Post: #1
Title: حبيب نورة (الحب من طرف ثالث) نحن ما جينا!
Author: سامى عبد الوهاب مكى
Date: 11-19-2011, 05:47 PM
بالصدفة وجدت لقاء مع زميل البورد يسن سليمان (حبيب نورة) في الفترة المفتوحة بقناة الخرطوم.
ولأن الجبنة كانت حاضرة أمامي والضيف صاحب الرواية الضجة (الحب من طرف ثالث) التي لم أقرأها بعد، كنت راغب جداً أن أسمع من كاتب الرواية حتى أكون فكرة عن هذا الرجل.
الحق يقال أنت أنسان مرتب الأفكار وبسيط بساطة أمدرمان والسروراب بالأضافة لأنك تعرف بالظبط ما تريد وتجيد التعبير عن نفسك بشكل مدهش وحتى الإدهاش عندك مااااااااهو (بيضة ديك في مزرعة مرافعين)
أعجبني تعبير عمك بدري (نحن ماجينا) والله صدق.
ربنا يوفقك.
|
Post: #2
Title: Re: حبيب نورة (الحب من طرف ثالث) نحن ما جينا!
Author: حبيب نورة
Date: 11-19-2011, 08:13 PM
Parent: #1
الحبيب سامي عبدالوهاب
أشكرك بدايةً علي البوست والإعلان وأيي حاجة
وربنا يديم المحبة يا جميل
| Quote: أعجبني تعبير عمك بدري (نحن ماجينا) والله صدق |
التعبير ده ذكرتو قاصد من وراهو إني أرد الدين للسروراب المنطقة
بحيث إنو الفخر يكون بالبلد لا القبيلة وفعلا نحن محتاجين للحاجة دي
وقد تكون ملاحظ علو الصوت القبلي والجهوي وغيرو
وللناس البعيبو علي ذكر الهلال والمريخ
والله هي دعابة خفيفة قصدت بيها العم عمر علي حسن الرجل الجميل
وأصدقائي الهلالاب والرياضيين عامة
وما تنسي إني أتمنيت الهلال يحرز بطولة خارجية ويطلع من مربع الصفر
عموماً أشكرك يا سامي وربنا يخليك
|
Post: #3
Title: Re: حبيب نورة (الحب من طرف ثالث) نحن ما جينا!
Author: سامى عبد الوهاب مكى
Date: 11-20-2011, 08:33 AM
Parent: #2
| Quote: وللناس البعيبو علي ذكر الهلال والمريخ |
يا حبيب نورة شخصيا لا أرى أي غضاضة في أن يصرح كاتب أو فنان أو أي شخصية عامة ميوله الرياضي..
فعلى المك لم يتوانى يوماً رحمه الله عن القول بأنه مريخابي وهناك كثير مما يحكى عنه..
ود اللمين تم تكريمه في إستاد المريخ بنجمة من الذهب وإبراهيم حسين كذلك..وأتمنى أن يأتي اليوم الذي نزين فيه صدرك بنجمة من الذهب فنحن قوم نحتفي بمبدعينا..
ولك الشكر الجزيل.
|
|