العُنوســـــــــــــــــــــــــــــــــــــــــــــــه

مادفعني لكتابة هذا الشئ ملاحظه قالتها لي احدي الزميلات في زمان ماضي,وهي تعقد مقارنه بين سنه العنوسه في السودان في ازمنه سابقه
وحاليا,حيث قالت ضاحكه انها ليس بعانس لان سنها لم تتعدي الثالثه والثلاثون بعد,اجبتها مازحا ان سن العنوسه هي الثلاثون وفق المجتمع السوداني
اجابت بنفس ضحكتها(ده كان زمان يازول) اسي خمسه وتلاتين ده عااادي.
انتهي حواري مع الزميله ولم تنتهي اسئلتي الحائره,رغما ان هذه الزميله تتمتع بجمال وخلق ومستوي تعليمي ممتاز ولكن الا الان لم تتزوج وغيرها الكثير
من بنات بلادي,ربما طرق هذا الموضوع كثيرا,ولكن ماهي الاسباب هلي هي اقتصاديه بحته,ام اجتماعيه ام الثنان معا؟
_______________________________________________________________________

علي ما اظن ان عدد النساء اكثر من عدد الرجال في السودان باستصحاب الحروب الكثيره منذ الاستقلال والتي ادت بحياة الملايين معظمهم من الرجال
وهل للمغالاه في تكاليف الزواج,وتكدس الالاف من الخريجين دون عمل دور محوري ام هامشي في هذا الشئ
------------------------------------------------------------------------------------------------
احدهم يصر علي ان الانحراف الذي طال المجتمع وشيوع الجنس السهل من الاسباب التي ادت الي عزوف الشباب وهو هنا يختزل مؤسسة الزواج في الجنس فقط

Quote: _______________________________________________________________________ علي ما اظن ان عدد النساء اكثر من عدد الرجال في السودان باستصحاب الحروب الكثيره منذ الاستقلال والتي ادت بحياة الملايين معظمهم من الرجال وهل للمغالاه في تكاليف الزواج,وتكدس الالاف من الخريجين دون عمل دور محوري ام هامشي في هذا الشئ ------------------------------------------------------------------------------------------------ احدهم يصر علي ان الانحراف الذي طال المجتمع وشيوع الجنس السهل من الاسباب التي ادت الي عزوف الشباب وهو هنا يختزل مؤسسة الزواج في الجنس فقط

تحياتي

باب العنوسه او عزوف الزواج في السودان هذه القضيه واضحه وتتلخص في اثنين :

1/ الوضع الاقتصادي في البلاد ومئات الخريجين الذين الان اصبحو عطاله او فاتح كشك ويحول رصيد

او سايق رقشه او شايل ورقو ومن حته لحته تفتكر دا ممكن يعمل شنو ولو لقي شغل حياخد
كم في الشهر خمسمائه مليون داير يوفر منها حيوفر كم في الشهر مع المصاريف اليوميه
من جانب الاسره شوف مثال وقيس علي ذلك يعني الا مغترب او شغال من سنه اسكت العريس كبير
او طبقه معينه هي المتاحه للزواج وفي نفس هذه النقطه هذا الشاب بالتاكيد ما بقدر يكون عايش في فراغ عاطفي لازم يكون عندو حبيبه وهاك يا احلام ورديه وهي عايشا معاو وهاك يا خداع لكن ما في
حل غير اعمل كدا عشان عارف لو قال اي كدا ولا كدا حايفقدا وحيبقي في فراغ عاطفي وما بلومو زي
دا
2/ الطموحات لللمراه الغير محدوده في عيشه زين من قوله تيت ووضع معين من البدايه ودا حق طبيعي
ليها انها تكون طموحه في حياتا لكن في نفس التوقيت بتصدم بواقع ووضع اقتصادي ما بتقدر يحقق ليها اي من هذة الاحلام او يلم فيها واحد يخدعا وبعد داك الفاس تقع في الراس



_________________________________________________________
في راي الشخصي ان الانحراف الجنسي الذي طال الشارع ليست واحد من الاسباب ودا ليو اسبابو براو وسنعود

Quote: اجبتها مازحا ان سن العنوسه هي الثلاثون وفق المجتمع السوداني

لو ما خايف الكضب... أن سن العنوسة - بمعنى تضاؤل فرص الزواج وليس انعدامه - في السودان ارتفعت إلى سن الخمسين لأنو عادي في بنات بقو بتزوجو لأول مرة في الأربعينات وبينجبو كمان! ناس تلاتين ديل لسه جهال!

محمد الامين
ازيك ياخ
وكتر خيرك علي المرور بس يبدو لي انت كمان زودتها شويه ياخ ما خمسين ياخ

شكرا يا علي
اتفق معك في معظم ما ذهبت اليه
وفي انتظار عودتك

فاروق عثمان أخوي

كيفنك ونعلك عافية يا زول

شكراً لهذا الحجر وهو يهزُ بركةً ساكنةً مسكوتاً عليها

يمكن كل الأسباب التي ذُكرت عاليه صحيحة ...

فقط فلنركز علي نقطتين هامتين ...

المشكل الإجتماعي والمشكل الإقتصادي

والإتنين إنصهروا في بعضهم وبقي (مشكل واحد )

يعني في زولة من أسرة فقيرة ... يتكون علي علاقة عاطفية بشاب من أسرة فقيرة برضو ... وهو يا عاطل ويا كمان بين بين رزق اليوم باليوم

البت من حقها كإنسانه إنو تكون عندها أحلامها بالطبع ... وده شئ طبيعي .. لكن ... طيب ما إنتي عارفه الزول الهو حبيبك ده ما حيقدر ( أقلاها آنياً) بإنو يحقق ليك أحلامك وطموحاتك دي ... ليه بتزَنِقي عليهُ بالطلبات وعاوزه وعاوزه وعاوزه ... ؟؟؟
واحد من تلاته ..

يا ترضي بيه بحالته الراهنه دي
ويا تتوقف العلاقة البيناتكم دي ( أعوز بالله من دي)
ويا كمان تعيشو كده ( حبُكانات ساكِت بلا أيتُها عِرِس ) والأخيرة دي شييييييييييييييييينه والله

طيب ... ممكن تجيني أخت ( مع وافر الإحترام ) وتقول لي ... هو الخيبان الرمدان ده ... ما يصلح وضعوا ويكون في مقام أحلام حبيبته ...

علييييييييك النبي هسي في البلد دي في منو من الشباب قادر يحُك شنبو ساكت ؟؟؟!!!!

كدي خلوها مستورة ...

ربنا يصلح حال البلد .. ويصلح حالنا ويزوج الشباب والشابات ويعيشوا في أمن وسلم وطمأنينة ومودة ورحمة

أللهم آمين


ـــــــــ عبر الرابط ده ... في كتابة تناولت أمر العنوسة في شخصية سامية التي فاض العمر بها فوق الأربعين

كلام في الـــ ( ممنوع )]

كيفك يا دكتور ..

لم أكن أظن أن البعض مازال يستخدم هذا اللقب المهين ( عانس ) لوصف النساء اللاتى لم يتزوجن .

×××××××××××××

صدقنى ، كثير من النساء عازفات عن الزواج ذات نفسه ، لعدم وجود خيارات جيدة للشركاء .

فالمرأة السودانية صارت واعية ، ولا تتزوج من أجل الزواج فقط .
وموضوع عدم الزواج لم يعد يؤرق النساء المتعلمات كما فى السابق .
عندى كثير من الصديقات لم يتزوجن ، لإنهن لم يعثرن على الشريك الذى يرضى عقولهن ووجدانهن .

امنه مختار ازيك
لم يدر بخلدي اطلاقا وصف مهين او غيره وانما هو لفظ وصفي لمن بلغن سن معينه ولم يتزوجن
وفي تقديري ان اللفظ لوصف حاله ولكن من جعله مهينا هو الذي ينظر اليه وكانه جريمه تعاقب عليها المراه
وهو ليس كذلك اطلاقا عندي.
_________________________________________

رؤيتك التي اتيتي بها يمكن اضافتها الي اسباب العنوسه,وهي تمثل قراه اخري مختلفه يمكن تضمينها في الاسباب

ناصر يوسف
حبابك الف ومرحب بيك ياخ
وشكرا علي سبرك الراقي ده
واتفق معك تاما في رؤيتك للمشكله وان كان لي بعض الاضافات ساعود اليها لاحقا
شكرا ليك كتير

حتي لا تزعل الصديقه امنه مختار سنعمد الي استعمال تاخر الزواج عند النساء كمقابل لفظي لكلمة العنوسه

ملاحـظات أولـيـّـة حـول مـفـهـوم العـنوسـة

حل مشكلة العنوسة--- الفاتح يوسف جبرا

..ان العنوسة خير الف مرة من الزواج من رجل في هذا ا...لحويدر -كاتبة سعودية

العنــــــــــــــــــــــــــــــوسه


دا كلو فى عنوسة الرماد دى ؟؟؟

اريتا عنوسة التابا !!!!غايتو فى ظل الشح الشديد فى فرص الزواج

وخاصة بعد نظرية راجل المرا حلو حلا نقول للمتزوجات امِسكن قوى

و(عاش كفاح المنتصبات على حفر الدخّان)

شكرا ايمن علي ايرادك الروابط المتعلقه بالموضوع

هل لزيادة نسبة تعليم المراه وزيادة طموحها في نيل الشهادات العليا
دور في تأخير الزواج؟

يا سلام يا امونه اكفيتني عناء الرد .
وماذا عن العوانس من الرجال يا فاروق عثمان ؟؟؟؟؟!!!
وبصراحه كدا العجله فوق كم؟؟؟؟؟؟!!
الزواج ابدا مامكسب بالنسبه للمراه