Post: #1
Title: الـــرقم الوطـــــــنى ..!!
Author: Tabaldina
Date: 11-23-2011, 02:13 PM
..
.
ممكن اى قانونى سودانى ولا واحد من ناس الاستراتيجية
القومية الشاملة لحزب المؤتمر الوطنى .. يفهمنى فايدة .. ومغزى
وسر الرقم الوطنى دا ..!!
------------
عذبتونا بيه عذاب ما فى ـاشيرة الا تجيب الرقم الوطنى ..
ما تجدد رخصة الا بالرقم الوطنى .. ما تطلع جواز الا بالرقم الوطنى
كرهتونا فى كلمة وطن زاتها ..
|
Post: #2
Title: Re: الـــرقم الوطـــــــنى ..!!
Author: صلاح شكوكو
Date: 11-23-2011, 03:30 PM
Parent: #1
.
السؤال هو ما العلاقة بين الرقم الوطني والمؤتمر الوطني ؟؟
.
|
Post: #3
Title: Re: الـــرقم الوطـــــــنى ..!!
Author: سجيمان
Date: 11-23-2011, 03:36 PM
Parent: #2
تبلدينا
كل سنة وانت طيب
تعرف انا طلعتو... لكن زيتي طلع معاهو
زحمة ولمة وخمة.... ولخمة
يوم طلعتو كانت فرحتان في حياتي:-
يوم اخدت البكالريوس
ويوم اخدت الرقم الوطني
|
Post: #4
Title: Re: الـــرقم الوطـــــــنى ..!!
Author: صلاح شكوكو
Date: 11-23-2011, 03:39 PM
Parent: #3
...
الرقم الوطني يلغي البطاقة الشخصية والجنسية
أعلنت الادارة العمة للسجل المدني إلغاء التعامل بالجنسية والبطاقة الشخصية فور حصول المواطن على الرقم الوطنى و بطاقة الغيد المدني, وتسقط تدريجياً صلاحيات التعامل عبر الجنسية و البطاقة الشخصية على ان يتم التعامل مع كافة مؤسسات الدولة عبر الرقم الوطني و بطاقة القيد المدني.
وقال مدير الادارة العامة اللؤاء محمد أحمد السيد للسجل المدني في تصريح صحفي أمس, ان وزير الداخلية وجه بتسهيل و تبسيط الإجراءات بمراكز التسجيل والغاء بعض الفقرات التي تعيق سرعة العملية التسجلية.
وأعلن عن افتتاح مكاتب للسجل المدني بـ(10) ولايات خلال شهر اكتوبر و(5) ولايات بنهاية شهر نوفمبر ,لافتاً إلى وصول (600) وحدة تسجيل متحركة جديدة خلال الشهر الحالي واستجلاب (400) اخرى ستمثل دفعة قوية تجاه عملية تسجيل الرقم الوطني ,وأشار الى إجتماع عقده وزير الداخلية اطمأن فيه على البنية التقنية لمشروع من برامج التسجيل و برامج إنتاج البطاقة التي تسير بصورة جيدة الى جانب البنيات التحتية من أجهزة و معدات و مكاتب و مراكز التسجيل الثابتة و المتحركة.
.
|
Post: #5
Title: Re: الـــرقم الوطـــــــنى ..!!
Author: فايزودالقاضي
Date: 11-23-2011, 03:39 PM
Parent: #2
تبلدينا ..سلامات وكل سنة وانت طيب وبركة الشوفه ياحبيب ...
بالعكس الرقم الوطني هو خطوة متقدمة ومن ناحية امنية مهم جداً وكذلك يسهل التعامل مع كل الجهات الرسمية في الدولة ..
ده دون تفصيل ..
تحياتي ..
|
Post: #6
Title: Re: الـــرقم الوطـــــــنى ..!!
Author: صلاح شكوكو
Date: 11-23-2011, 03:43 PM
Parent: #5
بس ح نغير البطاقة لأن خارطة السودان مرسومة على الوجه القديم حسب التصميم المعد مسبقا
.
|
Post: #7
Title: Re: الـــرقم الوطـــــــنى ..!!
Author: محمد عمر الفكي
Date: 11-23-2011, 03:46 PM
Parent: #5
تبلدينا
امش اتسعل منو كدا لمن يقوموا يلصقوا ليك رقم
9999999999999
ولا
6666666666666
ولا
5555555555555
وتاني لو راجل قابل ليك زول ووريه رقمك الوطني
شخصياً ما عارف عندي احساس انك السنة دي زميلي تب في الفائزين باللوتري ويمكن الرقم البجيب الهواء ذاته ما تحتاجه
عارف المشكلة وين يا فردة
انه الامريكان يقولوا ليك جيب رقمك القومي
التعديل للاضافة
|
Post: #8
Title: Re: الـــرقم الوطـــــــنى ..!!
Author: مزمل خيرى
Date: 11-23-2011, 06:15 PM
Parent: #7
ياصالح ...
والله نحن زاااتنا أحترنا فى الرقم الوطنى
|
|