نسوان السودان .. بين البوره والبوبار .

هو محض تساؤل وليس حكماً مسبقاً نطلقه هنا حتي لا تنتاشنا سهام الحانقات..
من أجل النقاش .. النقاش الجاد وليس الإساءة ..
أو فلنقل أنه ريبورتاج ..
باعتبار أنّ الريبورتاج هو نوع صحفي مهمته الأساسية تصوير الحياة الإنسانية و إلقاء الضوء على العلاقات الإنسانية مع ربط ذلك كله بشكل غير مباشر و بأسلوب يتمتع بقدر من الجمالية و الاعتماد على الصور بمجمل الشروط الاجتماعية التي يصورها الريبورتاج.
ولذلك أرجو أن يقتصر الحديث علي ذلك بالنقاش الذي ينقل واقعنا الإجتماعي والإنساني في هاتين القضيتين ومدي تغلغلهما في نفسية المرأه السودانية والتأثير الموجب والسالب لذلك وأن لا ينحرف بنا البوست لغير غاياته ..
....................................................................................................................
خرمجه:
تروي النكته :
أنّ إحداهن بارت بوره (معصلجه) وأثر هذا في حركاتها وسكناتها فقالت يوماً :
عدم العرس وعرفناهو .. عدم الولاده ده من شنو كمان؟؟!!
...................................................................................................
السؤال:
هل هي نسب مزعجه نسبة (البوره) في السودان ..
إذا استخدمنا الملاحظة كأبسط وسيله إحصائية ..
وهل تتزايد أعداد اللائي يقعن في حبال (البوره) ولا يجدن حتي (زواج الكوره).؟؟
وهل نحن شعب بوبار ؟؟ ندمن التفاخر والإفتخار ..
بتركيز علي النساء وما هي نسبة البوبار ؟ و(المتبوبرات) كذلك باستخدام الملاحظه في المجتمع المحيط ؟؟
........................................................................................................................................
خرمجه أخيره:
إحداهن معجبه بالغوايش الجديده وبكلمة فجأه التي التقطتها من الإذاعه ( كرت كرتونه).
أرادت أن تحصل من جارتها علي (شوية ملح) مع حرصها علي البوبار بالكلمه الجديده والغوايش الجديده فنادت جارتها بالحيطه ملوحه بيدها لزوم الغوايش:
يا فلانه عليك الله فجأةً كده أديني حبة ملحه.

يخونا !!

مره شينات ..مره بايرات وبوبارات ..

غايتو ...الله في ..

يا سيد محمد ..لو هي فعلاً دعوه جاده للنقاش كان تختار مفرداتك بعنايه أكتر ...يعني كان تستبدل مفرده ( بوره ) بتأخر في الزواج أو عنوسه..

Quote: هو محض تساؤل وليس حكماً مسبقاً نطلقه هنا حتي لا تنتاشنا سهام الحانقات.. من أجل النقاش .. النقاش الجاد وليس الإساءة ..أو فلنقل أنه ريبورتاج .. باعتبار أنّ الريبورتاج هو نوع صحفي مهمته الأساسية تصوير الحياة الإنسانية و إلقاء الضوء على العلاقات الإنسانية مع ربط ذلك كله بشكل غير مباشر و بأسلوب يتمتع بقدر من الجمالية و الاعتماد على الصور بمجمل الشروط الاجتماعية التي يصورها الريبورتاج. ولذلك أرجو أن يقتصر الحديث علي ذلك بالنقاش الذي ينقل واقعنا الإجتماعي والإنساني في هاتين القضيتين ومدي تغلغلهما في نفسية المرأه السودانية والتأثير الموجب والسالب لذلك وأن لا ينحرف بنا البوست لغير غاياته .. .................................................................................................................... خرمجه: تروي النكته : أنّ إحداهن بارت بوره (معصلجه) وأثر هذا في حركاتها وسكناتها فقالت يوماً : عدم العرس وعرفناهو .. عدم الولاده ده من شنو كمان؟؟!! ................................................................................................... السؤال: هل هي نسب مزعجه نسبة (البوره) في السودان .. إذا استخدمنا الملاحظة كأبسط وسيله إحصائية .. وهل تتزايد أعداد اللائي يقعن في حبال (البوره) ولا يجدن حتي (زواج الكوره).؟؟ وهل نحن شعب بوبار ؟؟ ندمن التفاخر والإفتخار .. بتركيز علي النساء وما هي نسبة البوبار ؟ و(المتبوبرات) كذلك باستخدام الملاحظه في المجتمع المحيط ؟؟ ........................................................................................................................................ خرمجه أخيره: إحداهن معجبه بالغوايش الجديده وبكلمة فجأه التي التقطتها من الإذاعه ( كرت كرتونه). أرادت أن تحصل من جارتها علي (شوية ملح) مع حرصها علي البوبار بالكلمه الجديده والغوايش الجديده فنادت جارتها بالحيطه ملوحه بيدها لزوم الغوايش: يا فلانه عليك الله فجأةً كده أديني حبة ملحه

تحدث صاحب البوست عن النقاش الجاد ولكنه رجع وحدثنا عن النكات والخرمجه.
يا زول أنت بكامل وعيك؟ ولا فقط تكتب من أجل الكتابة فقط؟

Quote: ولا فقط تكتب من أجل الكتابة فقط؟

أكتب من أجل الكتابة فقط ..
العزيز دينق ..
ليس من حقك أن تحمل قلم التصحيح مثل معلم الرياضيات (بتاع سنه أولي)..
من حقي أن أتبع المنهجيه التي أراها ..
يا عزيزي قل خيراً أو فلتصمت ..

مع التقدير.

يا محمد قسم الله

مشكلة العنوسة دي عالمية ما خاصة بالسودان فقط

وبتداخل فيها عوامل كثيرة منها الإقتصادية والإجتماعية

والتعلق بالتعليم ومستوياته ومبدئيا كدا ما ليه علاقة بالجمال


لأنو لكل شعب ملامحه البتميزو والبتمسك بيها

مكرر عفوا

Quote: لو هي فعلاً دعوه جاده للنقاش كان تختار مفرداتك بعنايه أكتر

يا أخت ساره ..
هذا لا يمنع يا سيدتي.

Quote: يعني كان تستبدل مفرده ( بوره ) بتأخر في الزواج أو عنوسه..

ليس ثمة تعارض فقد قلنا ريبورتاج ..
كنتُ آمل إضافتك لفائدة النقاش وليس ( شوية هترشه غاضبه) علي نحو ما تفعلين.
وما في داعي لخمة النَفَس وحراق الروح.

لفائده النقاش :
تحفظي علي استخدام مفرده (بوره ) منبعه ان فيها تشبيه للمرأه بالسلعه الخاضعه لقوانيين السوق من كساد و بوران او انتعاش و رواج و زيادة طلب ....
شويه هترشه :
صدقني ما في زول عندو خمه نفس و حرقان روح في البوست ده غيرك انت..
و شكراً..

سلامات أخى محمد قسم الله,,

Quote: النوع الصحفي المستعمل: اعتمدنا في الدراسة على تقنية الروبورتاج المصور لأنها تتناسب مع الموضوع وأهدافه، والروبورتاج هو فن من فنون الكتابة الصحفي، يهدف إلى الإخبار وإعطاء المعلومة مع الاعتماد على الوصف وذلك بأسلوب أدبي متميز. وهو أيضا نوع صحفي مهمته الأساسية تصوير الحياة الإنسانية وإلقاء الضوء على علاقتها مع ربط ذلك كله بشكل غير مباشر وبأسلوب ينتهج بقدر من الجمالية والاعتماد على الصور بمجمل الشروط الاجتماعية والاقتصادية والثقافية التي تشكل الأرضية لهذه الحياة الإنسانية التي يصورها الروبورتاج، فكتابة الروبرتاج تحتاج إلى تفاصيل وأسلوب حي ذات مستوى فني جمالي.والروبرتاج يعرض شريحة من الواقع التي تدور حول حادثة واقعية بهدف جعلها فعالة من الناحية الصحفية، وهو أيضا يعالج أشخاصا حقيقيين ضمن ظروف معينة. فالروبرتاج هو النوع الصحفي الأحسن والنسب لتجسيد المواضيع التي تقوم على الوصف الحيوي المباشر للوقائع والحقائق. والروبورتاج من هدفه أن يجعلك تسمع وترى بما سمعه ورآه وأحس به الصحفي نفسه.. فالصحفي المعد للروبورتاج يعير حواسه لغيره، فهو يمثل القراء والمستمعين. أما الروبورتاج التلفزيوني فهو نوع فيلمي يهتم بنقل الأحداث والوقائع بسرعة ديناميكية وبأقصى قدر من الواقعية. يقدم فيه الصحفي معلومات مباشرة ، فيقوم بدور المشاهد المشارك في الحدث لذلك فهو يمثل عين وأذن الجمهور، فالروبورتاج التلفزيوني يقدم السياق الواقعي للحياة خارج الأستوديو. ومن خصائص الروبورتاج أنه لا يعتمد على إبداء الرأي الواضح المكشوف إزاء الأحداث والوقائع، بل يرتكز بدرجة أكبر على الوصف، ويجب ان يتوفر على لغة مبسطة، فهي لا تخلو من العنصر الدرامي والعاطفي حتى يتم إثارة اهتمام المشاهد.

http://ismaildz.com/ism

وفجأة كده أعتقد أن نسب الحقوق لأصحابها يجنبنا الوقوع فى مهالك حاج قوقل قدس الله سره,,,,

تحياتى الأكيده,,

Quote: حاج قوقل قدس الله سره,,,,

وقدس الله سرك إنتا كمان يا حاج أيمن ..
كان يمكنني التلاعب بالتعابير والتمويه اللغوي مع أنني درستُ هذه الأنماط والأشكال الصحفيه لكنني آثرتُ نقل المسطره ولم أعمد لتغيير الصياغة فقط بغية توضيح المعني وليس لاستعراض العضلات.
أكيد تقديري لمثابرتك.

كل يوم بنكتشف في المنبر ألف ألفه وألفه ..
الألفوات كتار ..
اللهم زيد وبارك.

ياابوحميد..
الناس ديل عصرو شديد عليك ماعارف ليه؟
يا اخوانا خلو الزول بى راحتو..
بالنسبة للموضوع الاساسى ياخوى ما اظن فى بورة
البورة بتكون حاصلة لما يكون..فى طلب فى الاساس. العرس والشُغل اكتر حاجات بقت نادرة فى السودان

Quote: ياابوحميد.. الناس ديل عصرو شديد عليك ماعارف ليه؟

أخوي محمد عوض ..
أشكرك علي رهافة حسك .. وذوقك.
والناس ديل ما عصرو علي أنا ديل عصرو علي روحم هم بعجز المنطق والعوز للحجة والمقدرة علي النقاش ولذلك ينصرفون لأشياء هامشية مثل الإساءة الشخصية والحمد لله عندنا لسان .
وكنتُ آمل الإنصراف للنقاش مهما كان الرأي وليس الإساءة الشخصية كما تري.

ود قسم الله ازيك.

البوبار والنفخه الكضابه وعدم مجاراة الواقع ,,, هو طريق معبد يقود فى معظم الاحيان للبوره

والبوره عندنا ماليه السوق !! هذه حقيقه اتمنى من المتداخلين مناقشتها بدلا من تشتيت الكوره

لك وللجميع ودى

أو فلنقل أنه ريبورتاج ..
ريبورتاج دي يا شني؟
ثقفونا عليكن الله

ــ

مازال الليلَ طفلٌ يحبى

و الله نسوان السودان مصيبتهم مصيبة معاك.
يوم شينات و يوم بايرات.
بالجد كده، مشكلتك شنو مع نسوان السودان؟ معقول شاكوش او اتنين يعملوا في زول كده؟؟!

فلتعلم أخي محمد أن مقابل كل سودانية بايرة هناك رجل أو اثنين يعانون من نفس المشكلة با عتبار أن النساء السودانيات المتزوجات أكثر من الرجال المتزوجين لأن هناك من يتزوج مثنى وثلاث ورباع - وأعداد الذكور والإناث شبه متساوية - اللهم إذا الرجال بقو بيتزوجو رجال ده شيتن تاني (والعياذ بالله). أي أن موضوع مشكلة البايركس تهم الرجال أكثر مما تهم النساء، ولو ما مصدقني: تابع بوستات أخينا زهير فعنده الخبر اليقين!

Quote: معقول شاكوش او اتنين يعملوا في زول كده؟؟!

تعرفي يا سمارت كنا في السبعينات - بفضل موضة الخنفس - بنتلقى الشواكيش دي عادي ولا بنحتاج نمشي لأي دكتور، لكن يبدو جيل الزمن دا مع حلاقتهم بتاعة تايسون وكارل لويس وغيرها بالإضافة إلى صلع الخدمة الإلزامية وموضة حج الشباب، جعلت رسينهم هشة وما بستحملوا الهبشة!

البوره كلمه دارجيه ذي البوبار برضو كلمه دارجيه

انا ماشايف فى مشكله في استخداماتا كمفردات

للتعبير عن حالات محدده فى حالة البورد دا

واصل

محمد قسم الله أخوي
كيفنك ياخي

ربما إنتَ عندك قول وقلتو بأسلوبك ... وأسلوب طرحك ما عجب بعض الأقلام الإتداخلت معاك هنا مع فائق إحترامي ليهم وليك بالطبع

فما شايف في داعي لفورة النفس من قِبلك إنتَ

أطرح طرحك كما تود ... وخلي الناس تقول قولها بأسلوبها كمان حتي ولو كان مخالف لرأيك

والإختلاف دليل صحة

ولا شنو ؟؟




أما بالنسبة لموضوعك ممكن أضيف ليك عليه الآتي ......

البوبار والفشخره ... ده موجود أي نعم .. لكنو محدود للغاية وما شايف ليه أدني رابط بمسألة العنوسة دي ، أو ( البوره) في مقولة أخري

ويا سيدي هم سببين لا تالت ليهن

المشكل الإجتماعي والإقتصادي

الشاب هو من يتقدم للزواج وهو من يقوم بتكاليف الزواج ومعظم الشباب يا عاطلين ويا كمان رزق اليوم باليوم والهو ما بيكفي لا زواج ولا حتي مصاريف حياته هو اليومية الخاصة

وبعض ... أكرر ــــ بعض الشابات ده ما بيرضيهن .. وعندهن طموحات وأحلام ،،، وده شئ طبيعي

أتمني من الله العلي القدير بإنو يفك أسر الوطن من بلاوي الفقر المدقع ده ياخي ..

وصدقني .. بزوال المؤثر الأقوي في مسألة العنوسة دي واللهو ( المشكل الإقتصادي .. ) حتخف مسألة العنوسة .. وربما تكون مافي كمان


فشنو ..

قول معاي آمين وبـــــــس

سلامات محمد الأمين موسى

Quote: تعرفي يا سمارت كنا في السبعينات - بفضل موضة الخنفس - بنتلقى الشواكيش دي عادي ولا بنحتاج نمشي لأي دكتور، لكن يبدو جيل الزمن دا مع حلاقتهم بتاعة تايسون وكارل لويس وغيرها بالإضافة إلى صلع الخدمة الإلزامية وموضة حج الشباب، جعلت رسينهم هشة وما بستحملوا الهبشة!

تعبونا معاهم الجماعة ديل

ده بوست اخر لصاحب البوست ده...اتفرج عليك الله
سمحات اللبنانيات وللا شينات السودانيات ؟! بصراحة كده.

Quote: نسوان السودان .. بين البوره والبوبار .

سلامي وتحياتي يا حبيب
الشنه والبوره عرفناها ... عدم الولاده سببو شنو

Quote: كان يمكنني التلاعب بالتعابير والتمويه اللغوي مع أنني درستُ هذه الأنماط والأشكال الصحفيه لكنني آثرتُ نقل المسطره ولم أعمد لتغيير الصياغة فقط بغية توضيح المعني وليس لاستعراض العضلات.

كل ما ذكرته لا يعفيك من وضع النص بين كوتيشن أو اقتباس
في اشارة صريحة الى أن النص منقول .. والله صحي

تحياتي