Post: #1 Title: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 11-30-2011, 06:51 PM
Post: #2 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 11-30-2011, 06:53 PM Parent: #1
Post: #3 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 11-30-2011, 06:55 PM Parent: #2
الفيديو قيد التّحميل
Post: #4 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 11-30-2011, 07:04 PM Parent: #3
Post: #5 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 11-30-2011, 07:26 PM Parent: #4
لأعلى
Post: #6 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Medhat Osman Date: 11-30-2011, 07:33 PM Parent: #5
عفوا سيدي الحجاج.... الاستاذ ازهري محمد علي
Post: #7 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Medhat Osman Date: 11-30-2011, 07:51 PM Parent: #6
اقول ليكم كلام انسان بحب نبته..... الاستاذ هاشم صديق
Post: #8 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: osama fadlalla Date: 11-30-2011, 08:03 PM Parent: #6
وطن مسروق وطن في السوق وطن اشتر مرق من ذمة التاريخ على ذمة كلاب الحر ينوم بى جبة الدرويش يقوم بى بدلة العسكر
......فيا ويلكم
بلد غنيمة !!
Post: #9 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: عبود عبد الرحيم Date: 11-30-2011, 08:40 PM Parent: #8
شكرا يا باشمهندس علاء الدين للتوثيق المهم جداً سيكون لهذا البوست والفيديو المرفق مكانة مهمة جداً في تاريخ ومستقبل الحزبين الطائفيين
Post: #10 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Medhat Osman Date: 11-30-2011, 09:14 PM Parent: #6
عفوا سيدي الحجاج كلابك والأفاعى الحايمة من روتانا لى امواج كاورت البلد بى حالها ماخلت فضل فى حاجه .. لى محتاج ولا لقت البقول لها "جــر" فى ناس جعانة ما قلبت حرف فى صاج فى ناس عريانة مالفحت هدم فى الزيفة ماطالت ايديها رغيفة والسبب المعكر كيفها دق بنوتها بالكرباج ناس غلبانة بس دغرية مابتعرف تخت طاقية فى طاقية والدين الحنيف فى شرعها الحرية زدتها فى الحرج إحراج وزدتها فى الدجل دجال عوج شفناهو ماسمعناهو فى قولة قال بنات دقوها دق العيش ولاد ما اندقو فى شبال وبقت فى غصة الأيام قيم غنيتها ياقدال قيم شلناها عِمة وتاج رقيص الشامة بت حمدين وخت الحنه ليات من حضور ضفرين ونمّات العديل والزين ورقصة جون مع اوهاج مشينا نقدم البنوت على ضو الرتاين خفت وهج الغناء الوهاج رحل صوت المغنى حزين رطن سوط العنج هرّاج سقط فى غفلة نون النسوة اخوان البنات والنخوة ستّار العروض أب رسوة شيال الحمول أب عاج فيا حجاج .. أُكل نارك و اتلفح بشاكيرك مع طلعة شهر ذو الحجة احرم حاج .. وطوف فوق الجثث طاوؤس وشعبك لا أكِـل لا علاج وحاج فى شنو !! إذا كل البلد هاصت و فار نحل الجباية و هَاج فيا فالق نواة الحبة يــــا فراج و ياباسط عجائب الاسراء والمعراج ويــــا خالق الخلايا الحية أمشاج ابتلت أمشاج طحنتنا طاحونة الفقر دهستنا سنواتها العجاف يــااا الله تلهمنا الصبر ، السُترة ، والعيش الكفاف وترحمنا من صَرة وشِي فى وش وليداتنا الضعاف غرقان ويرقص منتشي ووطنا مقطوع من خلاف بسم الله ماخلانا شي و فَضَلنا فى آخر المطاف ياناسي أقدار الرجال ماتخشى غضب الله وتخاف ! كتر عوج الكلام والميل وتحت الجزمة مليون ميل تحت الازمة طاحونة حوافر الخيل سقط تلت البلد عفواً سقط نص البلد لهواً سقط كل البلد سهواً فهل صحاك ضمير الأمة فى هجعة هوايد الليل على زبد الغناء الممحوق شنو الخّلاك تنوم تحلم على خرطة وطن فى السوق وطن مسروووق وطن اشتر مرق من ذمة التاريخ على ذمة كلاب الحر ينوم بجبة الدرويش يقوم ببدلة العسكر فيـــاااا ويلك فى يوم الويل تقوم تحتك قيامة الناس أفواج الضحايا يجوك ستات الكجيك والشاى والناس البعرفو شليل حشود الطلبة والعمال وبنوت الغياب والليل طفوله مشردة ونازحين وكم حجاج يجيك من ديل وديل اولاد شوارع عوووووك المعدَّمة ومعدومه من كل فجه يجوك يومها التسوِّد يومها قطامة وقرضمة وراندوك لماضة وطرّقت حلقومة ناسات حكومة الجن ناس جنها الحيكومة ماطال الشوارع فِي فى ولاد بعرفو القومة اولاد الحلال راقديين اولاد اسمها المايقوما ديل اولاد شريعة قوش المستضعفين فى الارض يبنو ويهدو عروش لا الكل بخون البعض لابتشتريها قروش فى كل حتة وراك تمرق تلاقى جيوش اصدق لسان الحال من نضمك المهبوش نفس الولاد جايين من طين حضاره كوش حافظين شعر حميد فاهمين قصايد الدوش ماتمشى يامحجوب عاوزين نظبط بوش ياداااب عرفنا الصاح دخل الكلام الحوش وشكرا سيدى الحجاج
ازهري محمد علي.
Post: #11 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Al-Shaygi Date: 11-30-2011, 09:32 PM Parent: #10
Post: #12 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: محمد عادل Date: 11-30-2011, 09:54 PM Parent: #11
انتو ود المرغنى دا اتعلم الخطابه ويييييييييييييييين
Post: #13 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Deng Date: 11-30-2011, 10:14 PM Parent: #12
العقيد عبد الرحمن الصادق يصرح ويقول وهو يرتدي البزة العسكرية الكاملة بأن هذا القرار قرار شخصي بحت. طيب يا العشى أب لبن الميري اللابسو ده كان حقك الشخصي برضو؟
بعدين ده ياهو جعفر اللي قالوا في سيرتو الذاتية بأنوا متمكن في اللغة العربية؟
ياخي الأتنين ديل مع رئيسهم المطلوب دوليا ده تحفة عديل كده.
هل سيصمت ضباط الجيش على مثل هذه المهازل التي تحدث أمامهم وبأسم القوات المسلحة؟
Post: #14 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: nazar hussien Date: 12-01-2011, 02:37 AM Parent: #13
هم الجماعة الجداد ديل جابوهم يساعدوا الرئيس ...سيد البرنامج والحفلة كلها ومع ذلك: كل زول فيهم جاء عندو برنامج سوف يسعي الي تحقيقه لخدمة الوطن والمواطن...كما قال كل من جعفر الصادق ومحمد حسن...وان أخطأوا فلهم اجر واحد كما قال عبدالرحمن...
يا ربي برامجهم دي بتكون مشفرة والله عادي ممكن الواحد ينزلا... وهل ممكن نلقي لينا انتي فايروس كارب للبرامج دي يا علاء الدين... حاكم نحن فترنا من تنزيل البرامج المضروبة
Post: #15 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Tragie Mustafa Date: 12-01-2011, 03:21 AM Parent: #14
الغريبه عشى البايتات هؤلاء.....نضمي ساي ما بعرفوا؟!
ود الصادق فصاحة ابوه وامه(الله يرحمها) كلها طلع من المولد بلا حمص!! نضمي من الورق ما قادر يقرأهوا كويس؟!سبحان الله وعايزينا يحكمونا كمان؟!
فعلا هانت الزلابيه!
غايتو.....بركه جميعهم لمزبلة التاريخ مع بشيرهم.
Post: #16 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: معتصم مصطفي الجبلابي Date: 12-01-2011, 03:24 AM Parent: #14
والله شكرا ليكم كتير خارجتونا من عبدالرحمن
فى نفرين تلاتة كان ضميتهم فى التشكيل الوزارى
تكونو ما قصرتو تب
Post: #17 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: محمد عمر الفكي Date: 12-01-2011, 06:18 AM Parent: #16
الاخ علاء الدين بحسب كلام السيدين ديل (وخصوصاً السيد تبعنا) وعملهم على تلببية احتياجات المواطن امشي بكرة ادق خروج نهائي ومن جدة راس على الجنينة (ما تخلط ما الجنينة الفي دارفور)
Post: #18 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 12-01-2011, 06:41 AM Parent: #17
Quote: ومن جدة راس على الجنينة (ما تخلط ما الجنينة الفي دارفور)
Post: #19 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: Nagi Ahmed Date: 12-01-2011, 12:01 PM Parent: #18
فابشروا بطول سلامة يا كيزان و مبروك ليكم السودان الفضل
Post: #20 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: علاء الدين يوسف علي محمد Date: 12-01-2011, 01:16 PM Parent: #19
ما كتير والله يا ناجي الفاضل لينا بس فترة العرّافة قارئة الفنجان التي سُئلت في الطُرفة إيّاها عن كم سنة الناس ديل قاعدين فقالت لهم: غايتو شايفة لي (6) وفي واحد مرّات ينُط باليمين مرّت ينُط لي بالشمال فيبدو أن وضعه الطّبيعي يمين السِتّة إذاً المُتبقي حوالي (39) سنة بس
عليك الله هسي دي كتيرة؟
Post: #21 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: عبود عبد الرحيم Date: 12-01-2011, 02:14 PM Parent: #20
Quote: عليك الله هسي دي كتيرة؟
هههههههه السيدين حسبوها صاح يا علاء الدين قدموا اولادهم عشان يأهلوهم للحكم بعد الـ 39 سنة دي
نقول للجماعة يساعدونا بالصبر بس !!!!
Post: #22 Title: Re: عبد الرحمن الصادق و جعفر الميرغني يُصرِّحان بعد أداء القسم (فيديو) Author: الشفيع وراق عبد الرحمن Date: 12-01-2011, 03:52 PM Parent: #21
Quote: إذاً المُتبقي حوالي (39) سنة بس
يا هندسة براحة على الجماعة الفيهم ما هين ما تبقى انت والسيدين والزمن عليهم
