Post: #1
Title: إنتو الناشطين ديل ووين ؟؟
Author: tmbis
Date: 11-28-2011, 11:49 AM
Parent: #0
دا طبعا سؤال في الحب ..
..
|
Post: #2
Title: Re: إنتو الناشطين ديل ووين ؟؟
Author: tmbis
Date: 11-28-2011, 11:54 AM
Parent: #1
كثيرا ما اقرا .. أن يتحرك الناشطين .. والنشطاء .. وشنو كدا ما عارف ..
على شاكلة ..
اقترح ان نبدا التحرك من الداخل .. بي نشاط .. ينشط فيه النشطاء ..
ومن ثم .. ننشط نحن في الفيس بوك ..
ودا طبعا بعد نشاط سودانيزاونلاين منبر وطن من وطن له ..
..
حقيقة يستفزني كثيرا هذا الحديث ..
..
النشطاء ديل قاعدين يقعدوا ووين في الخرطوم بالضبط كدا .. ؟؟
أو بي صورة أوضح بيمارسوا نشاطاتم دي ووين ..؟
..
وانشط واحد فيهم منو بالضبط كدا .. علشان الواحد يكون عارف راسو من رجلينو ..
|
Post: #5
Title: Re: إنتو الناشطين ديل ووين ؟؟
Author: محمد المرتضى حامد
Date: 11-28-2011, 12:01 PM
Parent: #2
| Quote: دا طبعا سؤال في الحب .. |
 إنت زاتك كنت ناشط وين الفتره الفاتت دي؟
بعدين ما تخلط الحب والحبوب المنشطه تقوم تبوظ علينا نشاطنا وتجيب لينا هوا الفيفا..
|
Post: #7
Title: Re: إنتو الناشطين ديل ووين ؟؟
Author: tmbis
Date: 11-28-2011, 12:13 PM
Parent: #5
| Quote: إنت زاتك كنت ناشط وين الفتره الفاتت دي؟ |
يا مولانـا ..
ياخ ما تخليني اكمل النشاط بتاع البوست دا وارجع ليك بي رواقـه كدا .. عن النشاطات التانية .. والله انا شايف انو احسن لينا الاتنين .. أو قل احسن للبشرية جمعا ..
يا سلام على الحاجات الجميلة يا مولانـا ..
كدي عليك الله خليك بي طرف كدا لحدت ما ارجع ليك .. بهدوء شديد جدا .. لاحكي عن كل التفاصيل السمحة جدا .. وعن الساعات السمحة الجمعتنا ..
خليني انشط ليك شوية كدا ..
|
Post: #3
Title: Re: إنتو الناشطين ديل ووين ؟؟
Author: محمد المسلمي
Date: 11-28-2011, 11:55 AM
Parent: #1
ياعمك حمدلله علي السلامة انت داير الناشطين ياتون السوال تشابه علينا
|
Post: #4
Title: Re: إنتو الناشطين ديل ووين ؟؟
Author: tmbis
Date: 11-28-2011, 12:00 PM
Parent: #3
| Quote: ياعمك حمدلله علي السلامة انت داير الناشطين ياتون السوال تشابه علينا |
الله يسلمك يا مسلمي ..
الناشطين الواحدين ديل يا مسملي ..
اصلو انا ناشطين المنبر ديل قنعت منهم .. مشيت بي رجليني قلت اشوف الناطشين على ارض الواقع كدا ..
وحيات ابتسامتك ولا الحبه ..
مع انو في انشطة مختلفة في البلد .. واشارات المرور مليانة .. نشطاء ..
وقدام المطاعم ..
وإلخ ..
|
Post: #6
Title: Re: إنتو الناشطين ديل ووين ؟؟
Author: د.نجاة محمود
Date: 11-28-2011, 12:09 PM
Parent: #4
يا مراحب يا علاء
لما تلقاهم قول عوك
|
Post: #8
Title: Re: إنتو الناشطين ديل ووين ؟؟
Author: tmbis
Date: 11-28-2011, 12:33 PM
Parent: #6
أهلين يادكتورة وكيف أخبارك ..؟
..
ياخ انا مشيت السودان زي خمسطاشر يوم .. ولافي الخرطوم دي لفلفة عجيبة ..
ماف واحد عبرني .. وما لقيت مظاهرات في الشارع .. ولا شهيد مستشهد .. غايتو البركة في الناشط فدياس نجم الدين الواحد لاقاهو وضرب السمك معاهو .. غير كدا .. تااني ماف اي نشاط يستحق الاشارة إليه.. فيما يتعلق بالمفاهيم الثورية وكدا ..
|
Post: #9
Title: Re: إنتو الناشطين ديل ووين ؟؟
Author: tmbis
Date: 11-28-2011, 12:45 PM
Parent: #8
وبعدما .. لفيت وتعبت من اللف والدوران ..
اكتشفت عن طريق (مصادري الخاصة) .. إنو هناك العديد من الناشطين .. مكبرين اللفـة .. وقاعدين جوه الخرطوم .. وعاملين رايحين ..
اضف لذلك ناشطة كبيرة جدا .. بتمارس في نشاطة بي الكروباوي .. قدرما حاول التيم العامل تحت امرتي .. من المصدرجية انو اللقى لي فرقه إن شاء الله اقعد معاها خمسة دقايق بس علشان اناقش معاها سياسة المرحلة .. و إلخ ..
باءت كل محاولاتي بالفشل .. وعرفت إنو البلد ما ضيقة زيما بقولو ..
غايتو يا ناشطة .. نص عمرك راح والنص التاني .. الله يلقيكي ليهو ..
هذا بالاضافة لي الناشطة الكبير جدا .. العرف مكان تواجدي .. وحلف بي التكسر راسو إنو ما يجيني .. بالرغم من المحاولات الكتيرة جدا القام بيها الواحد ..
طبعا لاناشطة الكبيرة جدا جدا .. لو الواحد جاب اسمه .. يخاف تقوم تتعقد ساكت ..
دي طبعا غير الناشطة الاولى الفوق دي ..
بالمناسبة:
لو ما في حد فاهم حاجة ممكن يسال عادي جدا .. ما تتعقدو من مسالة السؤال دي ..
|
Post: #10
Title: Re: إنتو الناشطين ديل ووين ؟؟
Author: saadeldin abdelrahman
Date: 11-28-2011, 01:01 PM
Parent: #9
شنو يعني يا معلم؟
ما ملينا عينك و كاميرتك ولا الفهم كيف؟
عشان الواحد ما أكل معاك سمك و شطة بليمون ولا شنو؟
بعدين أنا لا تزال مساعيّ مبذولة و جهودي ممطوطة و يميني ممتدة بلا من ولا عسل باسطة
و اتعشم ملاقاة من لم تسطع، و لو بقى في سولتير أو حيث لبن الطير،
و الامارة دمعي الاتشتت:)
|
Post: #11
Title: Re: إنتو الناشطين ديل ووين ؟؟
Author: فدياس نجم الدين
Date: 11-28-2011, 02:29 PM
Parent: #10
تمبس يا صديق السمك ازيك
طبعا انت جيت في ايام النشطاء مشغولين شديد من فيديو الرئيس لاعدام منعم رحمه
اها تصدقك وتامن بالله
قال ليك عايزبن يكونوا لجان لحمايه البوستات من الهكرز والمخربين
اتخيل بالله
الهكرز الماقدر عليهو بكري سيد الشئ زاتو
راح يقدر عليهوعمنا صديق علي مهدي ومعاويه عبيد الصائم
وقال ليك اللجان دي مناط بيها منع المخربين والمهرجين امثال فدياس من فتل البوستات
يعني لو فدياس جاء قال مافيش اعدام
نقول ليهو اسكت ياولد وامشي العب بعيد
منعم رحمه اعدم ومستعدين للخروج للشارع
لو اصر فدياس على كلامه
نفول ليهو مجدي تاجر العمله الله يرحمه الاعدموا منو
ولو اصر نتكلم عن بيوت الاشباح
المهم غلاط اجارك الله
هلال مريخ بس
بعد ده كلو عايز النشطاء يحتفوا بيك
بعدين تعال هنا
انت مش كوز وامنجي
وتييييب
|
Post: #12
Title: Re: إنتو الناشطين ديل ووين ؟؟
Author: معتصم محمد صالح
Date: 11-28-2011, 02:38 PM
سلامات يا عمك ..
تجي وتنشط في الخرطوم وتلفون ساااكت ما تضرب ..
|
Post: #13
Title: Re: إنتو الناشطين ديل ووين ؟؟
Author: معاوية عبيد الصائم
Date: 11-28-2011, 02:48 PM
Parent: #12
الاخ علاء الدين حمد لله سلامة واريتك والاهل هنا و هناك بخير وعيد سعيد ليك والاسرة
Quote: قال ليك عايزبن يكونوا لجان لحمايه البوستات من الهكرز والمخربين
اتخيل بالله
الهكرز الماقدر عليهو بكري سيد الشئ زاتو
راح يقدر عليهوعمنا صديق علي مهدي ومعاويه عبيد الصائم
وقال ليك اللجان دي مناط بيها منع المخربين والمهرجين امثال فدياس من فتل البوستات
|
الاخ فدياس سلامات
لو تكرمت تجيب لى اقتباس للكلام القوق ده
|
Post: #14
Title: Re: إنتو الناشطين ديل ووين ؟؟
Author: عبد اللطيف بكري أحمد
Date: 11-28-2011, 02:54 PM
Parent: #13
والله مشتاقين ياعمك،،
وعيد سعيد وعمر مديد ليك وللعيادات بدكاترتها وعيانينها،،
السودان جميل والله وبحمد الله لا أثر لحكومة ولا لمعارضة،، الناس براهم حاكمين أمورهم،،
وحمدا لله على السلامة،،
|
Post: #15
Title: Re: إنتو الناشطين ديل ووين ؟؟
Author: Tragie Mustafa
Date: 11-28-2011, 03:13 PM
Parent: #14
الناشطين في معتقلاتكم
ولا ما عارفهم؟!
http://www.sudaneseonline.com/petitions/
وبعيدن محمد المسلمي دي متعهد الاغذيه لبيوت الاشباح كان افادك
بكل مواقع بيوت الاشباح عشان ما تلوص!
ناشطين عايزيهم يقابلوك شخصيا؟! ليه من كتاباتك المنحازه لقضاياهم
ولا من موقفك المبدئيه؟!
قال ناشطين قال!!
كفايه عليك صبية المؤتمر الوطني من امثال فدياس القابلوك.
ياهو ده حد الناس الممكن تقابلك.
|
Post: #16
Title: Re: إنتو الناشطين ديل ووين ؟؟
Author: nazar hussien
Date: 11-28-2011, 06:59 PM
Parent: #15
Quote: الناشطين في معتقلاتكم
ولا ما عارفهم؟!
http://www.sudaneseonline.com/petitions/
وبعيدن محمد المسلمي دي متعهد الاغذيه لبيوت الاشباح كان افادك
بكل مواقع بيوت الاشباح عشان ما تلوص!
ناشطين عايزيهم يقابلوك شخصيا؟! ليه من كتاباتك المنحازه لقضاياهم
ولا من موقفك المبدئيه؟!
قال ناشطين قال!!
كفايه عليك صبية المؤتمر الوطني من امثال فدياس القابلوك.
ياهو ده حد الناس الممكن تقابلك. |
تمبس ازيك ومشتاقين ياخ...ما تجو مطفرين بي جاي عشان نوريكم نشاطنا..
انت تفتش للناشطين المحليين...أهو جوك ناشطين دوليين...تل ابيب عندهم في القزاز
حضر طوبك...وحجارك من هسي...وانتفاضتك الزي ديل الا تكلحهم بس...
|
Post: #17
Title: Re: إنتو الناشطين ديل ووين ؟؟
Author: فدياس نجم الدين
Date: 11-28-2011, 07:04 PM
Parent: #15
غالي والطلب رخيص يا معاويه عبيد
فلنخرج الي الشوارع.. من أجل ايقاف اعدام الشاعر عبدالمنعم رحمة ورفاقه
Quote: - واقتراح تكوين لجان تحرس بوستات المواقع من التخريب والتهكير والانحرافات والتقاطعات
التي قد تفرغ القضيه من محتواها السياسي والانساني والتصدي والرد أول بأول
وختاما اتمني من كل الناشطين والمتابعين بالداخل رفد البوست بالمعلومات والتفاصيل
حتي ينجلي الامر |
خالتو تراجي
| Quote: كفايه عليك صبية المؤتمر الوطني من امثال فدياس القابلوك. |
صبيه دي كيفتني في حناني
اللهم ادم علينا الصبا
بالجنبه كده يا خالتو ما شفتك لفحتي توبك وجيتي جاريها على فيلم منعم رحمه
مصادرك حذرتك إنه كمين من ناس الأمن وضنب ككو جديد ولا الحاصل شنو ؟؟
تحياتي يا ناشطه
|
Post: #18
Title: Re: إنتو الناشطين ديل ووين ؟؟
Author: محمد حيدر المشرف
Date: 11-28-2011, 11:09 PM
Parent: #17
خلاص !!
اتغابيت فينا العرفه يا تمبس ..
لكن ..
ده ما كلامك ..
او كما مجذوب اونسه
..
محمد حيدر المشرف
ناشط اسفيري و ..صيدلى
|
Post: #19
Title: Re: إنتو الناشطين ديل ووين ؟؟
Author: فدياس نجم الدين
Date: 11-29-2011, 12:57 PM
Parent: #18
تمبس
بالله الليله من عصرا بدري تعال بيت الفنون
اها ديل ناشطين يستحقوا ان ترفع لهم القبعات
|
Post: #22
Title: Re: إنتو الناشطين ديل ووين ؟؟
Author: tmbis
Date: 11-30-2011, 10:37 AM
Quote: طبعا انت جيت في ايام النشطاء مشغولين شديد من فيديو الرئيس لاعدام منعم رحمه اها تصدقك وتامن بالله
قال ليك عايزبن يكونوا لجان لحمايه البوستات من الهكرز والمخربين
اتخيل بالله |
فدياس الأمنجي ..
سلامات .. إن شاء الله السمك بتاع اليومداك ما عمل ليك حساسية .. ؟؟
وحيات ابتسامتك يا فدياس انا جاي من السعودية كان عندي اجندة محددة .. عندي بالعدد ناشطتين .. وناشط واحد يعني تلاتة (انشاط) بس كنت عايز اقابلم .. وكان قابلتم من مطار الخرطوم كان برجع بي طيارتي الجابتني .. زي قريب تراجي المناضل القال مطار الخرطوم ما فوقو باسطة علشان كدا رجع طوالي بي طيارتو ..
انا فيديو رقيص الرئيس شفتو في شارع النيل .. واعدام منعم رحمة جابت لي سيرتو المضيفة مع القهوة والفطور وانا ماشي علي السودان . ولو كنت (شفت) شديد كدا زي خدر الطيب المناضل كان صورته كلام المضيفة وجيت عملت ليكم اتاشمنت ليهو هنا دا .. لكن التقول شنو.. حركات فارات بتجي للواحد على الكبر
لما جاني خبر الاعدام بالاضافة لي (الكتمــة) الكان فيها السيد رئيس الجمهورية ربنا يطول عمرو لي السودان ولي ناس المعارضة وحزب الأمة والاتحادي الديمقراطي .. طوالي عرفت ليك إنو المناضلين بكونو في اوج انفعالاتم وتشنجم .. جوه وبره
|
Post: #20
Title: Re: إنتو الناشطين ديل ووين ؟؟
Author: tmbis
Date: 11-30-2011, 09:27 AM
Parent: #10
| Quote: و اتعشم ملاقاة من لم تسطع، و لو بقى في سولتير أو حيث لبن الطير، |
قلت لي تلاقي من يا سعد ..؟
والله اخير ليك ود الصايم دا امسك فوقو قوي هو الفضل ليك .. مع مراعاة إنو لو فكيتو عادي جدا ممكن يطير
بالمناسبة:
والله سلوتير زاته ما فيها نشاط يذكر ..
|
Post: #21
Title: Re: إنتو الناشطين ديل ووين ؟؟
Author: طلحة عبدالله
Date: 11-30-2011, 09:49 AM
Parent: #20
يتبع .....
|
Post: #23
Title: Re: إنتو الناشطين ديل ووين ؟؟
Author: محمد عبد الماجد الصايم
Date: 12-10-2011, 08:38 AM
Parent: #21
كمان بقيتو تنزلوا صور الواحد بدون ما يعرف!
دا نوع جديد من الأنشطة ولّ شنو؟
|
Post: #24
Title: Re: إنتو الناشطين ديل ووين ؟؟
Author: يحي ابن عوف
Date: 12-10-2011, 09:21 AM
Parent: #23
علاء الدين حمد لله سلامة
والله يامحمد ودالصايم
كان نفسي ألاقيك في الخرطوم
|
Post: #25
Title: Re: إنتو الناشطين ديل ووين ؟؟
Author: محمد عبد الماجد الصايم
Date: 12-10-2011, 09:31 AM
Parent: #24
تسلم يا عمكـ .. نفس الشعور
لكن الخرطوم يوما بنتهي قبل البداية!!
أعان الله!!
|
Post: #26
Title: Re: إنتو الناشطين ديل ووين ؟؟
Author: الخير محمد عوض
Date: 12-10-2011, 09:56 AM
Parent: #25
سلامات يا علاء
ود الصايم انت لسا في الخرطوم وللا رجعت
|
Post: #27
Title: Re: إنتو الناشطين ديل ووين ؟؟
Author: محمد عبد الماجد الصايم
Date: 12-10-2011, 10:12 AM
Parent: #26
الخير وش الخير .. أخباركـ ياخ!
رجعنا والله .. رجعنا بالجسم والباقي هناكـ!
|
|
