Post: #1 Title: بجر مسداري و بنم .. Author: حفصه خالد المحرب Date: 11-17-2011, 01:33 PM
. قمر العشاء الضواي يسلم أبوي للخصيم كواي نحن بنستأذن الشيخ الأمين لأني أجد في هذه الكلمات أبوي قمر العشا خالد المحرب بجر مسداري و بنم في الأرباب أبوي البحر كالبحر جميل في سطحه أخّاذ في منظره قوي عند غضبه لطيف النسائم رائع المحتوى .يفرض هيبته بجمال كلما سمعت الأغنيه فاضت في دواخلي أصدق مشاعر الإمتنان و الفخر كما ينبغي أن يكون هي فقط قصيدة لمست بعضا مما أحسه تجاهك و ترجمته إلى كلمات .. كلماتها نوافذ تطل على عالم من الجمال أنت كل ذرة فيه ..و هذا غيض من فيض ربنا يخلّيك لينا يا بابا
تخريمه: و أشكر الفنان عاصم البنا في هذا الفيديو لو كان شكري ح يوصله عشان العرضه الجميله دي لأنني لو كنت رجلا لفعلتها
لينا خالد المحرب
Post: #2 Title: Re: بجر مسداري و بنم .. Author: خالد المحرب Date: 11-17-2011, 01:48 PM Parent: #1
شكرا ابنتى لينه دا دين كبير ان اكون صادق فى القول والفعل معاكم ومع غيركم جاتنى لينه قبل شويه قالت لى انا فتحت بوست فيك يا بوى والله شعرت بالفخر لكن دا عب علينا ان نكون قدر هذا الثناء
Post: #3 Title: Re: بجر مسداري و بنم .. Author: حفصه خالد المحرب Date: 11-17-2011, 02:13 PM Parent: #2
قمر العشا الضواي يسلم أبوي اللخصيم كواي بجر مسداري و بنم في الأرباب ناظر القسم ساعة الحساب و اللطم قمر السبوع خافي النجم شدوا ليه الشلواح همّوا ليه الصُّلّاح وكت دخل في السلاح بشوف برّاق سيفه لاح بجر مسداري و بقول فوق أبوي المقبول وقّفوا له الطابور سلموه سيف النصر (كلاشه الخطير) يســـــــــــــــــــــــــــــــلم أبوي
Post: #4 Title: Re: بجر مسداري و بنم .. Author: حفصه خالد المحرب Date: 11-17-2011, 02:20 PM Parent: #3
Post: #5 Title: Re: بجر مسداري و بنم .. Author: خالد المحرب Date: 11-17-2011, 03:37 PM Parent: #4
ديل بياكو النار يالينه يابتى سمعت ليك لى ناس بياكو النار لينه بتى
Post: #6 Title: Re: بجر مسداري و بنم .. Author: الامين موسى البشاري Date: 11-17-2011, 05:11 PM Parent: #5
بت العـــرب ابــــوك سـاسـو متيــن كان للاصل يعد في الجدود ستين ديمة فاتح بيتــه للضيوف كنتيــن تـاكل وتقش في هدومــو يميــــــــن
Post: #7 Title: Re: بجر مسداري و بنم .. Author: محمد عبدالرحمن محمد Date: 11-17-2011, 05:34 PM Parent: #6
لينه وحبصه، واحمد غايب، في ركايب أم غير
أي زول بَفْخَرْ بِمَّو وابو بَسْ يمين الله ليكم مليون حق فخركم يكون فاااايض، ديل انتو نَتَاج خالد وعفاف، الأرابيب
ـ
بكري، باسووورد لي لينه فِشان العصابه المسالمه السليمه دي تكون متواجدي هني
Post: #19 Title: Re: بجر مسداري و بنم .. Author: حفصه خالد المحرب Date: 11-18-2011, 00:42 AM Parent: #10
Quote: لكي وابوك التحية
ولك منّا مثلها
Post: #17 Title: Re: بجر مسداري و بنم .. Author: حفصه خالد المحرب Date: 11-18-2011, 00:32 AM Parent: #9
Quote: هدية لال المحرب
والمسنوح ود شيقوق
وكل سنة وانتوا بالف خير
شكراً عمر و إنت بخير وعافيه
Post: #16 Title: Re: بجر مسداري و بنم .. Author: حفصه خالد المحرب Date: 11-18-2011, 00:21 AM Parent: #8
Quote: حفصة بتي
الليلة كيفت خالك شيقوق قمر العشاء الضواي بالحيل
عمو الطيب معاك لينه ... حفصه ما قصرت معاي أدتني باسويردها عشان أفصح بسييييط من ما يخالجني تجاه بابا قمر الليل و النهار
Quote: عمك قليبو رهيف الغناء الزي دا بولع فيهو نيران مش زي ابوك البسمع فيهو ويأكل في البيتزا
أبوي بياكل البيتزا و سن البرك يا عمّو
تسلم كتيييير
Post: #20 Title: Re: بجر مسداري و بنم .. Author: حفصه خالد المحرب Date: 11-18-2011, 01:52 AM Parent: #8
Quote: حفصة بتي
الليلة كيفت خالك شيقوق قمر العشاء الضواي بالحيل
عمك فتح الفديو وقفل الابواب والشبابيك ولبس العراقي والسروال الطويل وخت الطاقية فووووووووق في الهامة ومسك العصاية الما خمج وراح يعرض ويهز زى هزة عاصم البناء دي - وتااااااااااااااااح دقيت ليك السرميك براحة رجلي نامن كسرت السرميكة .
الله يجازيك انت يا المسنوحة دا خمشتيهو من وين ؟
عمك قليبو رهيف الغناء الزي دا بولع فيهو نيران مش زي ابوك البسمع فيهو ويأكل في البيتزا
.والله يا عمو الطيب الحمد لله الجات في السراميكه والجاتك في السراميك سامحتك معناها فتَ عاصم البنا زاته . =)
"خالك شيقوق قمر العشاء الضواي بالحيل" في الخال العزيز الكلام بيطول .. والوقت ما بيكفي ولا الكلام بيقول
حفصه المحرب
Post: #15 Title: Re: بجر مسداري و بنم .. Author: حفصه خالد المحرب Date: 11-18-2011, 00:13 AM Parent: #7
Quote: لينه وحبصه، واحمد غايب، في ركايب أم غير
أي زول بَفْخَرْ بِمَّو وابو بَسْ يمين الله ليكم مليون حق فخركم يكون فاااايض، ديل انتو نَتَاج خالد وعفاف، الأرابيب
محمد الزي أبوي -و ما في زيّه -لازم الزول يفخر بيه أي زول بيفخر بأمه و أبوه زي ما قلت و أنا فوق الفخر فرحانه شديييد بأبوي و أمي يعني لو الزول بيختار أمه و أبوه براه ما أظن أكون محظوظه (أو مفتّحه) كفايه عشان أختارهم ربنا يديهم لينا العافيه و يطول عمرهم
لينا خالد المحرب
Post: #13 Title: Re: بجر مسداري و بنم .. Author: حفصه خالد المحرب Date: 11-17-2011, 11:49 PM Parent: #6
Post: #14 Title: Re: بجر مسداري و بنم .. Author: حفصه خالد المحرب Date: 11-18-2011, 00:02 AM Parent: #6
Quote: بت العـــرب ابــــوك سـاسـو متيــن كان للاصل يعد في الجدود ستين ديمة فاتح بيتــه للضيوف كنتيــن تـاكل وتقش في هدومــو يميــــــــن
عمّو البشاري قبل كل حاجه شكراً كتيرعلى الدعم الفنّي
أبوي حر عنافي نسل أماته قاطع شك و جده الأربد السابق خيول المك على الرمي الحجيل ما فك بعيد يا أربد الشرق الموارك السك أكل الصافي علّاك يا أب سناماً رك أبوي فارط الجدي أخد الروينه و جك على ست الصبا الدكانها قاطع اليك رايف و فكفك الحسكه ام حديداً شك
ربّنا يخلّيه لينا
Post: #12 Title: Re: بجر مسداري و بنم .. Author: حفصه خالد المحرب Date: 11-17-2011, 11:42 PM Parent: #5
ما سمعت بيهم يا بابا لكن ما بستغرب لو شفتهم .... العنده سند زيك ما بيدهشه أكل النار إنت ياما أكلت نار عشاننا ...
Post: #18 Title: Re: بجر مسداري و بنم .. Author: حفصه خالد المحرب Date: 11-18-2011, 00:40 AM Parent: #1
من زمناً تليد ياكا الأصيل الخالد وارث في الكرم عزاً قديماً خالد ود شيخ العرب الفرعوا يوت متخالد مصيون بالعفاف قابض حريرو وخالد
ما بتزِح شِبِر.. للدنيا ماك خواف يا الوِتدك يمين داقِنوا في الرجاف فُت جبل أحد.. والليه حجّ الطاف أوصافوا التِلِب مزيون وصاينوا عفاف
ماك مشحود علي طبعاً جميلاً خايل بي عفة وكرم تقّلت جملاً شايل ما شافوك تزِح لو كان تجيكا هوايل أجواداً أصِل فايت ملوك و قبايل
شتلة منصح الجرف النبت تيرابو بي قلب الرضيع القام و فتّح دابو بي زينة طبِع قلبي أستلمتوا صوابوا نجحوا الخلفوك الليلة غابوا و جابوا
حلفوا الجوك ضيوف بي ذاتو عزّ وجلّ قبال يدخلوا .. الكِسرة سابقة الحلة تحلِف للمبيت .. آبريكا دوب إنبلّ يا شيخ العرب ... منك يحلنا بلة
فوق سافل صعيد لا غادي مشرِق ومغرب صيتك فات بعيد فرطاق خيولوا يقرّب السبب البِخل شمسك تدور ما تمغرِب محمد بالعفاف ميزانوا خالد المحرِب
تحيه مكلله بالإجلال للروائي يس سليمان (حبيب نورة)
Post: #21 Title: Re: بجر مسداري و بنم .. Author: خالد المحرب Date: 11-19-2011, 06:35 AM Parent: #18
Quote: ما سمعت بيهم يا بابا لكن ما بستغرب لو شفتهم .... العنده سند زيك ما بيدهشه أكل النار إنت ياما أكلت نار عشاننا ...
