Post: #1 Title: معقولة بس يالبشير.. مساعدك خريج روضة دار الحنان Author: على ميرغني Date: 11-30-2011, 02:50 PM
ملعون ابو الغرض يا اخي احترم البشير كيف وهو بيعين مساعد تقول سيرتو الذاتية انو درس الروضة بدار الحنان بنمرة اتنين ثم المدارس المصرية النموزجية ثم شهادة جامعية من جامع بريطانية بلندن الشهادة في الفلسفة
يا اخي والله لا المؤتمر الوطني احترم عقول الشعب ولا نا سيدي... ولا اقول الاتحادي الديمقراطي.. احترمو عقول انصارم
الميرغني الابن درس بروضة دار الحنان بنمرة اتنين ثم المدارس لامصرية النموزجية ثم حصل على شهادة جامعية من جامعة بريطانية بلندن تخصص فلسفة ثم عمل مساعدا لابيه في الشئون السياسية وادي كثير من المهام
هل تنقص البشير هذه القدرات.. واذا قلنا بتنقصو.. هل لا يوجد في الاتحادي كفاءات اكبر واين ذهب دكتور بخاري... ولاَ الموضوع حتمية جريان الدم الشريف في الرجل
http://www.khatmiya.com/vb/showthread.php?t=4419 بعدين نعود للخطاب أولاً الميرغني الصغير قراء خطابو من جهاز (اي فون) دا معناهو قدرة على الارتجال نهي رغم انو خطاب قصير واحتفالي مافيهو مشكلة كبيرة
تاني طوالي لخبط الأمور.. واعتقد انو مابعرف جغرافية السودان نهائيا كدا قال انو حيعمل على وفق الحرب في ولايتي النيل الابيض وشمال كردفان
يا سيجيمان والله البشيير دا لو كان واعي كان عيني مساعد ليهو كنت على الاقل قلت ليهو ينضف حزبو من الفساد ويخلي خج الانتخابات اها عليك الله اسع ولد سيدي دا بقدر يقول ليهو الكلام دا
سيجمان عليك الله خلى عمودك بكرة عن مساعد الرئيس ولد سيدي ولا اقول ليك خلي بتاع بكرة لولد الميرغني وبعد بكرة لولد المهدي بس اعمل حسابك الزول التاني لباع وفارس في بعض الروايات
غالبا الزول الماسك مكتب الاعلام و النشر بالحزب الاتحادي الديمقراطي الاصل يكون من الاتحاديين الرافضين للمشاركة دي ما طريقة اعداد سيرة ذاتية اللهم إلا إذا كان الغرض منها احراج صاحبها - وابوه
Quote: معقولة بس يالبشير.. مساعدك خريج روضة دار الحنان
الأخ على ميرغنى اولا معلوماتك غير صحيحة البتة . فأنا شخصيا خريج روضة دار الحنان ويشهد على ذلك حبيبنا (سجيمان) الذى كان يسبقنا بأربعة او خمسة دفع على اقل تقدير ولم يكن (سيدى) معنا لأنه كان يرتاد روضة (الأمانى العذبة وليس دار الحنان) . الرجاء اخذ الأخبار من مظانهاقبل الكتابة وعدم اخذ الناس بالشبهات,( قاعد اقراها فى الجرايد كدة).
يا جماعة بغض النظر عن النواحي السياسية ، موضوع الـc.v التي تحتوي على الروضة هو فتح جديد للبشرية يجب أن يؤخذ على محمل الجد وكما قال نيل ارمسترونج حينما وضع اول قدم بشرية على الـLunar Surface That's one small step for man .. one giant leap for mankind فهذه الخطوة في الحقيقة قفزة هائلة للبشرية فهي اول c.v في التاريخ تحتوي على الروضة .. يا له من سبق تاريخي مذهل .. سأكون من المبادرين بتعديل الـc.v خاصتي وذلك بوضع الروضة التي درست بها ..
Post: #17 Title: Re: معقولة بس يالبشير.. مساعدك خريج روضة دار الحنان Author: عمران حسن صالح Date: 11-30-2011, 06:15 PM Parent: #14
ياخي السيرة الزاتية دي ما قالت ليكـ : يهتم كثيراً بالإطلاع
Post: #22 Title: Re: معقولة بس يالبشير.. مساعدك خريج روضة دار الحنان Author: سجيمان Date: 12-01-2011, 09:59 AM Parent: #14
قلقو
يكون سيدي قرا في روضة قام من نومة ولقى كومو
اما انا تميت باقي الروضة في روضة عواطف ست الحنة.... وكانت بتقرينا ابلة حنان ... حنان سكليب
وجابو لينا مصرية..... بتظكر... وكانت بتفرزنا ( ضكر وانتاية)
