Post: #1
Title: المؤتمر الوطني يعلن عن وجود وظائف شااااااغرة
Author: خـالد سـوميت
Date: 11-28-2011, 08:47 AM
Parent: #0
يعلن حزب المؤتمر الوطني عن وجود وظائف شاااااااغرة على النحو التالي
مستشارين في القصر الجمهوري (حصريا)
المؤهلات المطلوبة..تعليم جامعي اجنبي.....يفضل ابناء السيدين..وبالعدم كل من له صلة قوية مع الاقطاب
الخبرة العملية .. خبرة في السباحة والرماية وركوب الخيل.... يفضل لاعبي البولو والاسكواش
الوصف الوظيفي ومهام المستشارين ..........محدد بحسب ماجاء في كلمات الاغنية ادناه مع مراعاة اهمية المقطع الاخير
اديني رضاك ........قدامي سفر
سفرا مكتوب......... ما بتاخر
انا كان غلطت.... عليك في كلام
ما تشيل في خاطرك مني حرام
انا غير بسماتك........ ما بقدر
اديني رضاك....... قدامي سفر
الشكل الناير......... كله حلا
انزل بينسايمو......... ويتعلى
ده مفارقو انا .......وخايف والله
امكن نتلاقى......... وامكن لا
ما بنحكم روحنا.... حكمنا قدر
اديني رضاك....... قدامي سفر
سفرا مكتوب .......ما بتاخر
وظائف الوزراء
المؤهلات المطلوبة..................................... يعين كل من يلتزم بتقديم فروض الولاء والطاعة(دستور يا اسياد)
الخبرة العملية................................... ....................... غير مطلوبة (قعاد كنب ومشاهدة العملية في النملية)
الوصف الوظيفي ومهام الوزراء.......(السودان في قلوبنا وعفص للطيش) مع الايمان الكامل بكل ماجاء في كلمات الاغنية ادناه مع مراعاة اهمية المقطع الاخير
لا بعدك بفرحني لا قربك بريحني
في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذكراك تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي لقيتك انت زاد دربي
بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
تنبيه.. على كل من يقع عليه الاختيار مراجعة ترزي القصر لاختيار الوان واخذ مقاسات البدل قبل اداء القسم
|
Post: #2
Title: Re: المؤتمر الوطني يعلن عن وجود وظائف شااااااغرة
Author: ايمان بدر الدين
Date: 11-30-2011, 03:42 AM
Parent: #1
Quote: وظائف الوزراء
المؤهلات المطلوبة..................................... يعين كل من يلتزم بتقديم فروض الولاء والطاعة(دستور يا اسياد)
الخبرة العملية................................... ....................... غير مطلوبة (قعاد كنب ومشاهدة العملية في النملية)
الوصف الوظيفي ومهام الوزراء.......(السودان في قلوبنا وعفص للطيش) مع الايمان الكامل بكل ماجاء في كلمات الاغنية ادناه مع مراعاة اهمية المقطع الاخير
|
مصيبة والله وخطر يا سوميت
والثقل جايى وراء المؤتمر الدستورى ولا الدستور الاسلامى وحكاية زمان ديك الما كنا حاضرنها رجعوا ليها تانى من تانى
|
Post: #3
Title: Re: المؤتمر الوطني يعلن عن وجود وظائف شااااااغرة
Author: Asim Fageary
Date: 11-30-2011, 06:34 AM
Parent: #2
إيمان بدر الدين
يا طنطاوية يا صنديدة
أي شيء ما يتماشى مع ما تؤمني به وتتطلعي له أنفضي يدك منه ولا سلطان عليك
تحياتي
لصاحب البوست ولكم
|
|