Post: #1
Title: حمارة الامحمدية الغرقت مع البقر
Author: عبدالله ود البوش
Date: 11-20-2011, 10:42 AM
الحمارة ما حمارة نصاح كمان بارت البقر
لو مشت مع الحمير كان ولا قشة ما تعتر ليها
بس الفائدة هي ذكراها الغالية علينا وتركت مثلا يحتذى به لبني الانسان
عشان يتعظ وكل سن تلاعب نديدا
الغبي من يتعظ بنفسه والعاقل من يتعظ من حمارة الامحمدية
شكرا جزيلا حمارة الامحمدية
|
Post: #2
Title: Re: حمارة الامحمدية الغرقت مع البقر
Author: عبدالله ود البوش
Date: 11-20-2011, 10:54 AM
Parent: #1
ساعة القيلولة خصصت لصقعان الجرة فشنو ....
نجتر الذكريات ونسكت
عشان ما تبقى علينا حكاية العنز
البتاكل على حلاة اللسان بعد تنشرط
|
Post: #3
Title: Re: حمارة الامحمدية الغرقت مع البقر
Author: ادريس خليفة علم الهدي
Date: 11-20-2011, 10:59 AM
Parent: #2
حمارة المُحمدية المبارية البقر
أو كما ذكرت حبوبتي الله يرحمها
|
Post: #4
Title: Re: حمارة الامحمدية الغرقت مع البقر
Author: عبدالله ود البوش
Date: 11-20-2011, 11:10 AM
Parent: #3
Quote: حمارة المُحمدية المبارية البقر
أو كما ذكرت حبوبتي الله يرحمها |
الحمارة القاصداها حبوبتك الله يرحمها بارت البقر لكن المغرب رجعت حالتا بالبلا
.
.
لكن دي يا ادريس غرقت عديل كدي في اللك
.
.
امحمد ود اب زهانا زول هميم وحسيس خلاس يا ادريس اخوي
كل سؤ يصيب ناس الحلة يزعجه ويقلقه وينقل هذا القلق لافراد اسرته
ليضعهم في عذاب الحدث خاصة زوجته بت ود الضواها
الليلة فلان ميرود
الليلة فلانة قرصتا عقرب في شقها
الليلة وووب والسكلي والردحي
.
.
يوم جاها نص الليل وقال حمارة ود اللحيمر جابت دحش برا ضنب
اها والمشكلة شنو
ها بت الحلال الدحش دا كان وقع في طين امرقوهو بشنو يا بت الضواها
|
|