المريخ يلقم الاتحاد العام حجرا ويحشه حش الحلفا

عقد مجلس ادارة نادي المريخ اجتماعه الدوري برئاسة السيد/ جمال الوالي مساء اليوم وخرج بالقرارت الاتية :-

1- اطمان المجلس علي الترتيبات الفنيه والاداريه لمباراة القمة في نهائي الدوري الممتاز وان نادي المريخ جاهز لاداء المبارة المعلنة

2-إطمان المجلس علي ترتيبات قيام الجميعة العمومية واكتملت كل الاجراءات وفي انتظار وضع المفوضية الجدول الزمني لاجراءات الجمعية

3-كذلك اطلع المجلس علي تقرير لموقف التسجيلات وإطمان علي سير العملية وفي انتظار التقرير الفني من المدرب لتكملة عملية الاحلال والابدال

4-رحب المجلس بقرار الاتحاد بمنح كاس السودان لنادي الهلال وبالعقوبة الصادرة من اللجنة المنظمة بحرمان المريخ من المشاركة في كاس السودان النسخة المقبلة ويطالب مجلس المريخ الاتحاد العام بتشديد عقوبة الحرمــــأن . ووافق المجلس علي خصم العقوبة المالية من مديونية المريخ طرف الاتحاد العام .
والله الموفق والمستعان
محمد جعفر قريش
السكرتير

Quote: ووافق المجلس علي خصم العقوبة المالية من مديونية المريخ طرف الاتحاد العام .

وانت الصادق يا صبرى الاقوى منها هى مطالبته للاتحاد بتشيد عقوبة الحرمان من اللعب
العام المقبل لان الاتحاد يعلم تماما ان بطولة غائب عنها احد طرفى القمة معناها
بوار وموت البطولة تماما وافلاسها وافلاس الاتحاد قبل كل ذلك ....

نور الدين ياصفوة .....سلام

والله محمد جعفر قريش ده كان قال ليهم برضو ماجايين
نهائى كاس المتاز وطظ....
كان ريحنى فى حنانى،،،

Quote: والله محمد جعفر قريش ده كان قال ليهم برضو ماجايين نهائى كاس المتاز وطظ.... كان ريحنى فى حنانى،،،

ــــــــــــــــ
بالغت لكن (الحقوق محفوظة لميادة كمال) !!!

العزيز ود الموج الغريب فى الموضوع غباء ناس الاتحاد وشغلهم عكس مصالحهم ...
وطبعا اكيد محاولتهم ضرر المريخ بس ضروا انفسهم قبل المريخ ..

سلام نورالدين
سلااام يا صفوة
والف مبروووك الكأس


شوف البلاد سايرة و تقول في حمدو
جدري الصاقعة الناس بتعرف سمتو
من تب قاهر عالاااج عيون الرمدو
لاخاب لا عاب لا فينا قوماً شمتو


صاحب الشرف القديم نجم السعود مريخنا
ثابت الجنان الراكز سيد الاصل و مريحنا
قلنالكم قبيل شبه سودانا بمسلميه و مسيحنا
من رضى بالسلامة ومن رفض بضوق مليخنا




يا ناس انقرعوا مريخنا ماهو اللمه
صائد للجوائز عفيف كريم سيد ذِمه
بضرب جباه عالية جناب و هِمه
لا بسولب ضعيف لا بكبس عليها الرِمه



تسعين سنة عمرنا و مشاهدانا ما ملحوق
ما بنعمل نقول و لا فعلنا يوم ممحوق
باعنا عألي و دربنا اصلو ما ملتوق
مريخنا نجمو طامح فاكنو بسفروق



الشرف ما هو هين دائماً بدور الحوبة
و الجرب دروبو تاني مافي التوبة
صلناها البلد عربان جنوب و نوية
حقينا الشُكر لمن تقووووم مقلوبة



الشاغل الفؤاد سالبوا ومقلل نومو
عاشقوا متيم من فُطم في يومو
راهب في هواهو ما برضى اصلاً لومو
في كره في فرح لابد تلالي نجومو



مريخاب انحنا و في الاصل سودانية
لا بنرضى الحقارة لا عندنا كلمتن نية
في عيون الأتحاد كلمتنا ديك دغرية
ما بنلعب عديل و ما بنرضي بيها دنية


ابشر بالخير يا نور الدين ابشششششر

يا حبيب ال 25 مليون دي مازاتا نصيب الاتحاد من مباريات المريخ في الموسم الجاي
بالعربي كده الاتحاد لن يتضرر مالياً من غياب المريخ من منافسات كأس السودان
لأن ماخذ حقو سنبهار
قد تتضرر فرق تريعة البجا و الملكية وأطلع بره
ودي آخر اهتمامات الاتحاد العام

بشير نابرى تحياتى واحترامى لك ياراقى ... وكلامك فى السلك ياقول بابكر سلك .

القرضابى صدقنى الكل خسران من حرمان المريخ اللعب حتى الهلال امدرمان .

واضح جدا ان عقوبة المريخ هي عقوبة إنتقامية وعاطفية فقط، وليس عقوبة مدروسة جيدا من جانب الإتحاد العام.
هذه العقوبة مثلا سوف تحرم الإتحاد العام والإتحاد المحلي من دخل مباريات المريخ
وذلك بالإضافة للفرق التي كانت تستفيد من دخل مبارياتها ضد المريخ بمناطقها.
وهذه العقوبة أيضا سوف تمكن فريق المريخ من الإعداد جيدا لبطولة الدوري الممتاز
لأن جدولة البطولتين تنهك اللاعبين وتعرضهم لإصابات كثيرة. وذلك قد يتيح لنادي المريخ أن يقوم
بإعداد جيدا لفريقه خلال للعامين القادمين. لكن هل ستستمر العقوبة هكذا؟

سلام صاحب البوست و ضيوفه الكرام

يعنى عشان مصلحة مالية للاتحاد يقوم يهمل الانضباط و يعفى المريخ من العقوبة

لو كان فى حزم و عدم تساهل فى مثل هذه الامور ما كان فى واحد تجرأ على الانسحاب

لكن نحن كدة اللاعب يعمل كل حاجة و الناس يقولوا الفريق سيتضرر ان تم ايقافه

و الادارى يضرب و يشلت و الناس تقول الفريق مستهدف ان تم ايقافه

غايتو الله يكون فى العون

Quote: واضح جدا ان عقوبة المريخ هي عقوبة إنتقامية وعاطفية فقط، وليس عقوبة مدروسة جيدا من جانب الإتحاد العام. هذه العقوبة مثلا سوف تحرم الإتحاد العام والإتحاد المحلي من دخل مباريات المريخ وذلك بالإضافة للفرق التي كانت تستفيد من دخل مبارياتها ضد المريخ بمناطقها. وهذه العقوبة أيضا سوف تمكن فريق المريخ من الإعداد جيدا لبطولة الدوري الممتاز لأن جدولة البطولتين تنهك اللاعبين وتعرضهم لإصابات كثيرة. وذلك قد يتيح لنادي المريخ أن يقوم بإعداد جيدا لفريقه خلال للعامين القادمين. لكن هل ستستمر العقوبة هكذا؟

اخرج من هنا يا اجنبى ..لوول
ود الموج فى دور ود الباوقة..

مبروك يا جورج يا صفوة يا اصفر يا منقة جنوب،،،

تحياتى لك عزيزنا الغالى دينق وكلامك فى محله ...

وفعلا الموضوع شكله نوع من الانتقام وربما كانوا ياملون محاولة المريخ رفض العقوبات
وتبدا المساومات والكلام المائل ولكن المفرح ان ادارة المريخ كسرت لهم الدش
فى يدهم .

التحية لمجلس اداراة المريخ بقيادة الدكتور حبيب الملاين جمال الوالى والاستاذ قريش وفى النهاية الخسران اتحاد مجدى شمس الدين


تحياتى الصفوة نورالدين

Quote: عقد مجلس ادارة نادي المريخ اجتماعه الدوري برئاسة السيد/ جمال الوالي مساء اليوم وخرج بالقرارت الاتية :- 1- اطمان المجلس علي الترتيبات الفنيه والاداريه لمباراة القمة في نهائي الدوري الممتاز وان نادي المريخ جاهز لاداء المبارة المعلنة 2-إطمان المجلس علي ترتيبات قيام الجميعة العمومية واكتملت كل الاجراءات وفي انتظار وضع المفوضية الجدول الزمني لاجراءات الجمعية 3-كذلك اطلع المجلس علي تقرير لموقف التسجيلات وإطمان علي سير العملية وفي انتظار التقرير الفني من المدرب لتكملة عملية الاحلال والابدال 4-رحب المجلس بقرار الاتحاد بمنح كاس السودان لنادي الهلال وبالعقوبة الصادرة من اللجنة المنظمة بحرمان المريخ من المشاركة في كاس السودان النسخة المقبلة ويطالب مجلس المريخ الاتحاد العام بتشديد عقوبة الحرمــــأن . ووافق المجلس علي خصم العقوبة المالية من مديونية المريخ طرف الاتحاد العام

دا الكلام




جهجه الاتحاد

على بشير لو كان فى حزم وعلى الكل اكيد الرياضة عندنا كان بقت غير شكل مع تحياتى


عزيزى حسن سناده تشكر يا صفوة

اخى على مزمل ده الكلام ونص وتشكر يا راقى