Post: #1 Title: ذا الجوارب الخضراء! Author: Hussein Mallasi Date: 11-25-2011, 00:49 AM Parent: #0
في البداية شتت الجوارب الخضراء التي كان يرتديها – و التي لم أشاهد مثلها إلا في السيرك – تركيزي!
Post: #2 Title: Re: ذا الجوارب الخضراء! Author: Hussein Mallasi Date: 11-25-2011, 00:51 AM Parent: #1
و لكن سرعان ما جذبني محتوى حديثه و الطريقة التي كان يتحدث بها .. فمحسن خالد محدث بارع بقدر ما هو كاتب بارع.
Post: #3 Title: Re: ذا الجوارب الخضراء! Author: سارة علي Date: 11-25-2011, 00:55 AM Parent: #2
Post: #4 Title: Re: ذا الجوارب الخضراء! Author: عبد اللطيف بكري أحمد Date: 11-25-2011, 01:04 AM Parent: #3
شتت ولا صيفت؟؟
ظلمت الأديب الأريب أن بدأت الوصف عنه من أعلى الحذاء،،
لزوم سلام وتليين مواقف وكدا،،
Post: #5 Title: Re: ذا الجوارب الخضراء! Author: Hussein Mallasi Date: 11-25-2011, 01:36 AM Parent: #4
لفت نظري - بالإضافة للجوارب السابق ذكرها - البريق الذي يشع من عينيه؛ افتتانه بكلمة Literature و كثرة ترديده لها؛ بالإضافة لإقحامه بعض المفردات و الجمل الانجليزية دون ضرورة لذلك.
Post: #6 Title: Re: ذا الجوارب الخضراء! Author: Hussein Mallasi Date: 11-25-2011, 01:45 AM Parent: #2
حرصت على حضور الليلة لعدة أسباب:
أولاً تنظيم سودانيات لها .. و ذكرى و فكرة و مجهود خالد الحاج التي أود لها أن تبقى و تثمر. ثانياً رغبتي في الاستماع لمحسن خالد عسى أن يشجعني ذلك على قراءة كتاباته بعمق أكبر. تالناً قرب مركز الوافر .. و الذي لا يبعد مني سوى خطوات. رابعاً لقاء ناصر يوسف. خامساً سادساً .... ....
Post: #7 Title: Re: ذا الجوارب الخضراء! Author: Deng Date: 11-25-2011, 03:50 AM Parent: #6
Quote: لفت نظري - بالإضافة للجوارب السابق ذكرها - البريق الذي يشع من عينيه؛
ما كان بضوي بالليل؟
تحياتي للعزيز محسن وخالد وأرجوا أن يكون قضى وقت طيب وسط الأهل والأصدقاء والبورداب.
Post: #8 Title: Re: ذا الجوارب الخضراء! Author: النذير حجازي Date: 11-25-2011, 05:43 AM Parent: #7
يا ملاسي ذا الجواب أم ذو الجوارب؟!
وبعدين يا ملاسي محسن خالد معروف إنو عريبي و كتر خيرو إنو ما جاكم بسروال وعراقي؟
والتحية والقومة للعزيز محسن خالد بالجد محسن خالد له شأن كبير في الأدب السوداني ورجل مثقف من طراز فريد بالإضافة بأنه ولد شااااااااااااااااطر جداً وذكي ولماح بالإضافة إلى طيبته القروية ولا أحد يباريه في لغة الضاد، والجيد إنه انتبه لأهمية اللغة الإنكليزية بلا شك سيتقنها كما أتقن أصعب اللغات وهي اللغة العربية، وسلامٌ عليه يوم وٌلد ويوم يموت ويوم يبعث حياً
Post: #9 Title: Re: ذا الجوارب الخضراء! Author: تبارك شيخ الدين جبريل Date: 11-25-2011, 08:55 AM Parent: #8
هو أخضر وبأستك يا باشا ...
واخد بال حضرتك؟
... المهم ....
Post: #10 Title: Re: ذا الجوارب الخضراء! Author: munswor almophtah Date: 11-25-2011, 09:00 AM Parent: #9
ذا الجوارب الخضراء!
Post: #11 Title: Re: ذا الجوارب الخضراء! Author: saadeldin abdelrahman Date: 11-25-2011, 10:28 AM Parent: #10
جمعة مباركة للجميع، غايتو يا ملاسي كورتك فكت و لحقت صاحبك أساسي، بقيتوا تجلوها واقفة دحين كان بنحاول نخارجك هههه لو كان مضمون البوست موجه لاخينا محسن مباشرة، انه (ذا) يسبقها حرف نداء محذوف، لكن بلع من أول كلمة في عنوان البوست! دي ما سبقك عليها زول، متفرد دائما انت حتى في بلعاتك هههههه
Post: #12 Title: Re: ذا الجوارب الخضراء! Author: Deng Date: 11-25-2011, 02:54 PM Parent: #11
ملاسي.
إنشالله تكون ما قصرت وعزمت محسن خالد عزومة كاربة وفى أحدا مطاعم الخرطوم الراقية.
Post: #13 Title: Re: ذا الجوارب الخضراء! Author: محسن خالد Date: 11-27-2011, 04:33 PM Parent: #12
تحياتي لكل الجميلين الهنا، فردا فردا
يا ملاسي ياخي كتر خيرك على القدوم بعدين حضنتك السمحة لي كان فيها ود وحنية حلوين شكرا
بطل شيل الحال بتاعك دا، أنا راجل في السوق وكدا لما الجماعة كتروا النقة بتاعة مشروعك الفكري وما الفكري! قلت ليهم يا شباب أنا في هادي الهُربة عندي مشروع "فطري" كمان، ما انتهيت منو لسع، والجية دي داير أطبق فيها معاي عروس، نتم بيها المشروع الفطري! كه كه كه فياخي ما تهابش الوجاهة بتاعتنا في الأيامات دي تحديدا أهلك البدو لامن يكونوا لاحقين سوق البهائم في الدامر بشرّبوا السوائم ملح، لا تخرب الزبدة بإنك تطرى الأمباز هسع آملاسي.
الرشيد-م خالد-مُبر
القميص أخضر، لو واخد بال حضرتك! بعدييين.. تعال تم الانطباعات بتاعتك، ذا -ذو ما بيناتنا.....
Post: #14 Title: Re: ذا الجوارب الخضراء! Author: عمر سعد Date: 11-27-2011, 04:46 PM Parent: #13
تحياتى لكاتب البوست
وشكرا على التوصيله وكده
والتحيه لصاحب الجوارب الخضراء كويس يا محسن ما شافك بالطاقيه الزرقاء كان موضوعك استحمى راجع مسنجرك يا محسن
تمنيت ان اراك مره اخرى لكن هى الظروف حرمتنا شوفتك لك الود والتقدير
يا حسين ما لاحظت انو محسن. قصر الشوق هاهاها
كدى ورينا قال شنو. ؟
Post: #15 Title: Re: ذا الجوارب الخضراء! Author: عمران حسن صالح Date: 11-27-2011, 05:06 PM Parent: #14
Quote: بطل شيل الحال بتاعك دا،
المهم يجيب رجلكـ الوجاهة ملحوقة :) إنت وكت خايف شرابكـ الأخدر يطيِر الحمام معناتو يا خوي حمامكـ ده ما زاجل :) البتبدأ بالتعليق عن شرابكـ الأخدر أختاها طوالي
Post: #16 Title: Re: ذا الجوارب الخضراء! Author: محسن خالد Date: 11-27-2011, 05:14 PM Parent: #14
م خالد -أم التيمان
وفي الأخضر، جاوزتني أم التيمان ورقةً من ابن آدم، في القديم، منذ ينابيع الشجر، ودوخة التدلي من غصن.. ياه.. ياه.. الأخضر دا إنت قايو هيّن، شوفو في سماحة أم التيمان دي مهيب لاحدي وين، وقدر شنو!
*** هناك أحاديث كثيرة عن الذاكرة العربية ضعيفة التمتّع باللُّقى اللونية، بعكس الذاكرة الإفريقية الغنية وذات الثراء، مما جاب كلامات من جنس، دا لون فلاتة، ودا لون جنوبيين ساكت، ودي ألوان عبيد... وما إليه من كلام مستعربين خمجانين سنفرد له التفاكير، كان ربنا رفع القلم.
Post: #17 Title: Re: ذا الجوارب الخضراء! Author: عمر عبد الله فضل المولى Date: 11-27-2011, 05:20 PM Parent: #16
التحية للاديب محسن خالد
Post: #18 Title: Re: ذا الجوارب الخضراء! Author: عماد حسين Date: 11-27-2011, 05:45 PM Parent: #17
الأخ محسن خالد
إقامة طيبة، وعودة أطيب
موفق بإذن الله تعالى
Post: #19 Title: Re: ذا الجوارب الخضراء! Author: عمر سعد Date: 11-27-2011, 07:59 PM Parent: #16
المحسن خالد
الوراك فى الصوره انت وام التيمان صاحبى مبيوع. سلم لى عليهو لو صادف لقيتو
Quote: وبعدين لون قميص الولد المفعوص دا (فسدقى ) وما أخضرزرعى زى توب الأخت المعاهو .
عندكم عمى ألون وللا شنو !!
أكان كدي أشك في أن الجوارب نفسها خدرا
ودحين يا محسن ركز على الجوارب دي فهي مخرج هام من نعلات العزوبية.
Post: #22 Title: Re: ذا الجوارب الخضراء! Author: حيدر حسن ميرغني Date: 11-27-2011, 10:24 PM Parent: #21
Quote: (فسدقى )
امونة كده حسين حايتأمل لامن يقع على قفاه الفستق متين بقى فسدق - تحية لثنائي الإبداع محسن وحسين
Post: #23 Title: Re: ذا الجوارب الخضراء! Author: محسن خالد Date: 11-27-2011, 11:10 PM Parent: #22
أوووو... أمونة قال ليك، وكان قلنا شيء تلومونا... يا عملات العبادي ملاسي قاصد الشراب بالجد، كدي نشوف كاميرتو، لو خذلتو بندعمو. شفت كيف! مشتاقين يا زولة، وينك وين؟
يا عمر سعد ياخي فتشت مسنجري ولم أجد رسالة منك، كدي راجع إنت إرسالك. فعلا دا العزيز ياسر مبيوع عليه السلام، كتر خيرو، وإن شاء الله نتشاوف تاني لو ربنا سهل.
يا أخوانا كلكم آمنين آمنين، وسلام سلام
Post: #24 Title: Re: ذا الجوارب الخضراء! Author: محمد حيدر المشرف Date: 11-28-2011, 05:31 AM Parent: #23
Quote: ذا الجوارب الخضراء!
اللهم لا تمحنا ولا تبلينا.. عموماً حضرنا ولم نجد الخبر !
Post: #25 Title: Re: ذا الجوارب الخضراء! Author: محمد سنى دفع الله Date: 11-28-2011, 06:54 AM Parent: #24
الجمال جمال الطقم البدلة سوده القميص اخضر البنطلون اسود الشراب او الجوارب اخضر او خضراء الحذاء اسود ياخي انعل ابو الطقيم زاتو الود ده كملو ليهو العرس وحضن ملاسي دافيئ شتاء وصيفا وليكم المحبة الابدية
Post: #27 Title: Re: ذا الجوارب الخضراء! Author: Gaafar Ismail Date: 11-28-2011, 07:12 AM
الحبيب ملاسي ألف تحية لك وللحبيب محسن خالد -------
سعدت كثيرا بلقائك عند عشاء آل المسلمي
تحياتي ووافر احترامي
Post: #26 Title: Re: ذا الجوارب الخضراء! Author: ود الخليفه Date: 11-28-2011, 07:01 AM Parent: #24
صورة ملطوشة من منتدى سودانيات
ملاسي متاملا في الجوارب الخضراء
Quote: حرصت على حضور الليلة لعدة أسباب:
أولاً تنظيم سودانيات لها .. و ذكرى و فكرة و مجهود خالد الحاج التي أود لها أن تبقى و تثمر. ثانياً رغبتي في الاستماع لمحسن خالد عسى أن يشجعني ذلك على قراءة كتاباته بعمق أكبر. تالناً قرب مركز الوافر .. و الذي لا يبعد مني سوى خطوات. رابعاً لقاء ناصر يوسف. خامساً سادساً .... ....
سابعا التامل في الالوان
Post: #28 Title: Re: ذا الجوارب الخضراء! Author: نادر Date: 11-28-2011, 07:24 AM Parent: #26
سلاماً محسن خالد
Post: #29 Title: Re: ذا الجوارب الخضراء! Author: أيمن الطيب Date: 11-28-2011, 07:48 AM Parent: #28
التحية للأديب صاحب الكتابات العميقة محسن خالد.. جوارب خضراء صفراء أو برتقالية حتى لا يهم..
ولك استاذنا المتأمل دوماحسين بن ملاسى
نعييييما شديد خالس جدا ياخ,,,,
أول مرة اشوف زول يحلقو ليهو زلبطة و يزينوه جبنة و يمعطوه مثل هكذا معط ب(ذا-ذو) وكدا!!
مسحا بزيت سمسم
وأبقى مارق محسن خالد قال ليك ما بيناتكم,, وتانى خليك من الشرابات وركز فى المضمون..
المهم الأخلاق
Post: #30 Title: Re: ذا الجوارب الخضراء! Author: عماد حسين Date: 11-28-2011, 08:03 AM Parent: #26
Quote: القميص أخضر، لو واخد بال حضرتك! بعدييين.. تعال تم الانطباعات بتاعتك، ذا -ذو ما بيناتنا
يا محسن خالد
بغض النظر عن غلطة ملاسي في العنوان
هناك مخرج نحوي لهذا القضية.. وليس بالضرورة أن ملاسي يحق له التحجج به
وهذا المخرج يمثل حالة من احدى لغات اختارها النحاة لإعراب الاسماء الخمسة فيجوز أن نقول "ذا" في جميع الأحوال (رفعاً، ونصباً، وجراً)
أي يجوز أن تلزم الكلمة هذه الصورة في جميع الأحوال، فتقول:
رأيت ذا مال ومررت بذا مال وجاء ذا مال
والإعراب في هذه الحالة يكون على التقدير، وهي في هذا تحاكي المقصور من الأسماء. وتقدر الضمة والفتحة والكسرة في تلك الأحوال من أجل التعذر
تحياتي
Post: #31 Title: Re: ذا الجوارب الخضراء! Author: منال Date: 11-28-2011, 08:55 AM Parent: #30
محسن خالد جمييييييييل وعفوى وفى عينيه سحر يعانق الوجدان ويدخل الى القلوب دون استئذان كما نسمات الخريف كما الدعاش
Post: #32 Title: Re: ذا الجوارب الخضراء! Author: ابو جهينة Date: 11-28-2011, 09:51 AM Parent: #31
تحياتي عزيزي حسين
***
حرصت على حضور الليلة لعدة أسباب:
أولاً تنظيم سودانيات لها .. و ذكرى و فكرة و مجهود خالد الحاج التي أود لها أن تبقى و تثمر. ثانياً رغبتي في الاستماع لمحسن خالد عسى أن يشجعني ذلك على قراءة كتاباته بعمق أكبر. تالناً قرب مركز الوافر .. و الذي لا يبعد مني سوى خطوات. رابعاً لقاء ناصر يوسف.
خامساً: لأبو خالد تُشَدّ الرحال ، وهنيئا لكل من حضر اللقاء سادساً: إفتراع هذا البوست محفز لجلب شذرات من هذا اللقاء ....
دمتم ....
Post: #33 Title: Re: ذا الجوارب الخضراء! Author: قيقراوي Date: 11-28-2011, 11:23 AM Parent: #31
Post: #46 Title: Re: ذا الجوارب الخضراء! Author: عمر عشاري Date: 11-29-2011, 07:18 AM Parent: #45
Quote: في الأخضر، جاوزتني أم التيمان ورقةً من ابن آدم، في القديم، منذ ينابيع الشجر، ودوخة التدلي من غصن.. ياه.. ياه.. الأخضر دا إنت قايو هيّن، شوفو في سماحة أم التيمان دي مهيب لاحدي وين، وقدر شنو!
*** هناك أحاديث كثيرة عن الذاكرة العربية ضعيفة التمتّع باللُّقى اللونية، بعكس الذاكرة الإفريقية الغنية وذات الثراء، مما جاب كلامات من جنس، دا لون فلاتة، ودا لون جنوبيين ساكت، ودي ألوان عبيد... وما إليه من كلام مستعربين خمجانين سنفرد له التفاكير، كان ربنا رفع القلم.
أستاذ محسن خالد
فتح نفاج للتفكير حتى في مطاعنات لطيفة في مجرد جوارب خضراء ...والله متعة
هسة دا لو زول تعبان ساي
كان قال ليهو ...مالك ومال شُرابي :)
أو حتى دعى بكري لتفعيل اللائحة
Post: #47 Title: Re: ذا الجوارب الخضراء! Author: أيمن الطيب Date: 11-29-2011, 08:05 AM Parent: #46
Quote: دعى
حتى أنت يا عشارى صلحا قبل ما يجوك ناس ذا وذو ديل,,,
لكن كان قاصد ليك زول بعينه يبقى دا كلام تانى,,,
سلامات يا شاب ولسه منتظرك,,
Post: #48 Title: Re: ذا الجوارب الخضراء! Author: داليا حافظ Date: 11-29-2011, 08:07 AM Parent: #46
Quote: حرصت على حضور الليلة لعدة أسباب:
أولاً تنظيم سودانيات لها .. و ذكرى و فكرة و مجهود خالد الحاج التي أود لها أن تبقى و تثمر. ثانياً رغبتي في الاستماع لمحسن خالد عسى أن يشجعني ذلك على قراءة كتاباته بعمق أكبر. تالناً قرب مركز الوافر .. و الذي لا يبعد مني سوى خطوات. رابعاً لقاء ناصر يوسف. خامساً سادساً .... ....
ما محتاج للتبريرات دي كلها
يامحسن خالد عساك طيب..والله كان نفسنا نكون حاضرين ..
وبالجنبة كدة وبما إنك في السوق أوع تقع في خطأ تطقيم القميص مع الجوارب (الشراب ) ..
دايما خلي الجوارب لون الحذاء أو لون البنطلون لكن يفضل أن يكون لون الحذاء ..وبإمكانك أن تسأل الخبراء عن صحة هذه النصيحة
Post: #49 Title: Re: ذا الجوارب الخضراء! Author: عمر عشاري Date: 11-29-2011, 10:17 AM Parent: #48
والله يا أيمن الغريبة قاصدها زي الشفتها مكتوبة كده في مكان ما
لكن ملاسى مابقدر يجيني في ظروفو الحالية :)
كيف ياصديقي
الدوحة الدخول إليها أصبح في منتهى الصعوبة
Post: #50 Title: Re: ذا الجوارب الخضراء! Author: قيقراوي Date: 11-29-2011, 11:29 AM Parent: #48
Quote: دايما خلي الجوارب لون الحذاء أو لون البنطلون لكن يفضل أن يكون لون الحذاء ..وبإمكانك أن تسأل الخبراء عن صحة هذه النصيحة
لون الحذاء؟ العندو حذاء واحد .. يكون شراباتو كلها لونا وااااحد!؟
------
دا سوق وين يا داليا دا!؟ بتاع الساعة كم يعني؟
Post: #51 Title: Re: ذا الجوارب الخضراء! Author: بله محمد الفاضل Date: 11-29-2011, 11:49 AM Parent: #50
يعني هسا الجكة كلها بقت في (ذا و ذو) وخليتو الكيتة الرسمية...
ملاسي يا مقيد عليك الله ما تحرد
والله ببتهج بي محسن خالد دا الكلام ما في الزي الكلام في الصنقور يا اخي بركة البقيت طيب وشديد وبركة بالشوفة
Post: #55 Title: Re: ذا الجوارب الخضراء! Author: محمد قرشي عباس Date: 11-30-2011, 07:00 PM Parent: #54
لا تضيره الجوارب الخضراء مع قلمه (الأخضر) .. و هذه الطلة البهية ..
ملحوظة : نفس اليوم في عوضية أسماك ..
Post: #56 Title: Re: ذا الجوارب الخضراء! Author: النذير حجازي Date: 12-03-2011, 09:58 AM Parent: #55
Quote: دايما خلي الجوارب لون الحذاء أو لون البنطلون لكن يفضل أن يكون لون الحذاء
سلام يا دلو،
لون الجوارب لازم يكون مع لون البنطلون ولون الجزمة لازم يكون مع لون الحزام
تحياتي
Post: #57 Title: Re: ذا الجوارب الخضراء! Author: محمد حيدر المشرف Date: 12-03-2011, 10:03 AM Parent: #56
رجاء حار جدا .. منعا للشتارة ألبسو شرابات سوداء بغض النظر عن ألوان البنطلون والقميص والحزام والجزمه ..
Post: #58 Title: Re: ذا الجوارب الخضراء! Author: النذير حجازي Date: 12-03-2011, 10:19 AM Parent: #57
Quote: رجاء حار جدا .. منعا للشتارة ألبسو شرابات سوداء بغض النظر عن ألوان البنطلون والقميص والحزام والجزمه
العزيز ود المشرف، طيب ما دي الشتارة زاتها هاهاها طيب لو البنطلون بيجي أو كاكي ألبس شرابات سوداء؟
تحياتي وتقديري
Post: #59 Title: Re: ذا الجوارب الخضراء! Author: النذير حجازي Date: 12-03-2011, 10:24 AM Parent: #58
ومنعاً للشتارة ألبسوا شرابات بيضاء مع بنطلون الجينز وجزمة سبورت وتي شيرت، وأم الشتارة تلقى ليك واحد لابس قميص مع جزمة سبورت، وفي حالة لبس قميص مع بنطلون الجينز وجزمة سبورت لازم يكون بداخل القميص تي شيرت و أزرار القميص مفتوح ومظهرة الـ"تي شيرت".
Post: #60 Title: Re: ذا الجوارب الخضراء! Author: محمد حيدر المشرف Date: 12-03-2011, 11:07 AM Parent: #59
يا النذير ..
أسمع كلامى وأمشى إشترى ليك دستة شرابات سوداء .. وأصلو ما تلاوز يا صديقى .. بالذات فى العمل .. وعموما تجنب تماما درجات الالوان الفاتحه كأضعف الايمان .. عدا فى حالة الاحذية الرياضيه التى ذكرتها
Post: #61 Title: Re: ذا الجوارب الخضراء! Author: قيقراوي Date: 12-03-2011, 11:18 AM Parent: #60
Quote: أسمع كلامى وأمشى إشترى ليك دستة شرابات سوداء .. وأصلو ما تلاوز يا صديقى ..
قال خبير برستيدج ذات مرة :
لا تخلو خزانة الرجل الانيق ابداً من اللون الاسود، و البيج
Quote: ومنعاً للشتارة ألبسوا شرابات بيضاء مع بنطلون الجينز وجزمة سبورت وتي شيرت، وأم الشتارة تلقى ليك واحد لابس قميص مع جزمة سبورت، وفي حالة لبس قميص مع بنطلون الجينز وجزمة سبورت لازم يكون بداخل القميص تي شيرت و أزرار القميص مفتوح ومظهرة الـ"تي شيرت".
كيف الكلام ده يا بشمهندس???? جيرى ساينفيلد ده حياتو كلها (لو ما لابس بدلة) بيكون لابس بنطلون جنز ب قميص (شاكيه كمان) و اسنكر (جزمة رياضية)
بعدين القميص اللى تحته تى شررت ده (خاصة لو كان تى شررت ملون) بيلبسوا معاه شورت وflip flop (سفنجة). ممكن بنطلون...لكن ال وflip flop اساسية. ما فيها شيء الشرابات الملونة...بالعكس ظريفة....بس لازم يكون لونها غامق جدا. او خليكم مع الشربات السوداء بس. الشتارة انك تلاقي زول لابس جزمة بنية و حزام اسود
و يمعطوه مثل هكذا معط ب(ذا-ذو) وكدا!!
