أحب اثيوبيا وناس اثيوبيا والحبشة كمان

أحب اثيوبيا وناس اثيوبيا والحبشة كمان


11-24-2011, 09:56 AM


  » http://sudaneseonline.com/cgi-bin/sdb/2bb.cgi?seq=msg&board=350&msg=1322124971&rn=10


Post: #1
Title: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 09:56 AM
Parent: #0

اتدرون لماذا احببت اثيوبيا وناس اثيوبيا؟
وكمان أحب اديس ابابا

ببساطة سألت مرة عن أحد الجيران والذى اختفى فى ظروف غامضة ولا أحد يعلم اين هو ، وبحق الجيرة ذهبت وطرقت بابه ، تم استقبالى استقبالا حسنا وقاموا بواجب الضيافة ، سألتهم عن والدهم فذكروا لى إنه متواجد منذ فترة فى الحبشة ( اديس ابابا) ، اولا دار فى ذهنى ما دار فى ذهنكم حين قرأتم عنوان البوست ، ولكن أوضحوا لى الحقيقة بسرعة بأن ولادهم ذهب مستثمرا فى بلاد الحبشة.

ذهب مستثمرا فى اثيوبياكيف ذلك ؟
بعد الكلام دا هلاّ هلاّ على الجد
الموضوع دور فى راسى
وانا أصلا بحب اثيوبيا
وبعد السؤال هنا وهناك كانت النتيجة

قانون تسجيع الاستثمار الاثيوبى
قانون يسيل له اللعاب
قانون دلع المستثمر
انت عاوز شنو وطلباتك أوامر

هل تصدقوا انى قرأت اعلانا فى صحيفة الانتباهة يشجع الاستثمار فى اثيوبيا
وهل تصدقوا إن من ضمن اسباب ارتفاع سعر الدولار الامريكى فى السوق الموازى هجرة رؤوس اموال سودانية الى اثيوبيا.
كم حجم الاموال السودانية التى ذهبت الى الاستثمار فى اثيوبيا

اعزائى دلونى كيف الوصل والوصول الى اديس ابابا

Post: #2
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 10:22 AM
Parent: #1

احتاج الى شريك
انا امتلك الفكرة والدراية
ولدى مشاريع متوسطة
ولدىّ المعرفة ال know how
عاوز شريك برأس المال
المشروع فى حدود 200,000 دولار
العائد 100%
يعنى فترة الاسترداد سنة واحدة
وهذا بنص قانون الاستثمار فى اثيوبيا
البنوك تستطيع اقراضك بنسبة تصل الى 70% من حجم تكلفة المشروع
نحن عاوزين نمول المشروع ذاتيا
بعدين نمول المواد الخام عن طريق البنوك الحبشية
وكمان المصروفات التشغيلية
هل من شريك

Post: #3
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 10:52 AM
Parent: #2

يا جماعة ما تخافو
الاستثمار فى اثيوبيا مشجع
وكمان فى حاجات تانية مشجعة
الطقس فى اديس ممتاز
السكن رخيص
ممكن تمتلك فيلا بسعر مشجع 30000 دولار امريكى
كمان لو عاوز تتزوج متاح ليك
تانى عاوزين شنو

Post: #4
Title: Re: أحب اثيوبيا وناس اثيوبيا والحبشة كمان
Author: ايهاب
Date: 11-24-2011, 11:11 AM
Parent: #3

اخونا صلاح
مساء الخير
الاستثمار في اثيوبيا غير مشج وغير مستقر
حاليا الالاف من رجال الاعمال الاثيوبيين يقومون بتصفيه اعمالهم والمخارجه من البلاد بعد ان اصبح الوضع مستحيل

Post: #5
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 11:16 AM
Parent: #3

متطلبات الحصول على رخصة الاستثمار.
تقديم الطلب مع الوثائق التالية:
1- صورة الوكالة في حالة المتقدم بطلب الاستثمار وكيلا .
2- عندما يكون المتقدم بطلب الاستثمار فردا يجب عليه إحضار صورة من جواز سفره سارية الصلاحية وصورتين شمسية حديثة .
3- عندما يكون الاستثمار من المنظمات التي أسست حديثا يجب إرفاق صورة من عقد التأسيس النظام الأساسي للشركة وصورة من جواز سفر سارية الصلاحية لكل حامل أسهم .
4- إذا كان الاستثمار فرعا لمنظمة أجنبية في أثيوبيا: صورة من عقد التأسيس والقانون الأساسي للشركة أو وثيقة مماثلة من الشركة المالكة.

Post: #6
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 11:19 AM
Parent: #3

نظام الاستثمار
- لا تمييز بين المستثمرين المحليين والأجانب.

متطلبات رأس مال للمستثمرين الأجانب .
- 100.000 دولار أمريكي نقدا أو في العين إن كانت الملكية كلية للمستثمر الأجنبي .
- 60.000 دولار نقداً أو في العين لكل مشروع إن كان المستثمر مشتركا مع مستثمر محلي .
- 50.000 دولار نقداً أو في العين لكل مشروع في مجالات هندسة ‘ معمار، محاسبة، تدقيق حسابات، دراسات المشاريع ،إدارة الأعمال، خدمات استشارية أو نشر.
- 25.000 دولار نقدا أو في النوع إن كان الاستثمار بالشراكة مع مستثمر محلي في مجالات هندسة ، معمار ، محاسبة تدقيق حسابات، ،دراسات المشاريع ،إدارة الأعمال، خدمات استشارية، أو نشر.


لا يتطلب رأس مال من المستثمر وذلك :

- في حالة قيامه بتصدير 75% على الأقل من مخرجاته..
- في حالة استثمار ربحه أو حصته.
* حوافز
- الاستثناء من دفع الرسوم الجمركية على السلع الرأسمالية ومواد البناء 100%
- الاستيراد المعفي من الضريبة لقطع الغيار التي لا تزيد قيمتها أكثر من 15% من القيمة الكلية للسلع الرأسمالية المستوردة .
- الاستثناء من رسوم الضريبة و ضريبة المبيعات على كل سلع التصدير.

* الإعفاء من ضريبة الدخل
- إعفاء من الضريبة من (2- 7) سنوات للصناعة الجديدة أو معالجة الزراعية والمنتج الزراعي.
- يعفى من الضريبة إلي سنتين للتوسع أو الترقية.
- تقدم الخسارة للنصف فترة المسموح.
* محفزات التصدير
- مخطط عدم دفع الضريبة للتصدير .
- مخطط مستند صرف
- مخطط مخزن التصنيع المؤمن

خصخصة
تخصص المشاريع المملوكة للحكومة تحت قيود مختلفة :
- مصانع تحضير أطعمة.
- الصناعات الجلدية
- صناعة النسيج
- صناعات المشروبات ومصانع البيرة.
- مصانع المنسوجات
- الصناعات الكيماوية.
- الفنادق والسياحة.
- شركات بناء الخ.

· الضمانات وحماية الاستثمار.

- الدستور الإثيوبي وقواعده الاستثمارية يضمن حماية الملكية الخاصة.
- يمكن للمستثمر الأجنبي تحويل رأسماله وحصصه من الربح والفوائد الى وطنه .
- أثيوبيا أيضاً عضو في وكالة ضمان استثمار متعددة الأطراف (MIGA) التابعة للبنك الدولي والتي تصدر الضمان ضد الأخطار غير التجارية
- لقد وقعت إثيوبيا معاهدة ثنائية بشأن ترويج وحماية الاستثمار مع عدة بلدان أوروبية وآسيوية وأفريقية.

Post: #7
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 11:25 AM
Parent: #6

Quote: اخونا صلاح
مساء الخير
الاستثمار في اثيوبيا غير مشج وغير مستقر
حاليا الالاف من رجال الاعمال الاثيوبيين يقومون بتصفيه اعمالهم والمخارجه من البلاد بعد ان اصبح الوضع مستحيل


شكرا ايهاب

يس كيف الكلام دا
انا حاليا بعرف رجال اعمال سودانيين وسعوديين يقيمون فى استثمارات ضخمة فى اثيوبيا
ارجو مزيد من التوضيح

Post: #8
Title: Re: أحب اثيوبيا وناس اثيوبيا والحبشة كمان
Author: فدياس نجم الدين
Date: 11-24-2011, 11:54 AM
Parent: #7

اخونا صلاح
سلامي واحترامي
بدايه لم تكن موفق البته في عنوان البوست
البوست الجاد يحتاج لعنوان جاد
ولو كان غرضك من العنوان لفت انتباه القارئ
فهكذا عنوانك سياتيك بغير الجادين كشخصي الضعيف
موضوع الدخول في شراكه مع شخص عبر النداء في الاسافير لا احسبها فكره سديده
فمن يملك مائتي الف دولار نقدا يمكنه الهجره لكندا بهكذا راس مال وكثير من الدول المتقدمه تمنح اقامه دائمه لمن يملكون اموال تفوق المائه وخمسين الف دولار
الشراكه التجاريه بين الاشخاص تحتاج لعامل الثقه الذي لا يتوفر في المعرفه الاسفيريه
مع كامل احترامي لرايك

Post: #9
Title: Re: أحب اثيوبيا وناس اثيوبيا والحبشة كمان
Author: صلاح الدين نزلاوى
Date: 11-24-2011, 01:17 PM
Parent: #8

Quote: اخونا صلاح
سلامي واحترامي
بدايه لم تكن موفق البته في عنوان البوست
البوست الجاد يحتاج لعنوان جاد
ولو كان غرضك من العنوان لفت انتباه القارئ
فهكذا عنوانك سياتيك بغير الجادين كشخصي الضعيف

حشاك عدم الجدية يا فدياس
بس انت مداخلاتك حسب الموضوع الجد جد والهزل هزل
لكن انا عاوز اصطاد عصفورين بحجر
1/استثمر واربح (مال - قروش)
2/ استثمر واربح (يعنى بصراحة ادبل)

Post: #10
Title: Re: أحب اثيوبيا وناس اثيوبيا والحبشة كمان
Author: حسن حماد محمد
Date: 11-25-2011, 08:23 PM
Parent: #1

الأخ صلاح

Quote: بدايه لم تكن موفق البته في عنوان البوست
البوست الجاد يحتاج لعنوان جاد
ولو كان غرضك من العنوان لفت انتباه القارئ
فهكذا عنوانك سياتيك بغير الجادين كشخصي الضعيف
موضوع الدخول في شراكه مع شخص عبر النداء في الاسافير لا احسبها فكره سديده
فمن يملك مائتي الف دولار نقدا يمكنه الهجره لكندا بهكذا راس مال وكثير من الدول المتقدمه تمنح اقامه دائمه لمن يملكون اموال تفوق المائه وخمسين الف دولار
الشراكه التجاريه بين الاشخاص تحتاج لعامل الثقه الذي لا يتوفر في المعرفه الاسفيريه
مع كامل احترامي لرايك


والله لمن قريت الكلام ده ضحكت

وبعدين على طول مشيت البروفايل يا صلاح

لقيتك جديد لنج فى البورد ولسه مسخن

وبصراحة كلام فدياس الفوق دا هو نفس الشئ الجابنى داخل

وبعدين 200 الف دولار ورة واحدة ، انت باين عليك داير ليك كوز كبير

وعلى كل نحن كمان بنحب اثيوبيا وناس اثيوبيا

وهاك دى منى ليك هدية ، اصلوا الزولة دى كاسرة فينا ضلعه

وأنا حالف اقد بيها ناس المنبر دا لمن بقولوا بس


Post: #11
Title: Re: أحب اثيوبيا وناس اثيوبيا والحبشة كمان
Author: Zomrawi Alweli
Date: 11-26-2011, 09:25 AM

سلام وتحية لصاحب البوست

جذبني العنوان لاستمتع بالالحان الاثيوبية وخاصة لاغنيات فنانينيا العظماء
امثال وردي وسيد خليفة والكابلي والتي يجيدونها اكثر من فنانينا الهبطرش الذين يملؤون القنوات ضجيجا وعويلا
كنت امني النفس لمشاهدة جمالي اثيوبي رشيق

ولكن ليس لنا في الاستثمار شيء

Post: #12
Title: Re: أحب اثيوبيا وناس اثيوبيا والحبشة كمان
Author: سيف الدولة كامل
Date: 11-26-2011, 12:50 PM
Parent: #11

كلنا بنحبهم ,,,