Post: #1
Title: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-23-2011, 09:28 PM
Parent: #0
راسمالية ... قبح بائن بينون كبرى .
..................................حجر؟
|
Post: #2
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-23-2011, 09:41 PM
Parent: #1
وكلمت ناس قدورة يجو يحضروا معاي الكورة
وراضيت مرتي الزعلانة ... عشان تعرفوا قيمة
الجنيه يبؤس ليس بعده وفقر في الخيال بعيد
واستنزاف .
.......................................حجر.
|
Post: #3
Title: Re: دخلت الفيس حكيت الكيس ... بؤس الاعلانات التلفزيونية
Author: محمد قسم الله محمد
Date: 11-23-2011, 09:50 PM
Parent: #2
| Quote: بؤس الاعلانات التلفزيونية |
وبعد البؤس ده يعيدوهو ليك في الدقيقه عشرومية مرّة.
|
Post: #4
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-23-2011, 09:54 PM
Parent: #3
| Quote: وبعد البؤس ده يعيدوهو ليك في الدقيقه عشرومية مرّة. |
او هذا المحمد ازيك يا جميل
بالله مُش كدا حاجة مقرفة وبعيدة
عن اي جاذبية او الق او تشويق
اعلانات في غاية المرارة بالذات
عمك بتاع البوهيات واللا العجب
اعلان الرز طويل التيلة وتلك الغّناية
التي تحكي بأسف واسى عن مدى ضحالة الثقافة
وانها مجرد منيكان بائسة لا تفقه ما تُردد
تحياتي وشكراً,,,
.............................................حجر.
|
Post: #5
Title: Re: دخلت الفيس حكيت الكيس ... بؤس الاعلانات التلفزيونية
Author: محمد قسم الله محمد
Date: 11-23-2011, 10:04 PM
Parent: #4
وخجيجه وقعت من البلكونه..
وانا بدري صحيت من نومي لي سته سعيد بي يومي..
ونيهاااااااااو ..
حليلك يا عبد الوهاب كلين.
|
Post: #6
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-23-2011, 10:06 PM
Parent: #5
هاهاهاهاهاهاها
تشويه لاجمل موسيقانا
بدري صحيت من نومي
يااخي بجد مسألة مقرفة.
........................................حجر.
|
Post: #7
Title: Re: دخلت الفيس حكيت الكيس ... بؤس الاعلانات التلفزيونية
Author: Haju Muktar
Date: 11-24-2011, 09:44 AM
Parent: #6
الاخ حجر
تحياتي
الاعلانات دي ما فيها خيال ومجرد استهبال
من الالمان وصلوا ######افة الصينيه و الحبوبه
وقرف الرز والعدس
تلفريون االسودان مقززززززززززززززززززززز
|
Post: #8
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-24-2011, 10:42 AM
Parent: #7
Quote: الاخ حجر
تحياتي
الاعلانات دي ما فيها خيال ومجرد استهبال
من الالمان وصلوا ######افة الصينيه و الحبوبه
وقرف الرز والعدس
تلفريون االسودان مقززززززززززززززززززززز |
هو مقرف فعلا لا خيال لا حياة .
................................حجر
|
Post: #9
Title: Re: دخلت الفيس حكيت الكيس ... بؤس الاعلانات التلفزيونية
Author: فدياس نجم الدين
Date: 11-24-2011, 10:43 AM
Parent: #7
الرفاعي وضيوفه سلام
موضوع الاعلانات تم قتله بحثا وتشريحا هنا وفي الصحف السياره واتفق الجميع ان السبب الرئيسي في تدني مستوى الاعلانات يعود لضعف الخيال لدى العاملبن في هذا الحقل بل وحتى الاعلانات التي تصنع في مصر والتي يزج فيها باهلنا في اسوان كانت غبيه الا من بعض الاشراقات هنا وهناك
ومع نقدنا الهدام هذا لا بد ان نشيد ببعض التجارب مثل تجربه الممثل ودالفادني في دعايه نايل بور للبطاريات
واجدني مختلف مع البعض هنا في اعجابي بدعايه ام تي ان ( نيهاووو)
ساعود لو بقي في العمر بقيه
|
Post: #10
Title: Re: دخلت الفيس حكيت الكيس ... بؤس الاعلانات التلفزيونية
Author: عبد الدائم سيد أحمد
Date: 11-24-2011, 10:55 AM
Parent: #9
اضرب 48 فى 48 تجيك الكهرباء فى الحين
يا رفاعى يا قديم فن الاعلان اتطور
وانت من زمن دعاية مرقة دجاج يـــور
|
Post: #11
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-25-2011, 03:08 PM
Parent: #10
Quote: الرفاعي وضيوفه سلام
موضوع الاعلانات تم قتله بحثا وتشريحا هنا وفي الصحف السياره واتفق الجميع ان السبب الرئيسي في تدني مستوى الاعلانات يعود لضعف الخيال لدى العاملبن في هذا الحقل بل وحتى الاعلانات التي تصنع في مصر والتي يزج فيها باهلنا في اسوان كانت غبيه الا من بعض الاشراقات هنا وهناك
ومع نقدنا الهدام هذا لا بد ان نشيد ببعض التجارب مثل تجربه الممثل ودالفادني في دعايه نايل بور للبطاريات
واجدني مختلف مع البعض هنا في اعجابي بدعايه ام تي ان ( نيهاووو)
ساعود لو بقي في العمر بقيه |
فدياس
تحياتي يااخي
لم نرى البحث مقتولاً ومشرحاً .... نسكت عن ابداء رأينا يعني ؟؟؟
الهدام دا شنو نحن لم نطرق اي مضوع نقداً هدام صدقني نقول ما نراه
هو محض رؤية ومشاركة بالصورة السودانية البسيطة يعني دا ما اراه
الاعلانات ملئية بالضحالة خليك معاي في دخلت الفيس وشرحت الكيس بجنيه
طيب مادام الجنيه بيحل الزول دا الضايقة الشنو البتخليه يدخل ليطلب
جنيهات كثيرة كتلك التي ضبها في يده ودخل السوق وجاب حاجات تسر والدته
يافدياس هو رأينا واطرح رأيك وخلي الموضوع ايزي جداً يا حبيب .
مجرد كلام والسلام وراي حول ضحالة الاعلانات اتفق معاك في ضجكة الحاجة ام مطارق
وابتسامتها التي ترد الروح .
* حبينا النضيف عبدالدائم تحياتي وفعلا ربما اختلاف الاجيال لكن الافكار ضحلة يا حبيب .
.....................................................................حجر.
|
Post: #12
Title: Re: دخلت الفيس حكيت الكيس ... بؤس الاعلانات التلفزيونية
Author: نجلاء قرافي
Date: 11-25-2011, 03:20 PM
Parent: #11
إعلان الشاي ياحجر بعد الهجمة التى وجدها الإعلان
تراهم يصروا علي اعادتة بعد حذف مقطع (الجريمة)
ويشجعون الاطفال علي شرب الشاي الاحمر .
يعني شفعنا يايبقوا حرامية أو يشربو الشاي الاحمر .
|
Post: #13
Title: Re: دخلت الفيس حكيت الكيس ... بؤس الاعلانات التلفزيونية
Author: عادل عبدالعزيز عبد الرحيم
Date: 11-25-2011, 06:05 PM
Parent: #12
يا حجر كيفك
من وجهة نظر اخرى الاعلان ده بالذات بيكشف شظف العيش وبؤس الحياة فى السودان
لو تابعت فكرة الاعلان انه بيقوم على انه الاسرة السودانية لاتقدر على اكرام ضيوفها الا بعد ان يحصل الدعم من المغتربين فى الخارج
شفت الوصلونا ليهو اكرام الضيف بقى بتحويل من الخارج
يا حليل زمن عصير فراولة سعيد الكان فى مطبخ كل اسرة سودانية ولا حبات الليمون الاخضر البعصروها ليك فى كباية ومويتها باردة من الزير ... ولا حبات البلح البركاوى والفول السودانى المقلى البقدموه للضيوف
الان بالظبط كده نحن عريانيين من تحت ولابسين طاقية
والاعلانات تجسد ها الواقع للاسف
مع مودتى وتحياتى
|
Post: #14
Title: Re: دخلت الفيس حكيت الكيس ... بؤس الاعلانات التلفزيونية
Author: محمد علي شقدي
Date: 11-25-2011, 06:36 PM
Parent: #13
| Quote: من وجهة نظر اخرى الاعلان ده بالذات بيكشف شظف العيش وبؤس الحياة فى السودان |
سلامات يا عم عادل والله نفس الاحساس تجاه الاعلان
لكن يا حبيب بالنسبة لشظف العيش رايك في عدس ايمان لندن هههههه
اخونا حجر اهو ضريبة مشاهدة بعض الحاجات الكويسه في قنواتنا
التلفزيون القومي البشير وصحبه والنيل الازرق الدعايات الزي دي
وام درمان سوء الصورة ام ظل وقون قناة الاعادة وتشويه المدائح في ساهور
|
Post: #15
Title: Re: دخلت الفيس حكيت الكيس ... بؤس الاعلانات التلفزيونية
Author: محمد جلال عبدالله
Date: 11-25-2011, 08:46 PM
Parent: #14
الشي الملاحظ برضو
انو شباب الاعلانات بقوا صفر شديد وبيض
بطريقة غريبة لمن تشك هل القناة سودانية!!
|
Post: #16
Title: Re: دخلت الفيس حكيت الكيس ... بؤس الاعلانات التلفزيونية
Author: ناذر محمد الخليفة
Date: 11-26-2011, 05:15 PM
دا كلو كوم يا الرفاعي ..
الكوم التاني هو دخل الفيس وحكى الكيس ...
الجاب حكاية قرا الإيميل وأمو فرحت بالحيل شنو ؟!
الدخل الفيس مع الايميل شنو ؟!!
فقر الخيال عرفناهو .. طييب الفقر التقني وعدم المواكبة دا يسووا ليهو شنو ؟!!
غايتو الإعلان دا العبارة عن رص كلمات ما عندها معنى بيخليني أظن الزول الكتب الكلام دا هو النسخة السودانية من شاعر شعبولا عبد الرحيم ..
أهو كلو رص في رص والقافية محل تلزق تلزق !!
|
Post: #17
Title: Re: دخلت الفيس حكيت الكيس ... بؤس الاعلانات التلفزيونية
Author: هشام الطيب
Date: 11-26-2011, 05:56 PM
Parent: #16
موضوع الاعلانات ومن شركة سوداني بالذات اصبح شيء سخيف ومبتذل للغاية
الشركة لا تزال تستخف وترسخ السلبية في شخصية السودانى لدى بقية الشعوب عبر السخف الذي تبثه
وسبق أن أثرنا موضوع الاعلانات مراراً في ملف تعارف ثقافي بأجراس الحريّة قبل أن يتم انتهاكها واغلاقها
وكنت قد اشرفت على اعداد تقرير مطول عن سخف الاعلانات التي تقدمه الشركة وكان تحت عنوان
شبكة سّوداني هل تختزل ثورات الشعوب في مجانيّة الكلام؟
وهو استعراض لإعلانها القديم الذي يحاكي ثورات الشعوب بصورة مبتذلة
|
Post: #18
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-26-2011, 07:41 PM
Parent: #17
ناذر يافنان
الغباء ليس إلا
والاستخفاف بنا كما يقول
هشام الطيب
تقديري.
دخل الفيس وقرأ الايميل هههههههههه.
لكن لو تمعنت يا هو يا بيت ابوي ح تبكي مع فقر الجندرية ياربي
هي حرم النور بتعرف يعني شنو جندر.؟؟؟
.......................................................حجر.
|
Post: #19
Title: Re: دخلت الفيس حكيت الكيس ... بؤس الاعلانات التلفزيونية
Author: ناذر محمد الخليفة
Date: 11-27-2011, 06:15 PM
Parent: #18
ودا كلو عشان تعرفو قيمة الجنيه ..!!
التقول نحن شفع ولا ريالتنا سايلة ..!!
|
Post: #20
Title: Re: دخلت الفيس حكيت الكيس ... بؤس الاعلانات التلفزيونية
Author: الرفاعي عبدالعاطي حجر
Date: 11-29-2011, 12:27 PM
Parent: #19
Quote: ودا كلو عشان تعرفو قيمة الجنيه ..!!
التقول نحن شفع ولا ريالتنا سايلة ..!! |
هو قيمتو شنو ؟؟؟؟ وبقى بى كم ؟؟؟ وبجيب كم ؟؟؟
...........................................حجر.
|
|