ماهو(سر) الجواز(اليوغندي)الذي أبرزه (نجل)زعيم الاتحاديين عند توقيفه!!!

وعشان ما يجي زول ينط لي في حلقي
ما عندي اعتراض على ان يحمل الشخص جواز غير السوداني
كمان لدينا كثير من المسئولين بالدولة يحملون جوازات غير تلك السودانية


فالذين يبدلون جوازاتهم باخرى
عادة ما تكون بجوازات دول متقدمة دول اوربية (فما فوق)
لما ليها من خصائص وميزات (عارفنها كلنا)
لكن أن يبرز شخص مثل نجل مولانا الميرغني جواز (يوغندي)
دي ما مبلوعة بصراحة
يعني لماذا جواز ويوغندي كمان
ما الميزات التفضيلية الموجودة في الجواز اليوغندي؟؟؟؟؟؟
وليه ما جواز مصري (فمعروف الارتباط التاريخي بين الحزب الاتحادي والمصريين)
وليه ما جواز اريتري ولا اثيوبي (برضو بنعرف التقارب اللي كان بين الطرفين)

الأستاذة/ ميادة - سلام

والأغرب من ذلك أن أوغندا من ألد أعداء الإسلام والمسلمين
وماأنفكت تكيل في المؤامرات ضد السودان... خاب سعيها


-------------------
خلينا نسمع تفسير مقنع

علي الاقل بضمن بالجوازات ده حماية دولة أجنبية ( اي كانت ) ليهو و لكرامتو مادام حكومة بلدو و منسوبيها كل همهم يشهروا بيهو لضرب سمعة قيادات الختمية، بسبب جواز ( اجنبي ).

علي الاقل بضمن بالجوازات ده حماية دولة أجنبية ( اي كانت ) ليهو و لكرامتو مادام حكومة بلدو و منسوبيها كل همهم يشهروا بيهو لضرب سمعة قيادات الختمية، بسبب جواز ( اجنبي ).

الى الذي يكتب بأسم ميدة كمال.

مخابراتكم الحايمة في كمبالا طلعت فشنك.

Quote: والأغرب من ذلك أن أوغندا من ألد أعداء الإسلام والمسلمين وماأنفكت تكيل في المؤامرات ضد السودان... خاب سعيها

الكوز حمد إبراهيم محمد.

كتابات الصحف الكيزانية والعنصرية دي ما بتأكلك عيش في البورد ده.

Quote: ما عندي اعتراض على ان يحمل الشخص جواز غير السوداني كمان لدينا كثير من المسئولين بالدولة يحملون جوازات غير تلك السودانية

إنتي دخلك شنو لو عندو جواز ولا ما عندو
من كوالا لمبور ولا زمبابوي!!!

مش على كيفو????....شمار منك!

غايتوالفايق يهمز.....

Quote: إنتي دخلك شنو لو عندو جواز ولا ما عندو من كوالا لمبور ولا زمبابوي!!! مش على كيفو????....شمار منك! غايتوالفايق يهمز.....

ومش على كيفو يخالف ابوه ويقول ما عايز يلطخ نفسه ويبيع قضيته للاننقاد الا نقاد دى هو اصلو البقول الانقاد دى سجم ورماد بيفشوا ليهو عضمة فى الفشفاش بستغرب كيف يكدبوا فى سمعة الشباب وهم قالوا مع الشباب ولا ديل شباب ختمية يا الله

Quote: غايتوالفايق يهمز.....

!!!!!!!!!!!!!!

هلا فيك يا اخ حمد ابراهيم

Quote: والأغرب من ذلك أن أوغندا من ألد أعداء الإسلام والمسلمين وماأنفكت تكيل في المؤامرات ضد السودان... خاب سعيها

غير كده
يوغندا شنو كمان اللي اتنازل عن جنسيتي السودانوية عشانها


هو الناس بتمشي لي قدام
نان هو راجع لي وراء مالو!!!!!!!!

Quote: يوغندا شنو كمان اللي اتنازل عن جنسيتي السودانوية عشانها

لانو الوزير وحكومتو راضين عنك حسي,,,,لكن يوم يقبلو عليك ..جواز الصومال لو لقيتي ما تأبي....
حكمة اليوم
في السودان...بت الحكومة ما زي ولد المعارض

Quote: هلا فيك يا اخ حمد ابراهيم Quote: والأغرب من ذلك أن أوغندا من ألد أعداء الإسلام والمسلمين وماأنفكت تكيل في المؤامرات ضد السودان... خاب سعيها غير كده يوغندا شنو كمان اللي اتنازل عن جنسيتي السودانوية عشانها هو الناس بتمشي لي قدام نان هو راجع لي وراء مالو!!!!!!!!

صفاقة ما بعدهاصفاقة .. من الطرفين .. أساءة لدولة أخرى وكلام لا يربو الى أى مستوى ..

Quote: وعشان ما يجي زول ينط لي في حلقي ما عندي اعتراض على ان يحمل الشخص جواز غير السوداني كمان لدينا كثير من المسئولين بالدولة يحملون جوازات غير تلك السودانية فالذين يبدلون جوازاتهم باخرى عادة ما تكون بجوازات دول متقدمة دول اوربية (فما فوق) لما ليها من خصائص وميزات (عارفنها كلنا) لكن أن يبرز شخص مثل نجل مولانا الميرغني جواز (يوغندي) دي ما مبلوعة بصراحة يعني لماذا جواز ويوغندي كمان ما الميزات التفضيلية الموجودة في الجواز اليوغندي؟؟؟؟؟؟ وليه ما جواز مصري (فمعروف الارتباط التاريخي بين الحزب الاتحادي والمصريين) وليه ما جواز اريتري ولا اثيوبي (برضو بنعرف التقارب اللي كان بين الطرفين)

يا كيكي التفكيكي وين انتا؟
عليييك النبي وشيخك شكرالله إما جيت حددتلنا إحداثيات البوست ده، بداية من عنوانو

--
هلا فيك


تااااني؟

Quote: يوغندا شنو كمان اللي اتنازل عن جنسيتي السودانوية عشانها

أول مرة أعرف انو الزول البياخد جنسية دولة تانية بكون اتنازل عن جنسيتو السودانية!
يعني نحن محكومين بواسطة أجانب: اوروبييين وامريكان وكمان كنديين!
الحقونا من الأستعمار

Quote: أول مرة أعرف انو الزول البياخد جنسية دولة تانية بكون اتنازل عن جنسيتو السودانية!

ما في كل الحالات بيتنازل الشخص عن جنسية بلده
قوانين بعض الدول تتيح ازواجية الجنسية
وفي حالة زولنا دا انا ما عارفة هو ما زال محتفظ بجنسيته السودانية ولا لا

سؤال جاااااااااادي جدا
كيف تحصل نجل مولانا الميرغني على الجواز اليوغندي؟؟؟؟؟؟؟؟؟؟

Quote: كيف تحصل نجل مولانا الميرغني على الجواز اليوغندي؟

أين أنت يا كيكي ...؟؟

Quote: يوغندا شنو كمان اللي اتنازل عن جنسيتي السودانوية عشانها

Quote: وفي حالة زولنا دا انا ما عارفة هو ما زال محتفظ بجنسيته السودانية ولا لا

عارفة وللا ما عارفة هسي يا ميادة ؟؟
خلينا من جواز يوغندي وللا كمبودي ...

وما هو سر أن يحمل راشد الغنوشى جواز سفر دبلوماسى سودانى؟

الأخت العزيزة ميادة والإخوة المشاركين

تحياتي وكل عام وأنتم بخير

بعيداً عن أي إسقاطات سياسية للموضوع، أتمنى أن لا نطلق الكلام على عواهنه فيما يختص بالجارة السابقة والشقيقة الافريقية دولة يوغندا

Quote: لكن أن يبرز شخص مثل نجل مولانا الميرغني جواز (يوغندي) دي ما مبلوعة بصراحة يعني لماذا جواز ويوغندي كمان ما الميزات التفضيلية الموجودة في الجواز اليوغندي؟؟؟؟؟؟

الحقيقة المؤكدة، وللأسف الشديد، أن يوغندا تتفوق على السودان في معدلات النمو الاقتصادي والتنمية البشرية، كما أنها تمثل أهمية إستراتيجية لنا بوصفها منبعاً للنيل الأبيض الذي ننعم بمياهه وهي بالتالي لا تستحق منا هذه السخرية والتهكم

المصدر: ويكيبيديا





الأخ العزيز حمد

Quote: والأغرب من ذلك أن أوغندا من ألد أعداء الإسلام والمسلمين

من قال ذلك؟ يوغندا دولة عضو في منظمة المؤتمر الإسلامي وفي منظمة التعاون الإسلامي منذ السبعينات وقد استضافت عام 2008 مؤتمر وزراء خارجية المنظمة والذي يعد بمثابة قمة مصغرة للدول الإسلامية وتوجد بها واحدة من أكبر الجامعات الإسلامية في أفريقيا.

Quote: وما هو سر أن يحمل راشد الغنوشى جواز سفر دبلوماسى سودانى؟

راشد الغنوشي ناشط سياسي كان محظور ومطارد من قبل حكومة بن علي لجأ لناس الإنقاذ لإصدار وثيقة سفر
نجل الميرغني لا ناشط سياسي ولا محظور ولا مطارد يعني ليس هناك أي وجه مقارنة بينه وبين الغنوشي
السؤال مشروع لماذا الجواز من يوغندا تحديداً وليس من أي دولة من تلك الدول التي ترتبط بعلاقة جيدة مع الإتحادي منذ زمن سلِم تَسلم يا حبيب تَسلم

Quote: خلينا نسمع تفسير مقنع

يا حمد يا اخوي
اصبر لي بقرأ الان في تقرير عجيب عن نفس الموضوع في جريدة التيار عدد اليوم ص 2
بقراه بي رواقه وافضى شوية
واجي اجيب ليكم خلاصاته
اصبروا لي بس النفضى