Post: #1
Title: لماذا احتفل الجهاز الفني ودكّة الاحتياطي للمريخ بعد صافرة النهاية ؟
Author: صبري طه
Date: 11-24-2011, 07:50 AM
هل الناس ديل ما كانوا عارفين إنّهم سلفاً فازوا بالممتاز .. ولاّ الفهم شنو ؟
|
Post: #2
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 07:53 AM
Parent: #1
مساحة محجوزة للفيديو ...
ــــــــــــ
يا يوسف الدفينة المساحة دي عشان تأكيد حشتي الطالبتني بيها قبل كدة
نحن قومٌ إن قُلنا فعلنا وإن لم نقل لا نفعل ولا نقول الروب
|
Post: #3
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: محمد عمر جبريل
Date: 11-24-2011, 07:54 AM
Parent: #1
| Quote: هل الناس ديل ما كانوا عارفين إنّهم سلفاً فازوا بالممتاز .. ولاّ الفهم شنو ؟ |
الفهم شنو
|
Post: #4
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 08:01 AM
Parent: #3
يا محمد عمر جبريل ... إذا كان التعادل يُعلن المريخ بطلاً للممتاز لا غرابة في انطلاقة الجهاز الفني ودكّة احتياطي المريخ مهللين وفرحين نحو الميدان بهذه الطريقة ...
ولكن المريخ لعب هذه المُباراة وهو بطلاً للممتاز ... وهذا يعني بالنسبة لي أن الاحتفال بهذه الطريقة لأنهم لم يخسروا المُباراة ...
يعني يا محمد عمر بالعبارة الواضحة خوفهم من الهزيمة تسبّب في هذا التعبير العفوي بفرحهم بالتعادل ...
ولك ودّي ،،،
|
Post: #5
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: خالد عبد الله محمود
Date: 11-24-2011, 08:02 AM
Parent: #3
التعادل مع الهلال سبب كافي للفرحة .. 
بأمانة كده يا صبري الهلال كان زي الزفت و المريخ كان الأفضل و كان يستحق الفوز ...
|
Post: #8
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 08:11 AM
Parent: #5
| Quote: بأمانة كده يا صبري الهلال كان زي الزفت و المريخ كان الأفضل و كان يستحق الفوز ... |
ما قُلنا حاجة يا خالد ... ولو أحسن رماة المريخ استغلال الفرص السهلة التي سنحت لهم لانتصر المريخ ... ولكن ألا تتفق معي أنّ المنطق في هذه الحالة مع غضب الجهاز الفني ودكّة الاحتياطي وحسرتهم على انتهاء المُباراة وليس ركضهم فرحاً بعد انطلاقة صافرة النهاية !!!
مُش حاجة تحيّر ؟!
|
Post: #7
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: عادل الباهي عبدالرازق
Date: 11-24-2011, 08:07 AM
Parent: #3
سلام ياعمك
أنت الفهم شنو بتعمل غمران ورايح كل ما المريخ ينسحب
أو يطقطقوهوا 
صبري ياحبيب من السنة الجاية سوف يمثل معنا أهلي شندي
المريخ دا خارجيا دائما مقصر رقابنا وشايل حالنا
|
Post: #15
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 09:26 AM
Parent: #7
Quote: صبري ياحبيب من السنة الجاية سوف يمثل معنا أهلي شندي
المريخ دا خارجيا دائما مقصر رقابنا وشايل حالنا |
يا حبيب ... لو كان هذا هو حال الهلال والمريخ فلن يحققا أية بطولة خارجية في الموسم القادم ...
وبالنسبة للمباراة يا عادل ... المريخ كان يستحق الفوز ليس لقوته إنما لسوء الهلال وأخص منه الدفاع الذي لعب بنوع من عدم المبالاة ...
ولك ودّي ،،،
|
Post: #6
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صديق عيسى صالح
Date: 11-24-2011, 08:06 AM
Parent: #1
صبرى الله يصبر على الهلال اللى شفتو البارحه
نجى للاستفهام؟ الفهم هو ان المريخ فائز 2/1 باعتبار ان هدف سادومبا مجرد هديه رضيه من بدر الدين عبد القادر.
اسوا حكم انا شفتو
|
Post: #9
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: الامين موسى البشاري
Date: 11-24-2011, 08:12 AM
Parent: #6
ليه أنت كنت عايزهم يبكوا ولا شنو؟
شــئ طبيعي ويحدث في كل الدول وفي العالم
لأن هذه نهاية الدوري رسميا واستلامهم للكأس سبب كافي لفرحتهم
غايتو عندك شطحات كده بتعرفها برااااك .. والله صحي
المريخ كان الافضل في مباراة الأمس
وكان يستحق الفوز على الهلال الذي أعطي ضربة جزاء
مشكوك في صحتها .....فشنو حقوا تشوف أمور فريقك وتنسى المريخ
|
Post: #10
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: ابراهيم محمد الحسن
Date: 11-24-2011, 08:14 AM
Parent: #9
إنتو الطفى النور منو ؟
|
Post: #12
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 08:26 AM
Parent: #10
| Quote: إنتو الطفى النور منو ؟ |
أسأل يوسف الدفينة ...
|
Post: #11
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 08:18 AM
Parent: #9
Quote: ليه أنت كنت عايزهم يبكوا ولا شنو؟
شــئ طبيعي ويحدث في كل الدول وفي العالم
لأن هذه نهاية الدوري رسميا واستلامهم للكأس سبب كافي لفرحتهم
غايتو عندك شطحات كده بتعرفها برااااك .. والله صحي
المريخ كان الافضل في مباراة الأمس
وكان يستحق الفوز على الهلال الذي أعطي ضربة جزاء
مشكوك في صحتها .....فشنو حقوا تشوف أمور فريقك وتنسى المريخ |
شطحات شنو يا البُشاري ...
انتظر الفيديو عشان تعرف أنا قاصد شنو ...
الاحتفال بالكأس والممتاز دي أصلاً ما قصدي وكذلك الاحتفالات بعد تسليم الكأس أو قبل تسليم الكأس أو كما نُشاهد في كثير من المُباريات ...
قصدي الفرحة التقليدية العفوية عندما تكون فائزاً ويطلق الحكم صافرة نهاية المُباراة ...
الفيديو سيوضّح لك ما أقصده يا بُشاري ...
|
Post: #13
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: Mahmoud Mustafa Mahmoud
Date: 11-24-2011, 08:52 AM
Parent: #1
| Quote: هل الناس ديل ما كانوا عارفين إنّهم سلفاً فازوا بالممتاز .. ولاّ الفهم شنو ؟ |
الفهم قِسًمْ....
وعندما يتعلق الأمر بالقِسْمة ،،
يكون شأناً من شئون الإرادة الإلهية...
يا صبري... الممارسة الحقيقية لـ"هلاليتك" حري بها أن تحملك بعيداً عن لوحة المفاتيح..
لتمارس أحزانك بطريقة نبيلة تشبه الهلال..
ولتعلم أخي.. نحن الصفوة ...أحزننا حال الهلال..وحال الاتحاد..وحال البلاد والعباد...
ولا حول ولا قوة إلا بالله العلي العظيم..
...إن شاء الله تكون فهمت حاجة....
...
|
Post: #14
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 09:14 AM
Parent: #13
Quote: الفهم قِسًمْ....
وعندما يتعلق الأمر بالقِسْمة ،،
يكون شأناً من شئون الإرادة الإلهية...
...إن شاء الله تكون فهمت حاجة....
|
بالضبط كدة ... وتمنيّت أن تساهم معنا بتحليلك ... لأنّ هناك جملة من الأسباب التي تجعلهم يحتفلون وأجملها لك بالآتي:-
1- رفع الهلالاب شعار الثأر في هذه المباراة وعطّل المريخاب هذا الشعار.
2- المريخ يلعب خارج أرضه والتعادل خارج الأرض بمثابة الانتصار.
3- المريخ لم يخسر من الهلال هذا الموسم. (إلاّ بالانسحاب).
4- المريخ فائز بمجموع المباراتين. (إن شاء الله تكون دي فهمتها) ودي برضو عليك الله جيب ليك ورقة وقلم وسجلها للزمن.
5- الهلال كان دافعه أكبر من المريخ للفوز .. وفوز المريخ كان سيكون بالنسبة له شرفي لا أكثر.
| Quote: ...إن شاء الله تكون فهمت حاجة.... |
المُشكلة أفهم من منو ؟
وزي ما قُلت الفهم قسم ...
وسؤال باللّفة: إنت فهمت هسّي شنو ؟
ــــــــــــــ
المهاترات لا أميل إليها .. ولكن إذا عُدت بها مرةً أخرى ربما عُدت إليك بما لا تستحمله ...
|
Post: #16
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: أيمن مبارك أبو الحسن
Date: 11-24-2011, 09:42 AM
Parent: #14
أعتقد أن التعادل في مبارة أمس هو إنتصار للهلال بالدرجة الأولى قياساً لأداء الحكم المنحاز تماماً للهلال.
أما سبب الاحتفال ممكن يكون عشان تعادلنا مع الحكم ههههه
سلامات الأخ صبري .. ومبروك للصفوة ... ألف مبروك.
|
Post: #17
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 09:48 AM
Parent: #16
وعليكم السلام أخي أيمن ...
Quote: أعتقد أن التعادل في مبارة أمس هو إنتصار للهلال بالدرجة الأولى قياساً لأداء الحكم المنحاز تماماً للهلال.
أما سبب الاحتفال ممكن يكون عشان تعادلنا مع الحكم ههههه |
يعني يا أيمن المطلوب من الحُكام عدم احتساب ركلات الجزاء للهلال حتى نعتبرهم لا يتحيّزون للهلال ...
مثال: ركلة الجزاء التي ارتكبت مع زاهر مُركز واحتج على إثرها لاعبي المريخ مما أدّى إلى انسحابهم من الملعب (مباراة زيكو الشهيرة)
السؤال: هل كانت ركلة الجزاء صحيحة أم غير صحيحة ؟
مُش برضو الجماعة احتجوا لدرجة أنهم انسحبوا من الملعب ...
ـــــــــــــــــــــ
|
Post: #18
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: فايزودالقاضي
Date: 11-24-2011, 10:06 AM
Parent: #17
صبري ...سلام
هههههههه قلت لي ماعرفت تكتب شنو ؟ قلت مافي احسن من دكة الاحتياطي ؟
ياصبري المريخ عرفك مقدار فريقك مفروض تشكره...
نحن رشيناكم في ملعبنا ورشيناكم في ملعبكم فعلياً ..
الهلال كان غايب في الملعب ولولا لطف الله عليكم لكانت كارثة عليكم ..
مبروك عليكم التعادل مع سيد البلد وزعيمها ..
|
Post: #19
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 10:11 AM
Parent: #18
وعليكم السلام يا فائز ...
Quote: هههههههه قلت لي ماعرفت تكتب شنو ؟ قلت مافي احسن من دكة الاحتياطي ؟
ياصبري المريخ عرفك مقدار فريقك مفروض تشكره...
نحن رشيناكم في ملعبنا ورشيناكم في ملعبكم فعلياً ..
الهلال كان غايب في الملعب ولولا لطف الله عليكم لكانت كارثة عليكم ..
مبروك عليكم التعادل مع سيد البلد وزعيمها .. |
وأتفق معك أنّ الهلال كان سيئاً ... ومُشكلة حراسة مرمى الهلال مُشكلة مُزمنة لم نكتشفها في مباراة الأمس بل منذ خمسة مازيمبي وما بعدها ولكن مجلس الإدارة لم يتحرّك ...
غير كدة لاعبي دفاع الهلال أهدوا أكثر من فرصة لرماة المريخ الذي لم يستغلوها وهذا يعني ضعف دفاعنا في مباراة الأمس وضعف هجومكم أيضاً يا فايز ...
المريخ يستحق الفوز في مباراة الأمس لا أنكر ذلك ... وبدل الفرحة للتعادل مفترض يكون الغضب ...
والدليل متفق معاك في إنو المريخ كان أفضل ... ولاّ رأيك شنو ؟
ـــــــــــــــــــــــ
|
Post: #20
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: Mahmoud Mustafa Mahmoud
Date: 11-24-2011, 10:12 AM
Parent: #14
Quote:
رفع الهلالاب شعار الثأر في هذه المباراة وعطّل المريخاب هذا الشعار.
|
وهل كان المريخ محتاجاً للثأر أصلاً؟؟
| Quote: 3- المريخ لم يخسر من الهلال هذا الموسم. (إلاّ بالانسحاب). |
لم يخسر من الهلال...بل خسر من (الاتحاد) السوداني لكرة القدم...
هذا إن كان في الأمر كرة قدم..
| Quote: 5- الهلال كان دافعه أكبر من المريخ للفوز .. وفوز المريخ كان سيكون بالنسبة له شرفي لا أكثر. |
دافع الهلال أكبر لماذا؟؟ لأن المنطق يقول إن مريخ هلال (بطولة) قائمة بذاتها..
وحيث أن الهلال قد خرج من الموسم بلا أي بطولة..
فقد كان يعول كثيراً على مريخ هلال باعتبارها (بطولة) ..بل وبطولة غالية كمان..
فحشد لها إعلامه ليبيع لقواعده الفرح في عبوات الإحباط والهوان..
ولكن الزعيم..وإعمالاً لمبدأ الحرص على "حماية المستهلك"..
منع تسويق تلك العبوات..
بل وأعلن لتلك القواعد..أن من أراد الفرح الحقيقي فليعمل له..
ومن أراد الإحباط والهوان.. فدونكم أنهار ومستودعات البرير..
Quote: المُشكلة أفهم من منو ؟
وزي ما قُلت الفهم قسم ...
وسؤال باللّفة: إنت فهمت هسّي شنو ؟ |
نُعْرِضُ عن هذا..تَرَفُّعاً وليس عفواً عند المقدرة..
ولتعلم أخي..
لا..ولم...ولــن..أدخل بوستات الآخرين مهاتراً..
فهاردلك..وهنيئاً لنا..
وهاف أنايس ويك إند..
...
|
Post: #21
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: فايزودالقاضي
Date: 11-24-2011, 10:20 AM
Parent: #20
Quote: وأتفق معك أنّ الهلال كان سيئاً ... ومُشكلة حراسة مرمى الهلال مُشكلة مُزمنة لم نكتشفها في مباراة الأمس بل منذ خمسة مازيمبي وما بعدها ولكن مجلس الإدارة لم يتحرّك ...
غير كدة لاعبي دفاع الهلال أهدوا أكثر من فرصة لرماة المريخ الذي لم يستغلوها وهذا يعني ضعف دفاعنا في مباراة الأمس وضعف هجومكم أيضاً يا فايز ...
المريخ يستحق الفوز في مباراة الأمس لا أنكر ذلك ... وبدل الفرحة للتعادل مفترض يكون الغضب ...
والدليل متفق معاك في إنو المريخ كان أفضل ... ولاّ رأيك شنو ؟ |
ده كلام عاقل وفعلا ياصبري الهلال كان كعب وثبت انه ماعنده اى حاجة ..يعني قاعد في السهلة والمريخ استحق الفوز ..
لكن التعادل كان مخرج كويس للهلال ولو اتغلب لهدمت صوامع وبيع وملاعب ..
تحياتي وهاردلك رغم انكم تستاهلوا المرمطة الحصلت ليكم ..
|
Post: #22
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: صبري طه
Date: 11-24-2011, 10:28 AM
Parent: #20
| Quote: وهل كان المريخ محتاجاً للثأر أصلاً؟؟ |
وهل قُلت أنا أنّ المريخ كان مُحتاج للثأر ؟
Quote: نُعْرِضُ عن هذا..تَرَفُّعاً وليس عفواً عند المقدرة..
ولتعلم أخي..
لا..ولم...ولــن..أدخل بوستات الآخرين مهاتراً..
فهاردلك..وهنيئاً لنا.. |
يا سلام عليك ...
سؤال: هل اعتبرت ما رددت عليه مهاترةً منّي ... وفي نفس الوقت لم تعتبر ردّك لي مهاترة ...
مع العلم أنّ الردّين تحدّثا عن الفهم ...
على كل حال مبروك ليكم وهنيئاً بالممتاز ... وعُقبال كأس الأبطال الإفريقي ...
|
Post: #24
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: Mahmoud Mustafa Mahmoud
Date: 11-24-2011, 10:52 AM
Parent: #22
| Quote: وهل قُلت أنا أنّ المريخ كان مُحتاج للثأر ؟ |
إجابة:
لا لا..
ولكنك قلت: إن الهلالاب رفعوا شعار (الثأر)..بينما (عطل) المريخاب هذا الشعار...أو كما قلت..
فأوحى لي فهمي المتواضع ما أوحى لي...فسامحني..
Quote:
سؤال: هل اعتبرت ما رددت عليه مهاترةً منّي ... وفي نفس الوقت لم تعتبر ردّك لي مهاترة ...
مع العلم أنّ الردّين تحدّثا عن الفهم ...
|
إجابة:
لا لا..
سؤالك عن "الفهم شنو"؟؟...هو ما أتى بمفهوم ومصطلح "الفهم" هنا...
ولك أن تعلم يا أخي...أنْ "لا شيء شخصي" البتة..
__________
بالمناسبة...يا أخي صبري...
طريقتي في الكتابة - إن كان لي ثمة طريقة...يمكن تصنيفها - إن استحقت - يمكن تصنيفها ناحية كونها "غياظة"
ولكن قطعاً - يكون من غير المنصف - تصنيفها إلى جهة المهاترة والإسفاف...
ناهيك عن الفجور في الخصومة...لا سمح الله..
فشنو...خذ نصيبك - إن شئت - من "الغيظ" وامض في حال سبيلك...
وسامحني...
...
|
Post: #23
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: سفيان بشير نابرى
Date: 11-24-2011, 10:28 AM
Parent: #20
| Quote: هل الناس ديل ما كانوا عارفين إنّهم سلفاً فازوا بالممتاز .. ولاّ الفهم شنو ؟ |
يا صاحبي ببساااااطة الفهم
أننا بنقدم ليكم بروفة مجانية
عشان تعرفوا توسعوا استادكم
قدر أيه.
مش قلته عايزين توسعوهوا!!!؟
اوعه تفسر تفسيرات سااااى كدا و لا كدا .
|
Post: #25
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: عبدالعزيز عبدالله محمد
Date: 11-24-2011, 11:04 AM
Parent: #23
والله انا شايف انو فرحة المريخ نابعة من ان فريق الهلال والاتحاد العام وذلك الحكم العضير كانو يريدون هزيمة ثقيلة للمريخ ولكن بعزم وهمة اللاعبين خرجنا منتصرين 2/1 وذلك لان ضربة الجزاء كانت عبارة عن هدية لا يستحقها الهلال.
نعم خرجنا منتصرين على كل القوى التي كانت ضدنا.
|
Post: #26
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: عثمان جلال الدين
Date: 11-24-2011, 06:23 PM
Parent: #25
سلام ياصبري,,
تعرف المريخاب يتم ملئهم ضد الحكام منذ عدة سنوات من صحفيين مشجعين كتبرير لخسارة الممتاز 10 مرات منها 6 متوالية وأحدها بقفارق 18 نقطة، وامتد ذلك حتى للمباريات الخارجية .. زيسكو .. كانو .. الترجي ... وهلمجرا..
والغريبة أنهم صدقوا ذلك وباتوا يرددونه لنفي تفوق الهلال على فريقهم كحالة دفاع نفسي باتت متأصلة ومستمرة، ونفس هولاء الصحفيين اصبحوا يستهدفون الحكام قبل أي مباراة للمريخ للتبرير المسبق وقد نجحوا في ذلك وأخر دليل على ذلك مبارة النسور: الجكم أخرج العبي النسور من المباراة باحتساب أي احتكاك أو تدخل لهم مع لاعب مريخي فاول..
كسرة: الحارس أمس عرقل قدم سادومبا اليسرى والبلنتي صحيح ولمن يسترشدون بالحكم الطاهر نقول لهم لماذا تغضو الطرف عن قول الطاهر في نفس البرنامج باحتساب حالتي تسلل وانفارد تام ضد سادومبا في النصف ساعة الأولى المباراة..
رايك شنو في تصرفات فاروق جبرة.. والله لو فعلهاالفاتح النقر لرأينا منهم العجب ..
احتراماتي للجميع..
|
Post: #27
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: حاتم محمد حاج المهدي
Date: 11-24-2011, 06:48 PM
Parent: #26
الأخ صبري تحياتي.. الإحتفال بعد صافرة النهاية حاجة طبيعية بالنسبة لفريق
في طريقه لإعتلاء منصة التتويج بعد لحظات..
فرحة وإحتفال بحصاد موسم طويل ورفع كأس البطولة ومامحتاجة أي أسباب أخرى..
أقول قولي هذا وأنا هلالابي علي السكين وأسأل الله أن يعجل يخلاصنا من البرير
وزمرته إنه على كل شئ قدير..
|
Post: #28
Title: Re: لماذا احتفل الجهاز الفني ودكّة الاحتياطي للمريخ بعد صافرة النهاية
Author: ABUHUSSEIN
Date: 11-24-2011, 07:20 PM
Parent: #27
إحتفلوا لأنهم فازوا بالدوري بهزيمة واحدة و تعادل واحد و دا إنجاز يضاف لي إنجازات المريخ الكثيرة
يا صبري و الله غلبك البتسويه......
تحياتي و إحترامي
|
|