إعلامية لبنانية معروفة :أنا معجبة بشخصية الرئيس البشير والسودان (رائع)

Quote: الجمال واللباقة والاناقة لبنانية.. بيروت تطبع.. لبنان بلد الثقافات المتعددة انجبت للساحة نجوماً في مختلف المجالات ويكفي ان رؤساء بعض الدول العالمية من اصول لبنانية. زيارة كريمة سجلتها لنا في (الدار) الاعلامية والصحفية اللبنانية المعروفة (رولا كلاس) وكان برفقتها الاستاذ المهذب يوسف محمد مندوب وزارة الاستثمار والتي هي صاحبة الدعوة لرولا لزيارة السودان من واقع خبرتها المتميزة في مجال التسويق وخاصة انها تعمل ايضاً كخبيرة في الشؤون الاقتصادية باكثر من اصدارة مثل مجلة الخليج.. مجلة عالم المصارف ودليل المصارف.. متحدثة لبقة.. اجابت علي اسئلتنا السريعة وغير المرئية بصورة رائعة كيف وجدت السودان وما سر الزيارة؟! وجدته رائعاً وعلي غير ما يعكسه الاعلام الخارجي فهو بلد جميل بأهله والزيارة بدعوة من وزارة الاستثمار وحقيقة الاعلام الخارجي يظلم السودان ويعزي ذلك لضعف اعلامكم (المحلي). السودان مستقبل العالم: بما يملكه السودان من اراضي زراعية خصبة واسعة لا تتواجد في اي دولة بالعالم يجعله حقيقة سلة غذاء العالم مستقبلاً فقط هذا يحتاج لتكاتف ايدي جميع ابناء السودان.. فالزراعة هي اساس الاقتصاد ولهذا اتمني ان نترجم تلك الخبرات التي حباكم الله بها الي واقع. من ِمن نجوم الفن السوداني تعرفينه؟! بصراحة لم اسمع بأي فنان حتي اعرفه وذلك يعزي كما ذكرت لضعف اعلامكم المحلي وايضاً القنوات الفضائية السودانية. انتم ######نانيين لا تحبون الثقافة السودانية فاذا اردتم ذلك فقنواتنا الفضائية موجودة علي نايل سات وعرب سات مثلها ومثل قناةLBC و MBC والمصرية وغيرها؟! اخذت نفساً عميقاً وقالت: لا.. ليس بهذا المعني فنحن نحب اهل السودان ونحب ان نري ثقافتهم منتشرة في كل مكان في العالم لان المواطن السوداني بطبعه مثقف ومتعلم. انت كأعلامية خبيرة في مجال الاقتصاد ماذا تعرفين عن رجال المال والاقتصاد في السودان؟. لا اعرف اسماء محدودة ولكن السودان يملك عقولا اقتصادية كبيرة والقطاع المصرفي في السودان متطور وقد اعجبني السيد وزير الاستثمار الصادق محمد علي ووكيل وزارة الاستثمار عوض الكريم بله الطيب فهما يملكان آراء استثمارية جيدة لتطوير الاقتصاد السوداني. الطائفية خطر يهدد لبنان؟! نعم الطائفية خطر يهدد اي مكان يوجد به وليس لبنان وحده ولكن المواطن اللبناني بثقافته العالية استطاع ان يتغلب علي تلك الطائفية بصورة حضارية وعلي سبيل المثال عندما فاز المنتخب اللبناني علي كوريا الجنوبية الاسبوع الماضي كحدث رياضي مدهش فقد رقص وتوحد كل ابناء لبنان علي قلب رجل واحد هو المنتخب الوطني فنحن نعشق لبنان. لبنان بلد الفنانات بدلا عن الثقافات؟! في كل دول العالم توجد فنانات وهذا ليس عيباً فنحن ايضاً بلد الثقافات المختلفة والعقول اللبنانية موجودة في اعتي دول العالم وفي مناصب كبيرة وعلمية وفنانات مثل نانسي عجرم وايلين خلف ويارا يقدمن فناً جيداً ولكن هنالك بعض اللائي يقدمن الهابط وهذا ايضاً اذا نظرنا لكم نجده موجودا فهنالك الفن المحترم والاخر هابط ومبتذل ولكن في النهاية يفوز الغناء المحترم بحب الجماهير.. وشباب لبنان يحتلون المراكز الاولي في العديد من المراكز الهامة علي مستوي الوطن العربي. ما قصة المقال الذي كتبتيه عن السودان بعنوان (رب ضارة نافعة)؟! اولاً انا معجبة بشخصية الرئيس السوداني المشير عمر حسن احمد البشير وقد اسعدني قراره الاخير بانفصال الجنوب عن الشمال وانا كتبت هذا المقال بعنوان رب ضارة نافعة وقلت ان انفصال الجنوب من مصلحة الشمال واهل السودان عامة لان النزاع لم يكن في مصلحة الشمال والجنوب وكتبت هذا المقال بمجلة الخليج ووجد قبولاً لدي اهل السودان ومثقفيه وانا من المؤيدين للانفصال بسبب الحرب التي دامت 50 عاماً بين الشمال والجنوب وحصدت ارواح ابرياء من الطرفين. السياحة مصدر فخرنا ذكاء الانسان اللبناني جعل منها افضل بلد سياحي عربي والسياحة من اهم مصادر دخل البلد فالانسان اللبناني شجاع ومثقف وطموح. نقاط من الحوار : انا خريجة اعلام من جامعة لبنان. الاذاعية التلفزيونية الشابة وفاء معروف اجرت حواراً مثيراً لقناة الخرطوم مع (رولا) سيتم بثه. لا تعرف شيئاً عن كرة القدم في السودان لا هلال لا تحرير. شكرت (الدار) علي حسن الاستقبال واعلنت انضمامها للكتابة لها بعمود صحفي يعالج قضايا الشباب. ذكروا لي ان السودان بلد غير آمن فلم اجد فيه الا الامان والصدق. حوار مبارك البلال

صحفية وجات السودان في ضيافة الحكومة متوقع منها تقولل شنو غير (كسير التلج دا )
بعدين الحرب في لبنان ليها عشرات السنيين ممكن هي توافق على تقسيم لبنان ؟!!!

دا رأيها الشخصى ونحترمه
لو انت وصفتوا بكسير تلج او خلافه
بعدين هذا التقسيم كان خيار الجنوبيين انفسهم

ما اختلفنا انفصال الجنوب تم باختيار اهل الجنوب بالرغم من اختلافنا (ربما ) عمن دفعهم الى ذلك
لكن خلافنا مع هذه الصحفية (كسارة التلج ) انها فرحه لانفصال الجنوب وتدعي ان الانفصال لخير الشمال
سوالنا ليها هل توافق على انفصال لبنان الى دويلات بسبب حروبهم الاهليةالطويلة ؟ ولماذا لاتجاهر بذلك في بلدها ؟ ام ان انفصال بلادهم خط احمر !!!!

من هى هذه الصحفية ، وما حجمها في الإعلام حتى نحتفي بكلامها المعسول إلى هذه الدرجة ، هل فقدنا الثقة في أنفسنا حتى أصبحنا نستجدي الشهادات من أناس نعرف تماماً يا يضمرون لنا وما يعتقدون فينا ـ الشوام نعرف نواياهم جيداً تجاه الشعب السوداني ـ ومهما نفعل لهم ، ويكفي ما قام به مصطفى الأغا الذي منحناه أكبر من حجمه ، طبلنا له حتى أنتفخت أوداجه حينما حل ضيفاً علينا ، فكفأنا بتلك المشاهد المخزية من معسكر منتخبنا الوطني بالدورة العربية بالقاهرة ـ

إلى متى نحن مخدوعون بشوية كلام معسول نشتريه نحن بإحتفائية مبالغ فيها لمن لا يستحقون

يا فدوى السلام عليكم

و الله يا فدوى مشيت فتشته قوقل قلته اعرف الزولة الاعلامية والصحفية
المعروفة و انا ما بعرفه دي منو و المعلومات العنها شنو و مشهوره
لحدي وين ؟ وكتبت شنو ؟ أو بتكتب وين ذاتو ؟
للأسف ما لقيت حاجة غير كلام جريدة الدار !!!
فياخ ينوبك ثواب في اخوك مديني بتعريف للأنسانة دي لو ممكن ؟

الشئ التاني المهم اها مثلاً الهندي عز الدين و الطيب مصطفي ديل
لما نقول معروفين هل بنكون قاصدين معروفين لينا نحنا السودانيين
ديل ولا بنكون قاصدين معروفين في المحيط الأقليمي و الدولي ؟

ياخ مثلاً فيصل العجب أو هيثم مصطفي ديل الاتنين أنا ممكن و بفم مليان
اقول معروفين و مافي زول ينق معاي إي نقه ، فهمتيني قاصد شنو ؟

مع التحية و الاحترام .

من الأسئلة الفوق دى ، الزولة دى قالت إنها ما بتعرف أى شئ عن السودان ..لأن إعلامنا ضعيف .

فكيف تسنى لها أن تفتى فى أمور لا تعرفها ؟

Quote: الزولة دى قالت إنها ما بتعرف أى شئ عن السودان ..لأن إعلامنا ضعيف .

و بتعرف أي شئ عن (السياسة) في لبنان ذاتو!

طيب ما تعمل لبلدا حكومة واو تشور عليهم بانفصال يليق ..
مش برضو امكن يكون "رب ضارة نافعة"!؟
المافي شنو!؟








-------

اللبنانيات ديل ما عندهن غير الدعايات مدفوعة الاجر!؟
و قالت شنو بالله -صراحة اثلجت صدورنا، و ما قدرت اكمل قراية اللقاءمن كترة رزاز التلج المتناثر- قالت شنو عن الازدراء اللبناني القمئ للمواطنين السودانيين المقيمين في بلدا!؟

فدوى الشريف.

هذا البوست يدل على الزنقة والحالة التي تعيش فيها حكومة السودان، وطبعا ناس فدوى الشريف عاوزين يتعلقوا في أي قشة. وحتى لو كانت قشة اللبنانية البتعتر لكم دي.

خبيره في شنو ومابتعرف حاجه عن السودان
والمقال القالت كتيتوا ده جابت المعلومات من وين
وفي زول عاقل بيعجب بالبشير المطلوب للعداله
بعدين وزارة الاستثمار دي مالقت ليها خبيره الا من لبنان
الجري ورا الشوام بوديكم الكوشه ياناس الاستثمار
لو فتشتوا عن الموضوع ده بيكون وراهو كلام تاني
كثير التلج ده وراهو حاجه

تحياتي

ياشيختنا فدوى
يعنى الاعلامية الجميلة والانيفة واللبفة بتاعنك دى بتفتكر السواد
فى الجنوب وبعد الانفصال بفى تمام ولا دايره تفول شنو بالظبط ؟
وشفت صورتها وصورة امنة مختار وللمفارنة امنة مخنار اجمل بكتير
غايتو ربنا يحفف ليها امانيها


تحياتى

Quote: بصراحة لم اسمع بأي فنان حتي اعرفه وذلك يعزي كما ذكرت لضعف اعلامكم المحلي وايضاً القنوات الفضائية السودانية.

هسع في داعي لمثل الدنائة دي؟

تستاهلوا أكتر من كده يا كيزان.