Post: #1
Title: لبس الكارينات والملابس المحزقة الضيقة في المجتمع السوداني .. لماذا؟
Author: المكاشفي الخضر الطاهر
Date: 11-18-2011, 09:28 AM
Parent: #0
تلاحظ في الآونة الأخيرة أن كثير جدا من الفتياة في مجتمعنا يقمن بلبس ملابس ضيقة ومحزقة لماذا؟ لماذا لم يسأل أحدكم هذا السؤال؟ لماذا تلبس الفتاة هذا النوع من الملابس الخليعة التى تثير الفتنة وسط الشباب التايه أصلا؟
لا يمكن وبأي حال من الأحوال أن ندع هذه الظاهرة التى تكاد ان تكون قد أصبحت عادة ان تستشري وتتوغل في مجتمعنا السوداني بهذه الصورة القبيحة ، ماهو دوركم يا مستنيرين ؟ لما تسكتون عن مثل هكذا ظواهر تطيح بقيمنا ومعتقداتنا وتضرب بها عرض الحائط؟ لماذا؟
القنوات الفضائية والمذيعات حدث ولا حرج ،
الطالبات في كل الجامعات حدث ولا حرج
الفتيات في السوق العربي وغيره حدث ولا حرج
المرأة العاملة في القطاع العام والخاص حدث ولا حرج
أين إتحاد المرأة ؟
لماذا هذا ؟
نناشد والي الخرطوم وحكومته الجديدة بضرورة ان يقوم بمنع مثل هذا النوع من اللبس الخليع والمحزق الذي يثير الفتن وسط الشباب والفتيات
كما أناشد كل رب أسرة ان يخاف الله في أسرته وان يوجهها التوجيه السليم بضرورة ان تحترم التعاليم الدينية وان تراعي الفتاة الزي المحتشم الذي يحفظ كرامتها كما أناشد الإعلام والصحافة ان تقوم بتوعية الفتيات والشباب بخطورة مثل هذه الملابس ، ونناشد الإخوة في الجمارك والغرف التجارية بعدم التصديق باستيراد مثل هذه الملابس
وإنا لله وإنا إليه ارجعون
|
Post: #2
Title: Re: لبس الكارينات والملابس المحزقة الضيقة في المجتمع السوداني .. لماذا
Author: معاوية عبيد الصائم
Date: 11-18-2011, 09:35 AM
Parent: #1
مكاشفى القوم
بطل متاوقة ونظرة ليك ونظرة عليك
لكن باقى لى نظرتك ام نص ساعة
ياخوى شفت حت الاسد النتر ....
|
Post: #3
Title: Re: لبس الكارينات والملابس المحزقة الضيقة في المجتمع السوداني .. لماذا
Author: معاوية عبيد الصائم
Date: 11-18-2011, 09:39 AM
Parent: #1
Quote: نناشد والي الخرطوم وحكومته الجديدة
|
انت يا زول قاعد تنسى وللا شنو قبل يوم مش قلت القشة القسمت ظهر شنو كده ماعارف؟
|
Post: #5
Title: Re: لبس الكارينات والملابس المحزقة الضيقة في المجتمع السوداني .. لماذا
Author: معاوية عبيد الصائم
Date: 11-18-2011, 09:48 AM
Parent: #3
Quote: أين إتحاد المرأة ؟
/IMG]
ياهو ده اتحاد المراة يا مكاشفى القوم
|
Post: #7
Title: Re: لبس الكارينات والملابس المحزقة الضيقة في المجتمع السوداني .. لماذا
Author: Adil Isaac
Date: 11-18-2011, 10:25 AM
Parent: #3
| Quote: تلاحظ في الآونة الأخيرة أن كثير جدا من الفتياة في مجتمعنا يقمن بلبس ملابس ضيقة ومحزقة لماذا؟ لماذا لم يسأل أحدكم هذا السؤال؟ |
لم يقضي معظم المتدينين آوقاتهم في "ملاحظة" ملابس النساء يا شيخ المكاشفي؟ لماذا لا يقضون البصر كما أمرهم دينهم؟ ولماذا تلبس الفتيات ما يروق للرجال من الملاحظين الدائمين للبسهن؟ أليس لبس للبني آدم شأناً خاصاً به؟
هل أخلاق المسلمين ستسمو بزيادة آحجام الأقمشة التي ترتديها فتيات المسلمين؟
ما تلبسه الفتيات يا شيخ المكاشفي تحدده تقليعات و موضات وتأثيرات ثقافية مصدرها الحضارة السائدة حالياً التي مصدرها الغرب، ، دور المسلمين فيها هو الإستهلاك رغم مظاهر النقد الخجول. هي حضارة لم تشرع قوانيناً للبس النساء، لإنشغالها بالأهم، ولكن كفلت لهن الحريات بما فيها التعبير عن أنفسهن بلبس ما يروق لهن !! ومنعت عنهن تطفل الرجال و تحرشهم بالقوانين الرادعة. بالواضج كدة: ليست الفتيات مسئولات عن شهوات الرجال غير المسئولة، و غير المرغوب فيها بالنسبة لهن. خاصة لأن هذة الشهوات مصدرها العقل وليس الجسد الكاشف( و قي هذة أسأل من تحتم طبيعة عملهم التعامل مع الجسد البشري عن إمكانية غياب الشهوات مع حضور العقل).
مناشدة حكومة الخرطوم لمحاربة الكارينات هي لعمري شيئاً بئيس: آلم تري كيف فعلت حكومة الخرطوم بشبكة المجاري، التعليم، الصحة؟ أليست هذة الأشياء من صميم واجبات الحكومات.؟........
لهذة الأشياء تنتخب و تناشد الحكومات وليس لمنع الكارينات يا شيخنا !!
كارينات بتاعت فنلتك ياخ.....:)
|
Post: #4
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-18-2011, 09:48 AM
Parent: #1
أناشد جهات الاختصاص ( وزير الإعلام ومدير قناة النيل الأزرق ) بإيقاف برنامج أفراح أفراح من البث وإلزام المذيعات بالقناة بالإلتزام بالزي المحتشم
|
Post: #6
Title: Re: لبس الكارينات والملابس المحزقة الضيقة في المجتمع السوداني .. لماذا
Author: محمد على حسن
Date: 11-18-2011, 10:04 AM
Parent: #4
| Quote: أناشد جهات الاختصاص ( وزير الإعلام ومدير قناة النيل الأزرق ) بإيقاف برنامج أفراح أفراح من البث وإلزام المذيعات بالقناة بالإلتزام بالزي المحتشم |
وماذا عن افراح افراح كريمة المرحوم ابراهيم شمس الدين ورب البيت الضارب الدف
انتو مشروعكم الحضاري واعادة صياغة الانسان
المشروع دة دراسة الجدوي كانت مضروبة
صرفت الملايين وغشتو االناس وسقتوهم ذمر للموت
وصرفتم البلايين لصياغة الانسان وانجاح المشروع الحضاري واليوم الفيهو ري البيت
بالدف ضارب والفساد ضرب من كنتم تعتقدون انه رسول منقذ وانت جاي تتحدث عن لبس الحرائر - يا اخي اختشوا
انا شخصيا ما رافض ضرب الدف لكن ان تغشوا الناس وتجلدوا الفتيات بدعوى الاختلاط والرقص
وتخلطوا وترقصوا انتو بس دي بارفضها
المكاشفي ناسك غشاشين وكضابين وحرامي فسادين يعملون ما لا يقلون وانت عارف
وعارف البئر وغطاه وجاي اليوم عشان تلهى الناس وفاتح بوست عن لبس بناتنا
وكان الامر بقى على اللبس بس
يا راجل التفت وعاين حولك لتعرف كيف انت انصرافي ولا تضع يدك على الجرح
جمعتك مباركة يا مان وكلم امام مسجدكم عشان يورينا راي الدين في الرقص الصاحب افراح افراح كريمة المرحوم
وربنا يكتر من افراح الجميع
|
Post: #8
Title: Re: لبس الكارينات والملابس المحزقة الضيقة في المجتمع السوداني .. لماذا
Author: تبارك شيخ الدين جبريل
Date: 11-18-2011, 11:28 AM
Parent: #6
| Quote: أناشد جهات الاختصاص ( وزير الإعلام ومدير قناة النيل الأزرق ) بإيقاف برنامج أفراح أفراح من البث وإلزام المذيعات بالقناة بالإلتزام بالزي المحتشم |
ووزير الإعلام الأمريكي ومدير قناة ستارز ... لأنو شيخ المكاشفي عندو "الديجيتال" وهو باقي عندو حساسية من تضاريس النساء وأنواع محددة من الأقمشة والتفصيلات ...
... المهم ....
|
Post: #9
Title: Re: لبس الكارينات والملابس المحزقة الضيقة في المجتمع السوداني .. لماذا
Author: أحمد ابن عوف
Date: 11-18-2011, 12:00 PM
Parent: #8
تسلم يا معاوية
|
Post: #10
Title: Re: لبس الكارينات والملابس المحزقة الضيقة في المجتمع السوداني .. لماذا
Author: esam gabralla
Date: 11-18-2011, 12:04 PM
Parent: #9
الكارينات دى شنو؟ نورنا يا المكاشفي من علومك ... سؤال جاد
|
Post: #11
Title: Re: لبس الكارينات والملابس المحزقة الضيقة في المجتمع السوداني .. لماذا
Author: Dalal Ezzaldin
Date: 11-18-2011, 12:19 PM
| Quote: الكارينات دى شنو؟ نورنا يا المكاشفي من علومك ... سؤال جاد |
نوع من الفنايل المطاطه اضيق من البودي ,,
اخترعوها عشان يلبسوها تحت التوب ومع بعض الفساتين الكاشفه و المافيها اكمام
قاموا بناتنا لبسوها ساااي , ويز اوت اي اضافات 
|
Post: #12
Title: Re: لبس الكارينات والملابس المحزقة الضيقة في المجتمع السوداني .. لماذا
Author: عادل الباهي عبدالرازق
Date: 11-18-2011, 12:31 PM
Parent: #11
مكاشفي القوم
كل سنة وانت طيب وجمعة مباركة
أنت يا شيخنا البيخليك تكشف شنو عشان تعرف الكارينات
والملابس المحزقة الضيقة
والله بنات السودان القارشين ملحتن ديل بالنسبة لبقية الشعوب
العربية ملائكة عديل كدة بس كيف ناس الدقون الدائرة يحلوا عن
سماءهن ويخلوهن في حالن. قال والي قال .
بالمناسبة يا المكاشفي انت عدو للمراءة
مره شابكنا قفلوا جامعة الاحفاد ومرة اللبس الضيق طيب ما ندفن
الفتيات ديل وهن أحياء مش برضو فكرة ؟
|
Post: #13
Title: Re: لبس الكارينات والملابس المحزقة الضيقة في المجتمع السوداني .. لماذا
Author: محمد مكى محمد
Date: 11-18-2011, 01:41 PM
Parent: #12
المشكلة ليست فى الملابس.
الداير يعاين ...بعاين..
|
Post: #14
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-18-2011, 04:12 PM
Parent: #13
كتبت في بوست علاء الدين
Quote: أنا لن أتحدث لكم عن رقيص البشير ولا اختلاطه بالنساء (اقاربو ولا ما اقاربو ) عارفين السبب شنو ؟ لأنكم يا متنوضلون تستخدمون اساليب ومعايير مزدوجة في سياستهم الكيلية والكيدية ، لأني بالأمس القريب تحدثت عن لبس وزي طالبات الأحفاد أقمتم على الدنيا ولم تقعدوها وأخذتم تصوغون وترسلون في التبريرات الفطيرة وترموني بالتهم التى جرحتني جرح لم يندمل حتى هذه اللحظة متهكمين عليَّ تهكم القردة والخنازير ورميتموني بأبشع وأقذع عبارات السب والشتم وأخذتم تنددنون بكل ما جئتكم به من آيات وأحاديث وأدلة سقتها لأبين عدم جواز هذا النوع من الّبس المحزق والضيق لطالبات الأحفاد ،،، والموضوع الثاني هو لبس الكارينا في عموم السودان وفي بعض البرامج في التلفزيون(اوراق شبابية وقناة النيل الازرق) ومطالبتي لوالي الخرطوم بضرورة ان يقوم بمسؤولياته كاملة تجاه هذا السفور والتبرج في شوارع العاصمة لأن الله سيسأله عن ذلك وما فيكم واحد هببني ابدا ، فلماذا تطالبون بتطبيق قانون أساسا انتم غير مقتنعين به ؟؟ أنتم لستم اهلا للتحدث عن قانون النظام العام ، بما أنكم غير معترفين به اعترفوا به أولاً وبعد دا تعالوا إسئلوا عن تطبيقه ، ما الشيء الذي جعله اليوم عندكم مقبول ؟
3- يعني انتو يا متونضلون على كيفكم تنتقدوا ما تشاءون وتبرروا لما تشاءون لماذا؟ انا حا افتح المواضيع دي تاني واوع واحد فيكم يجي يقول لي : ( خلي الناس في حالا ، مالك ومال الناس ، الداير يلبس اليلبس ، ربنا يوم القيامة بيحاسبو ، دي قناعات شخصية ، دي حرية شخصية ، ) |
|
Post: #15
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-19-2011, 08:38 AM
Parent: #14
قال الامام الغزالي في كتابه إحياء علوم الدين عندما افرد بابا للسماع قال : ( فإن كان _ أي الغناء والسماع _ من القصائد في ذكر الجنة والنار والتشويق الى دار القرار ووصف نعيم الملك الجبار وذكر العبادات والترغيب في الخيرات فلاسبيل الى الانكار ، ومن ذلك القبيل قصائد الغزاة والحجاج في وصف الغزو والحج مما يثير كامن العزم من المغازي وساكن الشوق من الحاج
وأما ما كان من ذكر القدود والخدود ووصف النساء فلا يليق بأهل الديانات الاجتماع لمثل ذلك) أنتهى كلام الغزالي
قلت : أما ما نشاهده اليوم في الفضائيات وحفلات الاعراس لا يمت للغناء الذي جوزه الامام الغزالي بصلة أبداً فنجد في قد اجتمعت المنكرات كلها (إختلاط الرجال بالنساء ، والسكر ، وغناء النساء ، والمعازف ، والملابس الخليعة الفاتنة ) فهذا كله لا يجوز الاجتماع له كما ذكر الامام الغزالي فهذا يعتبر من قبيل الفسق والمنكر والله أعلم
انا لا اسوق لكم أدلة الذين أجازوا الغناء او كرهوه او اباحوه او حرموه ولكن اقول أن الامر واضح للجميع فلماذا يكون إجتماع الرجال مع النساء في هذه الاندية وفي الفضائيات ليغني المغني ويرقص الناس بغنائه وهم يعلمون انهم يقترفون المحرم لماذا؟
|
Post: #16
Title: Re: لبس الكارينات والملابس المحزقة الضيقة في المجتمع السوداني .. لماذا
Author: عبدالمجيد الكونت
Date: 11-19-2011, 08:43 AM
Parent: #15
انت الوداك تعاين للكارو ولا الكارني ده شنو
|
Post: #17
Title: Re: لبس الكارينات والملابس المحزقة الضيقة في المجتمع السوداني .. لماذا
Author: محمد إبراهيم علي
Date: 11-19-2011, 09:12 AM
Parent: #16
سلام يا مكاشفي
طريقة المعالجة غير واقعية ومتعسفة فالوالي او شرطة النظام فشلت طوال 22 وعشرين عاما في هذه المهمة
يجب تسريح شرطة النظام او الاستفادة منهم في (لقيط القطن مثلا اودق العيش فخبراتهم قد تكون مفيدة هنا فهم يمارسون اللقيط والدق يوميا) وتوجيه الموارد التي تصرف عليهم الى دعم الصحة و التعليم
الامريكان كان عندهم مشكلة وهي عدم اقبال الناس على دراسة طب الطوارئ والتمريض مما نتج نقص في هذه الكوادر في المستشفيات تتخيل حلوها كيف يا مكاشفي عملو مسلسل شهير جدا اسمو ER وهي اختصار لـ Emergency Room او غرفة الطوارئ يقدم هذه المهن واظهر فضائل هذه المهنة وانسانيتها واهميتها للمجتمع فازداد الاقبال على هذه الكليات وحلت المشكلة
هل عندكم حلول مبتكرة زي الفوق دي ؟
|
Post: #18
Title: Re: لبس الكارينات والملابس المحزقة الضيقة في المجتمع السوداني .. لماذا
Author: ahmed haneen
Date: 11-19-2011, 12:05 PM
Parent: #17
يا اخوانا
اخونا المكاشفي اظنو مصقرت ..
والله صحي
|
Post: #19
Title: Re: لبس الكارينات والملابس المحزقة الضيقة في المجتمع السوداني .. لماذا
Author: شرف الدين آدم إسماعيل
Date: 11-19-2011, 12:44 PM
Parent: #18
يا شيخ ....
مش احسن انو تقول كلمة حق في المتاجرين باسم الدين ؟
بعدها...
تجي تتكلم عن لبس البنات..
والا ...
منظرك حيكون محرج..
|
Post: #20
Title: Re: لبس الكارينات والملابس المحزقة الضيقة في المجتمع السوداني .. لماذا
Author: احمد محمد بشير
Date: 11-19-2011, 01:14 PM
Parent: #19
Quote: يا اخوانا
اخونا المكاشفي اظنو مصقرت |
سيدالكارو تعال لي .. دقائق قُلال تعال لي .. الوداك جنب الكارو شنو ؟؟؟ سؤال جاد صحي يامكاشفي القوم !!
|
Post: #21
Title: Re: لبس الكارينات والملابس المحزقة الضيقة في المجتمع السوداني .. لماذا
Author: تبارك شيخ الدين جبريل
Date: 11-19-2011, 01:45 PM
Parent: #19
Quote: اخترعوها عشان يلبسوها تحت التوب ومع بعض الفساتين الكاشفه و المافيها اكمام
|
البخترعوا ما بلبسوا توب ... والبلبسوا توب ما بخترعوا ... والفساتين الكاشفة بتتعمل كاشفة ... لامن يكون ما فيها اكمام فايدتها شنو لو لبسوا تحتها اكمام؟
هدوم البرد بيكون فيها اكمام وكتير من الأوكات بتكون مدبلة ... وهدوم الصيف بتكون اكمامها قصيرة ومرات بدون ... البني آدم بيلبس عشان يحمي نفسو من تقلبات الطقس والمطر وموجات الحر والسحائي والبرد والكتّاحة ... وزي البيوت والعربات والعفش وأي حاجة الزول بيشوفها لازم تجميل وتلوين ... عشان كدا الهدوم بتكون جميلة وملونة وتلائم الطقس ... لكل الناس ... رجال نسوان شفّع عجايز ...
مشكلة شيخ المكاشفي مع تضاريس اجساد النساء وانواع محددة من الأقمشة والتفصيلات البتعتمد في جمالياتها على هذه التضاريس ... مشكلة ما عندها حل ...
يعني بناطلين الرجال وهدوم الكورة والتفصيلات والأقمشة البتعتمد على تضاريس الأجساد الرجالية ما عندو معاها مشكلة ...
اعتقد انها حالة مستعصية من حالات اضطهاد المرأة المستوطنة ... وحلها يكمن في مخاطبة وزير الإعلام ومدير قناة النيل الأزرق ... والمطالبة بالتخلص من شيخ المكاشفي ... أو على الأقل تنوير الجمهور عن كيفية التخلص من شيخ المكاشفي ... يعني نرميهو في السجن بتهمة ممارسة الإضطهاد والكراهية .... نشوف واحد متطرف يطعنو سكّين ... نخت ليهو "عبوة ناسفة" قدام بيتو ... أي طريقة للتخلص منو بدون تسبيب أضرار لمن حوله أو للمجتمع ....
... المهم ....
|
Post: #22
Title: Re: لبس الكارينات والملابس المحزقة الضيقة في المجتمع السوداني .. لماذا
Author: هشام هباني
Date: 11-19-2011, 02:23 PM
Parent: #21
شيخ المكاشفي
تحياتي
يمكن لاي انسان ان يغطى عورته الجسدية بهندام وبيسر متى ما اراد وهو امر مقدور عليه ولكن كيف سيغطى امثالكم ما هو افدح من عورة الجسد اي عورة الاخلاق من خلال مواقفكم المشبعة خزيا وعارا وانتم تبدون بها ككائنات عارية من القيم والاخلاق حينما تقرون بصمتكم البئيس جرائم القتل واغتصاب النساء والرجال وسرقة المال العام وتمزيق الوطن وبيع ترابه للغرباءبواسطة ثلة من بلطجية لا زالت تمارس هده الاشياء باسم دات الدين الدي تتنطع به وانتم تؤيدونها في دلك الحرام..فاولي بك اخى المكاشفي ان تغطى عورة اخلاقك ودلك بالعودة الى الدين الصحيح لان الساكت فيه عن الحق شيطان اخرس وفاقد الشيء لا يعطيه اليس كدلك؟
(بلا يخم الانقاد ومن والاها)
|
Post: #23
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-19-2011, 03:21 PM
Parent: #22
الى
معاوية عبيد الصائم
عادل اسحاق
محمد على حسن
تبارك شيخ الدين
احمد بن عوف
عصام جبر الله
دلال عز الدين
عادل الباهي م
محمد مكي محمد
الكونت
محمد ابراهيم علي
احمد حنين
شرف الدين آدم
احمد محمد بشير
هشام هباني
شكرا لمن تهكم ######ر على ،وشكرا لمن انصفني منكم ، وشكرا لمن أساء الى ،وشكرا لمن سبني وشتمني منكم
|
Post: #24
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-19-2011, 03:27 PM
Parent: #23
ذكر الحافظ بن حجر العسقلاني في شرح حديث الحبشة والجواري اللواتي كن يضربن بالدف ويغنين في يوم بعاث
Quote: باب قصة الحبش وقول النبي صلى الله عليه وسلم يا بني أرفدة
3337 حدثنا يحيى بن بكير حدثنا الليث عن عقيل عن ابن شهاب عن عروة عن عائشة أن أبا بكر رضي الله عنه دخل عليها وعندها جاريتان في أيام منى تغنيان وتدففان وتضربان والنبي صلى الله عليه وسلم متغش بثوبه فانتهرهما أبو بكر فكشف النبي صلى الله عليه وسلم عن وجهه فقال دعهما يا أبا بكر فإنها أيام عيد وتلك الأيام أيام منى وقالت عائشة رأيت النبي صلى الله عليه وسلم يسترني وأنا أنظر إلى الحبشة وهم يلعبون في المسجد فزجرهم فقال النبي صلى الله عليه وسلم دعهم أمنا بني أرفدة يعني من الأمن
الحاشية رقم: 1
[ ص: 639 ] قوله : ( باب قصة الحبش وقول النبي صلى الله عليه وسلم يا بني أرفدة ) هو بفتح الهمزة وسكون الراء وكسر الفاء اسم لجد لهم . وقيل : معنى أرفدة الأمة ، وقد تقدم شيء من ذلك في أبواب العيدين . والحبش هم الحبشة يقال إنهم من ولد حبش بن كوش بن حام بن نوح ، وهم مجاورون لأهل اليمن يقطع بينهم البحر ، وقد غلبوا على اليمن قبل الإسلام وملكوها ، وغزا أبرهة من ملوكهم الكعبة ومعه الفيل ، وقد ذكر ابن إسحاق قصته مطولة ، وأخرجها الحاكم ثم البيهقي من طريق قابوس بن أبي ظبيان عن أبيه عن ابن عباس ملخصة ، وإلى هذا القدر أشار المصنف بذكرهم في مقدمة السيرة النبوية ، واستدل قوم من الصوفية بحديث الباب على جواز الرقص وسماع آلات الملاهي ، وطعن فيه الجمهور باختلاف المقصدين ، فإن لعب الحبشة بحرابهم كان للتمرين على الحرب فلا يحتج به للرقص في اللهو ، والله أعلم . |
هذا اقوى دليل استند عليه من اباح سماع الاغاني بشروط ( اكرر بشروط) كما موضحة في كلام العلامة الامام الغزالي
|
Post: #26
Title: Re: لبس الكارينات والملابس المحزقة الضيقة في المجتمع السوداني .. لماذا
Author: Hadia Mohamed
Date: 11-19-2011, 03:33 PM
Parent: #22
| Quote: نناشد والي الخرطوم وحكومته الجديدة |
خلى والى الخرطوم فى البداية يقبض الناموس ويدفن الحفر ويكتل الضبان ويقبض الحرامية والعصابات ,
البلد التقول ما فيهامشاكل لامن تبقى مشكلة مشاعر الشباب اهم شئى,
وشبابك ديل دينهم وين البخليهم يتمعنو ويدققو لامن يعرفو الكارينا والمارينا .
|
Post: #25
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-19-2011, 03:31 PM
Parent: #21
| Quote: اعتقد انها حالة مستعصية من حالات اضطهاد المرأة المستوطنة |
بالعكس صدقني انا بحترم اخواتي ديل اكثر منك يا تبارك ... لاني حلقي انقرش لمن عارضت استخدام جسد المرأة في الدعاية والاعلان وزول فيكم هببني مافي إنت بالزات يا تبارك المفروض تهببني وما هببتني
|
Post: #27
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-19-2011, 03:36 PM
Parent: #25
ذكر بن كثير في تفسيره
Quote: ( ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين ( 6 ) وإذا تتلى عليه آياتنا ولى مستكبرا كأن لم يسمعها كأن في أذنيه وقرا فبشره بعذاب أليم ( 7 ) ) .
لما ذكر تعالى حال السعداء ، وهم الذين يهتدون بكتاب الله وينتفعون بسماعه ، كما قال [ الله ] تعالى : ( الله نزل أحسن الحديث كتابا متشابها مثاني تقشعر منه جلود الذين يخشون ربهم ثم تلين جلودهم وقلوبهم إلى ذكر الله ذلك هدى الله يهدي به من يشاء ومن يضلل الله فما له من هاد ) [ الزمر : 23 ] ، عطف بذكر حال الأشقياء الذين أعرضوا عن الانتفاع بسماع كلام الله ، وأقبلوا على استماع المزامير والغناء بالألحان وآلات الطرب ، كما قال ابن مسعود في قوله تعالى : ( ومن الناس من يشتري لهو الحديث ) قال : هو - والله - الغناء .
قال ابن جرير : حدثني يونس بن عبد الأعلى ، أخبرنا ابن وهب ، أخبرني يزيد بن يونس ، عن أبي صخر ، عن أبي معاوية البجلي ، عن سعيد بن جبير ، عن أبي الصهباء البكري ، أنه سمع عبد الله بن مسعود - وهو يسأل عن هذه الآية : ( ومن الناس من يشتري لهو الحديث ليضل عن سبيل الله ) - فقال عبد الله : الغناء ، والله الذي لا إله إلا هو ، يرددها ثلاث مرات .
[ ص: 331 ] حدثنا عمرو بن علي ، حدثنا صفوان بن عيسى ، أخبرنا حميد الخراط ، عن عمار ، عن سعيد بن جبير ، عن أبي الصهباء : أنه سأل ابن مسعود عن قول الله : ( ومن الناس من يشتري لهو الحديث ) قال : الغناء .
وكذا قال ابن عباس ، وجابر ، وعكرمة ، وسعيد بن جبير ، ومجاهد ، ومكحول ، وعمرو بن شعيب ، وعلي بن بذيمة .
وقال الحسن البصري : أنزلت هذه الآية : ( ومن الناس من يشتري لهو الحديث ليضل عن سبيل الله بغير علم ) في الغناء والمزامير .
وقال قتادة : قوله : ( ومن الناس من يشتري لهو الحديث ليضل عن سبيل الله بغير علم ) : والله لعله لا ينفق فيه مالا ولكن شراؤه استحبابه ، بحسب المرء من الضلالة أن يختار حديث الباطل على حديث الحق ، وما يضر على ما ينفع .
وقيل : عنى بقوله : ( يشتري لهو الحديث ) : اشتراء المغنيات من الجواري .
قال ابن أبي حاتم : حدثنا محمد بن إسماعيل الأحمسي : حدثنا وكيع ، عن خلاد الصفار ، عن عبيد الله بن زحر ، عن علي بن يزيد ، عن القاسم بن عبد الرحمن عن أبي أمامة ، عن النبي صلى الله عليه وسلم قال : " لا يحل بيع المغنيات ولا شراؤهن ، وأكل أثمانهن حرام ، وفيهن أنزل الله عز وجل علي : ( ومن الناس من يشتري لهو الحديث ) . |
وهذا ما استند عليه الجمهور في ان الغناء حرام وهو راي الجمهور
والله اعلم
|
Post: #28
Title: Re: لبس الكارينات والملابس المحزقة الضيقة في المجتمع السوداني .. لماذا
Author: Alshafea Ibrahim
Date: 11-19-2011, 04:20 PM
Parent: #27
مكاشفينا .... تحياتي
بالله أمشي الجمارك شوف أكبر مستوردي الملابس (الفاضح والصالح)منها - والأحذية ومستحضرات التجميل منو ؟ أو أطلع أي شارع تجاري بالخرطوم أوبحري أو أمدرمان وأدخل أي معرض ملابس وأحذية أو مستحضرات طبية وشوف مسجل بأسم منو ؟ أو شوف الشريط الإعلاني بقناة النيل الأزرق لتعرف جزء من ذلك الواقع ....
شيوخ وسيدات الحزب الحاكم وشركاؤهم الأجانب (مغاربة - أحباش - سوريين - ألخ) هم من يسمح لهم فقط بمزوالة حتى بيع (المساويك) يامكاشفينا ... هم أصحاب صالات الرقص والاحتفالات وصالونات التجميل ومعارض الأزياء وكل ماهو قبيح ودخيل على المجتمع السوداني ... عملا بثابت القران والسنة ( وأحل الله البيع) ... منو بقدر يقول (بغم) ؟؟؟ ليتك تقدر وتقول وتكتب وتفضح وتصرخ ...
غايتو الشيء الأسمو الكارينات من الله خلقني ما شفتو ولا سمعت بيهو كنت قايلوا (تسريحة) بنات على الطريقة الكيزانية ... الله في ....
الشفيع
|
Post: #29
Title: Re: لبس الكارينات والملابس المحزقة الضيقة في المجتمع السوداني .. لماذا
Author: عبدالمجيد الكونت
Date: 11-19-2011, 04:41 PM
Parent: #28
| Quote: الحافظ بن حجر العسقلاني |
هسة يا مكاشفي لو مشيت اخدت ليك عينة من 12 بت من البنوت اللابسات الكارو ده في الخرطوم وسألتهن من الزول ده بعرفنه ليك 
|
Post: #30
Title: Re: لبس الكارينات والملابس المحزقة الضيقة في المجتمع السوداني .. لماذا
Author: عبدالمجيد الكونت
Date: 11-19-2011, 04:48 PM
Parent: #28
| Quote: الحافظ بن حجر العسقلاني |
هسة يا مكاشفي لو مشيت اخدت ليك عينة من 12 بت من البنوت اللابسات الكارو ده في الخرطوم وسألتهن من الزول ده بعرفنه ليك
|
Post: #31
Title: Re: لبس الكارينات والملابس المحزقة الضيقة في المجتمع السوداني .. لماذا
Author: تبارك شيخ الدين جبريل
Date: 11-19-2011, 09:36 PM
Parent: #30
| Quote: بالعكس صدقني انا بحترم اخواتي ديل اكثر منك يا تبارك ... لاني حلقي انقرش لمن عارضت استخدام جسد المرأة في الدعاية والاعلان وزول فيكم هببني مافي إنت بالزات يا تبارك المفروض تهببني وما هببتني |
شوف يا حبيب ... جسد المرأة جميل ومغري جنسياً للرجل (ولبعض النساء) دي حاجة ما بيختلفوا عليها اتنين ...
لاكين التعامل مع الجمال الجسدي والجاذبية الجنسية في أكثر من حدود التذوق الجمالي العابر أو العلاقات الخاصة يعتبر تعدّي على إنسانية المرأة وإضطهاد لها ...
سواء كان ذلك بكشف الجسد وعرض الجماليات الجنسية بغرض تسويق البضائع والسلع في الدعايات؛ أو بتغطية الجسد بغرض دمس جمالياته الجنسية كأن امتلاك المرأة للجسد الفاتن المغري جزء من تهمة الشروع في الفتنة والإغراء والغواية ....
انا ما لاقاني دفاعك عن تسليع اجساد النساء في الدعاية والإعلان ... لاكين البتعمل فيهو انت هنا برضو بيلغي إنسانية المرأة ويحصر قيمتها في حدود تضاريس جسدها ... يعني برندة وبيت وبرندة وبيت ...
يعني البيقول انو "بت ام لعاب" دي بتنفعنا في السوق بى العدة الشايلاها دي؛ النعرضها ... فرقو شنو من البيقول انو "بت ام لعاب" دي بتفضحنا في السوق بى العدة الشايلاها دي؛ الندسّها ...
ياخي دي بني آدم والعدة الشايلاها دي جزو من آدميتها ... ما "بت ام لعاب" وشايلة عدتها لى حضرتك عشان تقرر تعمل فيها شنو ....
... المهم ....
|
Post: #32
Title: Re: لبس الكارينات والملابس المحزقة الضيقة في المجتمع السوداني .. لماذا
Author: Nagat Sid Ahmed Elshiekh
Date: 11-20-2011, 02:23 AM
Parent: #31
طريقة المعالجة غير واقعية ومتعسفة فالوالي او شرطة النظام فشلت طوال 22 وعشرين عاما في هذه المهمة
يجب تسريح شرطة النظام او الاستفادة منهم في (لقيط القطن مثلا اودق العيش فخبراتهم قد تكون مفيدة هنا فهم يمارسون اللقيط والدق يوميا) وتوجيه الموارد التي تصرف عليهم الى دعم الصحة و التعليم
الامريكان كان عندهم مشكلة وهي عدم اقبال الناس على دراسة طب الطوارئ والتمريض مما نتج نقص في هذه الكوادر في المستشفيات تتخيل حلوها كيف يا مكاشفي عملو مسلسل شهير جدا اسمو ER وهي اختصار لـ Emergency Room او غرفة الطوارئ يقدم هذه المهن واظهر فضائل هذه المهنة وانسانيتها واهميتها للمجتمع فازداد الاقبال على هذه الكليات وحلت المشكلة
هل عندكم حلول مبتكرة زي الفوق دي ؟
تسلم الاخ عادل،
رأيك شنو يا شيخنا فى الرقص المختلط ، والاغتصاب ،والسرقة ،واكل مال اليتامة وقتل النفس من غير ذنب؟؟؟؟؟؟
|
Post: #33
Title: Re: لبس الكارينات والملابس المحزقة الضيقة في المجتمع السوداني .. لماذا
Author: المكاشفي الخضر الطاهر
Date: 11-21-2011, 10:00 AM
Parent: #32
| Quote: رأيك شنو يا شيخنا فى الرقص المختلط ، والاغتصاب ،والسرقة ،واكل مال اليتامة وقتل النفس من غير ذنب؟؟؟؟؟؟ |
الدكتورة نجاة
لا أنا ولا غيري ما عندهم راي في الكلام دا
|
|
|