Post: #1
Title: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 03:28 AM
والله موضوع خفيف ودمو شربات .
|
Post: #2
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 03:35 AM
Parent: #1
|حلااااتو
الفاتح جـــبرا | ساخر سبيل
ـــــــــــــــــــــــــــــــــــــ
طقس من الطقوس اليومية التى إعتدت عليها منذ سنوات لا أعرف كم عددها .. أن أقوم بعد توصيل الأولاد للمدارس أن أغشى (كشك الجرائد) أشتري صحيفتين سياسيتين .. ما أن أدخل إلي المنزل حتى أتوجه (للراكوبة) التى تفتح علي المطبخ حيث أضع الصحيفتين على أحد الأسرة وأدلف إلى المطبخ لأصنع كوب قهوتى الصباحية !
أثناء وجودى بالمطبخ كانت جارتنا الحاجة (صفية) التى درجت علي شرب القهوة الصباحية أحيناً معي تتصفح الصحيفتين .. تنظر إلى (الصور) إذ أنها أمية (جيل ما قبل المدارس) ، ما أن حملت فنجانى القهوة ووضعته بيننا على التربيزة الحديدية وجلست علي السرير حتى خاطبتنى (الحاجة صفية) قائلة وهى تشير إلي صورة بالصفحة الأولى :
- حلااااااتو يا ولدي .. ده منو ؟
أمسكت منها الصحيفة ونظرت إلى الصورة
- ده يا حاجة مساعد رئيس الجمهورية الجديد !
- لكن ما حلااااتو .. لكن يا ولدي ما سغيروني بقى للمساعدة متين ؟
- يا حاجه ما تحكيها شديد ما أى زول يساعد وخلاص
- أها ووليدى ده بيساعد الرئيس في شنو؟
هنا (بينى وبينكم) ما عرفتا أقول ليها شنو فقلت لها عشان أمشى الموضوع :
- ما ا أصلو يا حاجه الرئيس بيكون عاوز ليهو مساعد يساعدو وكده !
يبدو أن الحاجه (مصحصحة) بعد أن (ظبطت راسا) برشفة من فنجان القهوة إذ ردت عليا (على طول) :
أنا عارفه الزول مهما كانت وظيفتو بيحتاج للمساعدة .. لكن سؤالى ليك بيساعد الرئيس في شنو ؟ يلز ليهو العربية أكان وقفت ؟
- يا حاجه بتبالغي في عربية رئيس بتقيف كمان لمن يلزوها ؟
- (تنظر إلى الصورة) : حلاااااتو .. لكن طيب بيساعدو في شنو ؟
- والله يا حاجه أنا لو أعرف أقول ع طول زى ما قال عادل إمام .. لكن والله ما عارف !
- حلاااتو .. والله من وشو الناير ده .. وش صلاح ده ح يساعد الرئيس والبلد دى ح تمشى لى قدام !
- (فى حزن ضاحك) : تمشى وين ! ؟
- والله يا ولدى باين عليهو وش خير .. شوف براااك كان البلد دى ما إتصلحت !
- تتصلح ؟ والله بالطريقه دى ياها الماشة الخور عدييييييل !
- قول بسم الله يا ولدي ... خور شنو؟ حلااااتو .. شوف الدم في عروقو باين !
- ما لازم الدم في عروقوا يكون باين .. هو قاعد معانا في الشمش السخنة دى ؟
- أجى يا ود أمى هو ما سوداني .. هو ما مننا ؟
- من ناحية سودانى يا حاجة فهو سوداني ومننا لكن من (الروضة) وتانى ما رجع البلد دى ، كدى خليهو يودهو الثورة الحارة 79 ويقولو ليهو أرجع براك .. كان جا راجع بيتهم تاني يلومونى !
- يعني شنو ما بعرف (الثورات)؟
- لا يا حاجة بيعرفا كويس .. وكمان كل (ثورة) لمن يطلع مظاهرة بيدوهو كم سوط في ضهرو .. والبنبان بيدخل في عيونو !
- حلااااتو .. هسه وش الصلاح ده وش سيطان وحراسات وبنبان !
- (مسترسلة) أوعا بيكون بيوزع منشورات ؟
- لا بيوزع (الراتب) !
- شغال صراف يعنى ؟
- صراف شنو يا حاجه ! الجنا ده مما الله خلقو ما إتوظف ! ودى أول وظيفة ليهو !
- حلاااتو يا ولدي هو ذاااتو بقى للتوظيف بتين ؟
- والله يا حاجه كلامك صاح .. دفعتوا لسه طايرين !
- حلاااتو .. والله أنا قلبي رادو مما شفتو .. إن شاء الله يترقي ويوصل أعلي المرتب !
- يترقي وين يا حاجة .. القدامو هي بس ترقية وااااحده .. من مساعد يبقى (ياى) !!
كسرة :
سأل أحدهم (مازن) : يا مازن إنتا بتعمل شنو ؟ فأجابه مازن : قاعد أنوم بالنهار وإشتغل بالليل ! ثم سال أخوه (حمادة) : وإنتا يا حمادة قاعد تعمل شنو ؟ فأجابه أنا بنوم بالليل وبالصباح بشتغل مع مازن !!
مبروك للشعب الفضل بتعيين (حمادة) مساعداً للرئيس !
|
Post: #3
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: doma
Date: 12-04-2011, 04:18 AM
Parent: #2
Quote:
- (مسترسلة) أوعا بيكون بيوزع منشورات ؟
- لا بيوزع (الراتب) !
- شغال صراف يعنى ؟
- صراف شنو يا حاجه ! الجنا ده مما الله خلقو ما إتوظف ! ودى أول وظيفة ليهو ! |
حلوه يا ستهن
الفاتح جبرا
made my day
|
Post: #4
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 06:03 AM
Parent: #3
حلوه يا ستهن
الفاتح جبرا
made my day
العزيزة Doma،
شرفتى ياغالية والتحية ليك وللفاتح جبرا.
He made my day too.
بالله حلااااتو دى بالصينى كيف؟؟؟ ههههه
|
Post: #5
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Munir
Date: 12-04-2011, 06:15 AM
Parent: #4
بكده الواحد يمشي يقوقل ويشوف الكلام ده مسروق من وين .. أصلوا حرامية النت ما مضمونين ..
:
:
تحياتي
|
Post: #6
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: عبدالكريم الامين احمد
Date: 12-04-2011, 06:17 AM
Parent: #4
هلا يا نجاة
وجبرا قلم رشيق وعميق ومرح جدا ياااخ
ووضب حكاية المساعد الحلااااااتو وضيبة درامية مرحة جدا
والاظرف انو شااااات المساعدين الاثنين سوي و جبنة الصباح لسسسع في محلها
ممتع ياااخ الزول المسخوت ده 
|
Post: #7
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: فايزودالقاضي
Date: 12-04-2011, 06:49 AM
Parent: #6
| Quote: بكده الواحد يمشي يقوقل ويشوف الكلام ده مسروق من وين |
يامنيراى اليومين ديل شكلك مابراك ...
هسه طوالي اتهمت الراجل بسرقةالموضوع من غير بينة ؟!!
حفيد الحسين يتسحق يبقى ياى مش مساعده ..
بطلوا حسد ياشيوعيين ..
ـــــــــــــــ
نجاة ازيك ..
|
Post: #8
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: نجلاء قرافي
Date: 12-04-2011, 07:07 AM
Parent: #7
جبرا ده غايتو يوم بيكتل ليهو زول بالضحك
نجوتة ازيك
|
Post: #9
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: الفاضل يسن عثمان
Date: 12-04-2011, 08:28 AM
Parent: #8
الفاتح جبرا
يجازي محنك, ابداع كالعادة
تشكري يا نجاة
|
Post: #10
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: ود الخليفه
Date: 12-04-2011, 08:29 AM
Parent: #8
السيد منير
اراك مجتهدا في كسب عداوة الناس ورميها بالباطل
|
Post: #11
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: saber alhawatti
Date: 12-04-2011, 08:46 AM
Parent: #10
المناضله/ نجاة
ابنة المناضل الجسور الراحل الخالد/ سيداحمد الشيخ ... له الرحمه
والله العظيم .. الفاتح جبره عدل لى دماغى مع فنجان القهوة الصباحى فى المكتب
ولووووووووووووول حلاتووووووووو وتانى لوووووووول
|
Post: #12
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: عبدالكريم أحمد الامين
Date: 12-04-2011, 09:09 AM
Parent: #11
** بت سيد أحمد .
** ابو ناجى "البروف جبرا"
** سلام وصباحكما خير..
## مع إنو اليوم احد وأول الأسبوع والواحد بيكون مدبرس عادةً من بدايات أيام العمل حالياً وسابقاً المدرسه ,, لكن ابو ناجى بحلاتوو وحلات كتاباتو خلو الواحد يحس بإنو معاهو فى الراكوبه وفنجان القهوه فى اليد وبيتفرج فى صورة حلاتووو وتعليق الحاجه ..
** شكراً بت سيد أحمد على نقل هذا الإبداع  فى زمن الإحباط وتلاشى الفرح.
(ودام الود بين الجميع)
(ابو محمد فؤاد)
|
Post: #13
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: munswor almophtah
Date: 12-04-2011, 09:21 AM
Parent: #11
|
Post: #14
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: بله محمد الفاضل
Date: 12-04-2011, 09:45 AM
Parent: #13
سلام يا الفاتح
كدي روق المنقة شوية
يمكن كلام الحاجة الشاربة القهوة دي
يظبط
علمو عندو
.
.
.
ثم ثانياً
خاف الله في مصارينا
تشكرات يا ستي
وتسلمي
|
Post: #15
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: SILVER MOON
Date: 12-04-2011, 10:28 AM
Parent: #14
ضحكت لامن فرحت وقلت بس
حلاتك انت كمان ياجبرا
تشكرى سيدتى على الضحكة الحلوة
|
Post: #16
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 06:57 PM
Parent: #15
بكده الواحد يمشي يقوقل ويشوف الكلام ده مسروق من وين .. أصلوا حرامية النت ما مضمونين ..
سلام الاخ منير ،
الفاتح جبرا وساخر سبيل ما عاوزة ليها قوقل،
تسلم للمرور والتحية للفاتح جبرا ولك الاخ منير.
:
|
Post: #17
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: معاوية عبيد الصائم
Date: 12-04-2011, 07:01 PM
Parent: #16
Quote: ابنة المناضل الجسور الراحل الخالد/ سيداحمد الشيخ ... له الرحمه
|
ابو السيد ............كم نحبك ...الشباب عموم يا ابو الشباب
لك الرحمة يا رحيم
|
Post: #18
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Afraa Sanad
Date: 12-04-2011, 07:22 PM
Parent: #17
سلام يا نجاة كلام جبره ما بناباه لكن الفيكم الا تنين اتعرفت
عندي سوال لي ود القاضي قريبتك دي كان جاتا نزلة بتصرف كيف
|
Post: #19
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 07:56 PM
Parent: #18
والاظرف انو شااااات المساعدين الاثنين سوي و جبنة الصباح لسسسع في محلها
سمعته بعصفورين بحجر واحد .... دا الشوت الصحى،
تسلم يا هندسة.
الاقتباس تبعى فيه مشكلة ،، وعشان نكون فى السيف سايد من اتهامات السرقة الكلام الفوق دا تبع كيكى.
|
Post: #20
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 08:19 PM
Parent: #19
حفيد الحسين يتسحق يبقى ياى مش مساعده ..
بطلوا حسد ياشيوعيين ..
ود القاضى سلام ،
بينى بينك المساعد ح يحصل يبقى ياى يا ربى ؟؟
|
Post: #21
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 08:53 PM
Parent: #20
جبرا ده غايتو يوم بيكتل ليهو زول بالضحك
نجوتة ازيك
تسلمى يا نجول ،
تحياتنا للزغب وابوهم.
|
Post: #22
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-04-2011, 10:15 PM
Parent: #21
الفاتح جبرا
يجازي محنك, ابداع كالعادة
تشكري يا نجاة
تشكر الاخ الفاضل للمرور.
|
Post: #27
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: فايزودالقاضي
Date: 12-05-2011, 07:42 AM
Parent: #18
عفراء ..سلامات
| Quote: عندي سوال لي ود القاضي قريبتك دي كان جاتا نزلة بتصرف كيف |
امراض البرجوازية دي البجيبا ليها شنو ..؟!!!
ديل من ملاريا وانتي طالعة ..
لكن احتياطي خاتين (الفاى ) على جهة واحدة ..
وسايبه الجهة اليسار للنزلة المابتجيها ..
تحياتي ،،
|
Post: #24
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-05-2011, 01:36 AM
Parent: #27
السيد منير
اراك مجتهدا في كسب عداوة الناس ورميها بالباطل
ود الخليفة تسلم وشكرا للمرور.
|
Post: #25
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-05-2011, 03:15 AM
Parent: #24
المناضله/ نجاة
ابنة المناضل الجسور الراحل الخالد/ سيداحمد الشيخ ... له الرحمه
والله العظيم .. الفاتح جبره عدل لى دماغى مع فنجان القهوة الصباحى فى المكتب
ولووووووووووووول حلاتووووووووو وتانى لوووووووول
العزيز صابر الحواتى أذيك ياخ وشرفته البوست كتير .
كيفك واخبارك وعياك.. والله سنين طويله واشواقنا لمعرفة أخباركم.
تحياتى الخالصة لك .
|
Post: #26
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: ود الخليفه
Date: 12-05-2011, 07:40 AM
Parent: #25
Quote:
:
:
بالنسبة لقوقل وما أدراك ما قوقل .. أليس الزول الساخر ده عنده سابقة في المنبر ده ؟؟ أنادي ليك سجيمان؟؟ |
النبي فوقك ناديه
ان استطاع
اما بقية كلامك فسارد عليه في بوستك الاخر الذي وصفت فيه البعض بالكــــلاب
احتراما لصاحبة هذا البوست وللاستاذ الفاتح جبر
|
Post: #29
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: محمد الطيب يوسف
Date: 12-05-2011, 08:08 AM
Parent: #26
Quote: بكده الواحد يمشي يقوقل ويشوف الكلام ده مسروق من وين .. أصلوا حرامية النت ما مضمونين ..
|
Quote: بالنسبة لقوقل وما أدراك ما قوقل .. أليس الزول الساخر ده عنده سابقة في المنبر ده ؟؟ أنادي ليك سجيمان؟؟
|
سابقتين يا منيرما واحدة ... والله صحي
|
Post: #30
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: ود الخليفه
Date: 12-05-2011, 10:59 AM
Parent: #29
من كتب تلك السيرة الذاتية ورماها لكــلاب الانترنت الضالة !!!؟؟..
هذا ان كنت تعتقد ان الاستاذ الفاتح احد الموصوفين ببوستك اعلاه
| Quote: رد هنا المانعك شنو؟؟ رد هنا ده .. وجهز لينا مدحة الجمعة الجاية لو حيين .. |
لا باس ان ارد هنا فيما يتعلق بامر الاستاذ الفاتح
اراك هنا تثبت موضوع السرقة وتدندن بالقوقل وتهددني بسجيمان !
فارفق بنفسك
فيا عزيزي الفاضل
اسألك سؤال واحد فقط ان استطعت ان تجاوب عليه او يجاوب عليه من تتهدني به
من هو مؤلف النكتة مثار الجدل؟
اما مسألة تناول الكاتبين - عفوا استاذ الفاتح - فهذا ثابت وان استطاع سجيمان ان يثبت انه كتبها اولا
لا تنفي كونها نكتة مسموعه واعيد انتاجها في شكل مقال صحفي ينسب لهما
فهل من كتبها اولا استحق ملكيتها؟
وان ثبت على الفاتح جبرا سرقتها كت اند بسيت فلك مني ولسجيمان الاعتذار
ولي رأي قد كتبته في بوست سابق حول هذه المسالة
Quote: عزيزي البروف امين
السلام عليكم ورحمة الله وبركاته
لا اريد ان انكا جرحا فطويل الجرح يغري بالتناسي
كنت من المتابعين لهذا الموضوع ولي راي قد لا يعجب الاستاذ الفاتح
وهو ان تناول النكات والطرائف المسموعه وتحويلها لمنتج اخر في شكل مقال او اسكتش او منلوج مثل الهيلاهوب وامثالها هو دليل على ضعف الخيال
ولا اعتقد ان الاستاذ الفاتح ينقصه الخيال ولكن الكتابه اليوميه مرهقه خصوصا في مجال كمجاله
اما الكتابة السياسيه فما اسهلها فيوميا امامك سيل من الاخبار والمعلومات تنتقي منها كما تنتقي جيد التمر
و الكتابه الساخره لا تصنع صناعة كما في صياغة المقال السياسي وانما تحتاج لدربه وخيال وحس نقدي عالي
وكما ذكرت فان الكتابة اليومية مرهقه فما بالك بنوعية كتابة الاستاذ الفاتح
والحسد بين اهل الصنعة الواحدة قديم
|
| Quote: وجهز لينا مدحة الجمعة الجاية لو حيين .. |
الحمد لله انك لم تجد في ارشيفي سوى مديح الرسول ص ان كان في ذلك ذم
|
Post: #31
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-05-2011, 11:03 PM
Parent: #30
** شكراً بت سيد أحمد على نقل هذا الإبداع فى زمن الإحباط وتلاشى الفرح.
(ودام الود بين الجميع)
(ابو محمد فؤاد)
تسلم يا ابو محمد وشكرا للمرور والاضافة.
|
Post: #32
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-05-2011, 11:12 PM
Parent: #31
ثم ثانياً
خاف الله في مصارينا
تشكرات يا ستي
وتسلمي
تسلم الاخ بله وتشكر للمرور.
|
Post: #33
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: ABUHUSSEIN
Date: 12-05-2011, 11:14 PM
Parent: #31
و ديني و إيماني دي أجمل من كلام الفاتح جبرا...
يا ولية إنتي مولودة في بعلبك و نحن ما عارفين ...؟؟؟
|
Post: #34
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-05-2011, 11:23 PM
Parent: #33
ضحكت لامن فرحت وقلت بس
حلاتك انت كمان ياجبرا
تشكرى سيدتى على الضحكة الحلوة
تسلمى Silver Moon وتشكرى للمرور وأن شاء الله دائما ضاحكين وحلااااتنا .
|
Post: #35
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-06-2011, 00:59 AM
Parent: #34
ابو السيد ............كم نحبك ...الشباب عموم يا ابو الشباب
لك الرحمة يا رحيم
الوزير معاوية تسلم ياخى ..أبوى شيال التقيلة .. أبوى ضو القبيلة له الرحمة.
|
Post: #36
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-06-2011, 01:20 AM
Parent: #35
سلام يا نجاة كلام جبره ما بناباه لكن الفيكم الا تنين اتعرفت
عفراء سلام كيفك وعيالك وأبوهم.
انتى بقيتى من ناس حلاااااتو لا شنو؟؟؟؟؟
|
Post: #37
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-06-2011, 04:28 AM
Parent: #36
احتراما لصاحبة هذا البوست وللاستاذ الفاتح جبر
ود الخليفة شكرا ليك والبيت بيتك خد راحتك تمامآ.
|
Post: #38
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-06-2011, 11:29 PM
Parent: #37
أبو جبص مولودة فى موسكو ، والله صحى .
|
Post: #39
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: محمد حيدر المشرف
Date: 12-06-2011, 11:58 PM
Parent: #38
أخيرا طلعت من الواحد إبتسامه ..
شكرا نجاة ..
وكتر فنك يا الفاتح جبره ..
..
الكتابه الفكهه ليست كلمات خفيفة الظل ..
وبالتأكيد ليست كدايس !!
|
Post: #40
Title: Re: حلااااتو... ( سخرية الفاتح جبرا بتخلى الموضوع مهضوم كتير..
Author: Nagat Sid Ahmed Elshiekh
Date: 12-07-2011, 01:20 AM
Parent: #39
أخيرا طلعت من الواحد إبتسامه ..
شكرا نجاة ..
وكتر فنك يا الفاتح جبره ..
تسلم الاخ محمد حيدر وتشكر للمرور .
|
|