Post: #2 Title: Re: عمر البشير يرقص فى حفل زواج " فيديو" Author: سارة علي Date: 11-16-2011, 05:39 PM Parent: #1
لكن لقيتك رقاص يا ريسهم.. وووووين الشريعة الإسلامية؟؟؟ اختلاط؟؟ يا حليلكم يا الانجلدتو..
Post: #3 Title: Re: عمر البشير يرقص فى حفل زواج " فيديو" Author: أيمن التوم حسن Date: 11-16-2011, 05:49 PM Parent: #2
Post: #4 Title: Re: عمر البشير يرقص فى حفل زواج " فيديو" Author: محمد إبراهيم علي Date: 11-16-2011, 05:53 PM Parent: #3
غايتو نايمين نوم تقيل يا ناس كندا الناس مهججة من الصباح والمجاهد الامريكي يشيل ويمسح في البوستات اذا قريت مداخلتي دي رد علي في بوست تاني لانو مش حتلحق ترد
Post: #5 Title: Re: عمر البشير يرقص فى حفل زواج " فيديو" Author: عبدالكريم الامين احمد Date: 11-16-2011, 05:58 PM Parent: #4
حد يصحي لي قدو قدو وفجاة كده يصحي عبد الحي يوسف بالله
Post: #7 Title: Re: عمر البشير يرقص فى حفل زواج " فيديو" Author: الخير محمد عوض Date: 11-16-2011, 06:02 PM Parent: #5
الز حاجة واحد من المعلقين قال ليهو انت سحر الجنوب خليت فيهو شنو لوووووووووول
قطع ناشف
Post: #28 Title: Re: عمر البشير يرقص فى حفل زواج " فيديو" Author: نزار يوسف محمد Date: 11-17-2011, 12:59 PM Parent: #5
Post: #11 Title: Re: عمر البشير يرقص فى حفل زواج " فيديو" Author: محمد عبدالرحمن محمد Date: 11-16-2011, 06:32 PM Parent: #9
تَلّبو حيطان البيوت كايسين قالوا خلبيت حريم ورجال نَهي نَهي وهسّع أهبل الأهابله ده يترااقص مع حرمتو عيان بيان
تفو عليكم
أمّا مهازل
ويا حميد، أرضاً سلاح؟
Post: #12 Title: Re: عمر البشير يرقص فى حفل زواج " فيديو" Author: بدر الدين الأمير Date: 11-16-2011, 06:48 PM
ود نوريت تسمح بالرقصة دى والامر وداد في وداد
تنهدات : الكلام للفيتورى في رثاء عبد الخالق محجوب ( قتلونى وانكرنى قاتلى والتف بردان فى كفنى) الكلام لابراهيم شمس الدين وهو هناك: حتى انت ياوداد بتراقصى قاتلى في زواج ابنتى .....
شكرا لجميع المتداخلين ولكن فى تقديرى المفارقة تكمن فى النفاق من تحريم الرقص والحفلات والاختلاط ورغم كل هذا يقوم البشير بفعل مايحرمه على الاخرين لا ادرى كيف يعيش انسان فى تناقض بهذا الحجم الله فرجينى
Post: #14 Title: Re: عمر البشير يرقص فى حفل زواج " فيديو" Author: Amani Al Ajab Date: 11-16-2011, 07:02 PM Parent: #13
Quote: شكرا لجميع المتداخلين ولكن فى تقديرى المفارقة تكمن فى النفاق من تحريم الرقص والحفلات والاختلاط ورغم كل هذا يقوم البشير بفعل مايحرمه على الاخرين لا ادرى كيف يعيش انسان فى تناقض بهذا الحجم الله فرجينى
لافض فوهك الأخ هاشم نوريت .. هذا هو لب الموضوع .. كل عام وانت بالف خير ..
Post: #16 Title: Re: عمر البشير يرقص فى حفل زواج " فيديو" Author: Dr. Ahmed Amin Date: 11-16-2011, 07:17 PM Parent: #13
Quote: شكرا لجميع المتداخلين ولكن فى تقديرى المفارقة تكمن فى النفاق من تحريم الرقص والحفلات والاختلاط ورغم كل هذا يقوم البشير
وين تحريم الحفلات والرقص والإختلاط ؟؟؟؟
عشرات الحفلات يوميا في الخرطوم .. والكل آخر بهجة ورقص وإختلاط
ما في زول سألوه ... فقط المطلوب الإلتزام بالزمن المحدد ..
عشرات الحفلات يوميا في الخرطوم .. والكل آخر بهجة ورقص وإختلاط
ما في زول سألوه ... فقط المطلوب الإلتزام بالزمن المحدد ..
اعتبر كلامك هذا تراجعا وسؤالى مالذى يجعل الرقص قبل 11 مساء حلال وبعد هذا الزمن حراما؟ يفترض عليكم ان تقولوا الرقص حرام او حلال لان لاشان للزمن مع الحرمة والتحليل اتقوا الله ولا تنافقوا الله فرجينى
Post: #15 Title: Re: عمر البشير يرقص فى حفل زواج " فيديو" Author: ندى صالح الطيب Date: 11-16-2011, 07:07 PM Parent: #12
التحية لك الاخ نوريت
حسبنا الله و نعم الوكيل
لك الله يا الشعب السودانى الفضل
ابن انت يا اللا بشير من :
الازهرى
محمد احمد محجوب
الصادق المهدى
الميرغنى
واللستة الطويلة من زعماء السودان
الآن انظر لهم كعقد الماس اختلفنا ام اتفقنا معهم
اقرب دولة شكش لينا فى نظرنا نحن السودانيين ابات لسان طويل ما عندهم روساء عملوا كده .....
Post: #18 Title: Re: عمر البشير يرقص فى حفل زواج " فيديو" Author: سارة علي Date: 11-16-2011, 07:37 PM Parent: #15
ووداد دي مالا فرحانة قدر دا ؟؟ مغالطينها؟؟ حيجو يقولوا انو بسيط وما خايف وما ادراك ومن حقو ومن شنو..لا..ما من حقو لانو بيمثل دولة ..وهو اصلا ما خايف من اي شئ عشان الشعب السوداني شعب مسالم...ثم هو الفرحان ليها شنو؟؟ هسه دا رقيص زول مهموم؟؟ يا حليلك يا جنوبنا..ويا حليلكن يا الانجلدتن. المفارقة يا جماعة بانو الريس بتاعكم داير يطبق الشريعةالإسلامية؟؟ يطبقا كيف بجنس النهزي البيعمل فيهو دا.. كدي خلونا من رقيص الحفلات وسط البنات (بغض النظر عن حجابهم النص كم دا)..الرقيص الرقصو في الكرمك دا رقيص نصاح؟؟ رقيص زول مطالب في المحكمة الدولية؟؟ ياخ بيحرج فينا احراج ما طبيعي .
بالجد الريس بقى يخوف..متاكدين انو ما كان في سلاح الموسيقى؟؟ عليكم الله لو ما نزلتو نهزيهو في الكرمك..بلاي لمن المنصة مسكوها مسك عشان ما تجي واقعة بيها..وكمان الحرس بيرقصوا معاه!! بااااااالغتوا..
ــــــــــــــــــ النصيحة مشتهية لي ربة زي دي..بس بخاف من ناس النظام العام لوووووول
لابد من التأكيد على ان لا غضاضة عندى فى ان يعبر البشير ومن معه عن ابتهاجهم ويعبروا عن سعادتهم بالعروض التى شاهدناها فى الفيديو ولا اعتقد ان العرف والثقافة السودانيتان تمنعان ذلك او تعتبرانه خروجا عليهما ولكن صدمتى من هذا الفيديو اتت من حيث ما سمعته من تعنيف لهذه السلطة تجاه الرقص وعموما عن شكل العرس السودانى التقليدى وتحريمهم لطقوس السودانيين واختلاق قسم خاص للشرطة تمنع السودانيين من اقامة حفلاتهم بالطرق التى يرونها ومع ذلك نجد هذا الفيديو الذى يعبر عن حقيقة نفاق البشير وزمرته الله فرجينى
ياهشام سلامات الرقص جميل يااللابس البمبي وبق لينا بمبي بشه جاتو الكشه 22سنه نحن نتغشه من كشه لي كشه ضهرنا من السيطان كشه هسع زول يقنعنا الحفله دي ما فيها طشه وسكيها وعرقيها وبنقوها ريحتو طاقه في الشاشه تاني حت في الشوارع لاتقولو نظام عام الليله وووووووووووووب النظام العام غرق يا ودالشريف صبري بوصتك راح وين طشه
Post: #22 Title: Re: عمر البشير يرقص فى حفل زواج " فيديو" Author: Nasr Date: 11-16-2011, 08:43 PM Parent: #20
وبهذا الحت الما حصل يكون المشروع الحضاري وإعادة صياغة الإنسان والشريعة الإسلامية قد لحقوا أمات طه . . . وبقي أن نسأل أنصار السنة والأخوان المسلمين وكل السلفيين لسه حتتحالفوا مع هذا الرئيس ؟؟؟؟؟؟
Post: #24 Title: Re: عمر البشير يرقص فى حفل زواج " فيديو" Author: صلاح جادات Date: 11-16-2011, 11:16 PM Parent: #22
كثير من الناس يقولون ان الامر عادي ولكن عندما يأتي الامر من المشرع الذي حرم ذلك علي الشعب وداهم وجلد وسجن فيه باسم الشرع يكون الامر غير عادي الامر جريمة مزدوجة 22 ىسنة والطبقة المستنيرة تهلل وتكبر واخيرا فجأها البشير بان ما كانت تهلل وتكبر له ماهو الا دغمسة 22 سنة والبشير يجلد ويسجن والطبقة المستنيرة تهلل وتكبر واخيرا فجأها البشير وزوجته بالعجب العجاب علي انغام النونات والوجنات الي متي الاستهزاء بعقيدتكم يا تبع
Post: #25 Title: Re: عمر البشير يرقص فى حفل زواج " فيديو" Author: Elawad Eltayeb Date: 11-17-2011, 00:13 AM Parent: #24
غايتو الزول الصور الفيديو ده ناس الأمن بيكونوا مضيفنو بالحجم العائلي إن شاء الله يكون من الجماعة الحاكمة وذمتو واسعة
Post: #26 Title: Re: عمر البشير يرقص فى حفل زواج " فيديو" Author: SAMIR IBRAHIM Date: 11-17-2011, 00:37 AM Parent: #25
الاخ هاشم
بعيد من السياسة ومشاكل السياسة عمر البشير بشر زي كل الناس من حقو انو يفرح ويرقص وينطط طالما الرقص في مكان نظيف وليس خليع وفي هذه الصورة يبدو انو في فرح محتشمه والناس محتشمين ومن حقهم ان يفرحوا !!!!!!!!
والله من وراء القصد ...
Post: #27 Title: Re: عمر البشير يرقص فى حفل زواج " فيديو" Author: هاشم نوريت Date: 11-17-2011, 04:27 AM Parent: #26
للاسف ياسمير الامر ماعادى لسبب ان البشير ونظامه من اعتدوا على النساء بحجة انهن خليعات ويرتدين البنطال وحرم البشير السودانيين من اقامة حفلات بحجة ان الاختلاط حرام ترى من الذى جعل حلالا عليه وحراما على السودانيين
Post: #29 Title: Re: عمر البشير يرقص فى حفل زواج " فيديو" Author: Nasr Date: 11-17-2011, 06:24 PM Parent: #27
يا سمير
Quote: بعيد من السياسة ومشاكل السياسة عمر البشير بشر زي كل الناس من حقو انو يفرح ويرقص وينطط طالما الرقص في مكان نظيف وليس خليع وفي هذه الصورة يبدو انو في فرح محتشمه والناس محتشمين ومن حقهم ان يفرحوا
كل الناس في السودان بترقص عادي الرقص والموسيقي والإيقاعات مكون أساسي في ثقافتنا الأفريقية بس ما عادي بالنسبة للناس ديل المتسلطين علينا بإسم الدين وبثقافات جزيرة العرب المحافظة جدا في زمان ليس بالبعيد في أواخر ستينات القرن الماضي طلاب من الأخوان المسلمين (جلهم من دعائم السلطة الحالية) بروفسير عبد الرحيم وقطبي مهدي وعلي عثمان تحديدا أثاروا الدنيا في حفل للفنون الشعبية في مسرح قاعة الإمتحانات في جامعة الخرطوم ، هياجا وصراخا وشتما وشجارا (ثار عبد الرحيم قائلا: أوقفوا هذا العبث وقذف بكرسي في إتجاه المسرح) ومات طالب جامعي بسبب ذلك العراك الذي أبتدروه إحتجاجا علي رقصة شعبية في مسرح
فداير محل نظيف وما خليع أكثر من قاعة إمتحانات الجامعة ورقصة شعبية (أظنها العجكو)؟؟؟؟
الناس ديل (المذكورين أعلاه) رأيهم شنو في رقيص الرئيس أم أن الزمان إستدار (والدنيا ورتهم رحط أمهمهم) والبشير الراقص صار هو ربيب نعمتهم (نعمة ما بتتفات بهين في سودان الجوع هذا)؟؟؟؟؟؟؟؟؟؟؟؟؟؟؟
مازالت القضية فى ان الناس لا اعتراض على ان يرقص البشير فى حفل عام او خاص ولكن الحكاية فى ان البشير خصص شرطة لمنع اقامة الحفلات المختلطة لايهمنا ان هو رقص بعفوية او ابوية او تحت اى معنى فقط مايهمنا كيف يمنع الناس وبالقانون ويضرب النساء بحجة انهن يلبسن البنطال وهو يتراقص معهن وهن يلبسن البنطال هذا هو النفاق الذى ننتقده فى هذا الفيديو الله هونينى
Post: #31 Title: Re: عمر البشير يرقص فى حفل زواج " فيديو" Author: Sabri Elshareef Date: 11-19-2011, 03:14 AM Parent: #30