مستشارة وقيادية بالحزب الحاكم تمتلك ثلاثون ركشه تعمل بشوارع الخرطوم!

مستشارة وقيادية بالحزب الحاكم تمتلك ثلاثون ركشه تعمل بشوارع الخرطوم!


11-25-2011, 10:08 PM


  » http://sudaneseonline.com/cgi-bin/sdb/2bb.cgi?seq=msg&board=350&msg=1322255328&rn=15


Post: #1
Title: مستشارة وقيادية بالحزب الحاكم تمتلك ثلاثون ركشه تعمل بشوارع الخرطوم!
Author: زهير عثمان حمد
Date: 11-25-2011, 10:08 PM
Parent: #0

#


مستشارة للرئيس وقيادية ذات وزن بالمؤتمر الوطني وقد تصبح وزيرة في الحكومة القادمة تمتلك ثلاثون ركشه تعمل في شوارع الخرطوم دخلها الشهري من هذا المشروع ثمانية عشرة مليون يدير العمل أخوها في منزل بأمتداد الدرجة الثالثة يبدأ توريد السائقيين لحصيلة اليوم من الساعة الحادية عشرة صباحا الي الخامسة مساء وفي حالة الغياب لمدة يومان للسائق لا تقدم عريضة في النيابة بل لديها ثلاثة عسكر مباحث متفرغين لحراسة هذا الاستثماريسحب السائق والركشه للمنزل المعلوم يا الدفع أو الحجز لحين حضور من يدفع ما عليك وبعدها يتم أطلاق سراحك .

* يابت أنت... حكومة والناس أهالي .

Post: #2
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Al-Shaygi
Date: 11-25-2011, 10:17 PM
Parent: #1


Quote:
مستشارة وقيادية بالحزب الحاكم تمتلك ثلاثون ركشه تعمل بشوارع الخرطوم!


زهير ياخ دي مستشارة ولا ست شاي....
يعني شنو 30 رقشة؟؟؟
ياخ مباراة السواقين والجوكية ساي تودر عمرها
ما أتعلمت كيف يؤكل الكتف،

حرم دي إلا تكون مستشارة طباخ فطور الرئيس....!!!!!
ولا تكون زميلة البورض، هنايه ديك...

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #3
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: زهير عثمان حمد
Date: 11-25-2011, 10:52 PM
Parent: #2

الشايقي
تحياتي
والله هي القيادية دي لا بتمشي ولا ليها علاقة لكين أخوها بس يورد في البنك وهي بتدير اللعبة من بعيد وأنا لو ما ود عمها كان عايزخمس الف دولار هي أتجابنت ما كنت عرفت الموضوع وزالك كان زعلا ن جدا وأخوك قام بالوجب معهو بول الحمار وحلتي ديك اللي انت عارف الاجواء بتاعتا وكدا وصاحبنا ادفق أسرار كلام الله أ ستر وفضايح كمان بول الحمار رهيب لما يشتغل
المهم دي القصة وما فيها وهنالك صور للمنزل والمدير الهمام داخل مارق ومتابعة لصيقه لمدة يومين كدا والمعلومات في طور التوثيق يا شاب
عشان روحك ترقد الشمار التعبك دي

Post: #4
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Ahmed musa
Date: 11-25-2011, 11:09 PM
Parent: #3

والله يا زهير 30 ركشة دي حاجة بسيطة خالص


ـــــــــــــــــــ
لكن السؤال الهام
حلتك دي محلها وين ؟

Post: #5
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: قاسم المهداوى
Date: 11-25-2011, 11:38 PM
Parent: #4

سلااام يا زهير
Quote: وأخوك قام بالوجب معهو بول الحمار وحلتي ديك اللي انت عارف الاجواء بتاعتا وكدا وصاحبنا ادفق أسرار كلام الله أ ستر وفضايح كمان بول الحمار رهيب لما يشتغل


الاعتراف تحت تاثير العصائر احيانا غير معتمد
لانو جاء فى اقصى درجات التوازن النفسى والعصبى والحسى
وياخ من غير ذكر اسماء ممكن نعرف اسم المستشارة دى ولا ما صعب ؟؟؟؟؟؟؟






قاسم المهداوى

Post: #6
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Abd Alla Elhabib
Date: 11-26-2011, 00:40 AM
Parent: #5

يا جماعـة ما تزنقو أخونا زهـير بالأسـئلة العسـفية دي
يا زهــير : نصـيحة لوجـه الله ; أستغفـر ربك ولا تجاهـر
بالمعصـية ثم لا ترم بنفسـك في التلاتل ياخ .. أنت رجـل طيب
وأولئك قـوم لــئام ٌ لؤمٌ شـديد ... ربنا يسـهـل أمــورك ياخ !

Post: #8
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: صلاح غريبة
Date: 11-26-2011, 01:21 AM
Parent: #6

المصدر والوثائق

Post: #9
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: زهير عثمان حمد
Date: 11-26-2011, 01:24 AM
Parent: #5

الاستاذ قاسم
مساء الخير

تعرف أي أعترف تحت تأثير العصير دا جاء بعفوية شديدة جدا المهم نحن ما في محكمة وبعدين العبد لله تحقق من المعلومات ووجدها علي الواقع المعاش موجودة ولدينا ال\ليل والاسانيد ونوم قفا
شكرا علي المرور ياصديق

Post: #7
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: زهير عثمان حمد
Date: 11-26-2011, 01:17 AM
Parent: #4

المحامي أحمد موسي \
تحياتي
نقول ليك دا فساد واضع تقول شوية يعني صغار المستثمرين يشتغلون في شنو بعدين أنت برضو بتاع حلل !!!!!!!!!!

Post: #10
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: قاسم المهداوى
Date: 11-26-2011, 02:42 AM
Parent: #4

يا احمد موسى
سلاااام
Quote: لكن السؤال الهام
حلتك دي محلها وين ؟

حكمة
الحلة داخل الركشة على مسئولية شقيق المستثمر
ياخ حتكون وين
فى الخلاء يعنى
ولا داخل الركشة
اكيد جنب عصير النبق
ولا كــــــــيف


قاسم

Post: #11
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: معتصم مصطفي الجبلابي
Date: 11-26-2011, 04:01 AM
Parent: #10

Quote: دخلها الشهري من هذا المشروع ثمانية عشرة مليون


غايتو الركشة فى السودان بتدخل عشرين الف لصاحبها فى اليوم

لانهم بيدوها لسواق وبطالبوه بعشرين والباقى حقو كان اشتغل

والا ما إشتغل ..ففعلا لو عندها تلاتين دخلها الشهرى بكون 18 مليون

ولو ضربنا سعر الركشة فى المتوسط بيطلع سعر الركشةبعشرة مليون

يعنى 300 مليون مدردرقة ركشات ساى فى الشارع..وطبعا اكيد ده ما حبكون

الاستثمار الوحيد..الخرطوم دى ياما فيها بلاوى بس التقلب ساى

Post: #12
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: علي الكرار هاشم
Date: 11-26-2011, 07:04 AM
Parent: #11

اخونا زهير
30 ركشه لا تعني استثمار يستدعي منك الكتابة والجهد
فهي في عرف المال قيمة سيارة واحدة شاحنة
اذا اردت التشهير والمبالغات فنحن في انتظار ما يستحق من معلومات وليس مبالغات

Post: #13
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Alshafea Ibrahim
Date: 11-26-2011, 07:35 AM
Parent: #12

تحياتي يازهير
دي كوزة متواضعة جدا وماشة بنظرية التنزيل للقواعد الفقيرة ...30 ركشة بس ... بالله شوف حصتها في شركة مواصلات الوالي بالخرطوم شوف عندها كم تاتا ؟ أجمل مافي الخبر نظام المحاكم الفورية لأي عابث بمقدرات وحقوق الكوزة... اعتقال جرجرة محاسبة حرمان من العيش بالخرطوم ربما ...
مشروع ناجح وكوزة ذكية نتمى أن تصل ركشاتها إلي 3 ألف ركشة بعد خراب مشروع مواصلات الولاية ...
الشفيع

Post: #14
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Ahmed musa
Date: 11-26-2011, 07:54 AM
Parent: #13

Quote: المصدر والوثائق


شهادات البحث يعني ياصلاح ..؟!!!



ــــــــــ
زهير ماتزوغ من السؤال المهم
الحلة دي وين ..؟!
جاوب
وبعدين خليني ابقى بتاعها ولا لا
لو ما وريتني بتكون اذين ناذر الخليفة
لاني مكبشر ليه علاقة بالحلة ..!!!
(وش متحرك بين التهديد والشوق لضرب الحلة)
ماتكون حلة ــــ!!! لا بتكون كدة بالغت !!!!!!!

Post: #15
Title: Re: مستشارة وقيادية بالحزب الحاكم تمتلك ثلاثون ركشه تعمل بشوارع الخرطو
Author: Al Sunda
Date: 11-26-2011, 08:57 AM
Parent: #14

Quote: تقدم عريضة في النيابة بل لديها ثلاثة عسكر مباحث متفرغين لحراسة هذا الاستثماريسحب السائق والركشه للمنزل المعلوم يا الدفع أو الحجز لحين حضور من يدفع ما عليك وبعدها يتم أطلاق سراحك .


فيما عدا هذه الجزئية
يبقى الأمر عاديا
استثمار مضمون وسبقها في هذا الاستثمار
وزير وحاكم سابق" يرحمه الله" في عصر الديمقراطية والإنقاذ
انا لو منها كنت سجلت ذلك في اقرار الذمة كأصول
وخليت القانون ياخذ مجراه تجاه السائقين غير الموردين للإيراد وبس