Post: #1 Title: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:16 PM
يقول التاريخ
ان طوال حراسة احمد ادم للمرمي الهلال لم يستطع المريخ الفوز علي الهلال
Post: #2 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:19 PM Parent: #1
مرة في هلال مريخ
قبل المباراة
قابلت ابراهومة في شارع الجمهورية وقلت حا نضربكم
قال لي تضربونا وين
التعويذة حقنا وصل عاكف عطا
وفعلا انتصر المريخ
Post: #3 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:22 PM Parent: #2
نعم المريخ هزم الهلال في زمن احمد ادم
ولكن لم يكن هو حارس المرمي
اعتقد مرات كان يحرس المرمي حسن الطيب
Post: #4 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:25 PM Parent: #3
مرة في هلال مريخ
كان احمد ادم يحرس المرمي
وكانت في ضربة ركنية
اعتدي احمد ادم علي عمار خالد
وتم طرد احمد ادم ولعب حسن الطيب
عبده الشيخ احرز الهدف
Post: #5 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:27 PM Parent: #4
كج عاكف عطا
امام المريخ
لعب ضربة الجزاء وارتدت من القائم وهجمة مرتدة
احرز زيكو منها الهدف
Post: #6 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:30 PM Parent: #5
يخيل لي الحديث عن كج عاكف عطا صحيحا
غايتو المباريات البتذكرا وكان عاكف لاعب
المريخ غلب
وان لم تخوني الذاكرة بتاعة حمد الجريف وبتاعة ابراهومة
وبتاعة بريش العيلفون والباقي نسيتو
Post: #8 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:36 PM Parent: #6
من المباريات داخل الاستاد
عالقة بالذاكرة بتاعة باكمبا لما مشي الهلال
واحرز القون قبايل العيد
سمعت صلاح مشكلة يكورك بعد الكورة
كلو من ادوارد كلو من ادوارد
Post: #7 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: Abdulrahman Gorashi Date: 11-22-2011, 03:34 PM Parent: #4
ابو الخل،
يا اخي مبروك لأخوانا المريخاب الكأس . برضو إخوانا وناسنا، الحقيقة الشباب اجتهدو حبة.
عندي اعتقاد انو عمرك ما فايت التلاتين سنة، لكن من البوست دا باين لي انت حبه ضالع في العمر، الله يطول عمرك ويديك العافية. اها انحنا مغلوبين ولا غالبين، والله بصراحة المبارة ما فارقة كتير لكن حاسي أنتو الهلال المرة دي حيغلب المريخ.
Post: #9 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:40 PM Parent: #7
يا عبدالرحمن
نحن في عمر النبوة ياخ
مافي اي منطق يجعل المريخ يهزم الهلال غدا
بدون الحضري وسفاري والشغيل وضعف خط وسط المريخ
المريخ يحتاج لمعجزة ليفوز غدا
Post: #10 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:44 PM Parent: #9
من المباريات الجميلة داخل الاستاد
هدف راسي جميل من حسين عبدالحفيظ
او حسين الثغر شبال ولا في الاحلام
Post: #11 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 03:51 PM Parent: #10
وفي جوة الاستاد
قون نميري في احمد النور
وبعدها اطلق عليه مزمل ابو القاسم
احمد هوبا
Post: #12 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:02 PM Parent: #11
ياخي
العب زول مر علي المريخ
وكرهنا العيشة
ابراهومة المسعودية
الراجل كان اكتير مهضوم ولعاب
Post: #13 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:16 PM Parent: #12
مرة في هلال مريخ
قبل بداية المباراة
دخل زيكو الملعب عشان يصلي
وبعد الصلاة شاغله جمهور الهلال
هورد هورد هورد
واشار زيكو اليهم بعلامة النصر
ومع بداية المباراة وبعد خمسة دقايق علي ما اظن
احرز زيكو هدف بالقرب من منتصف الملعب
Post: #14 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:21 PM Parent: #13
ايضا كورة من داخل الاستاد
تلاتة واحد للمريخ
اعتقد جعفر عباس وحمد الجريف وواحد تاني
مشجع المريخ الجنيد
تغني
حبوبة طارق طارق
مكنتو خفت عايزلو شنبر
وصولو جعفر
Post: #15 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:27 PM Parent: #14
من الاهداف الجميلة
هدف مصطفي اقجي
ياخي يحرق الدم
Post: #16 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:33 PM Parent: #15
طبعا في الممتاز دا
حقرنا بالمريخ حقارة شديدة
ضاق الاربعات والتلاتات وناس الاتنين دي اسكت ساكت
ناس واهر وسانتو وابوشامة ووالي الدين وانس النور
وناس خالد بخيت وناس مجاهد وناس طمبل وناس روبيرو
وناس صلاح الضي
Post: #17 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: Farahat Sayed Date: 11-22-2011, 04:43 PM Parent: #16
خليل تحياتي
وزكريات دحدوح وطارق احمد ادم كيف
ولا ما متذكرها
زي انا ما متذكر زيكو شال الكوره وفات
Post: #18 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-22-2011, 04:46 PM Parent: #17
يا فرحات الكورة دي
حصل فيها بمبان
Post: #19 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: طارق الكوتش Date: 11-22-2011, 05:57 PM Parent: #18
قوون الريح كاريكا ما بتنسى عمل غسيل جماعى من النص لحدى ما الكورة عملت طخ >> كمال عبد الغنى و حامد بريمة اتشاكلوا فيها >> مبااالغة وانا وصاحبك عمر حسين من استاد الخرطوم بدل نقبل على البركس > قبلنا على الغابة و عييييييك
>> وقون مصطفى النقر بتاع الباااااع
>>
دحيش المريخ جاب ليهو قون من خطأ لمنقستو > ياخ 3 يوم عندى اسهال > لوووول
>>>
لكن امتع قون قون مازدا بعد الرياضة الجماهيرية وبعد مباراة كاس العودة والمريخاب كلهم يكوركوا مازدا ... مازدا ... مازدا اها التاج محجوب جاب التعادل جمهور الهلال جاك وسكت وكان فى الدقيقة 85 اها التاج تانى جاب القون التانى فى الدقيقة 90 لتصبح النتيجة 2-1 وجمهور الهلال وقتها هتف وبصوت عااااالى : مازدا .. مازدا .. مازدا >>> لوووووووووووووووووولز
برجع ليكم
Post: #20 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 05:58 AM Parent: #19
صباح الخير يا كتاشة
عايزين الفيديو
بتاع يا زيكو يا فتة شلت الكورة وشتتا
Post: #21 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:06 AM Parent: #20
زاهر مركز جلاد المريخ
سبعة اهداف في عين العدو
مرة جاب قون وذهب ناحية الكورنر
وبشر مع مع جماهير الهلال
ابشرو ابشرو
Post: #22 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:09 AM Parent: #21
كان كاريكا عندما يستلم الكرة
يقول لكمال عبدالغني وابراهيم عطا تعالو يا شوارع
وكانت اجمل المراوغات مراوغة قلة لصديق الرميلة
وكانت جماهير المريخ
تهتف
القليلة القليلة
جهجهت الرميلة
Post: #23 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:16 AM Parent: #22
في فترة من الفترات
كان هجوم المريخ يتكون من سانتو وزيكو وقاقرين
وكلهم يجيدون ضربات الراس
مامون الكوتش صاحبي
قال تعرف لو قطعنا ريسين الجماعة ديل
الهجوم المريخ يقعد ساكت
Post: #24 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:25 AM Parent: #23
قون زيكو الراسي
من عكسية عبدالسلام
زعل صاحبنا عمر حسين
قام قال
الزول دا راسو الماكن دا عايز يخش بيهو طب
لازم يدخلو في حتة زي دي
Post: #25 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:30 AM Parent: #24
لايقاف الزحف الهلالي في الممتاز
سجل المريخ كاوندا وشوشة من الموردة
عس ولعل ولكن في اول مباراة لهم مع المريخ فاز الهلال بهدفين
فاطلقت عليهم جماهير الهلال
شاو وكاو
Post: #26 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: معاوية محمد الحسن Date: 11-23-2011, 06:32 AM Parent: #23
خلي تحياتي ومن ذكريات مريخ هلال ايضا فى الثمانينات قررت ادارتي الفريقين لعب مباراة ودية شهريا لكسر حدة التعصب بين الجماهير ولدعم ميزانية الناديين ففي الشهر الاول فاز المريخ على الهلال بهدف عصام الدحيش وفى الشهر الثاني ايضا فاز المريخ بهدف لعصام الدحيش وفى الشهر الثالث وكان مصادفا لرمضات رفض الهلال اللعب بحجة ان طارق أحمد ادم لا يلعب الكرة فى رمضان وبمناسبة أحمدادم ماتدينا ياخلي شوية ذكريات عن سبب شطب الحراس عوض حسب الرسول وبازي
وبالاشبال ياجمال
Post: #27 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:40 AM Parent: #26
ففي الشهر الاول فاز المريخ على الهلال بهدف عصام الدحيش وفى الشهر الثاني ايضا فاز المريخ بهدف لعصام الدحيش وفى الشهر الثالث وكان مصادفا لرمضات رفض الهلال اللعب بحجة ان طارق أحمد ادم لا يلعب الكرة فى رمضان وبمناسبة أحمدادم ماتدينا ياخلي شوية ذكريات عن سبب شطب الحراس عوض حسب الرسول وبازي
وبالاشبال ياجمال
هلا معاوية
واحد شطبو دحدوح وواحد شطبو الدحيش اعتقد
لكن مجاهد محمد احمد شطبو سيف مساوي بعد ان قطع منه الكرة
ولعبها لسادومبا واحرز الهدف وشطب ايضا اكرم الهادي
والشي بالشي يذكر
Post: #29 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: معاوية محمد الحسن Date: 11-23-2011, 06:57 AM Parent: #27
Quote: واحد شطبو دحدوح وواحد شطبو الدحيش اعتقد
خليل صباحك خير عوض حسب الرسول شطبه ليكم عاطف القوز بفاول من خارج الخط وتاني ماشفناهو وبرضو تذكرت مباراة مريخ هلال فى دورة سيكافا فى السودان فى منتصف الثمانينات وتم تقسيم الفرق لمجموعتين الخرطوم ومدني وذهب الهلال لمجموعة مدني وجاء منتشيا من هناك بصدارة المجموعة وتالق عمر النقي ولعب فى دور الاربعة مع المريخ الذي حل ثانيا فى مجموعة الخرطوم وفاز المريخ بهدفي دحدوح وقامت جماهير الهلال بقذف الحجارة مما ادي لعدم إكمال المباراة وكان الهلال يرتدي دعاية لبن فورموست فهتفت جماهير المريخ هلال فورموست يذوب على طول دي حاجة تجنن مش معقول . ولعب بعدها المريخ فى النهائي مع فريق البيرة الكيني ودخلت جماهير الهلال مساندة لفريق البيرة الذى فاز على المريخ واحرز الكاس وسيرت جماهير الهلال مسيرات فرح فى الخرطوم وكانت هذه المباراة اول مباراة يساند فيها جمهور الفريقين فريق اجنبي بصورة علنية وهي السبب فى مايحدث حتى الان فى إعتقادي .
وبرضو بالاشبال ياجمال
Post: #31 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 07:02 AM Parent: #29
ولعب بعدها المريخ فى النهائي مع فريق البيرة الكيني ودخلت جماهير الهلال مساندة لفريق البيرة الذى فاز على المريخ واحرز الكاس وسيرت جماهير الهلال مسيرات فرح فى الخرطوم وكانت هذه المباراة اول مباراة يساند فيها جمهور الفريقين فريق اجنبي بصورة علنية وهي السبب فى مايحدث حتى الان فى إعتقادي .
ايوة وتغنت جماهير الهلال للبيرة الكينية
طيب ما تحكي لينا عن قونين وليد طايشين وشمس الدين
والذكري بتنفع المومن وكل شي في الحياة ممكن
Post: #28 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: عبدالكريم الامين احمد Date: 11-23-2011, 06:51 AM Parent: #26
Quote: قون زيكو الراسي
من عكسية عبدالسلام
هلا ياخلو وحباب ابو الهل والصهاينة وسيرة الذكريات والكورة دي هي الكورة الثانية الاخشها لهلال مريخ طيلة تاريخي كمشجع هلالي رعديد وقعدت في مدرجات المريخاب مخسوس عشان امتع نفسي باسحاق ابو قرن ويا سسلام ياااخ علي تشجيع اسحاق ابو قرن ده.. اكبر مشجع في العالم حاقد علي الهلال(مرة لاقيتو في كورة لهلال بورتسودان مع فريق خرطومي.. وفي كورة سمحة كده نفخ القرن بتاعو لناس هلال بورتسودان وقال لينا مفروض هلال بورتسودان ده يجي الخرطوم هنا والعواليق بتاعين حي العرب ديل يشوفو ليهم اي حتة تاني)
الهد بتاع زيكو كان (هد) قاتل وصاعق وزيكو نفذ بمهارة عالية وبقوة رهيبة ورغم الهزيمة المر في ذلك اليوم الا انه واحد من اجمل الاقوان علي الاطلاق الشافتها عيوني في ذلك الزمان..
----- الكورة الاولي طبعا هي فرمالتي الشهيرو (هلال ومريخ في افتتاح جامعة جوبا) وقون المرحوم سامي في الثواني الاخيرة من المباراة وده حديث شجون ووسيرة علي قاقرين وبشارة ابو اضان ويا سسسلام ياخ علي بشارة ابو اضان لم يستلم ولمن يتحرك ولمن يلعب باص في الخانة الصاح
2 مباراة هلال ومريخ والغريبة في كل المبارتين المريخ غالب والاغرب انو الزمن ده مافي كركدي عمر بوب لوووووول
وسنتابع
Post: #30 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 06:58 AM Parent: #28
الكورة الاولي طبعا هي فرمالتي الشهيرو (هلال ومريخ في افتتاح جامعة جوبا) وقون المرحوم سامي في الثواني الاخيرة من المباراة وده حديث شجون ووسيرة علي قاقرين وبشارة ابو اضان ويا سسسلام ياخ علي بشارة ابو اضان لم يستلم ولمن يتحرك ولمن يلعب باص في الخانة الصاح
طبعا يا ممراح كورة جوبا
متوكل عبدالسلام له مقولة شهيرة
لولا اختلاف قاقرين والدحيش لمزقت شباك المريخ في جوبا
وهتف المريخاب
باقي دقيقة وسامي بجيبا
Post: #32 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: معاوية محمد الحسن Date: 11-23-2011, 07:03 AM Parent: #28
Quote: 2 مباراة هلال ومريخ والغريبة في كل المبارتين المريخ غالب
Post: #33 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 07:07 AM Parent: #32
بمناسبة شطب الحراس يا معاوية
الشطب الحارس الفلسطيني رمزي صالح منو
Post: #34 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: معاوية محمد الحسن Date: 11-23-2011, 07:18 AM Parent: #32
Quote: وهتف المريخاب باقي دقيقة وسامي بجيبا
وبمناسبة سامي وقبل ايام من مباراة مريخ هلال نشرت احدي الصحف خبر عن قيام لاعب من فريق الهلال ببيع عربة خصصها له النادي للترحيل فقط وقام بالتصرف فى المبلغ دون الإشارة لاسمه وعرفت الجماهير من مصادرهاالخاصة من هو اللأعب المقصود وظلت جماهير المريخ تهتف اثناء المباراة (اوعي ياسامي فلان حرامي) وطبعا كانت تذكر أسم اللاعب الذى لا اري داعي لذكره الان وفعلا لم يستطيع اللاعب المذكور أداء المباراة بمستواه المعروف . رحم الله سامي وادخله فسيح جناته
Post: #35 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: معاوية محمد الحسن Date: 11-23-2011, 07:22 AM Parent: #34
Quote: بمناسبة شطب الحراس يا معاوية الشطب الحارس الفلسطيني رمزي صالح منو
رمزي عقده انتهي ياخليل بالمناسبة لحتى الان لازالت جماهير المريخ تتهم رمزي ببيع تلك المباراة للهلال
Post: #36 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 03:18 PM Parent: #35
رمزي عقده انتهي ياخليل بالمناسبة لحتى الان لازالت جماهير المريخ تتهم رمزي ببيع تلك المباراة للهلال
يا معاوية رمزي ملص الكورة واحرز الهلال الهدف الثالث
فتم شطبه
Post: #37 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 03:21 PM Parent: #36
احلي هدف طبعا في هلال مريخ
احرزه عصام غانا بعد ان حاور ستة من لاعبي المريخ
اعتقد في كاس الانقاذ
كان ما اخاف الكضب
Post: #38 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: omer osman Date: 11-23-2011, 03:28 PM Parent: #37
خلي ياهندسة ....
من مفارقات لقاءات هلال مريخ
قبل كم يوم عبده قابل كان عندوا برنامج في الرياضية 104
عن لعيبة خطرين جدا في الهلال او المريخ لم يحرزوا اهداف
في لقاءات القمة ... اتذكر منهم اسامة الثغر وصبحي وعادل امين
منو البصدق انو اسامة الثغر وصبحي ما جابو قون في المريخ
وانو عادل امين شخصياً ما جاب قون في الهلال ..
Post: #39 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 03:42 PM Parent: #38
سلامات يا سعادتك
يخيل لي صبحي واسامة لم يشاركا في القمة كثيرا
مصطفي النقر بكل عظمته احرز اربعة اهداف فقط في المريخ
اما الاغرب فعلا المهندس عادل امين لم يحرز هدفا في الهلال
Post: #40 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 03:46 PM Parent: #39
Post: #41 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-23-2011, 04:16 PM Parent: #40
الحقوق محفوظة لكورة سودانية
Post: #42 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-24-2011, 07:02 AM Parent: #41
لولا اصابة بكري المدينة
لمزقنا شباكم بالامس
Post: #43 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: وليد عبد اللطيف Date: 11-24-2011, 07:42 AM Parent: #42
Quote: لولا اصابة بكري المدينة
لمزقنا شباكم بالامس
انها حقيقة بالله النقر لم يحرز غير اربعة اهداف وحبيبنا عادل امين لم يحرز بالله واصل ياهندسة ورفاقه خلاونا نشوف
Quote: منو البصدق انو اسامة الثغر وصبحي ما جابو قون في المريخ
وانو عادل امين شخصياً ما جاب قون في الهلال ..
معقولة
ياجنابو دي صورة الكابتن اسامه الثغر في زيارة سريعة للسعودية لم يتغير إلا في اللهجة شبكنا هاي وهيك لكن كان كتال كلاب واجمل هدف له في المورده بوست ممتع وضيوف ممتعين . . متابعين ومستمتعين
Post: #44 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-26-2011, 07:24 AM Parent: #43
هلا وليد
في اجازة من الاجازات صادفت كاس السودان ومشيت الاستاد
انتهي الشوط الاول قاعد وراي شخص ضخم الجثة قام قال لي
ياخي انت بتتكلم ليك ساعة حاجة واحدة طلعت صاح مافي
ياخي انت نحس وانا ما حا اقعد جنبك
قطعت في حناني وسكت
جا الشوط الثاني وفي نصه تقريبا داريو كان حاول يحاور العجب
العجب قطعا واطلق صاروخ احرز الهدف الثاني
عاينت جنبي لقيت المدرجات فاضة والناس عليها غادرت المدرج بالحيطة
Post: #45 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: Mahmoud Mustafa Mahmoud Date: 11-26-2011, 07:53 AM Parent: #44
أووووووووووووهــ أخونا باشمهندس خليل
هاردلك يا حبيب
وعلي النعمة مشتاقين...
====================
بكري المدينة بتاع فنيلتك؟؟
دي كانت جاكة الفاتح النقر
في اللقاء السريع العملوهو معاهو
بالبطارية..الفاتح الأطرش ما شايف زاتو..
كمان قال فرحان بالإكليل المريخي الأدتو ليهو إحدى حرائر المريخ..
لما جا واحد (ملصو) سووووووووووووووووتك من رقبتو..(اللفظ برئ)..
الدنيا ما ضلام عاد..يسوي شنو؟؟
ياخ تاني مشتاقين..
محمود
Post: #46 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: وليد عبد اللطيف Date: 11-26-2011, 07:54 AM Parent: #44
Quote: قلت للشباب ولا يهمكم الهلال حا يجيب تلاتة اقوان
انتهي الشوط الاول قاعد وراي شخص ضخم الجثة قام قال لي
ياخي انت بتتكلم ليك ساعة حاجة واحدة طلعت صاح مافي
ياخي انت نحس وانا ما حا اقعد جنبك
قطعت في حناني وسكت
جا الشوط الثاني وفي نصه تقريبا داريو كان حاول يحاور العجب
العجب قطعا واطلق صاروخ احرز الهدف الثاني
عاينت جنبي لقيت المدرجات فاضة والناس عليها غادرت المدرج بالحيطة
هههههههههه يازول انت كان كدي اخطر من صاحبك كيكي شربت الهلال شراب
Post: #47 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-26-2011, 08:02 AM Parent: #46
بكري المدينة بتاع فنيلتك؟؟
دي كانت جاكة الفاتح النقر
في اللقاء السريع العملوهو معاهو
بالبطارية..الفاتح الأطرش ما شايف زاتو..
كمان قال فرحان بالإكليل المريخي الأدتو ليهو إحدى حرائر المريخ..
لما جا واحد (ملصو) سووووووووووووووووتك من رقبتو..(اللفظ برئ)..
الدنيا ما ضلام عاد..يسوي شنو؟؟
يا حودة صباحك زين
شايف ناس الاستديو التحليلي قالو دي اسواء مباراة لهلال مريخ
فيها تمانين باص غلط والاربعة اقوان ما بتخش في فرق درجة تانية
حودة وارغو مبالغة في السوء وخليفة مبالغتين
Post: #48 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-26-2011, 08:06 AM Parent: #47
هههههههههه يازول انت كان كدي اخطر من صاحبك كيكي شربت الهلال شراب
يا وليد
عمر بوب قال تعالو احضرو معاي الكورة
بس النبي فيكم كان تجيبو معاكم كيكي
Post: #49 Title: Re: بمناسبة هلال مريخ حديث الذكريات بين احمد ادم عافية وعاكف عطا Author: khaleel Date: 11-26-2011, 08:18 AM Parent: #48
