Post: #1
Title: ما طال في بحرك في مي(بمناسبة المشاركة في الحيكومة)
Author: عبداللطيف حسن علي
Date: 11-21-2011, 10:59 PM
ما طال فى بحرك فى مــى
ما طال فى بحرك فى مى
وتمرك مفرع بالجريد
شدرك أمد حد السمى
طينك معتق بالطمى
نبنيك أكيد .. نبنيك هوى
نبنيك أيوه سوا .. سوا من وجديد .. نبنيك جديد
إيد أبوى على إيد أخوى على إيدى انا
على إيد و إيد تجدع بعيد فى اللجة فى من راس ميضنه
حيكومة الفقر الدمار
الكضبن و الصهينة
اللى نقاص أيامنا كاس
اليالطيف سوس البحر نردم قفاهو حجر حجر
من ها الرصيف
الما قدر قدام سريحة الموج يقيف
الماانستر الرزقية وناس أيه
نسقيها كاس اسقنا يا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان فى الأسى
تبت يدين ما ترمى ساس
ما تبنى مجدك من جديد
تفتح شبابيك الخلاص
تدخل نسيمات النشيد
بيت القصيد يستقبله
مستقبله .. و الحاضر الماضى التليد
يابلدى يافردة جناحى التانى
وكت الناس تطير لى عالمه
وآ فجعة الزول البيجيك
ما يلقى فيك غير الهجير ناسا تواتى مسالمه
مل البشاشات القبيل تلقاها ميته مسممه
والجاته جاته من الأرض ما جاته من تالا السما
ما أعتى غبنك يا ولد
وأعدل قضيتك وأعظمه
لاترجع السيف الجفير
والدنيا فايره مصادمه
من غير تجيب تار البلد .. ريح العوارض تهزمه
تطرد مع ابليس الأخير دعة الضلال
من جنتك يا آدمه
تاكل من الشجر الحلال
يغشاك نعاس فى ضل رمى .. تختال هضاريب الصعب
كربة ليالى المظلمه
يانيل قبل خاطرك يطيب
أرضك تفزع باللهيب
تكشح تواريب الغضب .. صعب المراس
نوبه و زنوج و بجه و حلب
رطانه عربان مو أشو
ومولدين تلقانا أو نلقاك ضوء
ظلمة لياليك العجاف
رشه نهاراتنا النشاف
آمنا بيك وموحدين
فى إيدنا فاس وقلم رصاص
شتله و كمنجه و مسطرين
و طبنجه فى خط التماس حـراسة من كيد البكيد
|
Post: #2
Title: Re: ما طال في بحرك في مي(بمناسبة المشاركة في الحيكومة)
Author: عبداللطيف حسن علي
Date: 11-21-2011, 11:08 PM
Parent: #1
اليالطيف سوس البحر نردم قفاهو حجر حجر
من ها الرصيف
الما قدر قدام سريحة الموج يقيف
|
Post: #3
Title: Re: ما طال في بحرك في مي(بمناسبة المشاركة في الحيكومة)
Author: عبداللطيف حسن علي
Date: 11-21-2011, 11:17 PM
Parent: #2
قبل هذا التاريخ
مساء الأربعاء 17 يناير 1996م
كان يحرض بهذه الابيات
الما قدر قدام سريحة الموج يقيف
الماانستر الرزقية وناس أيه
نسقيها كاس اسقنا يا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان فى الأسى
تبت يدين ما ترمى ساس
ما تبنى مجدك من جديد
تفتح شبابيك الخلاص
تدخل نسيمات النشيد
يابلدى يافردة جناحى التانى
وكت الناس تطير لى عالمه
وآ فجعة الزول البيجيك
ما يلقى فيك غير الهجير ناسا تواتى مسالمه
مل البشاشات القبيل تلقاها ميته مسممه
والجاته جاته من الأرض ما جاته من تالا السما
ما أعتى غبنك يا ولد
وأعدل قضيتك وأعظمه
لاترجع السيف الجفير
والدنيا فايره مصادمه
من غير تجيب تار البلد .. ريح العوارض تهزمه
تطرد مع ابليس الأخير دعة الضلالمن جنتك يا آدمه
تاكل من الشجر الحلال
يغشاك نعاس فى ضل رمى .. تختال هضاريب الصعب
كربة ليالى المظلمه
يانيل قبل خاطرك يطيب
أرضك تفزع باللهيب
تكشح تواريب الغضب .. صعب المراس
نوبه و زنوج و بجه و حلب
رطانه عربان مو أشو
ومولدين تلقانا أو نلقاك ضوء
ظلمة لياليك العجاف
رشه نهاراتنا النشاف
آمنا بيك وموحدين
فى إيدنا فاس وقلم رصاص
شتله و كمنجه و مسطرين
و طبنجه فى خط التماس حـراسة من كيد البكيد
حميد-مصطفي
|
Post: #4
Title: Re: ما طال في بحرك في مي(بمناسبة المشاركة في الحيكومة)
Author: عبداللطيف حسن علي
Date: 11-24-2011, 07:16 AM
Parent: #3
الما قدر قدام سريحة الموج يقيف
ــــــــــــــ
قبل 1996 !!
الوعي نعمة!!
|
|