Post: #1
Title: جونا بارد فى الخرطوم انته جوكم كيف
Author: بلدى يا حبوب
Date: 11-29-2011, 12:11 PM
اليومين ده اطل الشتاء بكامل قوته على الخرطوم مما ادى الى ارتفاع طلب الفول الساده الى 4 جنيه وكعادة اهل الخرطوم عندما يحل الشتاء يتفض سامر الجلسات الليلة تحت الحيطان وتترامى الكراسى فى الاندية تبحث عن جالسيها وشوارع الخرطوم بعد الساعة العاشرة تتمخطرعليها الامجاد والكريس اما عربات الملاكى فتشاهدا مابين الفنية والاخرى وامعانا فى اعتكاف الناس بمنازلهم اصبحت عربات الاسعاف لا تستعين باصوات البورى ليلا .
فى الخرطوم الان درجات الحرارة منخفضة وصدور الغلابة تقاوم البرد واطفال المدارس يتغلبون على البرد صباحا بالعدو الى الفصول والاعتكاف مابين الشبابيك اما فراشة السوق بعضهم تحول الى شماعة متحركة من الملابس القطنية .
ده جونا فى السودان انته جوكم كيف
تحياتى
|
Post: #2
Title: Re: جونا بارد فى الخرطوم انته جوكم كيف
Author: ود الباوقة
Date: 11-29-2011, 12:17 PM
Parent: #1
غايتو نحن في الرياض من امس مطرة شغالة
والبرد يكتل عديل كدا
ما زالت الامطار تواصل في الهطول
جعلها الله امطار خير وبركة
بس الفول ما سالنا منو بي كم
|
Post: #3
Title: Re: جونا بارد فى الخرطوم انته جوكم كيف
Author: بلدى يا حبوب
Date: 11-29-2011, 12:34 PM
Parent: #2
ود الباوقة
سلام
ربنايجعلها امطار خير وبركة
بعدين لوبقيتوا بتاعن فول احسن ليكم ترجعوا
تحياتى
|
|