Post: #1
Title: الحكم (سكواها) ظااااااااااهره معانا..
Author: فاروق أبوحوه
Date: 11-23-2011, 11:42 PM
Parent: #0
بالبلدي :
( ضربة الجزاء بتاعة سادومبا دي ، النعام آدم الله يرحمو ما تفوت عليهو ) معقووووووله ياخ ؟؟
* رغم المسرحيه التحكيميه .. مريخنا ميه الميه
* المنافي أهون من صاروخ الدافي..
* سكواها .. فعايلو ما خلاها
* سوق يا سكواها بالدرب الفوق يا سكواها
* بالذمه دا حكم قمه ؟؟
* طفوا النور ..و.. دستور يا وصيف دستور
*تاني بتجوا ؟ التوووووووووووووووووبه
*الحكم (سكواها) ظااااااااااااااااااااهره معانا..
* حلاكم الحلّ بله..يا أهله
* في الضلام.. إيديكو تماااااااام
* يالشيخ أبكساوي.. من بطحة مساوي
* آخر موضة الثياب النسائية:
+ بطحة مساوي
+ دوخة معز
+ البرنس قطع
+ سادومبا خان
+ الوصيف خفيف
+ صاروخ الدافي
+ لفة إيديكو
الحمد لله الليله يادوووووب عرفنا (الطفي النور منو).
|
Post: #2
Title: Re: الحكم (سكواها) ظااااااااااهره معانا..
Author: فاروق أبوحوه
Date: 11-24-2011, 00:01 AM
Parent: #1
المــريــخ
الاحمر الوهاج
عشق السنين للهامه تاج
وزي سيفا سنين لما يلعب بي مزاج
انا المريخ في ضراع البلد خوسه
وضفيره عاج
انا التاريخ في مرق الخصم سوسه
وفي عين البنازلو عجاج
أكضب عاد ..
و أقول إنك حديث العهد بالأمجاد ؟!!
و إنو العز عليكَ جديد
ولاك وارثو من الأجداد ؟؟
أكضب عاد ؟؟
و أقول إنك سماكَ نشاز
ما بتعرف شنو الإعجاز
ولا دارك غِشاها إنجاز
أكضب عاد .. ؟؟
أقول للناس
لا الأطفال بحبوك
لا النسوان و لا الشبان
ولا الماشي علي العكاز؟
أكضب عاد ؟؟
وأقول إنك قليل حيله
لا القاسيات بتمشي له
ولا الكاسات خِبر شيله ؟؟
أكضب عاد ..؟؟
وأقول إنك هوِّين تب
لا بتتراد ولا بتتحب
ولاك هدية من الرب؟؟!!
أقول للناس ولاك نبراس
مخالط قلبك الوسواس
ولا بتعرف دروب الكاس؟؟
أكضب كيف ..
وإنت السيف
أيا البحر الملاطم القيف
ويا الأحمر تمامة الكيف
نريدك كل .. وإنت الضل
وريدك فينا ما كان ضيف
علي عشقك ربينا زمان
أيا الوتر الملازمو كمان
ويامريخ شموخو ضمان
من شاخور وللوالي
قياده سياده طوالي
أبو العايله الزمان عالي
أبو جريشه ولا ببالي
قفاك الحارث المسؤول
وسيف مزمل المسلول
رجال زادوك منعه وطول
وإنت الما بماثلك زول.
أنا المريخ..
وطن النجوم الفوق
في الميدان بجز بالروق
علي الأعداء منافي وطوق
سابق الكل ولا مسبوق
أنا المطر الصبيبو بحوق
أنا السم العَصِي في الضوق
أنا الكي الصبي ومطبوق
أنا الجمر الفتي ومدفوق
وفي الضلع القصار زاروق
أنا المريخ حبيب مانديلا سيكافا
و قاهر القاره خوافه
منو الغيري كسر للخيبه مقدافه
و منو الغيري حفر للعزه لا أكتا ف ه؟؟
برغم مغايس التحكيم
وبلع الذمه و التنجيم
برغم الظلم والتسويف
برغم الوجعه والتخويف
وروح الغدر والتزييف
أنا الما عندي خط رجعه
أنا القاهر لأي وصيف
مشهيهو حلو الهجعه.
فـاروق أبوحوه
|
Post: #3
Title: Re: الحكم (سكواها) ظااااااااااهره معانا..
Author: Farahat Sayed
Date: 11-24-2011, 02:51 AM
Parent: #2
ابو حوه ياصفوه مبروك الممتاز
المريخ بطل الابطال
المريخ سيد البلد وزعيمها وفارسها المغوار
رغم انف مجدي وزمرته المتامره ورغم ضعف معتصم
وليكم يوم يا اولاد الهرمه
للمريخ جماهير تعرف كيف تصون حقوقه
وله اداره عرفت تماما ومالا يدع مجالا للشك
ان المثاليه ليس لها مكان للتعامل مع مجدي وزمرته
|
Post: #4
Title: Re: الحكم (سكواها) ظااااااااااهره معانا..
Author: Hassan Senada
Date: 11-24-2011, 05:22 AM
Parent: #3
فى استادكم نحن اسيادكم وسكواها متخصص فى المعز
تحياتى ابوحوة
|
Post: #5
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 06:06 AM
Parent: #4
ياخ الحكم (سكواها) وإيديكو ذااااتو ،،
مبالغة ،،
الطفى النور منو؟
|
Post: #6
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:03 AM
Parent: #5
الحكم من واضح إنه جاء ،،
وفي (جعبته) - بضم الجيم ،،
سيناريو موضوع ببراعة .. وأهداف واضحة جاي ينفذها ..
وبرع في تنفيذ السيناريو ،،
لدرجة إنه ما صدق وارتبك ،،
مما انعكس على كثير من قراراته ،،
|
Post: #7
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:09 AM
Parent: #6
لو سمعتو تحليل خبير التحكيم الهلالابي الكبير الطاهر محمد عثمان ،،
طلَّع أكتر من عشرة قرارات خاطئة إحتسبها طاقم التحكيم ....
أبرزها :
1) مخافة على باسكال لا تستحق الإنذار ..
وصاحبنا جاء جااااري ..
ما صدق ..
وطلع ليه الكرت الأصفر ،،
لاحظتو؟ على باسكال .. وما أدراك ما باسكال ... !!!
|
Post: #8
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:16 AM
Parent: #7
2) ضربة الجـــــــــــــــــــــــــــــــــــــــــزاء !!!!!!!!
أوضح الطاهر محمد عثمان إنها غير صحيحة
وبكل وضوح ،،
والأوضح هو تمثيل سادومبا (المتعود) ..
وقال إنه سادومبا يستحق الإنذار ........
|
Post: #9
Title: Re: الحكم (سكواها) ظااااااااااهره معانا..
Author: Hassan Senada
Date: 11-24-2011, 07:20 AM
Parent: #8
ومفروط كرت احمر ضد مساوى واحتجاج فاروق جبرة صح مليون فى المية
|
Post: #10
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:21 AM
Parent: #8
3) هجمة لسادومبا كانت تسلل وااااااضح ،،
لم يحتسبها ،،
وكاد يسجل منها هدف .. (وطبعا كان حا يحتسبو ذي الأول)
4) نفس الهجمة حولها الحارس ياسين لركنية ،،
لكن حكم السرور إحتسبها ضربة مرمى ،،
الظاهر الرجفة حصلت ،،
|
Post: #11
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:23 AM
Parent: #10
5) هجمة لصالح الهلال ،،
إحتسبها تسلل .. وما فيها تسلل ،،
قلنا ليكم الرجفة حصلت ،،
|
Post: #12
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:27 AM
Parent: #11
6) طرد فاروق جبرة ده موضوع تاني ،،
حسب كلام الطاهر محمد عثمان ،،
دي واقعة جديدة على التحكيم ،،
أن يطرد المدرب بالكرت الأحمر ،،
والله لكن دي مفروض تسجل بإسمه في الفيفا ،،
عشان حقوق الملكية الفكرية وكده ،،
كاااااااااااااااااااااااااااااااااااااك ،،
|
Post: #13
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:30 AM
Parent: #12
7) المخالفة على بلة جابر ،،
اللي جاء منها الهدف التاني ..
مشكوك فيها ،،،،،،،،،،،،،،،،،،،،
رغم إنه في مخالفة تانية من بلة أوضح ،،
لم يحتسبها ،،
|
Post: #14
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 07:37 AM
Parent: #13
وغيرها كتير ،،
لاحظو ده تحليل الطاهر محمد عثمان ،،
وألذ حاجة ،،
بعد ده كلو ،،
قال شنو؟!
يشيد بطاقم التحكيم ،،
وبيديه تمانية ونص من عشرة ،،
|
Post: #16
Title: Re: الحكم (سكواها) ظااااااااااهره معانا..
Author: شهاب الفاتح عثمان
Date: 11-24-2011, 07:59 AM
Parent: #14
حلاوه هديه ( معنوية ) يا صفوة
برغم الظلم والسخف , الدوري لنا
وما احلى طعم الدوري :)
حبابنا سوا
|
Post: #15
Title: Re: الحكم (سكواها) ظااااااااااهره معانا..
Author: عبداللطيف حسن علي
Date: 11-24-2011, 07:58 AM
Parent: #8
هلالى أنا هلال ناساً تكرم الضيف.. أي فريق يجيها جيعان من نقاط هلالنا شبع هلالي أنا هلال ناساً في أول شئ مواريثهم (عليم) الله و فول مشدود حمار مدفون . ...
|
Post: #17
Title: Re: الحكم (سكواها) ظااااااااااهره معانا..
Author: ابراهيم محمد الحسن
Date: 11-24-2011, 08:21 AM
يا جماعة ،،
للي عاوزين يتصلوا على الحكم الفلتة بدر الدين عبد القادر،،
لتهنئته على تميزوا في إدارة اللقاء ،،
وعلى السبق التحكيمي الطلع بيه ،،
ده رقمو :
00249912380921
فاعل خير ،،
|
Post: #18
Title: Re: الحكم (سكواها) ظااااااااااهره معانا..
Author: السمؤال بدرالدين
Date: 11-24-2011, 09:34 AM
Parent: #17
احب الصفوة وأبو حوة
عشان تعرف عظمة المريخ
تسلم يافاروق
|
Post: #19
Title: Re: الحكم (سكواها) ظااااااااااهره معانا..
Author: فاروق أبوحوه
Date: 11-24-2011, 04:14 PM
Parent: #3
Quote: ابو حوه ياصفوه مبروك الممتاز
|
الله يبارك فيك يا فرحات
لكن حصل جربت عضة زول ملان مغسه؟؟
أنا مغبون ياخ
|
Post: #20
Title: Re: الحكم (سكواها) ظااااااااااهره معانا..
Author: هجو الأقرع
Date: 11-24-2011, 07:23 PM
Parent: #19
يا صفوة يا ابو حوة مليار مبرووك
هاك دى كمان ، هيثم قارورة اشار الى
لعبية الصفيراب الانسحاب من الملعب بل
طلب عدم المباركة و تهنئة لعبية الصفوة
وهنا نشكر المعز محجوب الذى قام بالواجب
برضو العلة ود البرير وهو موقوف دخل للسلام
على اللعبية.
احلى حاجة الاحتفال فى المعبرة.
لوكنت مكان إدارة المريح لارسلت ياسين الحارس
الشاب للتدرب مع بريمة بالدوحة خاصة وانو الدورى القطرى
شغال ، ياسين امس لو امتلك قليلا من الخبرة على
الاقل ، ما كان ادى فرصة للمثل سادومبا ، وبرضو
كان خرج لضرب الكورة على طريقة الحضرى .
|
|