دحين اكون مما الله خلقو اجر عجلة ايجارربع ساعة بقرشين ونص وقام سداري وشق حي دردق بمدنى السنى في امان وسلام واكل طعمية فلاتة مع قراصة نبق وعجور بالشطة والليمون جنب الوطنية امدرمان احي الري؟
او اكون دقق ليهو كيلتين عيش فتريتة في ضهر حمار مكادي عندو خمسة دبرات وكانت هناك عشرين ضبانة حمير في خديداتو وبتقول ابوهو حيكسيهوجلابية دبلان وامكن بوبلين حسب كمية الضبان التميمة وبعد داك رجع واستحمى الحي ووب بجردل وطشت في كشاشة حبوبتو بصابون صافي وربما صابون فنيك عند اللزوم لزم قيافات وبعد داك فكر العب ( تيوة) وربما ( كديسا قاسك ) او اشرك لا م بعيرة في ميعة الحلة القدامية وربما اشرك للقدالي بقلوبية حامية في قوز ام صليعة وادودر فيهو من طندبة للعوتة لمرخة حتى الميلوفة بفص دوس جابو من تكل حاجة التومة من تحت هبود صاج قديم واحيانا الشرك بقبورة عند اللزوم وامكن اكون فكر في قنيص الارنب ( عكولا ام التر) وساق ( قوز الريل) وضرب ايدك ليك والفي خشم الكــــــــــلــب عارية وهو لبلب وكم في الخط امانة عليك تقطع اضنيك احي الري؟
او اكون سرق في طهور على ود السرة بنبر حرسنا ست الانداية وجرى بيهو لبيت الطهور وعقرو( المحرق كلـــــــب جابر اللوج) لمن جا جاري بعند بيت جابر وشافنو بنات التوم وكلمن حرسنا بسرقة البنبر وجات حرسنا لبيت الطهور وفدت بنبرها بفت تعريفة وادت العريس قرش لمن الشعقيبة علقت في شعيراتهاالتاماهن( ام الحكيم) والعادة ديك ولا جدادة احي الري!
حرامية الانقاد الجماعة العنقالة الغبش ديل معروف سبب زلعتهم وجوعتم لكن ودسيدى الغليد وتريان وشبعان ورويان ده البخليهو شنو اكابس مع الحرامية والجعانين وهو زول عينو مليانة....ياخى ديل البحر اشبع وهم ما اشبعوا الله اعين اهلنا المساكين.
دنيا آخر زمن !!.. حقراء القوم وأراذلهم يسخرون من الكرام أبناء الكرام ..!!!
Post: #19 Title: Re: أحي الري(درس الروضة بالخرطوم 2 ثم إلتحق برياض دارالحنان بشارع المط Author: Ali Hamad Date: 12-01-2011, 00:28 AM Parent: #12
يا قريبى الناظر - ايامك كلها اعياد مباركة بعدين شاكى محنك على الله - هسع وليد سيدنا الميرغنى ده شكلة بشبه البلاوى البتقول عليها دى . يازول حرم الزعل خلاك تقول نضما مقدود عديل وخايف يجرك على الحسادة من الوليد الجاهل المغرور ده كما غنى شاعر الحقيبة صاحب النضم المو######ان .دى ناس بتعرف تلعب صاح . الواحد منهم احرف من مردونا فى المراوغة و اللف والمروق من الحصار . شفت كيف السيد الميرغنى رد على البشير عندما طلب منه يحدد موقفه من على محمود حسنين والتوم هجو . قال هو لا مع المعارضة ولا مع الحكومة . يعنى حاجة كده طايرة فى الجو- شفت كيف ياحضرة الناظر . البشير انكتم وماقدر يقول حاجة . دى ناس ما يحوشها الا ملك الموت . ناس تعرف من أين تؤكل الكتف ياحضرة الناظر ونحن العورا ديل نموت كمد وخايف يوم القيامة الله يدخلنا النار عشان عذبنا نفسنا بدون سبب يوم صدقنا حكاية سلم تسلم والاقتلاع من الجزور - والمعارضة الل بقودها عبد الرحمن سعيد والهادى بشرى وغازى سليمان. ويوم مشينا هايكوت فى الهضاب الاريترية عشان نقابل بطل الحرب الامير عبد الرحمن الصادق - صديق منزول شات الكورة توش قون !
خليتك بعافية وابقى قابلنى فى نعيمة الصيف القادم - تحياتى لأهلى الهبانية عموم بدون فرز
على حمدابراهيم
Post: #20 Title: Re: أحي الري(درس الروضة بالخرطوم 2 ثم إلتحق برياض دارالحنان بشارع المط Author: MAHJOOP ALI Date: 12-01-2011, 00:58 AM Parent: #19
الناظر هباني تصريح وليد الميرغني ، بعد الاداء بالقسم، نسخة طبق الاصل لخطاب الملك ، فيلم الاوسكار،كله أأأأأ ، وووووو
Post: #21 Title: Re: أحي الري(درس الروضة بالخرطوم 2 ثم إلتحق برياض دارالحنان بشارع المط Author: nazar hussien Date: 12-01-2011, 06:22 AM Parent: #20
Quote: بصابون صافي وربما صابون فنيك عند اللزوم
راعي شعورنا شوية يا ود هباني ديل زاتن عندنا زمان كانن من دواعي الحي آ الري...
اها صابون صافي دا سمعت بيه في البوست دا...
نحن صابونا زمان كان حصحصاص...
Post: #22 Title: Re: أحي الري(درس الروضة بالخرطوم 2 ثم إلتحق برياض دارالحنان بشارع المط Author: صلاح الدين نزلاوى Date: 12-01-2011, 07:39 AM Parent: #21
Quote: ديل درية بعضها من بعض ومبشرين بالجنة دنيا واخرةونحن لينا صقط الجنة!
الناظر هبانى هذا هو السودان وسيظل كذلك على مر الدهور والاجيال ، السكة واحدة نلف ونرجع لناس سيدى وسيدى ، أحسن تقصر الطريق وترجع، على الاقل انتو عندكم النظارة .
أعتقد أنك يمكن أن تنقد موقف الحزب الإتحادي أو حتى مواقف جعفر الصادق، لكن أظن أن ما قلته بعيد كل البعد عن النقد ويقع تحت باب الإساءات الشخصية التى لا تقبلها على نفسك، فكون أن الشخص عاش حياة مرفهة او خشنة هذه مسائل شخصية وأنت مطالب هنا بإنتقاد مواقفه العامة وليس مواقفه الشخصية.
الرجاء سحب هذا البوست ولك أن تنتقد موقفه السياسي كما تريد.
الأخ منير
وفيما إنتقادك لهشام هباني إذا كنت تقسم الناس لحقراء وأمراء؟ ومن أعطاك هذا الحق فقط لكي نعلم؟