تحياتي الطيبة لجميع الأخوات و الأخوة هنا و المتابعين من برا المنبر .
يوم الزفه طبعاً هو اليوم التاريخي بالنسبة للعروس و العريس و تقريباً دا يوم فيهو قصص وحكايات و حوادث و كبكبه و رجفيبه عجيبة بتحصل و عادةً بتحصل فيها حكايات بتكون عالقة بالاذهان لأبد الحياة فيها المضحك و فيها المخجل . لكن طبعاً في حاجة مهمة في يوم الزفه دا (طبعاً دا بالنسبة لينا نحنا الاتزوجنا في ال15 سنة الاخيرة دي) طبعاً العروس و العريس دائماً بيكون عندهم اغنية محددة للزفه عادةً بيجوا داخلين بيها لمكان الاحتفال حين مقدمهم من الكوافير و بعديها طوالي في اغنية متفق عليها بينهم و بيرقصوا فيها سلو دانس و كل الجمهور حولهم بيتفرج .
فكرة البوست ببساطة أننا نتذكر ال Slow dance الرقصنا عليها في ليلة الزفة، يعني إي و احد فينا يجي يكتب اغنيته و يحكي لينا عن الاتفاق حولها و ياريت لو لقى لينا منها مقطع يوتيوب.
بصراحة ابدأ بنفسي كنت بالجد متكبكب كبكبة شديده جداً (اول مرة ياخ الزول يجرب موضوع زي دا) و كان التنسيق بيني وحبيبتي فقط علي أغنية سلو دانس و نسينا اغنية الدخول لصالة الحفل اها انا كان رآي اننا نرقص علي اغنية محددة لري شارلز و هي بتترقص فنك دانس اغنية جميلة خلاص و انا معجب بيها Hit the road jack و حبيبتي كان عندها اغنية عربية جميلة جداً في لفضل شاكر بس بيني وبينكم رغم جمال الأغنية و كلماته انا غناء الخلايجة و العرب ما بياكل فينيّ جوه ، طبعا بدينا اي واحد عايز يستقطب لاختياره و إي واحد متخندق لاختياره بدون تنازل و استمرينا كدا لحدي ما جاء يوم الزفة فقمنا اتفاجأنا باختيار ناس التصوير لاغنية لا في السماء لا في الارض و فوق دا ودا انحنا الاتنين متكبكبين و نرجف و ما اظن فينا واحد ذاتو متذكر انو رقص كيف و لا هو كان و اقف ذاتو، باختصار ما اظن فينا زول متذكر الجاء منو و الما جاء منو لوووووول .
تداعت الزكريات آعلاه لرأسي وروحي ، لان الله منحني في مثل هذا اليوم روح إطمأنت إلي و سكنت معيّ على التؤادد و التراحم فالتحمت ارواحنا مرة و للأبد بأذنه تعالى . تذكرت هذا اليوم الذي في كل لحظة أعيشه بشغف ذات تلك اللحظة و لا تبارحني عمق و لطافة و حميمية تلك اللحظات التي عمدتنا روحان في جسد واحد يتداعى لبعضه البعض بالحب و الهيام و الشوق . فكل يوم و كل شهر وكل عام أنت الحب .
كدى خلينا فى المهم أنتى خاته فى رأسك ياتو اغنية لليوم دا ؟
لازم تردى .
Post: #4 Title: Re: عِرسنا كده أنتو عِرسكم كيف!!! Author: omer osman Date: 11-23-2011, 08:06 AM Parent: #1
Quote: فكرة البوست ببساطة أننا نتذكر ال Slow dance الرقصنا عليها في ليلة الزفة، يعني إي و احد فينا يجي يكتب اغنيته و يحكي لينا عن الاتفاق حولها و ياريت لو لقى لينا منها مقطع يوتيوب.
تعرف ياعمك اخوك مسطح في الحكايات دي يمكن المدام تتذكر احسن مني
غايتو البتذكرو انو كان مفروض يكون في شغل ليزر ودخان وحركات زي دي
لحظتنا دخولنا الصيوان ... اخو العروس وهو صاحبي ودفعتي قال اسه كان طفينا
النور لشغل الليزر والدخان ده والنور ابي يولع تاني نعشي الناس كييييييف
وطبعا ما طفا النور غايتو اختو بتكون زعلانة منو في الموضوع ده لي يوم الليلة
Post: #5 Title: Re: عِرسنا كده أنتو عِرسكم كيف!!! Author: ناذر محمد الخليفة Date: 11-23-2011, 08:18 AM Parent: #4
يا سفيان لكن فيديو البلابل وعوض أحمودي بالبيانو مبالغة !!
Post: #7 Title: Re: عِرسنا كده أنتو عِرسكم كيف!!! Author: أمير فتحي Date: 11-23-2011, 08:29 AM Parent: #5
ياسلام يا سفيان كمل حكيك السمح دا ...خلينا نبدأ حكينا
غايتو انا بتذكر انى وقعته وانا ماشه على الكوشه من الكبكبه رجلينى دخلو فى بعض
وحاجات تانيه غير قابله للنشر
Post: #10 Title: Re: عِرسنا كده أنتو عِرسكم كيف!!! Author: بدر الدين احمد موسى Date: 11-23-2011, 08:40 AM Parent: #6
سفيان ياخ بطل محن!
انا غايتو لما بناتي شافن الفيديو بتاع العرس, ليقتن واقفات عند الباب: Baba we saw your wedding video!!!
وكانن مستغربات زي الشافن ديناصور في شوارع ديفس!
بس, المتذكرو انه لم يكن هناك اتفاق على اغنية محددة, و الرقصة كانت رابة جدا لان الاغنية كانت واحدة من اغاني حمد الريح الفرايحية ونحنا الاتنين بتاعين ربة!
انا غايتو لما بناتي شافن الفيديو بتاع العرس, ليقتن واقفات عند الباب: Baba we saw your wedding video!!!
وكانن مستغربات زي الشافن ديناصور في شوارع ديفس!
بس, المتذكرو انه لم يكن هناك اتفاق على اغنية محددة, و الرقصة كانت رابة جدا لان الاغنية كانت واحدة من اغاني حمد الريح الفرايحية ونحنا الاتنين بتاعين ربة!
هاهاهاهاها و الله يا بدر الدين اتخيلت ليك منظر بناتك (ربنا يحفظهم) هههههههه حاجة بالجد مضحكة بالنسبة ليهن . ياخ كان في البداية تعدهن نفسياً للموقف دا و تحكى ليهن عن السودان و تشرح ليهم انو في حاجة اسمه ضلمه و في حاجة اسمه زحمة و غبار في العرس هههههههههههه و تعمل ليهن و رشه رسمي و شعبي عشان ما يحصل الحصل دا .
يلا يا بدر يا صاحبي جيبك الفديو بتاع الأغنية و تعال نكمل المحن .
Post: #11 Title: Re: عِرسنا كده أنتو عِرسكم كيف!!! Author: ناصر يوسف Date: 11-23-2011, 08:43 AM Parent: #6
ود نابري أخوي
كيفك يا صديقي الجميل
ياخي إنت عارفني وعارف الزهايمر
وبما إنك حضرت حفل العقد بتاعنا أنا وحبيبتي في كسلا
فيا ريت لو تحكي لينا عن الحفل الخرافي داك
لما وصلنا الخرطوم عملنا حفل زفاف لناس الخرطوم
وما بتذكر إنا إتفقنا علي أغنية معينة سوي إنو صديقي المخرج نصر الدين عبد الله وضع لينا أغنية لزولة غناية جد ... ياخي الزوله الغنت أغنية تايتانيك ديك إسمها منو يا ربي منو كده ما عارف ديون
وهاك يا أٍلولي من غير قواعده .. ولقيتها ليك فرصة أكسر بيها الحاجز النفسي وهاك يا مسك من هني ومن هناك وقدام الناس
لووووووووووول
عالم ما بتخجدل كلو كلو
علي الرغم من إني كنت بحلو بنقارة ومردوم وطنمبور شايقي وأم كيكي ( ما ياهو التصاهر ما بين شايقي وغرابي )
وبما إنك حضرت حفل العقد بتاعنا أنا وحبيبتي في كسلا
فيا ريت لو تحكي لينا عن الحفل الخرافي داك
يااااا ناصر ياخ دي كانت مناسبة عجيبة خلاص و قصته مفروض نوديها بوست معاوية المدير بتاع الصدف و الغرائب داك ههههه اصلي ما كنت متخيل أنو الصدف تخدمنى و احضر عرس زول صاحب و صديق عمر زيك كدا معقوووول ياخ الناس اصاحبي البنزل عندهم من السفر تجي أنت تطلع نسيبهم ، لا و المصيبة أنو أنا اصلهم من سفر يوم اربعاء و في نفس اليوم اقول ل(بابكر) صاحبي ارح السوق اقطع تذكرة عشان بكرة الخميس فجر أنا اغادر كسلا للخرطوم بابكر يقول لي:- مافى طريقة تسافر أختك دي عرسه بكرة تحضر معانا العرس و تسافر !! وقعدته و نحنا ماشين السوق نجيب الخضار و الحاجات سالته بابكر :- العريس من وين من هنا ؟ قال لي :- لا من أم بدة قسكته طوووالي لانو أم بدة دي بعرف فيها نفرين و احد هو ناصر يوسف و التاني هو الزنجي لا عب الموردة الشهير هههههه اها بكرة لما السيرة و صلت أول زول نزل ناصر يوسف دا و محنن و بحريتو هههههه و بدل ما يبشر في الناس بقى يكورك :- سفيان!!1 سفيااان معقووول و ضحكنا و سلمنا علي بعض شديد خلاص لانو زمن زمين انا كنت هاجي لووووول .
اها ياناصر الباقي ما بقدر اقولو لانو لو قلتو ممكن يجيبو كومر و يخمونا لوووووول ياخ أنا و عوض احمودي و عاطف عملنا عمايل عجيبة و قربنا نبوظ الحفله هههههه الله ينعل الجاهلية ياخ لووووول . و شريف مدني ما قصر تب كمل الباقي .
باختصار يا جماعة ناصر دا يوم عرسو قرب يبكى لينا أنا و عوض احمودي وعاطف عشان نكمل ليهو الحفلة هههههههههه .
Quote: لما وصلنا الخرطوم عملنا حفل زفاف لناس الخرطوم
وما بتذكر إنا إتفقنا علي أغنية معينة سوي إنو صديقي المخرج نصر الدين عبد الله وضع لينا أغنية لزولة غناية جد ... ياخي الزوله الغنت أغنية تايتانيك ديك إسمها منو يا ربي منو كده ما عارف ديون
سلين ديون يا سلاااام عليها ياخ عليك الله اتذكر الأغنية و ارفعه لينا هنا .
Quote: غايتو انا بتذكر انى وقعته وانا ماشه على الكوشه من الكبكبه رجلينى دخلو فى بعض
وحاجات تانيه غير قابله للنشر
هاهاهاهاها جنس كبكبه عااااد قلتى ررررررب على و شك لووووووووول
ارح فتى و جيبي الفديو
النبي فيك قمتى متين من الوقعه؟؟
Post: #20 Title: Re: عِرسنا كده أنتو عِرسكم كيف!!! Author: محمد أبوالعزائم أبوالريش Date: 11-23-2011, 09:40 AM Parent: #6
سفيان يا صاحب ... أنا ما بقدر أشوف اليوتيوب هسي (في المكتب)
لكن أغنية ري تشارلز لو هي الفي بالي: Hit the road jack And don’t you come back no more أغنية خطيرة جداً (من أغاني الستينات الرايجة شديد). بس ما قدرت أتخيل دخول عرسان على أيقاعها (سريعة).
لكن أغنية ري تشارلز لو هي الفي بالي: Hit the road jack And don’t you come back no more أغنية خطيرة جداً (من أغاني الستينات الرايجة شديد). بس ما قدرت أتخيل دخول عرسان على أيقاعها (سريعة).
خليني أشوف التسجيل بعدين .... يمكن أكون غلطان.
______
وين هبة؟ ...... تعالي ألحقي الزول ده ياخ ....
و ييين يا صاحبي كلامك صاااااح و لا تكورك لهبة و لا تمشئ تشوف الفديو صاااااح عشان كدا قلت رقصة الأغنية دي (فنك دانس) أنت قايلنا زيك بنرقص توست و جيركي لوووول.
Post: #12 Title: Re: عِرسنا كده أنتو عِرسكم كيف!!! Author: دينا خالد Date: 11-23-2011, 08:47 AM Parent: #4
والله يا بخارى ابدا ما ريحت علينا كل زول قامت ليه حبيبة ..
اول حاجة يا سفيان كويس انك جبت سيرة الموضوع دا من زمان انا غايظنى وبفتكر انو فى استلاب حاصل سببو تفكك البلد دى وضعف الانتماء لدى مواطنيها واحساسهم بانو ما عندهم تميز ولا موروث ثقافى بجمعهم ..
فى العالم كلو الزواج دا واحدة من المناسبات الكبيرة البتمارس فيها طقوس البلد خصوصا فى الزفة .
لو عايز تعرف غن الايشينز بتمشى عرسهم لو عن الاثيوبيين بتمشى عرسهم لو عن الخلايجة الظهروا امس ديل بتمشى عرسهم شنو قصة انو السودانين يجوا داخلين بى زفة لبنانية دى ؟؟ او خليجية ؟ او مصرية ؟ او سورية ؟ او حتى لو اتثقفوا شديييد وجو بى غربية ؟
بالجد شى مخجل !!
مرة كنا فى دولة مجاورة وعندنا اصحابنا اجانب وعرب شبكنناهم انا وابوى قبل سنه كدا . عندنا عرس سودانى عندنا عرس سودانى لما مشينا العرس وكان فى صالة ضخمة وسايقين معانا الجماعة لحضور عرس سودانى فوجئنا بانو مافى اى ى ى شىء سودانى !!!! اللبنانى قبل على وسالنى بلكنتهم اياها :: ليش الزفة لبنانيىىى ؟ حد من اهلها من الجبل ؟؟ والله انا اليوم داك خجلت خجل ..!! واصابتنى حساسية من موضوع الزفة الغير سودانية دا لييه ؟؟ احساس بالدونية ؟ احساس بانو الزول ارتقى فى سلم البشرية ؟ احساس بى شنو البخلى الناس ما يتزفوا بى طقوس بلدهم وكمان بلدهم زاخرة ممكن نشهد كل يوم زفة شكل البجة وحتى لو ساكنين فى المنشية يعملوا طقوس البجة وناس حوش بانقا حتى لو رحلوا كافورى يورونا زفتهم وناس دارفور الكردفانيين وهكذا .. والله دا ما تنظير ساى بالجد ح تكون زفة جميلة ..
ـــــــــــــــــــ انا شخصيا وبعد عمر طويل ح اتزف او (اتزفت ) زفة ...... ذى الترتيب وتشوفوا ... طبعا ح تخلو الموضوع الاساسى .. مش؟؟
Quote: انا شخصيا وبعد عمر طويل ح اتزف او (اتزفت ) زفة ...... ذى الترتيب وتشوفوا ... طبعا ح تخلو الموضوع الاساسى .. مش؟؟
اووووو مرشحة الرئاسة شخشياً زارتنا الرئاسة ياخ
طبعاً لو لا سطرك الأخير الفوق دا كان ح تفهمي حاجة بس كعادتك حريفة و ما بتحتي الاتو نهائي لوووووول .
يلا نبدأ بعد الأمنيات دي من البداية
Quote: والله يا بخارى ابدا ما ريحت علينا كل زول قامت ليه حبيبة ..
و الله ربنا يديم علي بخاري و نجلاء و إن شاء الله إي زول عندو حاجة كويسه يعادينا بيها بطلي حسااااده هههههه اها أنا ما قامت لي سااااي أنا قامت ليّ حبيبة و صديقة و زوجة كعبين اللسه بسقوا علي الرهاب هههههههههههه .
Quote: اول حاجة يا سفيان كويس انك جبت سيرة الموضوع دا من زمان انا غايظنى وبفتكر انو فى استلاب حاصل سببو تفكك البلد دى وضعف الانتماء لدى مواطنيها واحساسهم بانو ما عندهم تميز ولا موروث ثقافى بجمعهم ..
فى العالم كلو الزواج دا واحدة من المناسبات الكبيرة البتمارس فيها طقوس البلد خصوصا فى الزفة .
لو عايز تعرف غن الايشينز بتمشى عرسهم لو عن الاثيوبيين بتمشى عرسهم لو عن الخلايجة الظهروا امس ديل بتمشى عرسهم شنو قصة انو السودانين يجوا داخلين بى زفة لبنانية دى ؟؟ او خليجية ؟ او مصرية ؟ او سورية ؟ او حتى لو اتثقفوا شديييد وجو بى غربية ؟
بالجد شى مخجل !!
بالجد كلامك صاااح و المصيبة الزينا ديل بكونوا عارفنوا صاح بس بيجوا يغلطوا نفس الغلط بدل ما يكونوا هم البيغيروا السلوك دا !! و الموضوع دا في حفل الزفاف وفي التخرج من الجامعة و المصيبة في بتاع الجامعة دا انو الزول يكون مهم سياسياً وشغال في توطيد و تمكين الهوية السودانية و يجي يتخرج بنوال الزغبي !!!
Quote: مرة كنا فى دولة مجاورة وعندنا اصحابنا اجانب وعرب شبكنناهم انا وابوى قبل سنه كدا . عندنا عرس سودانى عندنا عرس سودانى لما مشينا العرس وكان فى صالة ضخمة وسايقين معانا الجماعة لحضور عرس سودانى فوجئنا بانو مافى اى ى ى شىء سودانى !!!! اللبنانى قبل على وسالنى بلكنتهم اياها :: ليش الزفة لبنانيىىى ؟ حد من اهلها من الجبل ؟؟ والله انا اليوم داك خجلت خجل ..!! واصابتنى حساسية من موضوع الزفة الغير سودانية دا لييه ؟؟ احساس بالدونية ؟ احساس بانو الزول ارتقى فى سلم البشرية ؟ احساس بى شنو البخلى الناس ما يتزفوا بى طقوس بلدهم وكمان بلدهم زاخرة ممكن نشهد كل يوم زفة شكل البجة وحتى لو ساكنين فى المنشية يعملوا طقوس البجة وناس حوش بانقا حتى لو رحلوا كافورى يورونا زفتهم وناس دارفور الكردفانيين وهكذا .. والله دا ما تنظير ساى بالجد ح تكون زفة جميلة ..
أنتى يا الفالحة ما كنتي تنقشيها و تعرفي انو اهلك ديل ح يحرجوك مع الأجانب لووووول و الله عااارفو ما تنظير و بالجد كان ممكن تكون حجة ما تخلص بس تقولى شنو عاد !!!
كدي تعالي راجعه و ادينا كم تصور للزفه بتاعتك ياخ .
حوووووولا و الله رديت ليك رد كتير خلاص خايفك تفتكري خليتك في موضوع ليزا شاكر .
تعرف ياعمك اخوك مسطح في الحكايات دي يمكن المدام تتذكر احسن مني
غايتو البتذكرو انو كان مفروض يكون في شغل ليزر ودخان وحركات زي دي
لحظتنا دخولنا الصيوان ... اخو العروس وهو صاحبي ودفعتي قال اسه كان طفينا
النور لشغل الليزر والدخان ده والنور ابي يولع تاني نعشي الناس كييييييف
وطبعا ما طفا النور غايتو اختو بتكون زعلانة منو في الموضوع ده لي يوم الليلة
ههههههههههههههههههههههههههههه و الله دفعتك باااالغ اها يا سارة جاتك ساااااقطة تعالي اتسدي في العساكر ديل لوووول
بمناسبة البوليس و العساكر هسي يا عمر جنابو عايز تقنعني انك مسطح في الحاجات دي!!! معقووووول ياخ اقتنع ليك !!! يازول اعترف اعترف قبل ما أتهمك بانك عرسته قبل ال15 سنة المحددة ديك .
يا نابري ياخي يخليكم لي بعض ويسعدكم ايوه ياخي "قولي ليهم حبوا ، غنوا الدنيا ما زالت نديه !" عارف نحنا ما كان عندنا تريبات دخان وزفات وحركات زي دي المهم البتذكروا في الصاله كان في ميكائيل بعزف واحمد باص بغني لكن والله زي ما قلته الغنا داك في اللحظه ديك الا الواحد يراجع الفيديو ههه .. لكن عشان البوست اللذيذ ده انا اشاركك غنية حبنا زي ما بقولوا "OUR LOVE SONG" اخوك ما حريف في تنزيل اليوتيوب ده هنا لكن كان ما نجحته اقع اللينك محبتي ليك ولضيوفك Hugh Grant - Drew Barrymore - Way Back Into Love
Quote: ياخي يخليكم لي بعض ويسعدكم ايوه ياخي "قولي ليهم حبوا ، غنوا الدنيا ما زالت نديه !" عارف نحنا ما كان عندنا تريبات دخان وزفات وحركات زي دي المهم البتذكروا في الصاله كان في ميكائيل بعزف واحمد باص بغني لكن والله زي ما قلته الغنا داك في اللحظه ديك الا الواحد يراجع الفيديو ههه .. لكن عشان البوست اللذيذ ده انا اشاركك غنية حبنا زي ما بقولوا "OUR LOVE SONG" اخوك ما حريف في تنزيل اليوتيوب ده هنا لكن كان ما نجحته اقع اللينك محبتي ليك ولضيوفك Hugh Grant - Drew Barrymore - Way Back Into Love
أيمن تابر سنيري العزيز كيف ياخ ؟ اللهم آميييين و يسمع منك ربنا . و مافي غير نحب و ننشر الحب حتي نتعلم معني الأنسانية . و شكراً لانك شاركتنا حكايتك ياخ و اهي اغنيتكم :-
بس يا سنير رغم سماحة الأغنية لكن ما صعبتوها شوية لووووول قصدي اكتر يعني الرجفه ما حصلت ؟
Post: #27 Title: Re: عِرسنا كده أنتو عِرسكم كيف!!! Author: أمير فتحي Date: 11-23-2011, 11:16 AM Parent: #17
نابري
من أجمل مفردات تلك الليلة وبعد العرس في حد ذاتو بالنسبة لي أخوك كان الفنان القامة زيدان إبراهيم هو من أحيا ليلتي ...
وأخوك طبعاً حاج شفقة في أي حاجة تصدق مع بداية الغنية الأولى أخوك كان في باب النادي حوالي الساعة تسعة ...ويومها تضجر العندليب وقال ليهم دا شنو عريسكم الشفقان دا خلو يتلطع بره لحدي الغنية تنتهي وفعلاً وقفنا شوية في الباب حتى لا نفسد للعندليب غنيته ...
وأذكر أنه كانت مكسوره يده ورغم كدا جاء وتغنى كما لم يتغنى من قبل من فرط معزتنا عنده عليه الرحمه...
من أجمل مفردات تلك الليلة وبعد العرس في حد ذاتو بالنسبة لي أخوك كان الفنان القامة زيدان إبراهيم هو من أحيا ليلتي ...
وأخوك طبعاً حاج شفقة في أي حاجة تصدق مع بداية الغنية الأولى أخوك كان في باب النادي حوالي الساعة تسعة ...ويومها تضجر العندليب وقال ليهم دا شنو عريسكم الشفقان دا خلو يتلطع بره لحدي الغنية تنتهي وفعلاً وقفنا شوية في الباب حتى لا نفسد للعندليب غنيته ...
وأذكر أنه كانت مكسوره يده ورغم كدا جاء وتغنى كما لم يتغنى من قبل من فرط معزتنا عنده عليه الرحمه...
Quote: تذكرت هذا اليوم الذي في كل لحظة أعيشه بشغف ذات تلك اللحظة و لا تبارحني عمق و لطافة و حميمية تلك اللحظات التي عمدتنا روحان في جسد واحد يتداعى لبعضه البعض بالحب و الهيام و الشوق . فكل يوم و كل شهر وكل عام أنت الحب .
و انت دوما" دنيتي التي أعيش لها و بها .. سوا نملا الدنيا محبة و سلام و أغنيات من نور كل سنة و إنت طيييييب يا دنيا وربي ما يحرمني منك يوم .
Quote: بصراحة ابدأ بنفسي كنت بالجد متكبكب كبكبة شديده جداً (اول مرة ياخ الزول يجرب موضوع زي دا) و كان التنسيق بيني وحبيبتي فقط علي أغنية سلو دانس و نسينا اغنية الدخول لصالة الحفل اها انا كان رآي اننا نرقص علي اغنية محددة لري شارلز و هي بتترقص فنك دانس اغنية جميلة خلاص و انا معجب بيها Hit the road jack و حبيبتي كان عندها اغنية عربية جميلة جداً في لفضل شاكر بس بيني وبينكم رغم جمال الأغنية و كلماته انا غناء الخلايجة و العرب ما بياكل فينيّ جوه ، طبعا بدينا اي واحد عايز يستقطب لاختياره و إي واحد متخندق لاختياره بدون تنازل و استمرينا كدا لحدي ما جاء يوم الزفة فقمنا اتفاجأنا باختيار ناس التصوير لاغنية لا في السماء لا في الارض و فوق دا ودا انحنا الاتنين متكبكبين و نرجف و ما اظن فينا واحد ذاتو متذكر انو رقص كيف و لا هو كان و اقف ذاتو، باختصار ما اظن فينا زول متذكر الجاء منو و الما جاء منو لوووووول .
الزول بس يخت رأسه ينوم يصحي الصباح يلقي شايلين حاله باليورد و الاسافير العليا !!! حالة سعية يا زول انت براااااك الكنت متكبب لوووول بوست جذاب و فكرة رائعة حكاية إستعادة الذكريات دي بس (الرجاء مراعاة فروق الوقت بتاعة الرادي الزماااان ديك ساعة الآذان) هسي بقت حاصلة علينا !! عليه موعودين مني بمشاركة فعالة بعد ساعات العمل و كمان عندي إجازة 4 ايام من بكرة يعني حأمتعكم بحكايات و قصص و ذكريات إن شاءالله .
تحياتي للجميع و شكرا" كتير علي مشاركتكم لينا فرحنا ,, محبتنا الاكيدة ليكم جميعا
Post: #36 Title: Re: عِرسنا كده أنتو عِرسكم كيف!!! Author: ناصر يوسف Date: 11-23-2011, 03:02 PM Parent: #35
Quote: بكرة لما السيرة و صلت أول زول نزل ناصر يوسف دا و محنن و بحريتو هههههه
والله صحي من قال بإنو المدعو الزهااااااااااايمر حينما بدأ وبان وظهر قد وزعوه علي المرضي به من عقل صاحبنا الجميل أبو صلعه فسان ود نابري
سفيان ... ظنيتو ده عوض أحمودي ولا عاطف عبد الحي ولا عبد المنعم النذير يا ربي الكان مُحنن ده
أنا يا الحبيب لا إتحننت ولا إتحررت وإضررت ( من الحريرة والضريرة ) .. ولا جرتق ولا رقيص عروس ولا يحزنون
كل هذه التفاصيل السودانية أنا أصلاً كنت ضدها وما زلت
ياخي دخان المرأة السودانية ده الغنو ليهو ( الدخان والدلكه السوَن عقل الشاعر لِكَّه ... وشنو كده ما عارف كبرييييييييتها) .. ليك أمان الله بيسووا لي إختناق وقيل عندي من هذه الروائح حساسية ...
وعلي قول زول صاحبي .. قال لي .. نخرتك دي يمكن معطوبة
Quote: أنا يا الحبيب لا إتحننت ولا إتحررت وإضررت ( من الحريرة والضريرة ) .. ولا جرتق ولا رقيص عروس ولا يحزنون
لوووووووووووووول يا ناااصر و الله كان كدا أنا فعلاً الزهايمر أنتهي منيّ لووووول و مال داك منو القلدتو ساعة أنت بتكورك سفيااان سفيااان معقووول اكون بتخيل لي سااااكت هههههههه بس برضو يظل حضوري لعرسك بالطريقة الحصلت ديك اغرب صدفة سعيده تحصل لي.
طبعا بما انه انا احد الذين حرمتهم الغربة هذه النعم او ربما حرمت نفسي منها، ممكن نعيده في المثنى (محمد معانا ابنوسة ما تغشانا).... وجاتني ليلاي home delivery ..فانا حاسدكم على الكبكبة والرجفة دي... وأود ان اعلق على حديث دندوووون
Quote: اول حاجة يا سفيان كويس انك جبت سيرة الموضوع دا من زمان انا غايظنى وبفتكر انو فى استلاب حاصل
في زواج شقيقي كنت وجهت دعوة للشاعر الانسان محجوب شريف، والذي شرف حفل زواج شقيقي وكان برفقته فرقة من الشباب وقدموا وصلات من العزف والرقص الجميل، وناقشني محجوب رضي الله عنه وارضاه في امر الزفة وان الفرقة ممكن تقوم بعزف زفة سودانية ، وبنفس الفهم الذي طرحته دينا خالد، وحدثني عن مشروع سودنة الزفة، ولم يكن الامر يحتاج لكثير من النقاش فقد وافقته مباشرة....وكانت الفرقة والزفة من اجمل فقرات حفل الزواج، والتي ما زالت هي زكرى جميلة...
Post: #44 Title: Re: عِرسنا كده أنتو عِرسكم كيف!!! Author: فردوس جامع Date: 11-24-2011, 02:52 AM Parent: #43
الأخ سفيان نابري وعروسه الجميلة هبوية...
بوست جميل و إجترار لذيذ لأحداث خالدة ما حيينا!
يوم العرس من أصعب و أجمل الأيام المرت علي في حياتي ...لاحولاااااااااا من صباح اليوم مروراً بصف المباركين الجميلين (و أنا ما قادرة أقيف) و التفاصيل المدهشة و المفاجآت. أكبر مفاجأة محرجة في لحظتها وطريفة الآن... وقفنا عشان نرقص our first dance ذي ما بقولوا كلنا كنا في الدايرة و الBridesmaids جاهزين و مبرفين ههههه قام أخوي مشى وقف الأغنية و نحن ما فهمنا الحاصل شنو. قال رقيص مافي. هو إتفاجأ إنه نحن حنرقص سلو و هو القصة دي ما عاجاباه(قطع شك ما ذي أسيادها أصله الواحدة بتكون خجلاااانة وبترجف). رجعنا كراسينا (جنس إحراج) أخوي الأكبر منه إتدخل في الأمر ... ورقصنا بعض المجتمعات بيعملوا بروفات ليوم الزواج والكلام الحيتقال وكده. غايتو آي واحدة مقبلة علي الزواج تعمل عرض برنامج للأهل عشان لو في إعتراض علي فقرة ما تكون قدام المعازيم (دايرين وشوش محرجة بأثر رجعي) غايتو يا (بعض) أخوانا بتصعبوها شديد مرات
الأغنية كانت لشنايا توين وبصوتها وصوت برين وايت
"From This Moment On"
I do swear that I'll always be there) I'd give anything and everything and I will always care. Through weakness and strength, happiness and sorrow, for better for worse, I will love you with ( every beat of my heart From this moment life has begun From this moment you are the one Right beside you is where I belong From this moment on
From this moment I have been blessed I live only for your happiness And for your love I'd give my last breath From this moment on
I give my hand to you with all my heart Can't wait to live my life with you, can't wait to start You and I will never be apart My dreams came true because of you
From this moment as long as I live I will love you, I promise you this There is nothing I wouldn't give From this moment on
You're the reason I believe in love And you're the answer to my prayers from up above All we need is just the two of us My dreams came true because of you
From this moment as long as I live I will love you, I promise you this There is nothing I wouldn't give From this moment I will love you as long as I live From this moment on
ترجمة المقدمة أقسم أن أكون هناك سأفعل آي شئ وكل شئ عند الضعف والقوة, السعادة والحزن الأفضل والأسوأ سأحبك مع كل خفقة من قلبي...
الزفة كانت ب يا عديلة يا بيضاء والفنانان الجميلان أسامة الشيخ و ميكائيل.
الأخت دينا و الأخ نادوس بالنسبة لي أقر و أعترف بإعجابي بفكرة ال first dance ... وبعتبره واحد من ال polite ways بالتصريح عن الأحاسيس في اللحظة ديك... كلمات الأغنية دي قالت كل الما كنت بقدر أقوله لشريك العمر لحظتها... أتبنى و أشجع دائما ثقافة تبني الأفكار الجميلة حيثما وجدت و الرقصة الأولى واحدة من جمال لحظات الفرح الخالدة (وجهة نظر).
Quote: وليلتكم من جنان رضوان التهانى والمحبة الدائمة
شكراً يا عبد المنعم سيد أحمد شكراً ياخ و الأغنية عجيبة طبعاً بس هههههههه البت دى بتجيب لى خمة النفس ياخ لووووول .
يا منعم سيد أحمد شنو ياخ ما تورينا كان عرسته قصتك كانت كيف ؟ و لو لو ما عرسته و رينا متخيله تكون كيف ؟
Quote: طبعا بما انه انا احد الذين حرمتهم الغربة هذه النعم او ربما حرمت نفسي منها، ممكن نعيده في المثنى (محمد معانا ابنوسة ما تغشانا)....
نادوسنا يا نادوس كيف ياخ ؟ و الله تعمل عمليتك دى الزولة دى تكتب فيك كتاب و تشيل حالك لووووول اوعك اوعك
Quote: في زواج شقيقي كنت وجهت دعوة للشاعر الانسان محجوب شريف، والذي شرف حفل زواج شقيقي وكان برفقته فرقة من الشباب وقدموا وصلات من العزف والرقص الجميل، وناقشني محجوب رضي الله عنه وارضاه في امر الزفة وان الفرقة ممكن تقوم بعزف زفة سودانية ، وبنفس الفهم الذي طرحته دينا خالد، وحدثني عن مشروع سودنة الزفة، ولم يكن الامر يحتاج لكثير من النقاش فقد وافقته مباشرة....وكانت الفرقة والزفة من اجمل فقرات حفل الزواج، والتي ما زالت هي زكرى جميلة...
قطع شك صاحبي الكبير دا جاب ليكم فرقة النفاج المكونة من مجموعة شباب جنوبيين بقدموا رقصات شعبية مختلفه من كل تجاهات السودان و بنفس المهارة . ياخ شفته الشباب و الشابات ديا اها انا اصحابي رسمي وهم عارفين بعملوا في شنو وليه ذاتو . انعل ابو السياسة ياخ الفرقتنا .
تحت تحت كدا يا نادوس تعالي و رينى لو عملته ممكن تختار شنو ترقصو عليهو لوووووول ابنوسه النادوسه ما تسمعنا هاهاهاها.
Quote: يوم العرس من أصعب و أجمل الأيام المرت علي في حياتي ...لاحولاااااااااا
فردوس يا فردوس و الله سلام و زارتنا البركة أختى بس لا حوالااااااااااااااا بتعاتك دي صغنوووونه ياخ مديها تلاته يوم كدا ياخ لووووول .
Quote: من صباح اليوم مروراً بصف المباركين الجميلين (و أنا ما قادرة أقيف) و التفاصيل المدهشة و المفاجآت. أكبر مفاجأة محرجة في لحظتها وطريفة الآن... وقفنا عشان نرقص our first dance ذي ما بقولوا كلنا كنا في الدايرة و الBridesmaids جاهزين و مبرفين ههههه قام أخوي مشى وقف الأغنية و نحن ما فهمنا الحاصل شنو. قال رقيص مافي. هو إتفاجأ إنه نحن حنرقص سلو و هو القصة دي ما عاجاباه(قطع شك ما ذي أسيادها أصله الواحدة بتكون خجلاااانة وبترجف). رجعنا كراسينا (جنس إحراج)
هاهاهاهاهاها و الله اخوك دا عاقل جنس عقل ما زي المجانين العندي ديل البرقصوا قبل 15 يوم من الزواج . ياخ دا ريحك رسمي و الله من الرجفي بس المكتوبه لابد تشوفه العين هههههههههههههههه.
Quote: أخوي الأكبر منه إتدخل في الأمر ... ورقصنا
اما اخوك دا فاظنك الساعه ديك شايفاهو 10 عشره
Quote: بعض المجتمعات بيعملوا بروفات ليوم الزواج والكلام الحيتقال وكده. غايتو آي واحدة مقبلة علي الزواج تعمل عرض برنامج للأهل عشان لو في إعتراض علي فقرة ما تكون قدام المعازيم (دايرين وشوش محرجة بأثر رجعي) غايتو يا (بعض) أخوانا بتصعبوها شديد مرات
بتفق معاك تمام التمام فى الكلام الفوق ده وبوصى برضو الشباب يزبطوا البروفات قبل فتره .
Quote: الأغنية كانت لشنايا توين وبصوتها وصوت برين وايت
و الله اغنية خطيييرة و هو قسماً (تعلمين) عظيم .
Quote: الزفة كانت ب يا عديلة يا بيضاء والفنانان الجميلان أسامة الشيخ و ميكائيل.
اها دي يا فردوس أختى في عرسى يعمينى و يطرش صحبانى اقول ليك حاجة و تكلمى زول ؟!!! انا لحدى الحفله انتهت ما كنت عارف الفنان بقول في شنو !! و اقول ليك حاجة اخطر لانك شاركتينى مشاركه ضافيه هنا هاهاهاها ساعة بدت السلو دانس الاختاروها لينا و أتماسكنا عشان نرقص اها بعد الأغنية أنتهت أنا بقيت ما عارف اى حاجة لدرجة أني ما انتبهت لانى لسه ماسك بنفس طريقة الرقصه عييييك اظن عديت قريب 10 دقائق بالشكل دا لووووووووول يا فردوس بعد ما تقري الكلام دا كلمينى خلينى امسحوا ههههههه
Quote: الأخت دينا و الأخ نادوس بالنسبة لي أقر و أعترف بإعجابي بفكرة ال first dance ... وبعتبره واحد من ال polite ways بالتصريح عن الأحاسيس في اللحظة ديك... كلمات الأغنية دي قالت كل الما كنت بقدر أقوله لشريك العمر لحظتها... أتبنى و أشجع دائما ثقافة تبني الأفكار الجميلة حيثما وجدت و الرقصة الأولى واحدة من جمال لحظات الفرح الخالدة (وجهة نظر).
اها أنا وجهة نظرك دى معاها تب و الله و بتفق كاملاً فيها . زيادة على كدا (كيتاً) في دينا خالد دي.
شكراً يا فردوس ياخ .
Quote: انا حكاية الاسلو ما اظني ماشة عليها لكن الدخلة لازم تكون بغنية تراث عندها علاقة بالزواج واخجلتمونا ياخ
شبكة يا صاحبتنا يازولة اغنية الدخلة دى مافي منها فكك بس نحنا ما ح نعفيك من الاسلو نهوهاااائي و مال نشوف كبكبتك و رجفيك تانى وين!! ربنا يسمع و يحقق الأمانى .
غايتو يا (بعض) أخوانا بتصعبوها شديد مرات