من أنتم ؟ حتى تطلبوا من الإتحادي عدم المشاركة في الحكومة

حقيقة لقد أنتابتي الحيرة وأنا أقرأ بعض حروف الدهاء والمكر التى يكتبها بعض الشيوعيون في هذا البورد وهم يطلبون من الاتحادي الاصل عدم المشاركة في الحكومة وهم بذلك يريدون ان يمددوا في ظلام التيه ويحاولون عبثا ان يؤثروا في قرار حزب هم ليسوا أهلا للحديث عنه ولا التكلم فيه وهم يريدون يقولون لا للصلح ولا لرفاهية الشعب السوداني ولا لأن ينعم الشعب السوداني بالاستقرار وكانهم يحاولون يائسين أن يزيدوا في حطب النار ويشعلون نار فتن في كل مكان ، لماذا لا يترك هؤلاء الاتحادي للإتحاديين ليقولوا كلمتهم ؟
دعوهم ليقرروا دون أن تؤثروا عليهم ، من أنتم لكي تقرروا للإتحادي كلمته ، دعوه ليقول كلمته اتركوا الاتحادي للإتحاديين


ارى والله اعلم ان مشاركة الاتحادي في الحكومة فيها مزيد من الاستقرار للشعب السوداني ومزيد من العيش الكريم للشعب السوداني وحل مشاكل كثيرة لهذا الشعب الذي عانى كثيرا وضاقت سبل العيش عليه ففي المشاركة لعمري فرجا وحل لمشاكل كثيرة لكن هؤلاء الشيوعيون لا يريدون لهذا الشعب ان ينعم بالاستقرار ولا ان تنفرج الضائقة التى ألمت به

سبحان الله
من أنتم ؟
إذهبوا بعيدا أرجوكم

Quote: ارى والله اعلم ان مشاركة الاتحادي في الحكومة فيها مزيد من الاستقرار للشعب السوداني

ومن انت يا مكش حتي تنادي الاتحادي بان يشارك
هل انت اتحادي...؟؟ (حسب منهجك)

ولا تنهي يا مكاشفي عن امرا وتاتي وفي اول مداخلة بمثله

المكاشفي ..سلامات ...

والله الشيوعيين ديل حيرونا في السودان ..بقوا على كل شي قديرين ...مره يقفلوا البلوفه من الشعب ومره تانية يشغلوها ومره يدسوا السكر ومره يدسوا العملة ..وهسه كمان جابت ليها تحريش احزاب ؟!!

لكن ياالمكاشفي كدي وريني اتحادي في المنبر ده موافق حزبه يشارك في الحكومة ؟!!

Quote: لكن ياالمكاشفي كدي وريني اتحادي في المنبر ده موافق حزبه يشارك في الحكومة ؟!!

فيوز سلامات وشتاغيين كتير خلاس
اول حاجة مبروك كاس الهروب اقصد كاس الممتاز

بعدين قول كل الاتحاديين ( في المنبر دا ما دايرين مشاركة ) ناس قريعتي راحت ديل بينبحو فوق كم ؟

القال ليك منو الاتحاديين ما دايرين المشاركة امش اقرأ بوستهشام هباني شوف نسبة المؤدين للمشاركة كم وتعال راجع


فائز كسرة :: يوم الاربع ما القاك حائم بيجاي

Quote: ومن انت يا مكش حتي تنادي الاتحادي بان يشارك هل انت اتحادي...؟؟ (حسب منهجك) ولا تنهي يا مكاشفي عن امرا وتاتي وفي اول مداخلة بمثله

هاها عمنا كيكي كيفك وكيف قطر يا اخوي انا كلامي واضح لم اطالب ان يشارك او لا يشارك ان قلت ان في مشاركته كذا وكذا
لكن المشكلة ناسك المادايرين الاتحادي يشارك ديل علاقتهم بالاتحادي شنو خليهو في حالو

كيكي انت متغدي بشنو ؟

يا المكاشفي

Quote: حقيقة لقد أنتابتي الحيرة وأنا أقرأ بعض حروف الدهاء والمكر التى يكتبها بعض الشيوعيون في هذا البورد وهم يطلبون من الاتحادي الاصل عدم المشاركة في الحكومة وهم بذلك يريدون ان يمددوا في ظلام التيه ويحاولون عبثا ان يؤثروا في قرار حزب

معظم من يكتب رافضا مشاركة الإتحادي في حكومة الديكتاتور البشير إتحاديين
إتحاديين بخشم الباب
فالأولي أن تحاور الإتحاديين وتحاول إقناعهم بجدوي المشاركة، لا ان تستعمل فزاعة الشيوعيين وكأن الإتحاديين لا فكر ورأي (منتظر ليهم شيوعي يحرشهم)

Quote: ان يؤثروا في قرار حزب هم ليسوا أهلا للحديث عنه ولا التكلم فيه

فأجتن كدا نسيتوا كل الحديث الذي قلتوه في الإتحاديين وفي الطائفية وفي الميرغني؟؟؟؟
فأجتن كدا بقوا أحباب وأصحاب وإستقرار وسعادة السودانيين في ضمهم للحكومة؟؟؟
(بالمناسبة دي يونس بتاع برنامج الصباح داك لسه عايش؟؟؟؟)

Quote: ارى والله اعلم ان مشاركة الاتحادي في الحكومة فيها مزيد من الاستقرار للشعب السوداني ومزيد من العيش الكريم للشعب

البيقرأ كلامك دا يعتقد أن هناك إستقرار وعيش كريم للشعب وكل المطلوب زيادة الخير خيرين
ليس هناك من إستقرار ولا رفاهية إلا لقلة قليلة سرقت السلطة والسودان في إنقلاب عسكري في ليل بهيم
(والغريبة الناس الإنقلبت عليهم وقالت فيهم ما لم يقله مالك في الخمر، ياهم ذاتهم الجاريين وراهم لتوزيرهم لمزيد من الإستقرار؟؟؟؟)

هناك إزمة إقتصادية طاحنة
وغلاء أسعار فاحش
هناك حروب وبلبلة وعدم إستقرار في كل السودان
بدأ من دارفور في الغرب وحتي الكرمك في النيل الازرق
هناك إضرابات ومظاهرات في كل السودان
من وادي حلفا التي إنتزعوا أرض الناس فيها وملكوها لكوز واحد فرد
ومرورا بإعتصام لأهل المناصير في الدامر
أولئك الذين أغرقوا أرضهم وشردوهم في صحاري الهم والعطش
ووصولا للمظاهرات في كسلا والقضارف والأبيض ومدني والخرطوم

هناك فجوة غذائية في أكبر منتج للحبوب في السودان القضارف
ونذر مجاعات في كل السودان

الحاكمون في السودان الآن شلة حرامية
سرقوا البلاد وخربوا إقتصادها
خربوا مشروع الجزيرة
وكل مشاريع الإعاشة
والسكة حديد
والبوستة
والنقل النهري
والنقل الميكانيكي
والصناعات من النسيج وحتي الجلود
وأضاعوا بنزقهم وقلة عقلهم ثلت أرض الوطن
وثلت السكان وأكثر من ثمانيين في المية من النفط والماء والأرض الزراعية والغابات

لا نريد لحزب الحركة الوطنية الذي ساهم في إستقلال السودان
وفي كل الهبات والثورات ضد الطغاة
من عبود
والنميري
والبشير
لا نريد له صحبة هكذا سيئة

لن ينعدل حال البلاد والعباد إلا بإسقاط الطاغية الراقص البشير
والمجئ بحكومة قومية تمثل فعلا لا عنوة كل السودان
وبذلك وحده نضمن إستقرار السودان ورفاهية شعبه

من انتم..........من انتم؟


معقول يا مكاشفى من انتم تااااانى

Quote: من أنتم ؟

قذافي في المنبر ويحك يا هذا ومن انت اولا ؟
الطوفان قادم يا مكاشفي اخد ساتر

هشام المجمر
ومحمد ابراهيم على
ونصر سنزحف عليكم بالملايين لتطهير البورد بوست بوست .. مكتبة مكتبة .. ويزر نيم يوزرنيم .. زنقة زنقة ( زنقى اسي فيالبورد دا بتكون شنو ياربي)

بوست هايف لانك انت كوز زليس اتحادي

ثانياً لن تفيد مشاركة الاتحادي غير اهل المؤتمر

الوطني ولن تجد في معيشة الشعب صدى خليكم فرحين

حتى يدرككم الصباح معنا .







الخلاص قادم ليكنس كل القديم وبالبندقية من كاودا او كسلا فالصبح قادم لا محال.



..........................................................................حجر.

Quote: من أنتم ؟

نحن ؟؟؟؟؟؟؟؟؟؟؟؟؟؟؟؟؟؟؟؟؟؟

Quote: 21-11-2011, 08:18 PM الرفاعي عبدالعاطي حجر بوست هايف لانك انت كوز زليس اتحادي

الرفاعي كوز يعني شنو ؟؟؟؟؟؟

ارجو الاجابة

نحن من نريد أن يظل الحزب عظيما كما كا ن
وأن لا يتقازم ليلبس القميص الضيق الذي يريد ان يلبسه إياه المؤتمر الوطني
ويبيع الحزب تاريخه العريق ومستقبله القادم بسعر بخس وزارات معدودة .
بإسم الإتحـــــاد رب العبــاد سمـــــانا
ومين يقدر يقوم إتناطا إرقى سمانا ؟؟
إبليس اللعين بحلاوتو ما سمـــــــــانا
ما بنسأل يمين في زول ولا همــــــانا
***
زمن الإنجليز وكتين يمصوا دمـــــانا
غير الأزهري مين القِدِر أمـــــانا ؟؟
نزل بيرقين رفع العلم بأمانـــــــــــــه
في باندونق هناك وسط الأُمم لمـــانا
نستنكر حريق العملة إبقى فِدانــــــــا
والمنهوبة نحن وإنتو في ميدانـــــــا
***
الحُكم الجديد من اللحم كـــــدانــــــــا
الله يغيرُن الغيرو مبدانــــــــــــــــــــا
ديكتاتوري من الورق حتانـــــــــــــا
يبس عودنا بي شوك الفتات غطانــا
***
قول لي ود دخيل بالله قوم أختــــانــا
لملم عِدتك ومعاك ناس بتــــــــــانـــا
بُكرة الإنتخابات جايينا خبرها أتانـــا
ما بنسوي زول شمينا فيهو نتانـــــه
نتهلل ونطرب بالمُعلـى فتانــــــــــــا
رئيسنا الأزهري كل يوم يزيد في متانه
بي ثوب الوقار الأزهري غطانــــــــا
حرر للبلاد وعلا وطرد شيطانــــــــا
تسعالك رجالاً بارزة من أوطانــــــــا
اصلُ الأولية هيلنا مِى ناطانــــــــــــا
*** أنا إسمي البخيت شاعراً أديب من قُمت
لي مدحي الرزين بالمرة قط ما سُمـــت
جموعي الأصل للأزهري عظمــــــــــت
مدحتو ومستحق لي مدحي ما اتوهــــمت
كانت أيام ثورة اكتوبر 1964م