وصول مواطن

تقترب الطائرة حثيثا من مطار الخرطوم الدولى (؟) ويعلن الطيار عن اقتراب الوصول للمطار ويقوم المضيفون بتوزيع ورقة من نسختين ( يفترض ان تكون نسخة كربونية ) ولكن هيهات والورقة عبارة عن اعلام وصول مواطن ثم يدب نشاط غير عادى بين الركاب كل واحد يحاول تعبئة النموذج كما هو مطلوب وواحد تانى يفتش على قلم وهكذا تدب حركة نشطة فى الطائرة بعد ان كان الناس فى حالة ركود او كسل ...

نموذج ( وصول مواطن ) هو موضوعنا والسؤال هو هل هذه الورقة من الاهمية عشان انو نحن السودانيين بس من كل مطارات العالم نقوم بتعبئتها وتسليمها لموظف الجوازات فى المطار ام انو ناس الجوازات عندنا فى حالة ركود ونوم والزمن تجاوزهم ام ان هذا النموذج يمثل اهمية بالنسبة لى ناس الجوازات سواء كانت اجراءات ادارية أو أمنية او أيا كان ...

ياجماعة مطلوب مشاركة .. هل تعبئة النموذج دا ضرورى .. وضرورته شنو؟

هسة لو كنت شتمت الحكومة هنا كان اكون قابض الجو بى جاى.

تحية طيبة الي صديقنا عابدون....

اعتقد ان هذا الاجراء مطلوب ومعمول به في كثير من دول العالم...الاهم هو نموذج الخروج ودفع الاداءات الحكومية قبل ان ننفض جيوبنا ونعود غافلين رجوعا...لا تقتضي كثير من انظمة الدول الحصول علي تصريح الا في عالمنا الثالث ...

دي فرصة نتحدث عن الوضع في سوداننا المازوم لزوم (قبض الريح )

استاذ محمد الكامل صبحك الله بالخير ..

أنا سألت عن الموضوع دا لأنه ممكن يكون مدخل لى شغل كبير بالنسبة لى ناس الجوازات اذا كانوا مهتمين بعملية حصر للمواطنين السودانيين فى دول المهجر.

الفكرة فى إنو هناك قاعدة بيانات معمول بها فى ادارة شؤون العاملين بالخارج وعلى ما اعتقد ان هذه القاعدة تعمل بفعالية عالية.

طيب لماذا لايتم ربط انظمة الكمبيوتر فى المطارات وادارات الجوازات بقاعدة بيانات موحدة وتطويرها بصورة موسعة؟

الخطوة دى اول شىء بتلغى موضوع الورقة القاعدين نعبيها دى وكل مرة الواحد يقعد يشحد قلم وثانيا ممكن يكون ليها دور اكبر فى حالة قيام انتخابات ودعت الحاجة الى عمل حصر للجاليات فى الخارج .. وايضا فى حالة انو دعت الحاجة لعمل تعداد سكانى مثلا فالحكاية دى ممكن تكون مفيدة جدا وتالتا - ودا الكلام الماقاعد يعجب ناس المعارضة - انو مفيد من نواحى امنية كتيرة.

تحية.....اؤكد لك ان الانظمة الالية لدي الجهاز لجهة الاحصاء والحصر لا تعمل بكفاءة ولا يحزنون ...ليس لديهم احصاء حتي الان...في كل مرة يعاد اكتشاف العجلة...وان كان قولي منافيا للحقيقة دعهم يفيدوننا افادهم الله...

من ناحية بيانات الاداءات الحكومية لا شك انها تعمل بما يحقق الجباية المطلوبة وندفعها صاغرين...لان نفوسنا تهون من اجل وطن يفقد رويدا رويدا شيئا من ملامحه...

لك الاحترام

اضف الى نموذج وصول مواطن
مغادرة مواطن

تحياتي اخي عابدون

اغلب دول العالم المتقدمة تعمل بهذا الفورم وامريكا تحديدا عندها واحد امتحان عدييييل وليس شرطا تعبئته داخل الطائرة لانه موجود ايضا بصالة الجوازات مثل دول العالم الاخرى الاختلاف فقط في نوع الورق