Post: #1 Title: يوسف الدفينة تعال وضّح لي كيف أثبت الطاهر محمد عثمان حالة التسلل Author: صبري طه Date: 12-05-2011, 03:12 PM
والرأي للجميع ...
طبعاً أخونا يوسف الدفينة اعتمد على رأي الخبير الطاهر محمد عثمان في نفيه لضربة الجزاء التي ارتكبت مع سادومبا ... وهذا ليس موضوعنا الآن ... فقط للتذكير لأنّ يوسف بصراحة قال لي بالحرف الواحد من تطلع أنت حتى تُشكّك في كلام خبير التحكيم الطاهر محمد عثمان ... وأكرّر هذا ليس موضوعنا ... موضوعنا تحت وهو:-
موضوعنا في هذا البوست يا أنا يا الطاهر محمد عثمان يا يوسف الدفينة ... وأتحدّاك وأتحدّى الطاهر محمد عثمان وأتحدّى كل حُكّام العالم بما فيهم الحكم الإيطالي كولينا في إثبات حالة التسلل على حسب الفيديو الذي اعتمد عليه الطاهر محمد عثمان ... شُفت كيف يا عمّك ...
أدناه تسجيل الحالة ومعها تعليق الطاهر محمد عثمان
Post: #2 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: يوسف الدفينة Date: 12-05-2011, 03:25 PM Parent: #1
قبل ان اوضح ليك او ارد عليك يا صبري طه لي سؤال عن حالة ضربة الجزاء التي سبقت حالة تسلل سادمبا عشان نسوق البوست دا بي الترتيب .. ورينايا صبري طه ضربة الجزاء الاخيرة التي احتسبها حكم مباراة المريخ والهلال ضد المريخ مع سادمبا وغيرت مجرى المباراة كله هل هي صحيحة ام تمثيل من سادمبا ..؟؟؟
Post: #4 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: صبري طه Date: 12-05-2011, 03:32 PM Parent: #2
Quote: قبل ان اوضح ليك او ارد عليك يا صبري طه لي سؤال عن حالة ضربة الجزاء التي سبقت حالة تسلل سادمبا عشان نسوق البوست دا بي الترتيب .. ورينايا صبري طه ضربة الجزاء الاخيرة التي احتسبها حكم مباراة المريخ والهلال ضد المريخ مع سادمبا وغيرت مجرى المباراة كله هل هي صحيحة ام تمثيل من سادمبا ..؟؟؟
زي ما قُلت ليك موضوع البوست دة مختلف ... عايز تتحدّث عن ركلة الجزاء ارجع لبوستك الزغت منو يا حبيب ... حتلقى رأيي مكتوب فيهو بالفيديو وبالصور ... التكرار لزومو شنو ؟
البوست دة عايزك تورّيني الطاهر محمد عثمان أو أياً كان اسمه كيف أثبت أنّ سادومبا كان في موقع تسلل على حسب الفيديو والصور ...
. نقطة سطر جديد ....................
ورجاءاً مرّة أخرى .. عايز تناقش موضوع ركلة الجزاء النقاش موجود في بوستك إنت باسمك إنت يوسف الدفينة أرجع رد عليّ هناك ...
Post: #3 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: صبري طه Date: 12-05-2011, 03:25 PM Parent: #1
الصورة أدناه عند الضربة تقريباً ... ولا يظهر فيها سادومبا ولا يظهر فيها مدافعي المريخ الذين كانوا بجوار سادومبا
الصورة أدناه بعدما تحرّكت الكرة قليلاً ... ولا يظهر فيها سادومبا ولا يظهر فيها مدافعي المريخ الذين كانوا بجوار سادومبا
ــــــــــــ غايتو يا نحن عندنا قنابير .. يا الطاهر محمد عثمان ببيع القنابير في السوق الأسود
Post: #5 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: abas Date: 12-05-2011, 04:37 PM Parent: #3
يا صبري يا اخوي
الطاهر ده بيكون عاوز ليه حاجه من مرجان ما عليك بي كلامو
ريح نفسك دلقان تلاقيه برضو
Post: #6 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: طارق الكوتش Date: 12-05-2011, 07:07 PM Parent: #5
الحالة غير واضحة
بالمناسبة صور تلفزيونات السودان المختلفة ولاغلب المباريات غير واضحة ولايمكن الاعتماد عليها في نفي او اثبات اي حالة مشكوك فيها
Post: #7 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: صبري طه Date: 12-06-2011, 04:07 PM Parent: #5
المشكلة يا عبّاس أخوي غير الطاهر برضو الرشيد بدوي عبيد يا مشّاها معاهو يا مفتكرها صاح ... غايتو فعلاً حاجات تدعو للضحك !!!
Post: #8 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: يوسف الدفينة Date: 12-06-2011, 04:57 PM Parent: #7
Quote: المشكلة يا عبّاس أخوي غير الطاهر برضو الرشيد بدوي عبيد يا مشّاها معاهو يا مفتكرها صاح ... غايتو فعلاً حاجات تدعو للضحك !!!
انت يا صبري طه الطفى النور منووو ..؟؟؟
Post: #9 Title: Re: يوسف الدفينة تعال وضّح لي كيف أثبت الطاهر محمد عثمان حالة التسلل Author: صبري طه Date: 12-06-2011, 05:59 PM Parent: #8
أخونا يوسف الدفينة لك التحية ...
Quote: انت يا صبري طه الطفى النور منووو ..؟؟؟
وقد افترعت هذا البوست بالعنوان المقتبس أدناه:-
Quote: يوسف الدفينة تعال وضّح لي كيف أثبت الطاهر محمد عثمان حالة التسلل
وقد شرحت فيه أنّه موضوع البوست ... ولا أريد مُناقشة أيّ موضوع جانبي آخر فيه ... إذا أردت أيّ إجابة لأيّ سؤال آخر يمكنك أن تفتح بوست بذلك وسآتي لأجيبك فيه ...
ففي هذا البوست لم تجب على السؤال ... ولم تعتذر صراحة ...
والآن الكُرة في ملعبك ... إمّا أن تجيب على سؤال البوست بشكل مُباشر ... أو أن تعتذر عن الإجابة ...
