عامودي مزمل ابوالقاسم و سلك بعد هدف بله جابر التاريخي :)

Quote: ها قام بله في الشوط الاول دقه الرقم قام جله جات بره بت التلفون قالت ليهو مكالمتك لا تتم حسب الطريقة التي اتبعتها تاكد من الرقم الصحيح في الشوط الثاني بعد الناس القنعوا من الممتاز دب في نفوسهم الامل بعد ما كانوا بقولو الممتاز خليناهو ودايرين ننسحب بقوا يقولوا فضل ليها كم !!! بالطريقة دي المريخ ما بجيب قون طيب لو المريخ درن الفرق ببقي كم ؟ قام بله تاني دقه الرقم من بره المره دي الرقم ما جله بت التلفون الكانت بتتفاصح ديك خشمها ما قدرت تفتحو بل داير اكتب بله الهاء دي يا ربي مشت وين ؟ كدي نحاول تاني بل برضو طلعت بل بل بل خليها بل بله زاد طين الجماعة بله اطيني ايها الناس امس اوفينا بالوعد انا ومعاوية الجاك دخلنا الشعبية الوسطي وما اعظم شعب المريخ جاء شعب المريخ ودفع مئة وتسعة مليون ( بالقديم ) ـ يا ربي كورة الهلال والترجي جابت كم ؟ المهم جيت بالتي شيرت الاحمر لقيت الاستاد كلو احمر الجمهور عمل العليهو لكن نعيب عليهو عدم التشجيع في بعض الاحيان والتسبب في توتر اللاعبين في احيان اخري ايها الشفوت ما تبقي من الدوري دور جمهور ليس الا في كل الظروف نشجع بحرارة نخلي التوتر وااااااحد صفر ضد الاهلي بتجيب الكاس والكاس بقلل النقاش بعد كورة الاهلي إنشاء الله القيامة تقوم فضل كورة ودية ونحنا ما جايين ما بنلعب كورة ودية ضد فريق رئيس ما عندو غايتو لو رئيس اللجنة الشعبية بحي العرب قبل يسير شؤن النادي ممكن نفكر نلعب المهم بعض اللاعبين كانو كويسين لكن طريقة اللعب يا بدري حيرتنا المدرب الشاطر يكون عندو تكتيك مضاد للتكتل الدفاعي نعم النسور بنت اعشاشها في خط ستة والتزمت بان تحضن اعشاشها البيض قرب يفقس وتنجح العملية الله يجازيك يا بله تهز الشجرة وترمي النسور العشعشت !!!! ومتين؟ قبال تفقس بي دقايق ؟؟؟؟ حرام يا بله قلق لا تعليق اي تعليق يبقي تلفيق ساااااااي بالطريقة دي يا اخوي العاقبة عندكم في المسرات كلتشي ذاتو لا تعليق علي اليمين ضربة بله دي زي ضربت فيتنام شوهت وشوش وملامح ناس كتااااااار عندي صاحبي هلالابي قابلتو بعد الكورة ما عرفتوا عيونو بقوا دقاااااااااااااق قلت ليهو ازيك قال لي نيهاوووو علي اليمين تخت ليهو جريو ياكلو الله يجازيك يا بله غيرت ملامح الناس السنة دي هلال بورتسودان متضايق وهلال كادوقلي اتضايق وهلال هنا متضايق الضيق واليابه صديق المهم التحكيم بالامس كان غريبا جدا ما عارف راي صلاح احمد محمد صالح شنو لكن لو صلاح ورانا قون العجب ما عدوهوا ليه بريحنا اسلام قالت لي ما عدوهوا عشان ممنوع قلت ليها الممنوع شنو ؟ قالت لي ممنوع العجب يجيب قون ايها الناس ناس الشرطة وامن الملاعب ما شموا نفسهم الا بعد قون بله وهذا دليل علي خوفهم من ثورة جماهيرية لانهم شايفين الحكم بعمل في شنو يا ناس صلاح لو ما دايرين الموسم ده ينتهي بخير جيبوا في كورتنا يوم الاهلي حكم زي بتاع امس ده وتحملو بعد ذلك مسئولية ما يحدث الهلال السنة دي لو بقي الترجي ما بشيل الممتاز خلوا الناس تلعب كورتها المهم اسلام قالت لي الاء اختها الصغيرة فزورة قالت ليها رئيس مخلوع من التوانسة من هو ؟ الاء قالت ليها رئيس مخلوع يعني منطط عيونو ؟ اسلام قالت ليها منطط شنو ؟ مخلوع يعني شالوهوا من الرئاسة الاء قالت ليها ده البرير اسلام قالت ليها البرير شالوهوا التوانسة ؟ الاء قالت ليها ايوه ، موش البرير شالوهوا بسبب المسيكني !!! يبقي خلاص شالوهوا التوانسة المهم سبحان الله ٢٠١١ شالو فيها كترت رؤساء بن علي في تونس ومبارك في مصر والقذافي في ليبيا والبرير في حي العرب وفي الطريق صالح وبشار في سوريا الله يتم السنة دي علي خير يا والي يا ربي الرئيس المخلوع امس مشي بورتسودان ؟ وهل تجوز الحليفة لانسان خلع من منصبه دايرين في دي فتوي يا ناس عشان لو ما بتجوز نجيب الجوز الجوز الحلف حلفوهوا ايها الناس اعظم شعب هو شعب المريخ والما مصدقني يدخل كورة المريخ في المساطب الشعبية اها لكن النسور عملوها ظااااهرة خندقوا جنس خندقة الشرطة الموحدة كلها اتوحدت داخل خط ستة لكن الله في المهم الحضري ما لعب النسور غلبونا بيس ؟؟؟ من زماااان قلنا ليكم من كورة اهلي شندي قلتوا كرامة شنو وسوري شنو وقع ليكم كلامنا كورة الهلال الودية يس ذاتو ما لاعب حا نلعب حارس الاشبال ناس عندهم فراغ دستوري نلعب لهم يس ؟ كتير عليهم علي اليمين بله كتلها كتلة بل يا ربي الهاء دي مالها ما دايرة تتكتب سلك كهربا ننساك كيف وبله بقي كتال كتلة والي لقاء سلك

Quote: كبد الحقيقه غاب الجوز وحضر اللوز عبر المريخ النسور بعد ولاده قيصريه وحافظ علي أفضليته في القمه بعد مباراه عصيبه تلاعبت بأعصاب الصفوه وسادها التوتر بصوره مبالغ فيها وأكمل حكم المباراه الفاضل عبد العاطي الناقصه وكاد يتسبب في كارثه بألغائه هدفا صحيحا للمريخ ناله فيصل عجب في الحصه الثانيه وضح من لقاء الأمس ان الأعداد النفسي للاعبي المريخ ضعيف للغايه بدليل انهم لعبو بتوتر شديد وبلا ادني تركيز وفشلو في نقل الكره بطريقه صحيحه وظلو يتخلصو منها كيفما أتفق بالأرسال الطويل للمهاجمين بطريقه سهلت مهمه النسور اللتي خاضت اللقاء بتسعه مدافعين توتر في الملعب وتوتر في الدكه وتوتر في المدرجات لبت جماهير المريخ النداء وحضرت بكثافه ودفعت اكثر من مائه مليون وشجعت بقوه في مطلع اللقاء لكنها تحولت مع مرور الوقت الي عنصر ضغط نفسي علي اللاعبين وجهازهم الفني بأطلاق صافرات الاحتجاج والصياح في وجه نجومها المرتبكين أصلا وكالعاده غاب خط الوسط وتلاشت صناعه اللعب فتعقدت مهمه المهاجمين كسب المريخ حوالي عشره ضربات ثابته و 15 ركنيه وفشل في الاستفاده منها بسوء التنفيذ وعندما استثمر العجب احداها وحولها الي هدف تدخل الحكم الفاضل عبد العاطي والغاه بلاسبب بحمدالله تجاوز المريخ مطب النسور ويجب علي ادارته وجهازه الفني مراجعه الحاله النفسيه للاعبين وتهيئتهم للقاء المقبل بطريقه جيده كي يبتعدو عن التوتر ويركزو في حسم اللقاء مطلوب من البدري ان يعيد ترتيب اوراقه ليعيد لخط الوسط فعاليته المفقوده ويبعد اللاعبين عن التوتر ويقلل أخطاء التمرير اللتي كادت ان تفقد المريخ افضليته المطلقه في الممتاذ بلبل ضرب النسور وأشاع الحبور والأثنين الليله وين لجنه التحكيم تلعب بالنار في لقاء المريخ والخرطوم عينت لجنه التحكيم الحكم المعز احمد الذي تسبب في هزيمه المريخ امام اهلي الخرطوم في ختام الدوره الأولي وفي لقاء الأمس عينت الفاضل عبدالعاطي الذي غض الطرف من قبل علي حاله الركل اللتي ارتكبها لاعب الهلال اسامه التعاون مع لاعب المريخ سفاري في منطقه حساسه غض الفاضل الطرف عن الحاله الواضحه ورفض طرد المعتدي وسط دهشه الجميع وبالأمس نقض الحكم نفسه هدفا صحيحا للمريخ بقرار لم نجد مايبرره وقد أثبتت الأعاده صحه الهدف واكدت عدم وجود مخالفه وان صافره عبد العاطي انطلقت دون مبرر مطلوب من السر وصلاح وقبلهم حكم المباراه ان يستعينو بشريط المباراه ليوضحو لنا اين تكمن المخالفه اللتي كادت ان تفجر اكبر أزمه في الموسم الحالي يجب علي قاده لجنه التحكيم ان يشكرو لاعب المريخ بله جابر لانه انقذهم مع الحكم من حرج كبير بتسجيله هدف الفوز الغالي للمريخ لجنه التحكيم تمارس اسوأ انواع اللعب بالنار مع المريخ... المريخ ينافس التوتر ولجنه التحكيم علي لقب الممتاز لماذا اخر الاتحاد أخطار البرير اوردت الصدي خبر عقوبه البرير بعد نهايه عطله العيد مباشره وبالتحديد خامس ايام العيد وتباري كثيرون في نفي الخبر وبعد نشر العقوبه تحدث بعض كتاب الهلال عن وجود مؤامره تستهدف رئيس الهلال واستدلو علي ذلك بخبر الصدي خاطب الكاف الاتحاد السوداني بالعقوبه يوم 9 نوفمبر الجاري ولم يتم اخطار الهلال بها الا يوم 15 نوفمبر فلماذا تاخر اعلان الخبر وماذا سيفعل الاتحاد بعده هل سيواصل صمته علي قضيه اللكمه ويصر علي تجاهلها كما فعل من قبل وهل سيقبل التحايل علي العقوبه بالحديث عن سريانها محليا هذه العقوبه صدرت من الاتحاد القاري الذي يتبع له الاتحاد السوداني واحترامه واجب وتطبيقها لايقبل التحايل اخر الحقائق قبل ان نبارك لأهل كوستي صعود ممثلهم للمتاز لابد ان نحيي كفاح مريخ نيالا الذي اجتهد وكافح وتعثر في العتبه الاخيره صعود الرابطه لم يفاجئ احد لان هذا الفريق الطموح ظل يجتهد لبلوغ الدوري باستمرار وكوستي اضافه كبيره للمتاز بجمهورها الذواق واهلها العاشقين لكره القدم هدف بله في لقاء الامس الاغلي في مسيرته الكرويه علي الاطلاق صاروخ ارض جو لايصد ولايرد قنبله مدويه هزمت الترصد وقهرت جيوش الاستهداف واحبطت كثيرين نعيب علي البدري انه لم يستطيع تجهيز لاعبيه معنويا كما ينبغي عدد اخطاء التمرير في لقاء امس لايحصي كالعاده غاب خط الوسط تواضع قلق واكثر وارقو من المراوغه والسقوط وتاه الباشا تماما واتي الدافي متوترا واكثر من الحديث مع الحكم حتي نال بطاقه صفراء مارس مصعب انانيه مقيته وهو يصر علي التسديد بلاتبصر من زاويه ضيقه مرتين وأهدر علي فريقه فرصه تسجيل هدفين ليس هناك مبرر لحاله التوتر اللتي اعترت فرقه المريخ امس غابت صناعه اللعب واحتجب اديكو فتلاشت خطوره هجوم المريخ سكواها في اسوأ حالاته ومستواه في تراجع شديد نال لاعب النسور دومينيك بطاقه صفرا مبكره وبعدها اعتدي علي ساكواها من الخلف بطريقه عنيفه و وسط دهشه الجميع غض الفاضل عبد العاطي الطرف عن الحاله ورفض اشهار البطاقه الثانيه في الثغر انتهت تقسيمه الهلالين بفوز الأزرق علي الابيض بثلاثيه نظيفه ادي لاعبو النسور مباراه انتحاريه ولعبو بعنف شديد استأسد صاحب المركز التاسع علي المتصدر ولعب المباراه وكانها لقاء تتويج امام المريخ لقاء مصيري امام الأهلي يجب ان يؤديه باعلي درجات التصميم والتركيز وعلي الجماهير ان تواصل حضورها الجميل وتشجع لاعبيها فحسب كثافه الحضور يمكن أن تؤذي الفريق اذا واصل المشجعون اطلاق صافرات الاحتجاج ضد المخفقين امام الاهلي نريد لزلزال الملاعب ان يؤدي دوره علي الوجه الأكمل ويابدري لقاء التتويج لايحتمل التوتر والأخطاء امس غاب التكتيك واحتجب اللعب الممرحل وسادت العاب المريخ هرجله غريبه قاد القبطان الحاج حسن عثمان تشجيع الزعيم من المدرجات برفقه ابناءه وأحفاده رفض خالد احمد المصطفي ان يقول رايه حول هدف المريخ الملغي رغم وضوح الحاله لماذا لاتقول رأيك ياكابتن ماالذي منعك من الاعتراف بصحه الهدف مباريات المريخ مثيره حتي اخر دقيقه وهناك مباريات مثل الافلام الهنديه نهايتها معروفه للجميع كثيرون داعبهم الامل في تعثر الزعيم مثلما حدث امام الأمل خاب الأمل مسكين البدا يأمل ضاقت ولما استحكمت حلقاتها اتي الحل من بله الربطو مابنحل صاروخ بلبل الاجمل والاخطر في الموسم الحالي سكود عابر قارات يحمل راسا نوويه حرقت الشباك وكوت القلوب يقول المثل يحلنا الحله بله بامر جابر غاب الجوز وحضر اللوز بلبل سرور وحبور اصطاد النسور واسعد الجمهور ويقال كذلك انه ملأ اقسام الحوادث بالمئات دفعت الصفوه اكثر من مائه مليون وملأت الطابقين يوم الأثنين الصفوه تضرب الدخل في أثنين اخر خبر ايهما اقوي من الاخر قبضه المريخ الحديديه ام لكمه البرير الخطافيه

منقول عن صفحة الزعيم بالقيس بوك

سلامات يادكتورنا

والف مبروك الفوز

وشكرا للاحباب موزمل وسلك

وعمودين في السلك

منتهى السخف والسقوط والدونية في تناول وتعاطي الاحداث عبر الاعلام الرياضي المنحط الى هذا الدرك السحيق ،

شكرا يا دكتور وخاصة على عمود سلك

لكن مسئؤل من الخير المكاشفى ده مالو

يكون هدف بله فرق معاه للدرجة دى

http://youtu.be/vf5eOvxYcs8


رابط لقديفة بله جابر في مرمى النسور الامدرماني الدوري الممتاز السوداني 17 11 2011

تلات نقاط بطعم الشهد و وتبقت جولتين منتصرين باذن الله ..

مبروك الفوز وإن شاءالله تركزوا يوم الاربع ام اهدافاً اربع











ودى

شهاب الصفوة ،،

Quote: تلات نقاط بطعم الشهد و وتبقت جولتين منتصرين باذن الله ..

لا ياخ ،،
تبقت جولة واااحدة ..
وإنت الصادق ،،






الجولة الأخيرة ودية ،،

معتصم ،،

Quote: مبروك الفوز وإن شاءالله تركزوا يوم الاربع ام اهدافاً اربع

ليه؟
إنتو قابلننا بااااااااع ذي الجماعة ؟






كاااااااااااااااااااااااك ،،

هدف جميل وفي وقت جميل ...
وقت جميل دي .خت تحتها خطوط ..

وفعلا تبقت جولة واحدة فقط ...
ومبروك الممتاز مقدما ...

اخوتي الصفوة

في المخيله الخماسية ما نازل باب كور زي دي ,

توفيق و قوة و فزعة و عرضة .. تتتتوفف

ياخي لو ما الشبكه الكورة دي قطع شك لي حسه مسافره ..

نسر بس ..

Quote: http://youtu.be/vf5eOvxYcs8

لنجعل الرابط يتحدث ..
واي تعليق يا دكتور سيقتل الروعة ..
شكراً يا صفوة يا جميل ...

أنا عندي إستفسارين مهمين
بتاع الكاميرا ده شاف الكورة دي كيف عشان يصورا

وبعدين بلة ده شايت من وين ؟؟

دكتور شهاب يا صفوة
نباركـ لكم هدف بلة جوز التاريخي في مرمي مانشستر يونايتد ..




* البسمع تاريخي دي ما يقول لاعبين مع فريق لسه الناس ما حفظت إسمو كويس




* كدي خلينا من الكورة : كل سنة و أنت طيب ياخ و السنة الجاية على أمانيكـ .. بس مافي الكورة ..

حبيب نورا

Quote: وبعدين بلة ده شايت من وين ؟؟

من موقف مواصلات الـ تيسير

يا كوتش ... لك التحية ...

والمباراة حالياً شغالة على قناة قون ...
أرجو تسجيل شوط المباراة الثاني ...