الف مبروووووك ... اليوم حفر اول بئر للنفط داخل البحر الاحمر

يدشن وزير الطاقة والتعدين، الزبير احمد الحسن، اليوم الاثنين ،

العمل في حفر اول بئر للنفط في مربع 15 داخل البحر الاحمر

،وذلك بحضور والي البحر الاحمر محمد طاهر ايلا ،وعدد من قيادات الوزارة وحكومة الولاية.

Quote: الف مبروووووك

الله يبارك فيك.
و ليه حفروا داخل البحر، الواطه طلع ما فيها و للا شنو؟

Quote: يدشن وزير الطاقة والتعدين، الزبير احمد الحسن، اليوم الاثنين

صحصح يا صـلاح، موقع (الصحافة) فيهـو مشكلة، كل مرة بفتح ليك صفحة مختلفة من الأرشيف :)).. والليلة شغالة صفحة 31 يناير 2010.. مساعدة لوجه الله، على وسط يسار الصفحة تلقى الأرشيف قم باختيار تاريخ اليوم أو الأيام الماضية لقراءة الأعداد الجديدة..لغاية ما تتحل..

عيييييييييييييييييك يا صلاح

ناس البترول ديل بيحفروا قدام بيتي انا شخصيا ، وعلى بعد 200 فقط ، في بئر بترول وحفروا لعمق 3 الف قدم وفي النهاية دمدموها وفاتوا منها متحسر ين . وكمان عندهم جنس حسادة شوف بير الموية الحفروها جنب مكان حفرهم بعد فرحنا قلنا خلاص بتنفع الحلة قاموا دفنوها والله الجن ما بيعرف محلها .

ياخ صحيح البترول موجود لكن الشركات الشغالة دي كووووووولها كشا مشا - البترول في السودان حسب مصادر متخصصة محتاج لتقنية الدول الغربية مش ناس شرق اسيا ديل يا غريبة .

أدونا (النجيضة)
دشّن ولا ما دشّن
بعدين يا صلاح إنت وزير النفط منو .؟!!
عموماً منتظرين

الخرطوم: شذى الرحمة

Quote: وقعت حكومتا السودان وقطر على (6) اتفاقيات ومذكرات تفاهم بين البلدين، خلال فعاليات الملتقى الاقتصادي السوداني القطري الثالث بحضور الأستاذ علي عثمان محمد طه النائب الأول لرئيس الجمهورية وسمو الشيخ تميم بن حمد آل ثاني ولي عهد دولة قطر أمس، بمشاركة قاعدة كبيرة من رجال الأعمال السودانيين والمستثمرين القطريين. وأكد د. مصطفى عثمان اسماعيل مستشار رئيس الجمهورية، مقرر المجلس الأعلى للاستثمار، أن العلاقات السودانية القطرية انتقلت من مرحلة التعاون الى الشراكة الإستراتيجية، وقال إن الملتقى يطرح خريطة استثمارية واضحة تحدد أولويات المشروعات في مجالات التعدين والنفط والأمن الغذائي والصناعة ومشروعات خصخصة مؤسسات القطاع العام، وأشار د. مصطفى إلى أن الملتقى سيشهد افتتاح المرحلة الأولى من مشروع (مشيرب) السكني بولاية الخرطوم وتدشين المرحلة الثانية، ووضع حجر الأساس لفندق خمس نجوم ومدارس حلة حمد وافتتاح المرحلة الأولى من بنك قطر الوطني ووضع حجر الأساس لمشروع مواشي بالخرطوم. من جانبه، جدد سعود البرير رئيس اتحاد أصحاب العمل، استعداد القطاع الخاص للتعاون مع رجال الأعمال القطريين لإحداث شراكات في مجال المشروعات الإستراتيجية من خلال إعداد مشروع برنامج تنفيذي للتعاون في مجال الاستثمار، خاصة في مجالات القطاع الصناعي والزراعي والثروة الحيوانية والتعدين والتصنيع الزراعي وصناعة النفط وغيرها، وصولاً لتحقيق شعار الملتقى (الشراكة الإستراتيجية). من جهته، أكد محمد بن أحمد العبيدلي، الأمين العام لمجلس الأعمال، عضو غرفة تجارة وصناعة قطر، امتلاك السودان لموارد غنية وفرص استثمارية جيدة في مجالات الزراعة والصناعة والسياحة وقطاع الاستثمار العقاري وغيرها من المجالات الواعدة، مما مكن بالفعل رجال الأعمال القطريين من الاستثمار في العديد من المشروعات القائمة حالياً (المعلنة وغير المعلنة) بالسودان، وحمل رغبة أمير دولة قطر في أن يكون السودان من أكبر مراكز الاستثمارات الخارجية لقطر. وشملت الاتفاقيات، مذكرة تفاهم في مجال التعدين بين شركة قطر للتعدين ووزارة المعادن، ومذكرة تعاون مصرفي بين بنك الخرطوم وصرافة الفردان الخيرية، وقيام مجلس الأعمال السوداني القطري المشترك، وعقد بين وكالة أجيال الطبية ومصنع قطر (فارما) للمحاليل الطبية، ومذكرة تفاهم بين لجنة التصرف في المرافق العامة وشركة حصاد القطرية، إضافة الى التوقيع على محضر اجتماع بين وزارة الزراعة وشركة حصاد القطرية. ودعا الملتقى في بيانه الختامي، لترفيع اللجنة المشتركة السودانية القطرية الى لجنة عليا بتوجيهات من رئيس الجمهورية، وإعطاء مزيد من الاهتمام بمشروعات القطاع السياحي.

It's a good news ya Salah, but we need justice, food for the miserable families, for starving kids ...etc

Quote: وكمان عندهم جنس حسادة شوف بير الموية الحفروها جنب مكان حفرهم بعد فرحنا قلنا خلاص بتنفع الحلة قاموا دفنوها

أخونا ود شيقوق
الجاتكم فى مويتكم سامحتكم
الجماعة ديل بيطلعوا إشاعات مرة فى البحر الأحمر ومرة فى البحر البرتقالى
لزوم تخدير وتأخير ربيعنا السودانى
الشغلانة واااااااااااااضة

ومرة يقولوا ليك القطريين جايين لاستثمار وح نزرع ملايين الفدادين
دا إمبوووف ساااااى

ومابعيد يكونو حفروا جمب بيتكم عشان عارفنك فى سودانيزونلاين وح تجى تنشر الكلام هنا
عشان الإشاعة تنطلق ويسكتوا الناس المساكين الغلابة
عشان ينسوا الناس حكاية الإنفصال
وعشان ينسوا حاجات كتيييييييييييييييييييييييييرة

الجماعة ديل مجرمين

Quote: و ليه حفروا داخل البحر، الواطه طلع ما فيها و للا شنو؟

سلام يا دكتور سيف ... كلامك الفوق دا زي نكتت ابوداؤود مع البلابل لمن طق عليهم الباب بالليل وقال ليهم اضايقت ...

Quote: ابو داؤود قالوا مرة سافر ابو داؤود والبلابل في رحلة فنية وبعدين قاموا نزلوا في الفندق في غرفتين كبيرتين وبهما سرير دبل واحد كبير قاموا البلابل مشوا على غرفتهم فقام أبودؤاود قال ليهم واحدة من البلابل تجي تنوم معاي علشان توسع على اخواتها قاموا البلابل قالوا ليه : لا نحن التلاتة بنرقد في السرير الكبير ده وانت امشي لغرفتك وارقد في سريرك قام ابوداؤد حك راسه وقال ليهم : خلاص حأمشي أنوم في غرفتي وانتو كان واحدة فيكم اتضايقت تجي تنوم معاي وكان انا اتضايقت بجي انوم معاكن

دقست يا غريبة دقسة كبيرة و حتى وزير البترول طلعت ما عارفو..
شيل شيلتك مع ناس المؤتمر الوطني و السوبرفايزر حقك المباشر اكيد حيخصم
منك يومين.
شكرا لعيسى الذي جعل هذا ممكنا.

Quote: الف مبروووووك ... اليوم حفر اول بئر للنفط داخل البحر الاحمر

يعني يا غريبة ممكن نعتبر سنة 2011 دي
ياها ذاتا سنة حفروا البحر؟؟ ^__^

بئر نفط داخل البحر الأحمر ؟؟

ده آخر ما اتوصلتوا ليهو يعني ؟؟

طيب ما كدي أول حاجة وفروا موية الشراب النضيفة للناس، النفط ملحوق

صلاح غريبة خــرّف زي حبوبته .. والله صحي
وبعدين كيف يكون اسمه صلاح غريبه
لو ما جاب ليكم اخبار غريبه زي دي

Quote: بئر نفط داخل البحر الأحمر ؟؟ ده آخر ما اتوصلتوا ليهو يعني ؟؟ طيب ما كدي أول حاجة وفروا موية الشراب النضيفة للناس، النفط ملحوق

والله يالهادى انتو ناس عجيبين خلاص

نا س المؤتمر الوطنى تب ما قصروا معاكم هسع دحين المواسير دى مش كبت ليكم نشا وعصيدة تمر تانى عايزين شنو ؟

غايتو الزول البينقل الأخبار دي
لو كان بيدفعوا ليه من أموال دافع الضرائب
تكون المصيبة كبيرة

الخبر ده ليهو سنة كاملة يا غريبة، ممكن تورينا حصل شنو على البير دي؟
يعني انتجت و للا ردموها و للا الحاصل شنو بالضبط؟

الاستاذ صلاح

انت ياخوى صحفى شنو الماعارف الوزارات والوزراء ياخوى ما تلفح وتلصق روق شوية .

الزبير دا طلق الوزارة زمان وهسع ماسكها واحد بالوكالة


موضوع بترول البحر الاحمر طلع شمار فى مرقة


طلعت ليهم غازات حيرتهم وماعرفوها ولملمو عدتهم وفرتقوا زمان

سلامات..

علي حسب علمي (زولة شغالة في المجال دا).. انه مربع 15 حتي بالرجوع لي موقع وزارة الطاقة..كان تابع لي شركة البحر الاحمر للاستكشاف (RSPOC)

وعلي حد علمي بعد شغلنا معاهم في عدة ابيار.. انه كانت جافة.. نسبة لحاجات كتيرة بفتكر وزارة الطاقة كانت اولي انها توضحها ..

نرجع للشركة المسئولة عن الاستكشاف و علي حد علمي انه الشركة دي قفلت و حتي زملائناالشغالين فيها مشوا شافوا شغل في حتات تانية و

الفضل منهم قعد في البيت بيفتش في شغل.. ولحدي الان ماف زول قال انه مربع 15 استلمته شركة تانية.. و حتي اذا كان في عمليات حفر شغالة..

كان حنسمع بالخبر..

واذا سمعنا بعد دا بنجي نوريكم..

وبنجيكم صادين..

مكرر يا قولكم !!

Quote: دقست يا غريبة دقسة كبيرة و حتى وزير البترول طلعت ما عارفو

هـو يا دكـتور مش طلع ما عارف وزير البترول منو بس، لكن لاحـظ الزمـن داك كان إسمو وزير الطاقة والتعـدين.. وبعد الإنتخابات المخجوجة ولامـن ناس الحركة طالبوا بوزارة الطاقة _ بعـد أن فقدوها في حكومة نيفاشا_ قاموا ناس الوطني شلعّوها: الكاقة براها (أو الكهربا) والتعـدين براه، والبترول براهو، والبشـير قال تنازلنا عن وزارة البترول للحركة ثمناً للوحدة! فتعجب!.. فرد عليه أتيم قرنق: أديتونا ليها زي الليمونة الممصورة!.. طبعا ناس الوطني عشان كلهم داقسين زي أخونا صلاح فاكرين إنو كـلام زي ممكن يدّقس ناس زي باقان أموم وأتيم قرنق ولوكا بيونق (مع حفظ الألقاب).. واليوم أو بعـد الإنفصال وفجأة كدة ناس الحكومة اكتشفوا إنو عندهم وزارة بترول بدون بترول فبقوا (بقالعوا) في بترول الجنوب أو السرقة في وضح النهار كما وصفها الجنوبيين.. سمعت بي ود الفكـي.. الحقّو ما بديه، وحق الناس بقالع فيه؟!.. تحياتي..

Up
الخبر الليه سنة دا
لازم الناس كلها تقراه
عشان الناس تعرف ناس
Paste and copy, but don't read

Quote: محتاج لتقنية الدول الغربية مش ناس شرق اسيا ديل يا غريبة

هم مفتكرين شيفرون طلعت من السودان عشان ما قدرت تطلع البترول
لا أبدا
المشكلة ال Labor Cost

العامل الصيني بكلف 20 دولار في اليوم
و الأمريكي 190 دولار في اليوم
(الكلام دا سنة 1990)

Quote: سمعت بي ود الفكـي.. الحقّو ما بديه، وحق الناس بقالع فيه؟

"غريبة" الدخلتو بعد ضياع البترول ما مرقت اصلها و بقى يفتش عن اخباره
بالفتاشة و متمنيهو يطلع حتى لو من البحر. لاحظ أنو الفترة الفاتت كان ساكي
الصمغ العربي و شجرة شنو كده ما عارف يقزقز بيهم لما يلقى اخبار البترول.
يقوم تطلعوا ليهو خبر بايت..الله يسامحك يا عيسى.

صلاح غريبة

تحياتى

لو نعسان ما تسوق الكيبورد خوفا من الحوادث

الزبير بعد معركة ذات الخجة عملوه والى للجزيرة

أصحى يا بريش