Post: #1
Title: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 11:38 AM
#
والله أنتو ما عارفين أناالبت دي بريدا كيف والله بموت فيها لكين جنونها قالوا ليها الزوال بتاع جكس وسجمان وغايتو قالوا فيني الكلام اللي بخلي كل عاقل يبعد منك المهم هي قلتا كلمة زي السكين قطعت أحشائي والله بنزف عديل وراقد ورسلت الجماعة يشتروا الكفن الكلام اللي قلتوا (نحن ما مشينا لقدام والصداقة أدوم ) منو منكم زول شديد يستحمل أنو حبو نور عينو تودع ما أظن الدينا بعدك تكون دنيا وتعالوا شوفوا الجرسه وزوالكم كتب شنو ===
مات دون مرض
لا سرداق للعزاء
لم يسمع أحد برحيله
ها هو سائر بيننا
ليس هنالك من تنوح ولا بكاء
لا مناقب تسرد لم يغب
غاب المشيعون
لكنه الموت جاء
أن يستجير من تعشق
بالاهل والعشيرة
كان فارسا ضئيل كبيرالنفس
ذا همة
وييحي عليه دفن وسط الناس
بلا كفن دفن أو غسول
أهالوا عليه التراب
بذل العشق وعار العشاق
مات
لا ميتة الابطال
أين شرف النضال
كان له بسوق الرجال قيمة
بعد عشقه
أصبح أكثر أنكسار
وهزيمة
تعالوا نقيم له عزاء
كان بالامس يملا الدنيا
حراكا
وضحكات مجلله
نعم مات
سيد العشاق
نقي السريرة
من يبكي عليه
من تبكيه خائبة هي
وعاشقة فاشلة
ترسم صورة لفارس
من عصور قديمة
يحمل السيف
ولكنه لايحمل الحب
ميت حي هو الان
أيها.... أنت ... لايستدعي البكاء
لكنه موت الخواء
بحق
مات وسط الاحياء
أها الزوال د ا الحل معه شنو أنشالله ترجع تتخيلوا لو رجعت قال ح يقبل يرجعليها تاني
مارأيكم أدم الله فضلكم !!!!!!!!!!!!
|
Post: #2
Title: Re: شاكوش حار يمرق الروح عديل كدا!!
Author: أيمن الطيب
Date: 12-05-2011, 11:52 AM
Parent: #1
يا ابو الزهور حار شديد جدا خالس خالس..
واضح إنو الضربة فى الصليب والعمود إتفتل شوية,,
إحتمال البلى يكون طار أو إتكسر!!!
الخوف واحد من الشواكشيش ديل يجى فى جهاز التحكم
المركزى ويضرب البتاع كلو...
(لو إنتهت العلاقة تدوم بينا الصداقة)حنك بيش شديد..
المعدل بقى شاكوش كل اسبوع,,
ياخ والله زولكم صنديد شديد ..
|
Post: #3
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 12:04 PM
Parent: #2
أخوي أيمن
تحياتي
والله أخوك ماصابر وأمس ودوهو لفكي لكين الحالة صفر لازالت مستمرة !
دعوتكم بالله ياجماعة
|
Post: #4
Title: Re: شاكوش حار يمرق الروح عديل كدا!!
Author: أيمن الطيب
Date: 12-05-2011, 12:37 PM
Parent: #3
أخوى زهير الصنديد..| Quote: لكين الحالة صفر لازالت مستمرة ! |
لكين يا ابوالزهور إنت كان ما لقيت قرد لفتاوى وضب ضكر حامل وسحلية تومة ما تمشى ليهو لكين!!! غير كدا بكون ضياع زمن والفكى حا يضرب الشرتيت ويقد السلك....
والخوف يضرب حاجة تانية...
المصائب لا تأتى فرادى وكذلك هن تلكم الشواكيش اللعينات...
|
Post: #5
Title: Re: شاكوش حار يمرق الروح عديل كدا!!
Author: قيقراوي
Date: 12-05-2011, 01:22 PM
Parent: #4
يا ايمن
Quote:
(لو إنتهت العلاقة تدوم بينا الصداقة)حنك بيش شديد..
|
مالك قايل الكلام دا بي حسرة كدا!!؟
-------
يا ابو الزهور
قول لي صاحبك من لم يمت من طقة الشاكوش مات اذن فطييييييس
ميتة الشاكوش = شهادة
سنسمي باسمائهم شوارعاً لم يمشوا فيها طويلاً
اعتبرو وعد
|
Post: #6
Title: Re: شاكوش حار يمرق الروح عديل كدا!!
Author: محمد البشرى الخضر
Date: 12-05-2011, 02:41 PM
Parent: #5
ابو الزهور يا خي اسمح لي اقول ليك المشكلة بامانة في حنكك انت
يعني الزمن دا البت يا دوب تقول ليها الساعة كم تقول ليك ح تجي تقابل ابوي متين
ما ممكن يكونن كلهن بطفشن منك ساي كدا
يا زول انت قاعد تحنّك كيفن؟ بطريقتك دي اظن قرعتك تسبق سلامك حتى
|
Post: #7
Title: Re: شاكوش حار يمرق الروح عديل كدا!!
Author: Salah Abdulla
Date: 12-05-2011, 02:56 PM
Parent: #6
| Quote: بطريقتك دي اظن قرعتك تسبق سلامك |
Kaaaaaaaaaaaaaaaaaak
|
Post: #8
Title: Re: شاكوش حار يمرق الروح عديل كدا!!
Author: حاتم محمد حاج المهدي
Date: 12-05-2011, 03:09 PM
Parent: #7
أبو الزهور سلامات..
ياخي أنا متابع بإنتظام لكتاباتك العميقة ومشاكل أصحابك العاطفية..
عادة مابإهتم بالإنشاء والأخطاء الإملائية بقدر إهتمامي بصلب مواضيعك
الدسمة لكن لفتت نظري كلمة زوال البتكتبها بتكرار في كل جملة وأي موضوع
وأظنك قاصد زول! مش كده؟ المهم.. الكلمة دي عملت لي أرتكاريا وحبيت أنبهك ليها!
أما بالنسبة لصاحبك حل الموضوع بتاعو بسيط جداً.. يتصل علي حبو ونور عينو
ويقول ليها أنا جاي بيتكم وعاوز أقابل الوالد وأكيد حاتغير رأيها بعد ماتشوف
إنو الموضوع ماشي لقدام!
|
Post: #11
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 03:41 PM
Parent: #8
الاخ حاتم
تحياتي
أنا يأستاذ أأسف للاعتدأء السافر من قبلنا علي اللغة العربية لكين تعرف في المنتديات الناس بتحب اللغة المجغمسه دي المهم بعدين دي ما الاخوها قال العريس عندو ثلاثة أطفال ديك تذكرا المهم ما تنسوا الدعاء الراجل صحتو تعبانه شديد !!
|
Post: #10
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 03:32 PM
Parent: #6
ودالبشري
كيفك
أنا عارف حركاتك أنت وخدر عايزين تعملوا لي أشانة سمعة لكين الله غالب دا حالتك أنت العامل فيها صاحبي والله أنا رومانسي أصلي ياصديق
|
Post: #9
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 03:27 PM
Parent: #5
الاخ قيقراوي
تحياتي
الحقيقة تنقال الزول دا مات بالجد وحي تاني ومن حسي شوفوا الشارع وين عشان نمشي نعمل الاستعدادت للاحتفال ونكلم الجماعة كلهم عشان من يغيبوا والاحتفال ح يكون حزين بالشموع والناس كلهم بالله يجوا بالاسود ضروري .
|
Post: #12
Title: Re: شاكوش حار يمرق الروح عديل كدا!!
Author: قيقراوي
Date: 12-05-2011, 03:44 PM
Parent: #9
Quote:
الاخ قيقراوي
تحياتي
الحقيقة تنقال الزول دا مات بالجد وحي تاني ومن حسي شوفوا الشارع وين عشان نمشي نعمل الاستعدادت للاحتفال ونكلم الجماعة كلهم عشان من يغيبوا والاحتفال ح يكون حزين بالشموع والناس كلهم بالله يجوا بالاسود ضروري .
|
بعرف يا ابو الزهور .. بعرف
في ميت و حي غير (شهيد) هو:
ما سمعت ثنائي العاصمة، او التومات اماني و ايمان بغنن:
الغرام قدري . . و في العيون ودري . . زادي في سفري . . الخ
حتى يصلن حتة:
نقضي ربيعنا كلو دموع
نشوف ماضينا كا الاوهام
و الجاي زي خيال الطيف
اللقطة هنا :
" انا المكتول و حيّ بيهههههههههههههههو "
----
احتفالات شنو يا ابو الزهور ياخي!؟
انت قايلو (عرس) الشهيد و لّ شنو!؟
(الغصة) دي ما فيها (عرس) كلو كلو!
البسموا باسمائهم الشوارع ديل شهداء بس .. بدون (عرس) ياخ!
|
Post: #13
Title: Re: شاكوش حار يمرق الروح عديل كدا!!
Author: خدر
Date: 12-05-2011, 05:27 PM
Parent: #12
انت حا تقعد تحكي مشاكلك يا ابو الزهور علي اساس انها مشاكل اصحابك لمتين ؟ :)
و اصحابك دي كم اصلا !! ما كملوا لحدي اسه ؟ :)
اسمع كلام حبيبك ود البشري ده داير ليك الخير :)
_
قيقا ، قلت لي الغرام قدري و لحم سدري ؟ لقيتك متابع لكن يا مطوف :)
|
Post: #14
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-05-2011, 08:32 PM
Parent: #13
ياخدر يافنان
كيفك والبرد كيف معك سيبك أنت أنا كدا بطهر في نفسي من أبشع التجارب والافعال ألله ما عرفت أنت الحاصل شنو!
|
Post: #15
Title: Re: شاكوش حار يمرق الروح عديل كدا!!
Author: ashraf mukhtar
Date: 12-05-2011, 10:10 PM
Parent: #14
| Quote: المهم بعدين دي ما الاخوها قال العريس عندو ثلاثة أطفال ديك تذكرا |
متذكرين ياابو الزهور معناها دا موضوع جديد
|
Post: #16
Title: Re: شاكوش حار يمرق الروح عديل كدا!!
Author: قيقراوي
Date: 12-06-2011, 08:43 AM
Parent: #13
Quote:
قيقا ، قلت لي الغرام قدري و لحم سدري ؟ لقيتك متابع لكن يا مطوف :)
|
لوووووووب ..
المافي شنو!؟
------
في ي ي ذمتك دي .. دي ما كورة مقششششرة .. بفوتا حريف دي!؟
انا و المطوف البشير بنحب الغنا ياخ!
و لّ هو كان بي هنا قبل سنتين -متمتعاً- كايس ليهو فيزة "عامل تربية مواشي" هو!؟
|
Post: #17
Title: Re: شاكوش حار يمرق الروح عديل كدا!!
Author: مازن فيصل هلال
Date: 12-06-2011, 09:27 AM
Parent: #16
و الله يا زهير زي ما قال محمد البشري بوستاتك دي قاعدة ترجعنا للزمن السمح ... زمن الشواكيش و التقل (بضم التاء)
فاااااااا ما عراف اقول ليك شنو؟...... يمكن الغلط من الشمّاعة(:
|
Post: #18
Title: Re: شاكوش حار يمرق الروح عديل كدا!!
Author: محمد عبدالرحمن محمد
Date: 12-06-2011, 09:45 AM
Parent: #17
زهير اخوي،
أختا المداخلين الفوق ديل
أمِش افقد حلة الكوارع لا تَحَرَق
|
Post: #22
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 10:27 AM
Parent: #18
أخونا محمد عبدالرحمن
كيفك تعرف الحله كانت أمس لحمة ضأن والدواء من صناعة الاصدقاء في الجارة أثيوبيا بس حالة الحزن ما خلت الاخوان يستمتعوابالليله
لكين ليك علي حله عندي ما بتحرق تب!
|
Post: #19
Title: Re: شاكوش حار يمرق الروح عديل كدا!!
Author: محمد عبدالله مختار
Date: 12-06-2011, 09:51 AM
Parent: #17
عارف يا زهار ذكرتني بي أصحابك الكتار ديل قصة واحد صاحبنا كنا شغالين في شركة واحدة .. هو من ناس الجزيرة
كلو يوم يومين بيقول عمي مات ويسافر الجزيرة ..
تاني ياخد ليهو يومين تلاته ويقول عمي مات .. لمن نقول ليهو مش مات المرة الفاتت ؟ يقول ليك لأ ده منو كده ما عارف داك براهو
المهم لمن الحكاية كترت شديد صاحبنا قال ليهو اسمع يا محمد لغاية هسي اعمامك الماتو ديل عملو زي كم وسبعين نفر ..
عشان كده قبل ما تسافر البكا ورينا بالضبط كده اعمامك ديل الماتو كم والباقين كم ؟ 
________
صاحبك ده قول ليهو يكسب زمنو ويشوف ليهو بت ناس تانية ويتقدم طوالي ويتم عرسو .. ده زمن حب وما عارف شنو ؟؟
|
Post: #20
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 09:56 AM
Parent: #17
#
الاخ \مازن
تحياتي والله الشماعة رهيبه جدا والود وسيم وأخلاق وكمان حنكو سنيين بس حظو كعب عديل وفقران
والله ما بتدي حريف
|
Post: #21
Title: Re: شاكوش حار يمرق الروح عديل كدا!!
Author: هشام المجمر
Date: 12-06-2011, 10:02 AM
Parent: #20
يبدو أن المحبة الفى الضمير لم تكن بحسن نية
|
Post: #23
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 10:58 AM
Parent: #21
الاخ هشام المجمر
تحياتي
تعرف مسكينةالمحبة تمشي لناس ما بتقدر
|
Post: #26
Title: Re: شاكوش حار يمرق الروح عديل كدا!!
Author: قيقراوي
Date: 12-06-2011, 12:49 PM
Parent: #23
Quote:
تعرف الحله كانت أمس لحمة ضأن والدواء من صناعة الاصدقاء في الجارة أثيوبيا بس حالة الحزن ما خلت الاخوان يستمتعوابالليله
|
بالله يا بحر الاسى
علمني كيف ابحر و اقاسي موجك الخضم العسير ؟
صبرني لو هان الصبر عليّ اثناء المسير
و في مقطع تاني قال ليهو :
علم عبابك حدثو :
يجرف متاهات المساء
من كل زول جرحو الحنين
خلاهو في نارو و قساه
-------
الاغنية سمعتها عند ولدنا صلاح كوستي (سلاح النقل) يا خدر
ما عارفا حقتو و لي ختفي و لفح محافض ساااي!؟
|
Post: #24
Title: Re: شاكوش حار يمرق الروح عديل كدا!!
Author: أيمن الطيب
Date: 12-06-2011, 11:13 AM
Parent: #21
Quote: الاخ \مازن
تحياتي والله الشماعة رهيبه جدا والود وسيم وأخلاق وكمان حنكو سنيين بس حظو كعب عديل وفقران
والله ما بتدي حريف |
الوسيم القلبى رادو مالو لو مرة أفتكرنى ولا واحد تانى!!!
بتاع حلل ولا ما بتاع حلل !!!
يا أبو الزهور صاحبك إبداع فى البتاع وإمتاع حتى النخاع..
ياخ زول عجيب زى دا زاتو يعرس ليه فلتة زمانو دا !!!
أعمال حرة أفضل من سجن الوظيفة والمدير
مشى والمدير جا والقراية أم دق!!!
قول ليهو خليك مع الكتوت حتى الموت,,,
|
Post: #25
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 11:46 AM
Parent: #24
العزيز أيمن الطيب
تحياتي
الود فعلا بتاع حلل بس ما مدمن و من أصحاب مذهب ضوقني وأضودقك في العلاقات الانسانية العميقة جدا قبل الزواج بس ظروفو كعبه جدا بس نقول شنو
|
Post: #27
Title: Re: شاكوش حار يمرق الروح عديل كدا!!
Author: خدر
Date: 12-06-2011, 01:21 PM
Parent: #25
| Quote: و من أصحاب مذهب ضوقني وأضودقك في العلاقات الانسانية العميقة جدا قبل الزواج |
(: complicated statement
|
Post: #28
Title: Re: شاكوش حار يمرق الروح عديل كدا!!
Author: طارق جبريل
Date: 12-06-2011, 01:25 PM
Parent: #27
انت يا الحبيب يا كافي البلا زولة كدي لي الله تريدك ماها في
ياخي انت لسانك دة اصلو بطلع زبالة
ليك حق ما شغال مع جمال فارح
|
Post: #32
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 08:42 PM
Parent: #28
طارق جبريل
أزيك المهم سلامة الوالد في البداية وأنشالله أجر وعافية بالله ما تنضم لخدر ودالبشري ديل مخربيين ولمعوماتك أنا جمال فارح رفدني زمان بسبب الغياب والحوار الجدلي الطويل بيننا
*وبعدين أنت في السودان الحبيب كان لسانك فيها سحر البيان الشاكوش والله في النافوخ مافي حل أبدا
|
Post: #30
Title: Re: شاكوش حار يمرق الروح عديل كدا!!
Author: قيقراوي
Date: 12-06-2011, 02:25 PM
Parent: #27
Quote:
(: complicated statement
|
-------
امبسبول يا خدوري .. امبسبول ياخي!
و برضو تقولوا لي الطيارة ما فيها بوري!؟
|
Post: #31
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 04:15 PM
Parent: #27
ياخدر مساء الخير
ما تعمل لي تحليل نفسي انت ودالبشري لازم من حرق الدم المستمر دا ما العلاج والله
يعني الواحد لو كان صادق في لحظة صفاء خلاص كفر.!................ يابابا نويل
|
Post: #29
Title: Re: شاكوش حار يمرق الروح عديل كدا!!
Author: محمد البشرى الخضر
Date: 12-06-2011, 01:55 PM
Parent: #25
تبطّل الشفقة بس
|
Post: #33
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-06-2011, 10:03 PM
Parent: #29
يا مؤدب نصيحتك غاليه من غالي ح نخد بيها
أخ بس قدمي لليله بكل التفاصيل عشان كدا ح أكون ظريف معك
|
Post: #34
Title: Re: شاكوش حار يمرق الروح عديل كدا!!
Author: Tragie Mustafa
Date: 12-07-2011, 02:13 AM
Parent: #33
تبرأ وتستبرأ يا زهير
| Quote: الشاكوش والله في النافوخ مافي حل أبدا |
تعيش وتشوكش وتشوكيش كمان!
|
Post: #35
Title: Re: شاكوش حار يمرق الروح عديل كدا!!
Author: زهير عثمان حمد
Date: 12-07-2011, 05:20 AM
Parent: #34
العزيزة تراجي
كيفك وربنا يحفظك وكيفك والاولاد مع البرد أنشالله عافيه أنا بحاول أكون قبل بداية العام الجديد عندكم وح أتصل بيك
المهم ديل خليهم ديل هبوب مزعجيين
شكرا علي المرور
|
|