير يا محمد
و ربنا يقدرني علي لساني دا .

سلامات يا سفيان

النضال وارجاع الحقوق وحقوق الانسان في السودان بقت مصدر تكسب

الطلاب ديل ما مهمين شديد وقضيتهم قضية ادارية ما بتجيب دخل
ومافي انتخابات جاية عشان يجي زول يقشر بيهم



ولذلك تم تطنبشهم الا من اهل الخبر الذين لا يعدم وطنا منهم دائما تامين الناقصة
تعرف لو ما قيم النفير والنجدة عالية في نفوسالشعب دا
كان حقنا راح..

في مبزان حسنات هذه السيدة التي اتمنى ان تقيم تضحيتها ولا يهرب اي واحد من المكفولين.
عشان ما يقطعواالخير في الناس..

Quote: النضال وارجاع الحقوق وحقوق الانسان في السودان بقت مصدر تكسب الطلاب ديل ما مهمين شديد وقضيتهم قضية ادارية ما بتجيب دخل ومافي انتخابات جاية عشان يجي زول يقشر بيهم ولذلك تم تطنبشهم الا من اهل الخبر الذين لا يعدم وطنا منهم دائما تامين الناقصة تعرف لو ما قيم النفير والنجدة عالية في نفوسالشعب دا كان حقنا راح.. في مبزان حسنات هذه السيدة التي اتمنى ان تقيم تضحيتها ولا يهرب اي واحد من المكفولين. عشان ما يقطعواالخير في الناس..

سلامات يا دكتورة
و بالجد لو كانت فى اانتخابات او نشاط سياسي كان الطلاب ديل
لقى مية الف نفر و قف معاهم .
لكن لانو الشباب ديل قاموا بفعل عجزت عنه القوى السياسية فهي
مطنشاهم و لا شغاله بيهم .

و بالجد اكتر المواطن العادي اهو بقى فاعل اكتر من القوى السياسية
و المرآة دي خير شاهد و غيره كتيييير .

و أتمنى بالجد أن ما تحصل إي حاجة تفقدها منزلها الرهنتو لانو الساعه ديك
الحكومة حتغتنمه فرصة عشان تأدب إي متضامن اخر زيها كدا .

تحياتى لك .

تعرف يا سفيان يا صاحبي

ليست القوي السياسية ولا المنظمات

كلنا نتحمل المسئولية .. كلنا قصرنا في حقهم وفي حق استعادة الديمقراطية في البلد

لانو البوست ده كان معلق .. وانا واحد من الناس شلتو وقسمتو في كم صفحة علي الفيس بوك عسي ولعل العندهم القدرة يساعدوا ..

لكن الذي اراه:

كان من الممكن اطلاق حملة ومبادرة هنا في هذا المنبر والمنابر الاخري وتكوين لجنة تتحرك لمعاينة اوضاعهم داخل الحراسات

ومن ثم تقوم بالمساعدة

هذا الانترنت كما له مكاسب عديدة ، لكنه ايضا لعنة ومن اسوأ مضاره

انو اصبح التضامن بكتابة تعليق او عمل لايك علي صفحة الفيس بوك هو الفعل الايجابي الوحيد للكثيرين

الواحد يقرأ في خبر انو النازحين من النيل الازرق وجنوب كردفان واطفالهم ومسنيهم يقبعون في عراء الذل والحاجة ..يقوم يعمل لايك

ويكتب كلام هتافي

ينبغي علي الجميع معرفة انه ليس هنالك جهة مسئولة تراجع ما يرد في مواقع الانترنت ثم تقوم بعمل الواجب

ليس هنالك الا نحن .. المؤمنين بقضية التغيير الديمقراطي .. الامن والسلم لمجتمعاتنا

فعلينا الا نقرأ ونعلق فقط .. بل نتحرك او نتأكد ان غيرنا قد تحرك ..

Quote: ليست القوي السياسية ولا المنظمات كلنا نتحمل المسئولية .. كلنا قصرنا في حقهم وفي حق استعادة الديمقراطية في البلد لانو البوست ده كان معلق .. وانا واحد من الناس شلتو وقسمتو في كم صفحة علي الفيس بوك عسي ولعل العندهم القدرة يساعدوا .. لكن الذي اراه: كان من الممكن اطلاق حملة ومبادرة هنا في هذا المنبر والمنابر الاخري وتكوين لجنة تتحرك لمعاينة اوضاعهم داخل الحراسات ومن ثم تقوم بالمساعدة هذا الانترنت كما له مكاسب عديدة ، لكنه ايضا لعنة ومن اسوأ مضاره انو اصبح التضامن بكتابة تعليق او عمل لايك علي صفحة الفيس بوك هو الفعل الايجابي الوحيد للكثيرين الواحد يقرأ في خبر انو النازحين من النيل الازرق وجنوب كردفان واطفالهم ومسنيهم يقبعون في عراء الذل والحاجة ..يقوم يعمل لايك ويكتب كلام هتافي ينبغي علي الجميع معرفة انه ليس هنالك جهة مسئولة تراجع ما يرد في مواقع الانترنت ثم تقوم بعمل الواجب ليس هنالك الا نحن .. المؤمنين بقضية التغيير الديمقراطي .. الامن والسلم لمجتمعاتنا فعلينا الا نقرأ ونعلق فقط .. بل نتحرك او نتأكد ان غيرنا قد تحرك ..

تحياتي يا عيدروس
و نقد صحيح و منطقي و لابد من معالجة الأخطأ.

لكن برضو يا عيدروس مسأله هوان القوى السياسية و تغيبها لنفسها و لدورها مشكلة
كبيرة طالما انها موجوده و بتجعجع في الفارغه و مقدوه ولا شنو ؟

Quote: معليش يا علي زين العابدين لكن كان لابد من فرد بوست منفصل .

الأخ/نابرى...سلااام
على العكس يا صديقى..نتمنى أن تفتح عشرات البوستات حول هذا الأمر الهام..لتلمس أحد الاسباب الأساسيه التى تؤخر مشروع الثوره السودانيه..انعدام روح التضامن ..
والى عوده...

سفيان

كيفك?

بالعكس يا سفيان دا احسن حاجة ممكن تتوقعها

في رايي دور الاحزاب هو تحريك الطاقة الكامنة في الشعوب لتمسك قضاياها بايديها, و ليس القيام بدور الشعب بالنيابة.
على الاحزاب تحريك اكبر عدد من مثل هذه السيدة الفاضلة و الملايين من الطلاب المعتقلين, ضد سياسات الانقاذ و ضد الارهاب بالسجن او الاعتقال او الضمانات المتعسفة.
عندما ترى الحكومة ان الشعب هو الذي يتصدي لها فقط حينها تعرف مدى عزلتها.

وفي ارثنا السياسي يا سفيان, الكثير من الحكايات بتصدي عامة الشعب للقضايا المصيرية و اخذهم بذمام المبادرة, و كان ذلك صافرة انزار للحكومات بان الشعب قد تخطاها.
و واحدة من الملاحم كانت تجربة بناء المدارس الاهلية!

نشيد بالسيدة و نطلب منها و من الاخرين المزيد.
كل الايدي لنهزم ارهاب الدولة

Quote: على العكس يا صديقى..نتمنى أن تفتح عشرات البوستات حول هذا الأمر الهام..لتلمس أحد الاسباب الأساسيه التى تؤخر مشروع الثوره السودانيه..انعدام روح التضامن .. والى عوده...

تمام يا صاحبي علي
لابد من التضامن لانه اول
حركة فى اتجاه الفعل .