Post: #1
Title: السودان اليوم ليس فى حوجة لكوز منجور و لا شيوعى مأجور
Author: صديق مهدى على
Date: 11-20-2011, 02:27 AM
السودان اليوم فى حوجة لموقف وطنى مشرف أى موقف يخرج السودان من النفق المظلم لذا عليا بالاتى
1- احترام بعضنا البعض أى عدم الاساءة من أجل تهميش الاخر
2- الاعتراف بالمهدية و رجالها كثورة صانعة لتاريخ السودان الحديث
3- الاعتراف بالرموز الوطنية و خاصة الامام السيد الصادق المهدى كرجل ديمقراطى عمل على
توحيد الوطن و تماسكه عبر الخطاب السياسى المتزن أى خطاب خالى من اثارة الفتن و ايقاظها
4- يجب على المتعلمين من ابناء القبائل عدم استغلال العاطفة لتعبئة قبيلة ضد قبيلة.
|
Post: #2
Title: Re: السودان اليوم ليس فى حوجة لكوز منجور و لا شيوعى مأجور
Author: بدر الدين احمد موسى
Date: 11-20-2011, 02:42 AM
Parent: #1
الاخ صديق مهدي على
سلام
كيف هذا:
"| Quote: السودان اليوم ليس في حوجة لكوز منجور و لا شيوعي مأجور |
"
يتماشى مع هذا:
"1| Quote: - احترام بعضنا البعض أى عدم الاساءة من أجل تهميش الاخر |
"
|
Post: #3
Title: Re: السودان اليوم ليس فى حوجة لكوز منجور و لا شيوعى مأجور
Author: صديق مهدى على
Date: 11-20-2011, 02:49 AM
Parent: #1
النخبة هى التى تاجرت بقضية السودان محليا واقليميا و دوليا و الان تفكك فيه عبر تحريض القبائل
على بعضها بشحن الضعفاء من ابنائها حيث الضفاء يكتون بنيران المشكلة والمتعلمين يتمتعون
بالاموال التى تنفقها عليهم الدول الكبرى لان هؤلاء حلاقيمهم طويلة يستطيعون اقناع النفعين
من الدول الكبرى عبر منظمات اغاثة مفتعلة حيث يذهب القليل للضعفاء .
يعنى الناس ديل هم وناس البشير واحد دا التعيس ودا خايب الرجا كلهم مشتركين فى تحطيم السودان
شيوعى على كوز لذا يجب على الشعب ان يرفضهم جميعا لانهم سبب هزيمة السودان من الاستقلال.
|
Post: #4
Title: Re: السودان اليوم ليس فى حوجة لكوز منجور و لا شيوعى مأجور
Author: نبيل عبد الرحيم
Date: 11-20-2011, 03:50 AM
Parent: #3
كلامك متناقض تنهى عن شئ وتقوم به
لكن شيوعى ماجور جديدة بس ماجور لاى جهه?
|
Post: #5
Title: Re: السودان اليوم ليس فى حوجة لكوز منجور و لا شيوعى مأجور
Author: ABUHUSSEIN
Date: 11-20-2011, 04:22 AM
Parent: #4
إنت يا سجم الرماد الشيوعيين ديل ما بتوب منهم ....؟؟؟؟
خليهم إصحوا بس...
|
Post: #6
Title: Re: السودان اليوم ليس فى حوجة لكوز منجور و لا شيوعى مأجور
Author: محمد داؤد محمد
Date: 11-20-2011, 05:04 AM
Parent: #5
لا بس شيوعى مأجور دى يعنى كيف يعنى
محمد
|
Post: #7
Title: Re: السودان اليوم ليس فى حوجة لكوز منجور و لا شيوعى مأجور
Author: أمير فتحي
Date: 11-20-2011, 07:09 AM
Parent: #6
فردتي جديق ...يعلم الله مشتاقيين
رش الشيوعيين ديل عليك الله ...الكيزان ديل أديتم حقهم بالكامل
|
Post: #8
Title: Re: السودان اليوم ليس فى حوجة لكوز منجور و لا شيوعى مأجور
Author: Kabar
Date: 11-20-2011, 07:26 AM
Parent: #7
ول ابا..الحبيب صديق..حبابك
اهلك المسيرية عندهم مثل بيقول..اللسان جبادة البلا..و يعادله في لغة اهل البنادر..لسانك حصانك..
دحين يا ابوي..لو بتصدقني (شهادة انصاري..عندك معاها كلام؟)..خمسة و تلاتين سنة في السودان و عليها عشرة في الغربة ما شفتا لي شيوعي سوداني..ولا شيوعية سودانية..مأجورين..ممكن نختلف معاهم ونحتو قرض..لكن بنشهد ليهم انهم اصيلين..و ما باعوا حتى هدومهم من اجل ارتزاق..و برضك بنشهد لأبو ام سلمة انو رئيس الوزراء السوداني الوحيد الماكان قاعد يقبض ماهية من خزينة الدولة..يعني زول نزيه متلة و متل شيوعي السودان.. لكنو مو ديموقراطي..و لو مكضبني اسأل نواب الحزب القومي الكشوهم في في زمان حكومة الصادق الأخيرة..!
نمرة واحد..معاك فيها..
نمرة اتنين معاك فيها..
نمرة تلاتة مو معاك فيها..و السيد الصادق المهدي سياسي..و عارف انو ساحة السياسة فيها الشوك و الحراب الطايرة..فسوف نقومه باللسان..و ان لم يجدي.. فالسيف..!
نمرة اربعة..قبايل شنو في الصيف ده يا صديق يا اخوي؟..
المهم.. ابو سلمة قاعد يسمع حدثينا ده..و بنقول ليهو .. الجيعان فورة البرمة ليهو قاسية..!
كبر
|
|