Post: #2 Title: Re: المجرم البشير يرقص مع وداد ويشرع للفساد ؟؟؟ Author: علاء الدين يوسف علي محمد Date: 11-16-2011, 08:38 PM Parent: #1
إنت يا مُتنوضِل جيت البلد دي لي شِنو؟ و رقصتا مع مِنو ومحنّن كمان؟ في زول منعك ما خلّيت ليك قعدة ولا بيت عِرِس لافِّي يمين شمال يازول ما تسيب الإستهبال البتعمل فوقو دة وشوف ليك سِكّة تانية غير النِّضال دة دي ما سِكّتك
Post: #3 Title: Re:الرّئيس البشير (رئيسك) مع زوجته وداد Author: علاء الدين يوسف علي محمد Date: 11-16-2011, 08:41 PM Parent: #2
والله يرقُص مع وِداد دي التقول رقص مع فيفي عبدو دي مرتو يا مسكين إنتا
Post: #4 Title: Re: Re:الرّئيس البشير (رئيسك) مع زوجته وداد Author: Kostawi Date: 11-16-2011, 09:19 PM Parent: #3
Post: #5 Title: Re: Re:الرّئيس البشير (رئيسك) مع زوجته وداد Author: Haju Muktar Date: 11-16-2011, 09:35 PM Parent: #4
يا ود الشريف صبري تحياتي بقيت زي ياسر عرفات يطردوك بالباب تجي بالشباك الشعب يريد البوست المسحوب يا كابتن عندك شرف المبادره لا تتنازل من بوستيك بشه والمشروع الحضاري تعب معانا وراهو وراهو لي لاهاي والغبيانا يكتل راجلها ويرقص في بتها انت وبوستك المقتول البيرقص فيهو منو تحياتي
Post: #6 Title: Re: Re:الرّئيس البشير (رئيسك) مع زوجته وداد Author: NEWSUDANI Date: 11-16-2011, 09:52 PM Parent: #5
سؤال بسيط بما أنني أجهل شريعتهم وأحكامها
هل رقيص هذا الرئيس وسط هؤلاء النسوة حلال أم حرام؟؟؟؟؟؟؟؟؟؟؟؟؟؟؟؟؟
والسؤال للشيخ عبد الحي يوسف
Post: #15 Title: Re: Re:الرّئيس البشير (رئيسك) مع زوجته وداد Author: يحي ابن عوف Date: 11-17-2011, 08:30 AM Parent: #3
Quote: والله يرقُص مع وِداد دي التقول رقص مع فيفي عبدو دي مرتو يا مسكين إنتا
للشعب السوداني خصوصيته .. اتمنى ان يدرك البشير ذلك بما انه يمارس جزء من هذه الخصوصية في محيطه العائلي . لك حق يا صبري ان تنتقد البشير ونظامه الذي دمر البلاد وافقر العباد ولكن لا اعتقد ان هذا الفيديو بالذات مذمة للبشير خصوصا اذا كان كما ذكره البعض زواج كريمة زوجته يتيمة الاب ..اللهم الا اذا اردت تبني وجهة نظر بعض علماء الدين الذين يحرمون قتل النملة ويصفقون لقتلة الشعوب.http://www.sudaneseonline.com/db/attention/010_Smile.gif الف ميروك للعرسان وان شاء الله بيت سعادة.
هذا هو عمر البشير الجار والأخ الكبير الذي نعرفه الي اليوم ماسمع بوفاة في كوبر الا وأتي الي واجب العزاء مثل غيره أو فرح إلا شارك ووأجب ,الكورة دعم وشجع والله يامناضلين البتعملوا فيه ده إنصرافية من النضال !!!!!!!!
Post: #13 Title: Re: المجرم البشير يرقص مع وداد ويشرع للفساد ؟؟؟ Author: عبد الملك يوسف الملك Date: 11-17-2011, 03:17 AM Parent: #12
لاادري ماهو الحرام هنا ايها الحنابلة هل هو حركة الرجل مع الايقاع والذي هناهو عمر البشير فمن منكم الذي لايخلف رجل على رجل ويرقص ويرجحن ويضرب الطبل ضربا فيئن لقدكان الرسول يشاهد الاحباش يرقصون والسيدة عائشة في جنبه وطلب ان تقام الافراح وتضرب الدفوف للفرح والعرس
هل الحرام هو وجود النساء في دائرة اسرة الرجل وهل انتم براء من ذلك نخن في السودان لانعاني من هذه العقدة ففي كل فرح يندهج الناس فرحا ورقصا في روح عائلية لاخبث فيها
هل الحرام الموسيقى باي شكل من الاشكال فليس هنالك مذهب راشد يحرم الموسيقى لابسند السنة ولابسند القران عدا الحنابلة الذين يرقص قادتهم ويعرضون كل يوم هلى وقع الدفوف والسؤال لكم انتم ايها الشيوخ وانصار سنة المنبر هل لاترقصون
هذه الصورة يجب ان تكون مصدر اعتزاز لرجل في زواج ابنته يحاول ان يعطي الابنة الاحساس الكامل يالابوة لم تنظروا فيهاالا بعين السخط الا للرقص بصورته الذهنية القبيحة
الرجل يرقص في بيته وفي فرح ابنته ياترى هل سيدخل النار !! افتونا ايها المتنطعون الجدد حتى لانرقص ولاترقصوا في فرح بناتنا وبناتكم خلاص انتهت كل الازمات الفكرية والان نجد ضالتنا في رقص الرئيس اذن فلندعوا للانتفاضة على سنة الله ورسوله
Post: #14 Title: Re: المجرم البشير يرقص مع وداد ويشرع للفساد ؟؟؟ Author: ناصر يوسف Date: 11-17-2011, 07:45 AM Parent: #13
يا شباب ..
والله شئ جميل وبديع إنو السيد الرئيس يشارك في زواج إبنة رفيقه وإبنة زوجته وهي بالنسبة ليهو في مقام إبنته وحقيقي يا صبري الشريف يا أخوي أنا كنت إستمتعت شديد بمقطع الفيديو الصغير ده ..
حفلة زواج سوداني 100% لكن ...
الرئيس يرقص في مناسبة فرح خاصة الرئيس يرقص في لمة عرس شهيد الرئيس يرقص في لمة نفرة النُصرة الرئيس يرقص أمام حشود جماهيرية في لقاءات سياسية
كلووووووو .. مافي مشكلة
تبقي المشكلة وين ؟؟
المشكلة في التناقض بتاع الدولة ممثلة في شرطة نظامها العام وغِرِق ده وحتي منسوبي الأمن وهيئة علماء الدين ..
ياخي لكن ما مبااااااااااااالغة في تناقضهم والله العظيم
لكن والله لقيت ليكم سعادة السيد الرئيس رقاص أكتر مني ههههههههههه
مبروك للعرسان وإنشاء الله بيت مال وعيال يا رب
Post: #16 Title: Re: المجرم البشير يرقص مع وداد ويشرع للفساد ؟؟؟ Author: صلاح الدين نزلاوى Date: 11-17-2011, 09:42 AM Parent: #14
يا أخى صبرى انا سودانى وانت سودانى نحن كلنا بنهز ونرقص فى مناسبات الزواج حتى لو كان زواج اسر اخرى نحن معزومين فقط برضو بنشارك فى الفرح، والرئيس واحد من افراد الامة السودانية فإذا اتى بأفعالنا ليس هذا بغريب . اما سؤال اهل الفتوى عن ما يقوم به البشير فى الافراح ليس فى محله ، فاذا اردنا ذلك فلتكن الفتوى لنا جميعا سكان السودان. الوصية لك أخى صبرى اذا اردت ان تكون معارضا لنظام الحكم ، فنحن العوام نفهم بأن المعارضة تقوم بالنقد للتشريعات و الاداء السياسى والاقتصادى والاجتماعى والثقافى للحكام، كما يجب ان نقول الحق اذا كان هنالك اداءا جيدا، نريد ان نكون موضوعين فى معارضتنا أو تأييدنا ، يجب ان نلتفت الى السودان اولا وأخيرا، المواضيع الانصرافية لن تقدمنا خطوة الى الأمام. مع خالص مودتى
