Post: #1 Title: وصية سكران Author: زهير عثمان حمد Date: 11-19-2011, 11:24 PM Parent: #0
# أرجو شاكرا من الاخوات والاخوان الاهتمام وتنفيذ الوصية بكل ما جاء فيها وبحذافيرها لا الاخذ بالعنوان لانو بصراحة وبحلفان بالواحد الديان بالجد سكران لكين عقلي صاحي كمان وعارف بكتب شنو دا ما دليل واعي بالتاكيد واعي شديد جدا المهم القصة وما فيها أكتر من عند خروج الروح وأصدار شهادة الوفاة بالله ما تكون من مستشفي أمدرمان شهادة الوفاة يعني تكون من مستشفي له سمعة وصيت زي الزيتونةأو ساهرون أو كير ممكن يستبشرون ما مشكلة لو مافي عربية(سيارة يعني لسكان الخليج والمغتربيين ) أرجو الاتصال بناذر خليفة أو الاخت نعمات هي عارفة روحاوح تترك ليكم رقم التلفون أو أي متطوع ح يسجل أسمو عشان ينفذ الوصية ما أظنهم كتار وبعدها البرود غسل الميت يكون بماء بارد جدا لانو العبد لله يحب الموية الباردة أخ أنا وكمان يكون علي أنغام أغنية داري عينيك داريهاأداء الفنانة نانسي عجاج مع مجموعة من الاغنيات الرومانسية لثنائي العاصمة وعثمان حسين ويكون مواكب الذهاب للمقابر رجالا ونساء يعني قصة يحزنوا علي الرجال بس ويقوموا يدفنوا بطريقتم العجيبة ديك لا لابد من حضور الجندر كمراقبين لمراسم الدفن ويكون الدفن ليلا وذلك حتي أن كان الوقت شتاء بالله ياخدر رسل الكفن من هولندا ويكون قماش بارد وخيط رفيع جدا يتحمل حرارة القبر ونيرانو المهم بالله لا يتم تسويد المنبر لانو في وريث شرعي لكلمة السر حقتي ما عرفو منو لكين أمكن يظهر قريب المهم بالله الكتب هدية مني لمنتدي دلقو المحس مع جهاز الكميوتر والملابس للفلاته في سنار التقاطع والعطور وباقي الدواء حقي والحله أهم شيء الحلة دي لناذر خليفة وطارق الامين وعلاء الدين حميورة كان جوا الدفن وقعدوا في الفراش أيام البكا بعدين كل ما أملك من أطيان لدار المسنيين في الخرطوم بحري بالله ما أنسي حاجةمهمةأي واحدة عملت فيها جميلة أيام أنا حي وقالت لي ما عايز معك علاقة ما تجي تعزي ما في تداعي تقلقو المرحوم في قبرو !!! وعلي الجندريات الجدد بس يكتبوا قولة حق عني في المنبر بالله ما عايز أي ضجيج وأزعاج أيام البكاولا كلام في الكورة ولا السياسيةبس نكات ونودار وأشعار مظفر النواب قصائد من قبيلةشعراء حلمنتيش ويا عمار أنت المسئؤل عن ليالي العزاء لانك جايني قريب وح تحكي لي كيف كان الالتزام بالوصية ...........!
*اللهم أجعلها موتة سريعة بلا دم أومرض طويل ودون حشرجة أو أي جرسه وعذاب كتير
أمين
ملحوظة كل من له الرغبة في تنفيذ الوصية عليه تسجيل أسمه ورقم هاتفه لو ممكن وما خجلان أو حزنان
يا زهير اول حاجة الجماعة حا ياخدوك لأقرب قسم نظام عام ويدوك اربعين جلدة ... لأنه الإعتراف سيد الأدلة ... بعدين يشوفوا حكاية الوصية دي ... يا سيدي ربنا يديك طول العمر والصحة والعافية ... ويرزقك الذرية التي تتمناها .... الوصية طريفة ولذيذة ولكنها تلفت النظر لأمر تعاملنا نحن السودانيين مع الوصية ... حيث نجد من النادر من يوصي كأن الموت لا يغشانا ... أو الوصية فأل شوم ... في كل الأحوال لفت الإنتباه لقضية غاية في الأهمية .... لك الود
Post: #6 Title: Re: وصية سكران Author: osman righeem Date: 11-20-2011, 07:00 AM Parent: #5
زهير نسيت حاجة مهمة جدا
الكـلبة بتاعتك توصي بيها لي منو ؟؟؟
كان عايز رأي خليها تمشي محل الحلة مشت !!!
حاكم انو صاحبك عنده خبره في الجريوات
Post: #9 Title: Re: وصية سكران Author: زهير عثمان حمد Date: 11-20-2011, 08:44 AM Parent: #6
أستاذي عثمان رغيم تحياتي
طبعا أنت ممكن تحل مشكلتي لكين عامل مني طناش المهم حلتي أمس ما فيها عضم كانت لحمة ضأن وهيب جدا تأكل يدك وراءها المهم يا د القبايل ربنا يمتعك بالعافية
Post: #8 Title: Re: وصية سكران Author: زهير عثمان حمد Date: 11-20-2011, 08:35 AM Parent: #5
الاخ زهير تحياتي ياخي الميت سقط عنو الحد انت عارف كدا و لا دي شريعة ناس الزمن دا المهم لك كل الود وشايف ما سجلت أسمك مع أهل الخير لتنفيذ الوصاية المهم لك كل الود وأرد الله غربتك
Post: #7 Title: Re: وصية سكران Author: زهير عثمان حمد Date: 11-20-2011, 08:28 AM Parent: #4
هويدا تحياتي وشكرا علي المرور ياخي الاطيان كلها وسيد الاطيان بس أنت تأمري
زهير..حبابك يا صديقي لم اقوى على جلب مظفر هنا.. و لكن في غياب الماء يجوز التيمم.. و امنياتي الصادق ، لك ، بعمر مديد..
و دمت.. كتر خيرك على الوصية.. كبر
Post: #12 Title: Re: وصية سكران Author: زهير عثمان حمد Date: 11-20-2011, 09:28 AM Parent: #10
الاخ كبر تحياتي ولك كل الود
نهاية الرجال الانقياء مأساوية وحياتهم كم من المعاناة والتعاسة ويظل نبض النخوة الاصيل فيهم حتي بالقبور معا من أجل الحق والجمال بموطن القبح والاذلال لك كل الامنيات الجميلة
Post: #11 Title: Re: وصية سكران Author: عادل الباهي عبدالرازق Date: 11-20-2011, 08:56 AM Parent: #7
Quote: بالله ما أنسي حاجةمهمةأي واحدة عملت فيها جميلة أيام أنا حي وقالت لي ما عايز معك علاقة ما تجي تعزي ما في تداعي تقلقو المرحوم في قبرو
لو في أرقام تلفونات أنابسجل أسمي ضمن من ينفذون الوصية ولو مافي اكل نارك لا وقت لدي
يا زهير يأخي يديك طولة العمر شكلوا دا شاكوش جامد الخلاك تكتب وصيتك .
Post: #13 Title: Re: وصية سكران Author: زهير عثمان حمد Date: 11-20-2011, 09:38 AM Parent: #11
أخي عادل الباهي كيفك أنشالله بخير والله ومن كترت الشاوكيش أخوك بقي مسمار صلب بس وراسوا طاير المهم الحمد لله علي العافية بس المرة دي أخوك بالجد ما صابر ويمكن ويمكن يروح فيها لك كل الود شاكرا علي المرور
Post: #14 Title: Re: وصية سكران Author: osman righeem Date: 11-20-2011, 09:47 AM Parent: #13
Quote: طبعا أنت ممكن تحل مشكلتي لكين عامل مني طناش
يا خ نحن شغالين مصالاحات وتحانيس و تعهدات
يقوم فجاة يجيني تلفون من وراء البحار
يقول ليا ادخل سودانيز العريس قاعد في مقابر الصحافة و حجز قبره
عاد ده كلام يا زهير ؟؟؟؟؟ عملت لينا حكاية شيخنا يوصي و انت تف.....
عاين فكت واللاه لسع بايته
اديها ليمون باااااااااااااارد و قهوة من حليمة بتنعدل معاك
مشتاقون و ليس بنا لوعة
Post: #15 Title: Re: وصية سكران Author: زهير عثمان حمد Date: 11-20-2011, 10:05 AM Parent: #14
صديقي عثمان رغيم طبعا المنتج الذي تم شربه ليلة أمس من البلح الخالص ومصنوع في الشمالية بس في تخوم المحس ما عندكم لكين الحالة الان مستقرة بس الفطور جربان بوش كدا لكين بعد كدا ممكن أخد نومة بكون كويس يعني بقدر أشتغل حاجة بس الليلة ح تكون رهيب معى مغترب من أمريكا ذاتا لك ودي
أو كما قال ( أبو الزهور جنّ ولا شنو!!) يا زهير ربنا يديك الصحة وطولة العمر وكمان دفعات من الشواكيش أرض جو حتى تآمن وتبطل البتسوى فيهو دا....
يا أبوالزهور إنت مفروض تكون بقيت راجل خبرة وحريف يعنى الشاكوش دا تشم ريحتو وتقوم صوف!!فقط الدباس والسمبر هم من ينتظرون الشواكيش حتى تقع,,خليك حريف ولما الشاكوش يتحرك على الراس أركب الزلط وقصة الجرى دا ما حقى دى هنا بتعوق ونبقى فى زى قصصك دى,,
بالمناسبة دى سمعت نكتة الراجل المسيحى الأسلم وبعدين قام مات؟؟؟
تحياتى وجهز الُفل سوت ,,
Post: #18 Title: Re: وصية سكران Author: زهير عثمان حمد Date: 11-20-2011, 10:54 AM Parent: #16
أخوانا أيمن الطيب تحياتي
والله ياأيمن أخوك مش حريف والله بس راقص باليه عديل لكين البلد بقت كلهامشاكل خصوصا مع الجكس ومافي داعي للتفاصيل القصة بقت فيها مسدسات وتهديد بالتصفية وحكاية كداما زوال بيقدر عليها بس أحسن الاغتراب تجي تعزل وأنت وحظك وشكرا علي المرور ياصديقي
Quote: والله ياأيمن أخوك مش حريف والله بس راقص باليه عديل لكين البلد بقت كلهامشاكل خصوصا مع الجكس ومافي داعي للتفاصيل القصة بقت فيها مسدسات وتهديد بالتصفية وحكاية كداما زوال بيقدر عليها بس أحسن
شكلك كده يا ابوالزهور مشيت تهبش مكان السلوك العريانة يا صاحبى,, أختا الرملة ما تقع البكان الهش لكن زى حالتك دى شكلو الرش حاصل حاصل فيا زول سوق سواقتك جكساية ما تعتر ليك..
Quote: الاغتراب تجي تعزل وأنت وحظك
إنت من زمن الكرتله وزمن تتى زاتو يا حبوبة.. تعزل شنو يا أبو الزهور ياخ الشغلانة ما خرفان والله.. تعمل بالنظرية دى تبقى فيك البقت فى القذافى!!!
هسة إنت هرشت وقلت تستبق الأحداث بعد التهديد بالتصفية وقلت أهو فرصة الواحد يكتب وصيتو؟؟؟ قفل بابك كويس وخلى نومك خفيف وأرخى الأبوحمار شوية عشان الناس ديل لو جو يلقوك صاحى,,
