سمحات اللبنانيات وللا شينات السودانيات ؟! بصراحة كده.

Post: #1
Title: سمحات اللبنانيات وللا شينات السودانيات ؟! بصراحة كده.
Author: محمد قسم الله محمد
Date: 11-23-2011, 04:39 PM
Parent: #0

Post: #2
Title: Re: سمحات اللبنانيات وللا شينات السودانيات ؟! بصراحة كده.
Author: Abd Alla Elhabib
Date: 11-23-2011, 05:27 PM
Parent: #1

راغـــب علاميات بأقـــــــلام ســــودانية ؟؟!

Post: #3
Title: Re: سمحات اللبنانيات وللا شينات السودانيات ؟! بصراحة كده.
Author: نعمات حمود
Date: 11-23-2011, 06:11 PM
Parent: #2

بدي اقابل راغب علامة
حتى احدد موقفي واتاكد انا مع هيك واللا هيك

Post: #4
Title: Re: سمحات اللبنانيات وللا شينات السودانيات ؟! بصراحة كده.
Author: smart_ana2001
Date: 11-23-2011, 07:22 PM
Parent: #3

Quote: سمحات اللبنانيات وللا شينات السودانيات؟؟!
مقارنة بين صبايا لبنان .. وبنُّوت السودان.

really???1
تقول السودانيات ديل اباءهم برضوا (نساء سودانيات).
يا سيدى (يا راجل يا سودانى) دى جيناتكم. و لو السودانيات شينات فده انتاجكم و انتاج جيناتكم القبيحة.

بالله ده انت اللى جيت ادينا محاضرة عن تربية الاطفال و الاخشوشان ??
سبحان الله

Post: #6
Title: Re: سمحات اللبنانيات وللا شينات السودانيات ؟! بصراحة كده.
Author: خضر الطيب
Date: 11-23-2011, 08:45 PM
Parent: #4

يازول السودانيات ديل مافى اسمح منهن

انا لفيت نص الدنيا دي مالقيت اسمح منهن

سيبك من راغب علامه دا تا فه ولايسوى ضفر سودانيه

وبعدين الداعى شنو لاثارة الموضوع دا؟

Post: #5
Title: Re:ديك العدة تااااااني اتديكنت (^_^ ).
Author: HAIDER ALZAIN
Date: 11-23-2011, 07:57 PM
Parent: #1

قسم السيد ديـــــــك العدة ..

إنت عمرك ما بتتوب يا ديكـ يا شين

Post: #7
Title: Re: Re:ديك العدة تااااااني اتديكنت (^_^ ).
Author: smart_ana2001
Date: 11-23-2011, 08:54 PM
Parent: #5

Quote: (عدل بواسطة محمد قسم الله محمد on 23-11-2011, 07:44 PM)

بس كده????
تشيل كلامك و تمشي ....بس????
من غير :
{يا جماعة معليش على الكلام الفارغ.}
او
{انا اسف ما كنت عارف ان السودانيات فيهم جينات رجال سودانيين ذيى كده.}
او
{فى لحظة افتكرت انى لبنانى}
قول حاجه با اخى.....اى حاجه

Post: #8
Title: Re: Re:ديك العدة تااااااني اتديكنت (^_^ ).
Author: عادل الباهي عبدالرازق
Date: 11-24-2011, 03:03 AM
Parent: #7

مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

Post: #9
Title: Re: Re:ديك العدة تااااااني اتديكنت (^_^ ).
Author: Sharif Nasirladeen
Date: 11-24-2011, 07:57 AM
Parent: #8

أخي العزيز الجمال حاجة نسبية بتختلف من شخص لأخر

أنا ما عشان كلام راغب علامة حقول أن اللبنانيات ما جميلات

بلعكس اللبنانيات جميلات .... لكن من وجهة نظري أن السودانيات

أجمل من اللبنانيات و بل أجمل بنات العالم.

Post: #10
Title: Re: Re:ديك العدة تااااااني اتديكنت (^_^ ).
Author: اينانا
Date: 11-24-2011, 08:29 AM
Parent: #9

حلاتكم انتوا يالرجال السودانيين !!

اكيد انت اوجه من راغب علامة وللا انا غلطانة ..

----

في حاجات غريبة في الدنيا.. تحيرك جد !! :\

Post: #11
Title: Re: Re:ديك العدة تااااااني اتديكنت (^_^ ).
Author: داليا حافظ
Date: 11-24-2011, 08:48 AM
Parent: #10

اذا منك مجوز لبنانية بيكون ما إليك حق تحكي هيك..

تإبر ألبي شو مهضوم

Post: #12
Title: حيدر الزين ده كان غاطس وين ؟؟
Author: خالد عبد الله محمود
Date: 11-24-2011, 08:59 AM
Parent: #11

الجمال ده شئ نسبي و ما عندو مقياس محدد ممكن تقيس عليهو ...
في زول بشوف اللبنانيات سمحات و في زول بشوف السودانيات سمحات حتى مواصفات الجمال تختلف من منطقة لمنطقة و من دولة لدولة ....

Post: #13
Title: Re: Re:ديك العدة تااااااني اتديكنت (^_^ ).
Author: منال
Date: 11-24-2011, 09:07 AM
Parent: #11

لكن هو راغب علامه ده شاف السودانيات زمان فبل الكريمات تظهر

خلى يجى يشوفهم هس والله الا يتخلع ويقول انا فى المغرب ولا شنو

Post: #14
Title: Re: Re:ديك العدة تااااااني اتديكنت (^_^ ).
Author: عثمان دغيس
Date: 11-24-2011, 09:15 AM
Parent: #13

Quote: لكن هو راغب علامه ده شاف السودانيات زمان فبل الكريمات تظهر

منال إزيك
والله وبكل أمانة أنا في رأيي إنو السودانيات قبل الكريمات أجمل من المسخ الحالي ...
عموماالسودانيات من أجمل نساء العالم ثبل وبعد كمان ....
وبس ..

Post: #15
Title: Re: Re:ديك العدة تااااااني اتديكنت (^_^ ).
Author: عزام حسن فرح
Date: 11-24-2011, 09:28 AM
Parent: #14

القِرِدْ عِنْد أُمو غزال

Post: #21
Title: Re: Re:ديك العدة تااااااني اتديكنت (^_^ ).
Author: عبداللطيف محجوب
Date: 11-24-2011, 10:34 AM
Parent: #15

Quote: القِرِدْ عِنْد أُمو غزال

قصْدّك شِنُو يَا عَزّام ؟

Post: #16
Title: Re: Re:ديك العدة تااااااني اتديكنت (^_^ ).
Author: داليا حافظ
Date: 11-24-2011, 09:30 AM
Parent: #13

Quote: لكن هو راغب علامه ده شاف السودانيات زمان فبل الكريمات تظهر

خلى يجى يشوفهم هس والله الا يتخلع ويقول انا فى المغرب ولا شنو

وليه ما يتخيل نفسو في اليمن ؟!!!

مش جمال اليمن ده الاستاندر بتاعك ..وطيب!

يازولة هوي خلينا في شناتنا دي وحددي أنت معانا ولا علينا..بعداك نتفاهم..

Post: #17
Title: Re: Re:ديك العدة تااااااني اتديكنت (^_^ ).
Author: منال
Date: 11-24-2011, 09:45 AM
Parent: #16

.
Quote: يازولة هوي خلينا في شناتنا دي وحددي أنت معانا ولا علينا..بعداك نتفاهم.

معاكم طبعا ياداليا

وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,,

Post: #18
Title: Re: Re:ديك العدة تااااااني اتديكنت (^_^ ).
Author: داليا حافظ
Date: 11-24-2011, 10:01 AM
Parent: #17

Quote: وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,,

أنا في رأي يا منال السماحة ما باللون ..لأنو الكريم ما بسمح بفتح اللون ..، ماعندي مشكلة مع خيارات الناس في أنو يشوفوا نفسهم أحلى باللون الفاتح ..لكن لو الزول أقتنع بلونو وحسن بشرتو وحافظ على نضارتا واهتم بجمالوا بشكل صحي وموضوعي مالو؟ حتى التفتيح ده عندو أصول، ..المهم الزول يكون واعي بعمل في شنو..

واللبنانيات وبأعترافهن إي زول ما مقتنع بحاجة فيهو بجري يعمل عملية تجميل ..و في لبنان غروض بنكية متاحة لعمليات التجميل ..عشان كدة خلونا نفرز الكلام عن الجمال ولا اللون لانو الموضوعين مختلفين ..

Post: #19
Title: Re: Re:ديك العدة تااااااني اتديكنت (^_^ ).
Author: الطيب عبد الرحيم خلف الله
Date: 11-24-2011, 10:24 AM
Parent: #18

محمد قسم الله

إنت رأيك شنو

ندي أخونا فرصة يا جماعة ونسمع منه داير يقول شنو

أما والله إذا كانت المسألة لا تزيد عن إثارة ساكت في الفضاء الطلق هذا، تكون مصيبة..

وعند ذلك أنا بقيف مع خضر الطيب ولن أصل لرأي حيدر الزين، لكن بحترمه..

تحياتي،،

Post: #20
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-24-2011, 10:29 AM
Parent: #18

Quote: لكن هو راغب علامه ده شاف السودانيات زمان فبل الكريمات تظهر

خلى يجى يشوفهم هس والله الا يتخلع ويقول انا فى المغرب ولا شنو

Post: #23
Title: Re: Re:ديك العدة تااااااني اتديكنت (^_^ ).
Author: فايزودالقاضي
Date: 11-24-2011, 11:01 AM
Parent: #20

سلام ..

حقيقة ماعارف صاحب البوست كتب شنو لكن ماعارف الناس قايمة على شنو ؟
دي وجهة نظر وكل واحد بينظر للجمال من الحتة البراها فماشايف كلامه يزعل حتى لو قال كل السودانيات شينات ..
وللاخرين نفس الحق وتقيم جمال السودانيات من وجهة نظرهم ..
فالجمال زي ماقال اخونا خالد نسبي ..
فماتتحسسه ساى ..ولا تلزموا الناس تتبى نظرتكم للجمال ..
Quote: يازول السودانيات ديل مافى اسمح منهن
انا لفيت نص الدنيا دي مالقيت اسمح منهن

ياخضر شوف النص التاني وادينا رايك ..خوفي تكون لفيت النص الفاضي او قليل السكان..
انا شخصياً شايف الجمال موجود في السودانيات واللبنانيات والشنة كذلك ..

لكن اخخخ من المكسيكيات الوقفوا مسلسلاتهم ..

Post: #22
Title: Re: Re:ديك العدة تااااااني اتديكنت (^_^ ).
Author: راشد يحى مدلل
Date: 11-24-2011, 10:47 AM
Parent: #17

ياخ والله بنريدن ريدة .. ريدة الحمامة لى وليدة
الله يخليهن لينا .. ويسمحن ويجيهن

Post: #24
Title: Re: Re:ديك العدة تااااااني اتديكنت (^_^ ).
Author: حاتم محمد حاج المهدي
Date: 11-24-2011, 12:25 PM
Parent: #22

وين صاحب البوست؟!

Quote: سمحات اللبنانيات وللا شينات السودانيات ؟! بصراحة كده.

بصراحة كده الشينه زوغتك من البوست ده

Post: #25
Title: Re: Re:ديك العدة تااااااني اتديكنت (^_^ ).
Author: فدياس نجم الدين
Date: 11-24-2011, 12:51 PM
Parent: #24

شباب
خلونا نقعد في الواطه وبدون زعل
اولا
مؤكد المقارنه مستحيله بين نسب الجمال بل تعريف الجمال زاتو فيهو مشكله واختلاف
ثانيا
اتخيل نفسك ما سوداني وسالك واحد السؤال ده
اجمل منو السودانيات ولا اللبنانيات
وسيبك من رد كاتبنا الكبير جعغر عباس على راغب
والكلام عن اخلاق بناتنا التي لا تحتاج لتزكيه او شهاده
لمن الواحد يسالهو من عروس فلان سمحه ولا شينه
يقوم يرد والله اخلاقها حلوه
مؤكد انك راح تعرف شكلها كيف
ده من ناحيه
من ناحيه تانيه هم راح يجيبوا السماحه من وين
نحن كمان فينا جورج كلوني ولا براد بيت ولا توم كروز ولا ويل سميث ولا جورج قرداحي ولاكرييستيانو رونالدو ولا حتى راغب علامه ولا زكي جمعه ( مين زكي جمعه ده ) باختصار يا شباب الشنه راكبنا من ساسنا لراسنا
رجال ونسوان والسمحه عندنا ظاهره زي المراه الطويله في سوق الجمعه

وبرضو بدون زعل

Post: #26
Title: Re: Re:ديك العدة تااااااني اتديكنت (^_^ ).
Author: Dania Elmaki
Date: 11-24-2011, 01:12 PM
Parent: #25

سيد البوست مشى وين؟

أسال سؤالك بطريقه تانيه و اسالوا للبنانيات سمحين الرجال السودانيين ولا اللبنانيين؟ بعدين اسالهم بيرضوا بيك؟

Post: #27
Title: Re: Re:ديك العدة تااااااني اتديكنت (^_^ ).
Author: صلاح الدين نزلاوى
Date: 11-24-2011, 01:26 PM
Parent: #26

Quote: وكلامى عن الكريمات ياهو الحقيقه ,,, شكلك طولتى من السودان ؟
لكن تعالى شوفى بتلقى ليك وحده شينه ؟ الشنا دى كانت زمان هسى مافى بت شينه وحاتك ,,

سلام لأهل الجمال
الكلام الفوق دا صاااااااااح
انا لى كم يوم بمشى جامعات ومعارض لبنانيات شنو تعالوا شوفو احكموا
قمر 14 وقمر 15 محل ما تتلفت
ربنا يحفظن بناتنا
حتى اولادنا بقينا ما نفرز من بناتنا
حين الحسود فيها عود
وبحب بنات بلدى

Post: #28
Title: Re: Re:ديك العدة تااااااني اتديكنت (^_^ ).
Author: فايزودالقاضي
Date: 11-24-2011, 01:31 PM
Parent: #27

دخول الشينين والشينات للبوست غيّر مساره وهرّب صاحبه ...

Post: #29
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-24-2011, 01:32 PM
Parent: #26

دايرين النصيحة ولا الجنبها؟
النصيحة لله اللبنانيات سمحات تب وما قالن كلام
أي زول/ة يقول غير كده ما اتخيل لي بكون صادق
وهن نفسهن كشعب فيهن السمحات وفيهن الشينات برضو
لكن نسبة جمالهن (شكلاً) أكتر من السودانيات
ودي حقيقة ما دايره ليها أي 321
والله صحي
...
...

لكن جمال الشكل ما هو كل حاجة
ولو خيرت بين سودانية ولبنانية
والله لاخترت السودانية بدون أن يرمش لي جفن
وبدون تفكير أيضاً ...
ودا الفيصل يا جماعة بناتنا زيهن ماف في الدنيا دي
سماحة خلقة وأخــلاق ...
أما شناتنا نحن الرجال ديل معترفين بيها تب
ومتصالحين مع نفسنا شديد كمان .. والله صحي
..
..
نعت اعرابي ابنه بابن الأمه
فرد عليه ولده : أنت المخطي وليست أمي
أمي قد أحسنت الاختيار وأما أنت فقد أسأت الاختيار

Post: #30
Title: Re: Re:ديك العدة تااااااني اتديكنت (^_^ ).
Author: فايزودالقاضي
Date: 11-24-2011, 01:41 PM
Parent: #29

Quote: أما شناتنا نحن الرجال ديل معترفين بيها تب
ومتصالحين مع نفسنا شديد كمان .. والله صحي

اخي العزيز ..لو سمحت دون تعميم تكلم عن نفسك وبدون (نا) المتكلمين التى استخدمتها دون تفويض..

فايز/لبناني سايح في السودان ..

Post: #31
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-24-2011, 01:58 PM
Parent: #30

Quote: اخي العزيز ..لو سمحت دون تعميم تكلم عن نفسك وبدون (نا) المتكلمين التى استخدمتها دون تفويض..

فايز/لبناني سايح في السودان ..

ولد ده ...

Post: #32
Title: Re: Re:ديك العدة تااااااني اتديكنت (^_^ ).
Author: صلاح الدين نزلاوى
Date: 11-24-2011, 02:00 PM
Parent: #30

Quote: فايز/لبناني سايح في السودان ..

انت كنت تلج ولا شنو

Post: #33
Title: Re: Re:ديك العدة تااااااني اتديكنت (^_^ ).
Author: فايزودالقاضي
Date: 11-24-2011, 02:16 PM
Parent: #32

Quote: انت كنت تلج ولا شنو

اى جيت متلج وبدل يكسروا التلج سيحوه ...

ياصلاح منور المنبر واهلاً بيك عضواً مستثمراً في اثيوبيا ..(اموت في اثيوبيا دمي ولحمي ) ..

Post: #34
Title: Re: Re:ديك العدة تااااااني اتديكنت (^_^ ).
Author: خالد عبد الله محمود
Date: 11-24-2011, 02:44 PM
Parent: #33

Quote: أسال سؤالك بطريقه تانيه و اسالوا للبنانيات سمحين الرجال السودانيين ولا اللبنانيين؟ بعدين اسالهم بيرضوا بيك؟

والله يا دانيا كان جيتي للجد حيختارن السوداني طوالي لأنو برضو مقايسهم للجمال تختلف ..

* الخواجية البجد جد قالت :

Once you try black, you never go back

Post: #37
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-24-2011, 02:59 PM
Parent: #34

Quote: * الخواجية البجد جد قالت :

Once you try black, you never go back

باللاي المثل ده عند الخواجات برضو
أنا كنت قايله عند الســعوديات بس
طيب ما احنا كويسين كان كده
المهم قريبي فايز ود القاضي ما ينكر لبنانيته
والله صحي

Post: #35
Title: Re: Re:ديك العدة تااااااني اتديكنت (^_^ ).
Author: حاتم محمد حاج المهدي
Date: 11-24-2011, 02:50 PM
Parent: #33

Quote: انا شخصياً شايف الجمال موجود في السودانيات واللبنانيات

Quote: لكن اخخخ من المكسيكيات الوقفوا مسلسلاتهم ..

Quote: ..(اموت في اثيوبيادمي ولحمي ) ..

فايز أركز..

بطريقتك دي حتموت ويتشتت دمك بين البلاد..

Post: #36
Title: Re: Re:ديك العدة تااااااني اتديكنت (^_^ ).
Author: فايزودالقاضي
Date: 11-24-2011, 02:58 PM
Parent: #35

Quote: أسال سؤالك بطريقه تانيه و اسالوا للبنانيات سمحين الرجال السودانيين ولا اللبنانيين؟ بعدين اسالهم بيرضوا بيك؟

بناتنا اتحسسوا شديد ...هههههههههه

Post: #38
Title: Re: Re:ديك العدة تااااااني اتديكنت (^_^ ).
Author: Dania Elmaki
Date: 11-24-2011, 04:31 PM
Parent: #36

ابدا والله يا ود القاضي ما حساسيه ولا حاجه, لكن سيد البوست الشرد ده لو شكله ما زي جورج كلوني ما مفروض يفتح خشمه. كل فوله و ليها كيال و الزول البنشوفه نحن سمح غيرنا بشوفه شين, و البنشوفه شين زول بيشوفه زي امير كراره على قول صاحبتي.

عليك الله بس لاحظ مرات لصور البروفايل الفي البورد ده, شنا مبالغه كده و صرة وش عجيبه, لبنانيات شنو البرضوا بيهم.

Post: #39
Title: Re: Re:ديك العدة تااااااني اتديكنت (^_^ ).
Author: احمد محمد بشير
Date: 11-24-2011, 05:23 PM
Parent: #38

Quote: سمحات اللبنانيات وللا شينات السودانيات ؟! بصراحة كده.

يااخوى لا اللبنانيات سمحات ولا السودانيات شينات !!!
والسبب في : أن الجمال شئ نسبي كما قال الاخ / شريف نصر الدين ومعياره يختلف من شخص لاخر وفي السودان بنات جميلات جمال طبيعي وليس جمال كريمات ومكياج وجميلات جمال مبالغة
وكذلك ايضا هناك الجميلات في لبنان .. لكن الملاحظ ان الجمال اللبناني جمال مصنوع .. وكما ان هناك ايضا شينات في السودان ايضا هناك شينات في لبنان ..
وتحضرني هنا كلمات الشاعر الراحل : أبوآمنة حامد والتي يقول فيها :

بنحب من بلدنا مابره البلد
سودانية تهوى عاشق ود بلـد
في عيونها المفاتن شئ ماليهُ حد

{ ان الله جميل يحب الجمال } وسلام علي حسناوات بلادى

Post: #40
Title: Re: Re:ديك العدة تااااااني اتديكنت (^_^ ).
Author: Haju Muktar
Date: 11-24-2011, 06:06 PM
Parent: #11

السودانيه ميه الميه
بالنسبه للسوداني
واللبنانيه ميه الميه
بالنسبه للبناني
بس حلو العسل ولا وجراي الحصان

Post: #41
Title: Re: Re:ديك العدة تااااااني اتديكنت (^_^ ).
Author: omar arbab
Date: 11-24-2011, 06:30 PM
Parent: #40

http://www.youtube.com/watch?v=BexB6OK38RU

Post: #42
Title: Re: Re:ديك العدة تااااااني اتديكنت (^_^ ).
Author: تبارك شيخ الدين جبريل
Date: 11-25-2011, 00:33 AM
Parent: #41

Quote: وهن نفسهن كشعب فيهن السمحات وفيهن الشينات برضو
لكن نسبة جمالهن (شكلاً) أكتر من السودانيات
ودي حقيقة ما دايره ليها أي 321

المشكلة ما ساهلة ومباشرة كدا عن نسبة جمال ديل وشنات ديلاك ...

المشكلة في الجمال المصنوع ... وفي ثقافة الجمال ..

المجتمعات العندها إسهام في "صناعة الجمال" و "نشر ثقافتها الجمالية" كانت مجتمعات الدول الصناعية الغنية ... عشان كدا جماليات دول العالم التالت دي راجياها جكة طويلة جداً جداً ...

في واشنطون دي ... في ليالي الجمعة والسبت البنات بيقشرن ويتجمّلن عشان يمرقن للإحتفال بالحياة والجمال والفرفشة .... كذاب اليشوفهن يقول اللون ليهو علاقة بى درجة الجمال ... وكذاب اليقول الخواجيات واللاتينيات والآسيويات واللبنانيات ديل زاتن ما بيعانن ويبذلن مجهود خرافي عشان ينافسن الزنجيات والإفريقيات ... ليه؟ لأنو دا مجتمع متعدد ... مافيش حد احسن من حد ... العندها جماليات بتقدر تمرقها بتمرقها ... يمين الله الـ Sista دي تجوط اجعصها نايت كلوب ... لأنو عنايتها بى نفسها مكرّبة في الثقافة الجمالية ... المكياج دا يخليك لامن تشوف بناتنا في التلفزيون لامن تتحيّر زاتو ... انعدام الثقافة الجمالية عندنا مستصحب بثقافة قبح حكومية ... البت تلقاها مخمخمة بى مليون دلقان ومكياجها سايل مع العرق والنفو بتاع مناديل الورق بس عشان ما تخالف قانون النظام العام ... واحد فيكم يفتح تسجيل قديم للبلابل واتحداهو يجيب ليّ صورة لبنانية اسمح منهن ... انتو بتلعبوا ولاّ شنو ... تطبظوها من جميع النواحي وجايين تعايروا بناتنا السمحات ديل؟ دربهن للسماحة راح ليهن ... لاكين كان قلنا بسم الله ورجعنا نحترمهن زي ما كنّا ... يرجعن جميلات زي ما كانن ...

ياخي نحن الكوفيرات بنعمل ليها قوانين غريبة جداً ... البوليس بيداهم الكوفير ... انعل ابو السماحة زاتو ....

... المهم ....

Post: #43
Title: Re: Re:ديك العدة تااااااني اتديكنت (^_^ ).
Author: تبارك شيخ الدين جبريل
Date: 11-25-2011, 00:55 AM
Parent: #42

Sista Sista

هسى دي معاناة يضيفوا ليها نظام عام وتضييق وتقبيح؟:

قال لبنانيات قال ... يا اخوي سماحنا دا عز قدييييم ....

شوف ملكة جمال جنوب السودان:

... المهم ....

Post: #44
Title: Re: Re:ديك العدة تااااااني اتديكنت (^_^ ).
Author: تبارك شيخ الدين جبريل
Date: 11-25-2011, 09:51 AM
Parent: #43

وشوف الخواجيات ديل تعبانات مع السودانية دي - وهي فعلاً سودانية جنوبية - لدرجة انهن قنعن من أيّ أنوثة أو أيّ جمال ينافسن بيهو ...

مربعات يدينن جنبها زي التلميذات ... جدري يلعب؟

... المهم ....

Post: #45
Title: Re: Re:ديك العدة تااااااني اتديكنت (^_^ ).
Author: نادر الفضلى
Date: 11-25-2011, 03:41 PM
Parent: #44

خطأالتعميم بجمال لبنانيات وشنات سودانيات
الصحيح إرتفاع نسبة الجمال عند بعض الشعوب
أمريكا بهوليودا فى رأيى نسبة الجمال فيها منخفضة
لبنان دى ما بعرفها .. وفعلاً نسبة جمال السودانيات
إرتفعت، ربما أصبحن حريفات فى الميكآب لإظهار جمالهن
وسماحة جمال الطين تذبل وتبقى سماحة الأخلاق والطباع

وجمال السودانيات تثبته أجمل أشعار الغزل فى الشعر العربى مثل

أنت السماء بدت لنا *** وإستعصمت فى البعد عنا

لا يحرك قريحة الشاعر ليبدع إلا جمالاً ساحراً
كبدور القلعة وجوهرة ... أو كالدر الماليك تمن
أو أغلى من كنوزالدنيا لو راحت روحتا ما بتخسر
أنا إشتريت بيك عمرى كله ما فى غير فقدك بخسر

_________________________________________________-
نكتة من الخليج
عندما سألت الخليجية زوجها الخليجى فى الجنة ستكون حوريته العين؟
فإنتفض الرجل مستعيذاً، وقال لها أنتن ستكونن الحور العين للرجال
السودانيين (مشيراً لشنات السودانيات)

Post: #46
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-25-2011, 03:57 PM
Parent: #44

تبارك كده اتبارك عليك الله

لم اربط الجمال بلون أو جنس
الجمال موجود في كل مكان سودانيات ولا لبنانيات
قصدت أن نسبة جمال اللبنانيات أكثر ...
ودي حقيقة يا تبارك ما عايزه ليها زول يأكدها
أما الجمال المصنوع البتقول عليهو ده
حدو جردل موية تكبو في وش الواحدة .. والله صحي
اللبنانيات نسبة الجمال فيهم مرتفعة

Post: #47
Title: Re: Re:ديك العدة تااااااني اتديكنت (^_^ ).
Author: عادل عبدالعزيز عبد الرحيم
Date: 11-25-2011, 04:12 PM
Parent: #46

المانع شنو انو السودانيات جميلات واللبنانيات كمان جميلات

Post: #48
Title: Re: Re:ديك العدة تااااااني اتديكنت (^_^ ).
Author: smart_ana2001
Date: 11-27-2011, 06:35 AM
Parent: #47

وين صاحب البوست؟؟؟

Post: #49
Title: Re: Re:ديك العدة تااااااني اتديكنت (^_^ ).
Author: saadeldin abdelrahman
Date: 11-27-2011, 12:08 PM
Parent: #48

يا سمارتوز،
لحّقتي بن لادن الله يرحمو و جيت تأتري؟
والله شكلو زول طيبان بس عتر معاكم ساي يا سمارت
هجمتوهو و حار بيهو، براحة عليهو بيجي راجع و يصلح عوجو ده
لحينها تقبلي اعتذارنا انا و تبارك ده

Post: #50
Title: Re: Re:ديك العدة تااااااني اتديكنت (^_^ ).
Author: محمد ابراهيم قرض
Date: 11-27-2011, 12:40 PM
Parent: #49

بناتنا سمحات تب ..
بس النصيحة كده لامن
أشوف لبنانية ، عيني
بتطير شوية كده !!
ده يعالجوا كيف ؟؟
طب نفسي ولا شعبي ؟؟!!

Post: #51
Title: Re: Re:ديك العدة تااااااني اتديكنت (^_^ ).
Author: الامين موسى البشاري
Date: 11-27-2011, 02:05 PM
Parent: #50

Quote: وين صاحب البوست؟؟؟

الجري بعد الشوف رجااااالة

Post: #52
Title: Re: Re:ديك العدة تااااااني اتديكنت (^_^ ).
Author: Hani Arabi Mohamed
Date: 11-27-2011, 03:58 PM
Parent: #51

2003 : شاهدتها بلونها الأسمر الطبيعي؛ فجُنِنْت وامتلأت فرحاً وسروراً برؤيتها.
2005: شاهدتها وقد - سٌخِطَتْ- ولوَّنَت وجهها بطلاء فاتح. وشَحَب جِلدها بسبب كثرة الطلاء. فزال كل ما كان من إعجاب.

Post: #53
Title: Re: Re:ديك العدة تااااااني اتديكنت (^_^ ).
Author: حسين عوضاى
Date: 11-27-2011, 04:25 PM
Parent: #51

غايتو ده اقبح عنوان بوست انا شفتو .....
بعدين يا فايز راى شنو وبطيخ شنو ليه اختار اللبنانيات تحديدآ من دون الاجناس ...

الاحساس بالدونيه ده الا يتكتب ( عقده غريبه ياخ وللاسف موجوده فى دول الخليج والظاهر انها اجتاحت
جزء من ناسنا ... وشايفك راكب الموجه الله يهنى بخيت بى بخيته ... بالله يا فايز ( اقل ربى ادم منى ) هههههههه ومبروك للمريخ .. غايتو شرف انو اتوجتو فى استاد الهلال ده بمليون كاس

عمومآ سودانيه تملا العين جمال وادب شرف ونسب

Post: #54
Title: Re: Re:ديك العدة تااااااني اتديكنت (^_^ ).
Author: smart_ana2001
Date: 11-28-2011, 08:41 PM
Parent: #53

سعد الدين...اذيك?
صاحب البوست لا طيبان ولا حاجه....منظراتى درجة اولى...عشان كده لازم يتحمل نتيجة تنظيره.
ما يكب ليه كلام فارغ ساى كده و بعدها يهرب من البوست بتاعه

Post: #55
Title: Re: Re:ديك العدة تااااااني اتديكنت (^_^ ).
Author: smart_ana2001
Date: 11-29-2011, 09:47 PM
Parent: #54

بالجد كده...وين صاحب البوست???

Post: #56
Title: Re: Re:ديك العدة تااااااني اتديكنت (^_^ ).
Author: تبارك شيخ الدين جبريل
Date: 11-30-2011, 02:16 AM
Parent: #55

Quote: أما الجمال المصنوع البتقول عليهو ده
حدو جردل موية تكبو في وش الواحدة .. والله صحي

يا حلات جردل الموية بعد الدلكة ...

انا كنت بتكلم عن "صناعة الجمال" أو الـ"Cosmetology" كصناعة بمفهوم "Industry" ... يعني شوف الصورة دي سنة 1939:

القضية انو الناس الأنتجوا الصناعة دي يختلفوا عرقياً عن السودانيين ... ومن حظ اللبنانيات التقارب العرقي مع اصحاب الصناعة بحيث انهن استفادن من تطوّرها وأحدث منتجاتها ... نحن نحرنا جذور صناعة الجمال الموروثة في ثقافتنا المحلية ضمن "مشروع نحر الهوية الذاتية" البنمارس فيهو لعقود من الزمن ... حتى صار تجميلنا التقليدي ينحصر في طقوس محدودة ومرتبطة بطقوس الزواج واحتفالياته ... وزي ما البنات بيتهربن من "رقيص العروس" بقن يتهربن من الدخان والدلكة (خصوصاً بعد العرس) وبدأ إرثنا التجميلي في الإنحسار ...

مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية ... فهذا زمان جماليات "ندى القلعة" (وهو ليس تحفظ على صوتها وفنّها بتاتاً فهي مغنية لا يشق لها غبار ... بل هو تحفّظ على العنصر البصري المطروح في مشروعها الفني واحتفائنا به) ...

... المهم ....

Post: #57
Title: Re: Re:ديك العدة تااااااني اتديكنت (^_^ ).
Author: الصادق اسماعيل
Date: 11-30-2011, 02:35 AM
Parent: #56

Quote: مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية ... فهذا زمان جماليات "ندى القلعة" (وهو ليس تحفظ على صوتها وفنّها بتاتاً فهي مغنية لا يشق لها غبار ... بل هو تحفّظ على العنصر البصري المطروح في مشروعها الفني واحتفائنا به) ...

يا جماعة هوى، أمسكوا قوى في كلام تبارك دا وناقشوهو (أنا كان لقيت فرقة بجي)، النقاش مفروض يبدأ من الكلام دا عشان الناس تطلع ليها بي حاجة مفيدة ورؤية راسخة.

Post: #58
Title: Re: Re:ديك العدة تااااااني اتديكنت (^_^ ).
Author: Asim Fageary
Date: 11-30-2011, 06:24 AM

سلام

أنا غايتو الدخلني البوست حاجة واحدة
وهي إني شخصياً ما بطيق اللبنانيات ديل خالص

لو بقن سمحات ولا نار منقد

لو قلتوا السوريات ممكن الواحد كان يديكم راي

لكن مافي حاجة إسمها جنس شين وجنس سمح

في زول سمح وزول شين

والعوامل التي تتضافر لجعل الإنسان جميل أو قبيح كثيرة جزء منها الشكل ومرات في نظريات بتقول الشكل ذاتو عندو علاقة بالجوهر أو بالظروف العاشها الإنسان

يعني الزول لو حاقد قدر ما تعيين ليهو تلقاهو مكشر وإبتسامة بح

مع التحية

Post: #59
Title: Re: Re:ديك العدة تااااااني اتديكنت (^_^ ).
Author: MOHAMMED ELSHEIKH
Date: 11-30-2011, 06:39 AM
Parent: #58

Quote: ويل سميث

اها يا تبارك دا الدخلو شنو؟
ياخي انا اقيف منو "شويييية"
انت جاي راشي الأسماء دي قايل الناس ماعندهم أولاد بشوفو الأفلام الغربية ويجو " يكلموهم"

Post: #60
Title: Re: Re:ديك العدة تااااااني اتديكنت (^_^ ).
Author: تبارك شيخ الدين جبريل
Date: 11-30-2011, 07:05 AM
Parent: #59

Quote: اها يا تبارك دا الدخلو شنو؟
ياخي انا اقيف منو "شويييية"
انت جاي راشي الأسماء دي قايل الناس ماعندهم أولاد بشوفو الأفلام الغربية ويجو " يكلموهم"

يا اخوي نحن لامن نقول كراهية الذات ... بنتكلم عن نوع فدياس دا ... البيعاين لى قشور الأشياء ويعتقد اننا قبيحين خلقة والشنا ما فايتانا ...

(ما يمشي يشوف جيدا بينكيت سميث مرتو ... سماحة الجن الما بتلحقا لبنانية)

... المهم ....

Post: #61
Title: Re: Re:ديك العدة تااااااني اتديكنت (^_^ ).
Author: الصادق صديق سلمان
Date: 11-30-2011, 07:31 AM
Parent: #60

ياخي ارحم نفسك

عليك الله دا كلام تقولوا
السودانية دي عزنا وشرفنا ونخوتنا
السودانية مهيرة بت عبود وعازة
السودانية فتحية أمي وفتحية بتي
السودانية اختي
السودانية ام اولادي وشريكة حياتي
السودانية دي هي البتصابحني وبتماسيني وبتناقرني
كم احب السودانية وكم احب عزة نفسها وكبريائها واعتزازها بنفسها وشرفها

أحكي شيء وأرجو أن يعذرني القراء لقوله هنا

زميلي في العمل سوري في الرياض - قال لي - قابلت عاهرات وبائعات جسد من جميع الجنسيات ما عدا أنتم يا سودانيين - قال نسائكم ديل إيش ياخ قمة في الشرف
فشعرت وقتها بزهو عجيب وكبرياء رغم علمي بوجود بعضهن في الرياض ولكن بفضل الله الكمية بسيطة جداً لا تذكر وعندما يقابل اي رجل غير سوداني عاهرة سودانية يستغرب

السودانية جميلة في كل شيء كأنها خلقت كاملة والكمال لله وحده

قال لبنانية قال
عليك الله اقرأ رد ابو الجعافر على الممقوت راغب علامة عشان تعرف السودانية شنو

الصادق

Post: #62
Title: Re: Re:ديك العدة تااااااني اتديكنت (^_^ ).
Author: داليا حافظ
Date: 11-30-2011, 09:03 AM
Parent: #56

Quote: مظهر آخر من مظاهر "مشروع نحر الهوية الذاتية" ... هو كراهية السمات الأصلية لجماليات الذات ... من لون غامق وشعر قرقد وشفاه ممتلئة وما إلى ذلك من الملامح السودانية ... فصارت البنات يتآمرن على تلك الملامح بكريمات الكورتيزون وفارد الشعر وألوان الميكاب التي لا تناسب التيمة اللونية لبشرتهن ولا ملامحهن ... فصرن كبعاعيت تمشي على قدمين ... ضاربات بعرض الحائط - عن جهل وكراهية ذات - أساس جمالهن السوداني الأصلي ... وما لم تنشأ "صناعة جمال" محلية مستنيرة وذات جدوى اقتصادية لن يعود لهن جمالهن المسلوب ... وصناعة كهذه تحتاج لشروط اقتصادية واجتماعية وثقافية وقانونية تسمح بازدهارها ... وهذه الشروط منعدمة حالياً في ظل قهر النساء وقمع الحريات ومركزية ثقافة الدولة واحتكار الجريمة المنظمة لعجلة الإقتصاد وقوانين محاكم تفتيش الضمير والحروب والفتن والضائقة المعيشية...

كلام يتوزن بالدهب يا تبارك ..شيء غريب جدا الناس كلها بتقول البنات بقوا سمحات الايام دي في اشارة لأن الجميع بقوا بفتحوا لونهم بشكل عشوائي* ـ قبل فترة النسبة ما كانت كبيرة كدة ـ الثقافة البتكرس للجميلة هي ذات اللون الفاتح موجودة في مجتمعنا بشدة..، وخلقت نوع من الهوس ..حتى في التربية في البيوت الامهات بسهموا في تحريض بناتهن!! ولمن انا أغذي في بتي انو في حاجة فيها ناقصة.. بالتأكيد ما حتكون واثقة في نفسهاو راضية عن ذاته، ده غير تأثير الأقارب وبنات الجيران وزميلات الدراسة الخ ..، الموضوع جد كبير ،..لكن البدائل المطروحة ما قوية لاسباب أقتصادية زي ما قلتا..، واسباب ثقافية لا تكرس للإعتزاز بالسحنةالسوادنية ـ طرح صاحب البوست مثلا ـ وده المخلي الفهم ده مسيطر ..، في شيء تاني وده راي شخصي مني زائد الموضوع تعقيد، هي الطريقة بالبلبسوا بيهاالاغلبية في السودان بخلي الواحدة ( حسب زعمي )..تفكر في وجهها فقط، وتعتقد أنو لما تفتح وجهها وباقي جسمها مغطى مامشكلة وقد تلجأ لتفتيح كفيهاايضاوهي تظن أن القصة كدة اتحلت..وللدقة ده الحل المتاح !!، أضف لذلك الحديث عن الجانب الصحي ما مؤثر شديد وامكن ده راجع لطريقة الطرح مقابل ثبات الاعتقادالسائد(الجمال= البياض)!

* تفتيح اللون العشوائي عن طريق خلط الكريمات من قبل اشخاص ما مختصين بنسب ما مدروسة بتفتح اللون بشكل مبالغ اقرب للسلخ..!، والناس ما تتخيل اللبنانيات أو حتى الأوربيات ما بستخدموا كريمات تفتيح ..أمكن شيء محير!، لكنه حقيقي ناس كتيرين في الدنيا ما عاجبهم حالهم، الفرق أنو الثقافة والدراية بالمنتج المستخدم وبالماركات الجيدة التي تراعي الجانب الصحي، وده بسهم فيهو الجانب الاقتصادي القلناهو فتلاقيهم بستخدموا كريمات بتفتح وتنقي وتخفي العيوب واقية من الشمس، ولكنك مابتلاحظ دهغير أنو لونهم أصلا ما بساعد على اكتشاف الفرق بشكل سريع!

Post: #63
Title: Re: Re:ديك العدة تااااااني اتديكنت (^_^ ).
Author: الصادق صديق سلمان
Date: 11-30-2011, 10:13 AM
Parent: #62

Quote: عمومآ سودانيه تملا العين جمال وادب شرف ونسب

وتجيك تقدل كدا بالتوب وتعمل ليك فيها غالية وتعزز عليك وانت قلبك يتحرق
ياخي عليك الله في احسن من كدا
سودانية رافعة نخرتها فووووووق دلوعة ومعتزة بما عندها دي مافي اجمل واحسن وأرق منها في الأرض دي كلها

الصادق

Post: #64
Title: Re: Re:ديك العدة تااااااني اتديكنت (^_^ ).
Author: عاطف رميتي
Date: 12-11-2011, 02:44 AM
Parent: #63

Quote: سيبك من راغب علامه دا تا فه ولايسوى ضفر سودانيه

وكمان حقير وواطي وملعون

Post: #65
Title: Re: Re:ديك العدة تااااااني اتديكنت (^_^ ).
Author: NEWSUDANI
Date: 12-11-2011, 05:33 AM
Parent: #64

شوفوا الحلاوة دي

Post: #66
Title: الجمال أشكال وألوان
Author: Al-Mansour Jaafar
Date: 12-11-2011, 08:28 AM
Parent: #65

الإحترام والسلام

شكراً جزيلاً إلى محمد قسم الله على البوست الشجن

كل عنصر أو مجموعة بشر متقارية لها جمالها الخاص وتحدد بخبرتها معاييره (الأفريقي، والهندي، والأوربي، والصيني، والخلاسي)
ويختلف تقدير الجمال داخل كل مجموعة سكانية ففي أفريقيا يختلف جمال البنات والنساء في شرق أفريقياعن سمات جمالهن في غرب أفريقيا سواء في تفاصيل اللون أو سحنة الوجه أو القوام، وفي جنوب أوربا اللاتيني يختلف الجمال الأسودالعيون والشعر والخمري لون البشرة عن سمات الجمال في شمال أوربا حيث الشعر الأبيض والأشقر والأحمر والعيون الخضراء والزرقاء.

وفي السودان يختلف جمال البجا في الشرق عن جمال الفور في الغرب وجمال قبائل النوبة وقبائل العرب والخلي منهم شمالاً عن جمال الدينكا والشلك والنوير في جنوب السودان ،والجمال الحلبي المصري (الآسيوي-الأوربي الأصل) يختلف تقديره في السودان وأيضاً يختلف جمال الخلاس الهجين من هذه الأجناس حسب أمكنة تواجده وثقافتها.

لا يمكن مقارنة جمال نساء أو رجال مجموعة عرقية بجمال مجموعة مختلفة عنها هل الاجمل الصينية أو الأوربية ولماذا؟

مقارنة الأشياء المختلفة خارج نطاق (مقاييس الجمالّ) تقود أحياناً إلى فلسفة علم الجمال الماركسي اللينيني التي تفتح للإنسان بعض كنه جمال البصيرة.

والجمال كهيئة تناسق معين يواشج جمال العقل وجمال التعامل وجمال الرسالة الإجتماعية وجمال المظهر، وجمال طبيعة الحياة أما جمال اللبنانيات أو قبحهن فأي سودانية من المجموعات التركية-المصرية أو اليونانية أو اليمنية أو حتى الهندية المقيمة في السودان يمكن أن تفوته، ولا غرو، فالأصل الأوربي أو التركي أو اللاتيني أو الإيراني أو العربي لبعض اللبنانيات لا يجعل كل السودانيات في كل السودان أكثر أو أقل جمالاً منهن. والسودان يضم مجموعات بشرية متنوعة لا يمكن مقارنتها جملة بمجموعة واحدة ومن قارة أخرى كذلك الأصول التركية-المصرية أو العربية لبعض السودانيات لا تجعلهن أكثر جمالاً أو أقل جمالاً من بنات ونساء المجموعات الشرق أفريقية أو الغرب أفريقية في السودان أو من جمال الجنوبيات.

ولا حديث عن مقارنات بين الجمال العربي والجمال اليهودي فالعرب حسب التراث أصلهم من هاجر الجنوبمصرية النوبية وجدهم أبراهيم أرامي أما اليهود ففي التاريخ الديني قدوم موسى من جنوب مصر أي من منطقة النوبة الحاضرة، فلايجهلن أحد على الأفارقة وهم بعلم الجينات وتاريخها الحديث أصل جميع الأقوام البشرية الحاضرة.

مثل هذه المقارنة فيها قبح لأنها تثير العنصرية وفيها جمال لأنها تقود إلى حكمة في رؤية التنوع.

ومرة أخرى الجمال جمال التفكير والأخلاق ولو صادف جمال الوجه والقوام والصوت والكلام واللبس و..إلخ لهانت الزلابية.

أأن يكون المرء جميلاً في عالم ملئي بالقبح ؟

لكم التقدير