Post: #1
Title: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 10:49 AM
Parent: #0
أولا شكراً حسام البدري لكل ما بذلته للمريخ
ما قصرت والله
كنت نعم المدرب وقد اوفيت بعقدك ووعدك لجماهير للمريخ وادارته
حققت مع المريخ بطولة الممتاز بجدارة
إن كانت ظروفك لا تسمح لك بالاستمرار مع الفريق
ارجو من مجلس المريخ تفهم وضع البدري
وانهاء العقد بالتراضي...
شكرا مرة اخرى حسام البدري.......
|
Post: #2
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 10:53 AM
Parent: #1
على ادارة المريخ البحث عن مدرب كفء منذ الآن لقيادة المريخ
آمالنا وطموحاتنا تفوق الدوري الممتاز فنحن نتطلع للقب قاري جديد
نؤكد به جدارتنا وتفوقنا على المستوى المحلي والقاري
|
Post: #4
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 10:56 AM
Parent: #2
Quote: قال حسام البدري المدير الفني لفريق المريخ السوداني أن قراره بالعودة إلى القاهرة نهائي ولا رجعة فيه.
وتوج البدري بالدوري السوداني مساء أمس الأحد مع فريق المريخ السوداني.
وأضاف البدري في اتصال هاتفي بإذاعة الشباب والرياضة "الفوز باللقب كان هاماً لعدة اعتبارات، لارتباطي وتعاقدي بالمريخ وتحقيق هدف سامي لنادي المريخ بتحقيق الدوري العام، فضلاً عن أنني مصري ومغترب والفوز مهم جداً .. الحمد لله".
وتابع "هناك جلسة الساعة اليوم مع رئيس النادي جمال الوالي، لكن قراري منذ فترة طويلة هو العودة إلى مصر".
وأردف "مصمم على قرار العودة إلى مصر، لأسباب كثيرة جدا أهمها وجودي هنا دون أسرتي، وذلك بالرغم من ارتباطي بإدارة وجماهير المريخ"، مضيفاً "لأول مرة في تاريخ الكرة السودانية يصل فريق إلى النقطة 72 وهذا شرف لي".
وعن الحضري ختم مدرب المريخ حديثه قائلا "القضية بينه وبين النادي منظورة أمام الفيفا، سأحاول حل الأمر اليوم أثناء اللقاء".
|
|
Post: #3
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: صبري طه
Date: 11-21-2011, 10:55 AM
Parent: #1
Quote: كنت نعم المدرب وقد اوفيت بعقدك ووعدك لجماهير للمريخ وادارته
حققت مع المريخ بطولة الممتاز بجدارة |
يعني إنتو إتعاقدتوا مع البدري عشان تفوزوا بس بالدوري الممتاز ؟
ـــــــــــ
ياخي كان تتعاقدوا مع فوزي المرضي عشان تفوزوا بستة دوريات ممتازة على التوالي
|
Post: #5
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 11:00 AM
Parent: #3
المريخ وبكل امكانياته
يستطيع استجلاب مدرب كفء لقيادة المريخ
بس عليكم الله ابعدوا لينا من المصريين والعرب ديل
وإن كان لا بد فإنني ارشح هذا المدرب
|
Post: #6
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 11:07 AM
Parent: #5
المدرب التونسي فتحي الجبالي مدرب نادي الفتح السعودي
معلومات عامة:
الاسم : فتحي الجبالي
الفريق: نادي الفتح السعودي
الجنسية: تونسي
تاريخ الميلاد: 26 فبراير 1963
درب أكثر من نادي سعودي وحقق نجاحات كبيرة
مع كل الأندية التي قام بتدريبها
|
Post: #7
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 11:17 AM
صبري طه
كيفك يا حبيب
| Quote: يعني إنتو إتعاقدتوا مع البدري عشان تفوزوا بس بالدوري الممتاز ؟ |
طبيعي تعاقدنا معه للفوز ببطولة الدوري الممتاز والبطولة الافريقية
ومال جايبنه يلعب سفرجت ........ 
حسام البدري مدربء كفء
وبالتأكيد ليس هو سبب خروج المريخ من البطولة الافريقية
عندما استلم الفريق كان هناك غيابات كثيرة في المريخ
اللاعبون الدوليون كانوا مع المنتخب
بالاضافة الى بعض الاصابات التي لحقت ببعض اللاعبين
الشئ التاني المريخ خرج بركلات الترجيح من البطولة الافريقية
وهي مسؤولية اللاعبين بدرجة كبيرة
في زول قال لموسى الزومة يضيع يضيع البنلتي مرتين
|
Post: #8
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 11:25 AM
Parent: #7
Quote:
دام عزك يا فتحي الجبالي
بسم الله الرحمن الرحيم
بصراحه الفتح قدم مستوى رائع و يستحق الاشادة و اعتقد ان الفوز معنوي لمواصلة المشوار و اعطت الاعبين ثقة كبيرة في انفسهم
و كل هذا بفضل المدرب القدير فتحي الجبأي الذي كون فريق يضم لاعبين خبرة و السبب ان فتحي الجبالي حافظ على الاعبين من اول موسم في زين الى الان و الفتح يتمتع بلاعبين خبرة و هو السبب في فوز الفتح
الان الفتح فريق ناضج و ليس فريق جديد و الفضل يعود لفتحي الجبالي بأنه ملك عقلية تفكر في المستقبل
الان فريق ناضج بلاعبين خبرة يعني لو نلاحظ التشكيلة الاساسية نجد الاعبين لهم مواسم لعبوا مع الفتح و هذا الفضل يعود لفتحي
فتحي يستحق الاشادة لانه كون فريق لا يقهر
المصدر: شبكة و منتديات نادي الفتح الرياضي
http://www.fateh-club.com/vb/showthread.php?t=19537
|
|
Post: #9
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 11:26 AM
Parent: #8
فتحي الجبالي
|
Post: #10
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: صبري طه
Date: 11-21-2011, 11:56 AM
Parent: #7
تمام يا حبيب ... أخبارك ...
Quote: الشئ التاني المريخ خرج بركلات الترجيح من البطولة الافريقية
وهي مسؤولية اللاعبين بدرجة كبيرة
في زول قال لموسى الزومة يضيع يضيع البنلتي مرتين |
وطالما جابت ليها أسباب زي دي بقول ليك:
في داعي الهلال يخسر ليهو نقاط قدّام الأهلي شندي وغيره من الفرق عشان البدري يفوز بالممتاز ...
ـــــــــــــــ
يعني برضو ممكن أقول ليك فوز البدري بالممتاز مسئولية لاعبي الهلال
|
Post: #11
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 12:46 PM
Parent: #10
| Quote: في داعي الهلال يخسر ليهو نقاط قدّام الأهلي شندي وغيره من الفرق عشان البدري يفوز بالممتاز ... |
في دي ممكن تسأل صلاح ادريس ..........
يا صبري يا اخوي كرة القدم لعبة ومعتمدة على الفوز والخسارة
انت اعمل العليك والباقي على رب العالمين
لو الفرق ما بتخســـر كان ماف زول شال الكاس
ولا انت رايك شنو
| Quote: يعني برضو ممكن أقول ليك فوز البدري بالممتاز مسئولية لاعبي الهلال |
جايز لكن البدري واولاده غلبوكم في الدورة الاولى
شايفك الحكاية دي ما جبته سيرتها
كااااااااااااااااااااااك
المريخ غلب جميع فرق الممتاز وعشان كده شال الكاس
|
Post: #12
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: Hisham Ibrahim
Date: 11-21-2011, 12:55 PM
Parent: #11
الحمد لله بدأت العافية تدب في جسم المريخ ...
الحمد لله الذي أذهب عنه الأذي وعافاه ( الحضري - البدري ) .. في ستين ....
قطر عجيب .....
أصحى يا والي ،، وأبعدنا والمريخ من آلـ فرعون حتى لا يسومونا سوء العذاب ..
|
Post: #15
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 01:22 PM
Parent: #12
| Quote: أصحى يا والي ،، وأبعدنا والمريخ من آلـ فرعون حتى لا يسومونا سوء العذاب .. |
|
Post: #13
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: صبري طه
Date: 11-21-2011, 01:00 PM
Parent: #11
يا بُشاري غلبتونا في الدورة الأولى وممكن نعوّض بالتغلب عليكم في الدورة الثانية ... لكن فارق النقاط الخسرناها من بقية الفرق هي ما عجّلت بفوز المريخ بالممتاز ... وأتفق معك أن الخسارة أمر عادي ...
ولكن عليك أن تتفق معي ألاّ تنسب خروج المريخ من البطولة الإفريقية للاعبين بدرجة كبيرة ... لأنهم كان بإمكانهم حسم المباراة في وقت المباراة الأصلي وعدم حسمهم لذلك ممكن نرجعه للمدرب بدرجة كبيرة ... يعني يا بُشاري حكاية الدرجة الكبيرة دي لو كانت على الركلات الترجيحية ... ماذا عن ما قبل هذه الركلات ؟
وسيبنا من خروج دوري الأبطال ... أها خسارة سيكافا دي برضو يتحمّلها اللاعبين ولاّ منو يا بُشاري ياخ ؟
| Quote: المريخ غلب جميع فرق الممتاز وعشان كده شال الكاس |
وجلابية سولي شريف دي قصّاها عند الترزي الأمين البشاري ولاّ عند منو يا بُشاري أخوي ؟ 
|
Post: #14
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 01:20 PM
Parent: #13
| Quote: لكن فارق النقاط الخسرناها من بقية الفرق هي ما عجّلت بفوز المريخ بالممتاز |
ايوااااااااااا يعني خسارة نقاط مباراة المريخ ما أثرت فيكم
نقاطك الفقدها ليك البدري والمريخ ما مهمة زي النقاط المفقوده
| Quote: أها خسارة سيكافا دي برضو يتحمّلها اللاعبين ولاّ منو يا بُشاري ياخ ؟ |
الفوز والخسارة وجهان لعملة واحدة في كرة القدم
سيكافا شهدت اخطاء كبيرة للاعبين ايضا
شوف احرزوا كم هدف عكسي في الحضري
المدرب واللاعبين شركاء في صنع الفوز والخسارة
والادارة والجماهير والاعلام ... الخ
فمن الظلم إنك تحملها لزول واحد
| Quote: جلابية سولي شريف دي قصّاها عند الترزي الأمين البشاري |
زي بيضة عمر بخيت
|
Post: #16
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: صبري طه
Date: 11-21-2011, 01:29 PM
Parent: #14
Quote: ايوااااااااااا يعني خسارة نقاط مباراة المريخ ما أثرت فيكم
نقاطك الفقدها ليك البدري والمريخ ما مهمة زي النقاط المفقوده |
يا البُشاري شكلك بقيت تقرأ سطر وتفط سطر ... الكلم البتسأل عنو دة مُش شرحتو ليك في نفس المداخلة ...
| Quote: يا بُشاري غلبتونا في الدورة الأولى وممكن نعوّض بالتغلب عليكم في الدورة الثانية ... |
في حال الهلال انتصر في كل مُبارياته وكذلك المريخ ... الفرق حتى تاريخه سيكون الثلاثة نقاط التي كسبها المريخ أمام الهلال ...
وإذا تغلّبنا عليكم في مباراة الأربعاء القادم ... مُش حيكون الحساب ولد ...
والفيصل مُش حيكون مُباراة فاصلة على حسب لائحة السنة الفاتت ... هذا إذا لم تتغيّر اللائحة (معليش ما متابع حتة اللائحة دي) ...
ـــــــــــــــــــ
|
Post: #17
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-21-2011, 05:08 PM
Parent: #16
Quote: في حال الهلال انتصر في كل مُبارياته وكذلك المريخ ... الفرق حتى تاريخه سيكون الثلاثة نقاط التي كسبها المريخ أمام الهلال ...
وإذا تغلّبنا عليكم في مباراة الأربعاء القادم ... مُش حيكون الحساب ولد ... |
الاحصائيات بتقول إنو المريخ متفوق على الهلال في كل شئ
احسن دفاع يعني خشت فينا اهداف قليلة
أحسن هجوم مسجلين أهداف أكتر منكم
وبعدين الدوري سباق نقاط انتوا القال ليكم أفقدوا نقاط منو؟
وشايفك كده ضامن إنكم حتغلبونا ..... والله صحي
|
Post: #18
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-22-2011, 11:04 AM
Parent: #17
الوالي : سنشكر البدري لو ترك المريخ
|
Post: #19
Title: Re: حسام البدري: قراري بالعودة للدوري ولمصر نهائي ولا رجعة فيه!!
Author: الامين موسى البشاري
Date: 11-22-2011, 11:11 AM
Parent: #18
Quote: عقب فوز فريقه بالأمس ببطولة الدوري السوداني لأول مرة منذ 3 سنوات ، أبدى جمال الوالي رئيس نادي المريخ سعادته البالغة بعودة الدرع الى قلعة المريخ العريقة ، مشيرا الى أن الإنجاز تحقق بفضل مؤازرة جماهير الفريق الوفية التي ساندت الفريق في كل الظروف.
و أكد الوالي في تصريحات نسبتها له صحيفة "قون" السودانية أن الفريق لم يتأثر بخروجه المبكر من دوري أبطال أفريقيا و إنما تماسك و سعى بقوة لتحقيق لقب الدوري لتعويض الجماهير وهو ما تحقق بالفعل ، كما شدد على أن هروب الحارس عصام الحضري كان مفيدا للفريق حيث أظهر حارس مميزا هو "يس".
أما عن حسام البدري المدير الفني للفريق والذي أكد رغبته في الرحيل في نهاية الموسم ، قال الوالي : البدري تعرض لأزمة صحية كادت تودي بحياته ورغم ذلك تمسك بالمريخ وواصل مسيرته ، والخيار متروك له الآن فإذا إختار السفر وترك المريح فنحن له شاكرين و إذا أراد الإستمرار فمرحبا به.
|
|
|