Post: #1 Title: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-24-2011, 10:19 AM
Post: #2 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-24-2011, 10:36 AM Parent: #1
عفوا سيدي الحجاج كلابك والأفاعى الحايمة من روتانا لى امواج كاورت البلد بى حالها ماخلت فضل فى حاجه .. لى محتاج ولا لقت البقول لها "جــر" فى ناس جعانة ما قلبت حرف فى صاج فى ناس عريانة مالفحت هدم فى الزيفة ماطالت ايديها رغيفة والسبب المعكر كيفها دق بنوتها بالكرباج ناس غلبانة بس دغرية مابتعرف تخت طاقية فى طاقية والدين الحنيف فى شرعها الحرية زدتها فى الحرج إحراج وزدتها فى الدجل دجال عوج شفناهو ماسمعناهو فى قولة قال بنات دقوها دق العيش ولاد ما اندقو فى شبال وبقت فى غصة الأيام قيم غنيتها ياقدال قيم شلناها عِمة وتاج رقيص الشامة بت حمدين وخت الحنه ليات من حضور ضفرين ونمّات العديل والزين ورقصة جون مع اوهاج مشينا نقدم البنوت على ضو الرتاين خفت وهج الغناء الوهاج رحل صوت المغنى حزين رطن سوط العنج هرّاج سقط فى غفلة نون النسوة اخوان البنات والنخوة ستّار العروض أب رسوة شيال الحمول أب عاج فيا حجاج .. أُكل نارك و اتلفح بشاكيرك مع طلعة شهر ذو الحجة احرم حاج .. وطوف فوق الجثث طاوؤس وشعبك لا أكِـل لا علاج وحاج فى شنو !! إذا كل البلد هاصت و فار نحل الجباية و هَاج فيا فالق نواة الحبة يــــا فراج و ياباسط عجائب الاسراء والمعراج ويــــا خالق الخلايا الحية أمشاج ابتلت أمشاج طحنتنا طاحونة الفقر دهستنا سنواتها العجاف يــااا الله تلهمنا الصبر ، السُترة ، والعيش الكفاف وترحمنا من صَرة وشِي فى وش وليداتنا الضعاف غرقان ويرقص منتشي ووطنا مقطوع من خلاف بسم الله ماخلانا شي و فَضَلنا فى آخر المطاف ياناسي أقدار الرجال ماتخشى غضب الله وتخاف ! كتر عوج الكلام والميل وتحت الجزمة مليون ميل تحت الازمة طاحونة حوافر الخيل سقط تلت البلد عفواً سقط نص البلد لهواً سقط كل البلد سهواً فهل صحاك ضمير الأمة فى هجعة هوايد الليل على زبد الغناء الممحوق شنو الخّلاك تنوم تحلم على خرطة وطن فى السوق وطن مسروووق وطن اشتر مرق من ذمة التاريخ على ذمة كلاب الحر ينوم بجبة الدرويش يقوم ببدلة العسكر فيـــاااا ويلك فى يوم الويل تقوم تحتك قيامة الناس أفواج الضحايا يجوك ستات الكجيك والشاى والناس البعرفو شليل حشود الطلبة والعمال وبنوت الغياب والليل طفوله مشردة ونازحين وكم حجاج يجيك من ديل وديل اولاد شوارع عوووووك المعدَّمة ومعدومه من كل فجه يجوك يومها التسوِّد يومها قطامة وقرضمة وراندوك لماضة وطرّقت حلقومة ناسات حكومة الجن ناس جنها الحيكومة ماطال الشوارع فِي فى ولاد بعرفو القومة اولاد الحلال راقديين اولاد اسمها المايقوما ديل اولاد شريعة قوش المستضعفين فى الارض يبنو ويهدو عروش لا الكل بخون البعض لابتشتريها قروش فى كل حتة وراك تمرق تلاقى جيوش اصدق لسان الحال من نضمك المهبوش نفس الولاد جايين من طين حضاره كوش حافظين شعر حميد فاهمين قصايد الدوش ماتمشى يامحجوب عاوزين نظبط بوش ياداااب عرفنا الصاح دخل الكلام الحوش وشكرا سيدى الحجاج
ازهري محمد علي.
Post: #3 Title: Re: أزهري محمد علي (عفوا سيدي الحجاج)!! ..... فيديو Author: عمار عبدالله عبدالرحمن Date: 11-24-2011, 02:27 PM Parent: #2
Quote: فى ولاد بعرفو القومة اولاد الحلال راقديين اولاد اسمها المايقوما ديل اولاد شريعة قوش المستضعفين فى الارض يبنو ويهدو عروش لا الكل بخون البعض لابتشتريها قروش فى كل حتة وراك تمرق تلاقى جيوش
سلمت يداك وانت تمتعنا بهذا الوهج الثوري ,,
Post: #4 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-24-2011, 04:41 PM Parent: #3
شكرا اخي عمار ... ثورة حتي النصر.
Post: #5 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-25-2011, 12:54 PM Parent: #4
::::::::::::::::::::
Post: #6 Title: Re: أزهري محمد علي (عفوا سيدي الحجاج)!! ..... فيديو Author: عادل عبدالعزيز عبد الرحيم Date: 11-25-2011, 04:22 PM Parent: #5
ده الكلام يا ازهرى
الله يديك العافية يا مدحت وليكن هذا البوست توثيقا لشعر المقاومة
شكرا تانى
Post: #7 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-25-2011, 06:34 PM Parent: #6
شكرا ليك اخ عادل
التحية للاستاذ ازهري محمد علي وكل الشعراء الشرفاء في السودان..
Post: #8 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-25-2011, 09:55 PM Parent: #7
التحية لهاشم صديق وعركي وكل المبدعين الرافضين للاستبداد
Post: #9 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-26-2011, 08:41 AM Parent: #8
Post: #10 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-26-2011, 01:09 PM Parent: #9
Post: #11 Title: Re: أزهري محمد علي (عفوا سيدي الحجاج)!! ..... فيديو Author: معتصم مصطفي الجبلابي Date: 11-27-2011, 04:05 AM Parent: #10
قصيدة ما مفترض تحتل
up
Post: #12 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-27-2011, 11:25 AM Parent: #11
شكرا معتصم
Post: #13 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-27-2011, 06:21 PM Parent: #12
:::::::::::::::::
Post: #14 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-30-2011, 02:45 PM Parent: #5
ام منصور اوعك تتغشي.... فيديو من اعتصام اهلنا المناصر لليوم العاشر في الدامر.
Post: #15 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 11-30-2011, 07:36 PM Parent: #2
......................
Post: #16 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 12-01-2011, 02:33 PM Parent: #15
نفس الولاد جايين من طين حضاره كوش حافظين شعر حميد فاهمين قصايد الدوش ماتمشى يامحجوب عاوزين نظبط بوش ياداااب عرفنا الصاح دخل الكلام الحوش وشكرا سيدى الحجاج
Post: #17 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 12-01-2011, 11:24 PM Parent: #16
......................
Post: #18 Title: Re: أزهري محمد علي (عفوا سيدي الحجاج)!! ..... فيديو Author: Zomrawi Alweli Date: 12-02-2011, 03:02 AM Parent: #17
شبه ناس قلال
Post: #19 Title: Re: أزهري محمد علي (عفوا سيدي الحجاج)!! ..... فيديو Author: Medhat Osman Date: 12-10-2011, 01:05 PM Parent: #18