ماشعب ساهل والله ماسهل

الشعب السودانى
العمروا ماضاق زل أوهوان زى الضاقو فى عهد المؤتمر البطنى دا ...
لكنه مازال مستمتع بالفرجة
لكن هل لغاية هسة ما واقعة ليه؟؟
ولا بقى محبط خلاااااااااااااص ونفسوا انقطع ؟؟؟
وبقى ماعارف حقوقوا على الدولة وواجباتو تجاها؟؟
ولا راجين ناس تانيين ؟؟؟
ولا المشكلة جاية من انوكل ما االناس تشتغل توعيه
. الكيزان يجوهم بقضايا انصرافيه ما عندها علاقة بالقضيه الاساسيه
عشان تشغل بيها الناس
نقول مجانية التعليم والعلاج يقولوا ليك المشروع الحضاري
نقول السكر(بضم السين) غالى يقولوا ليهم الله اكبرعرمان كافر
نقول البنزين يقولو ليهم عبد الواحد واسرائيل والكفار
نقول الفساد يقولوا امريكا وبريطانيا والمعارضة والبارات وحبة دمعات بمسجد النور
نقول المحسوبيه يقولو القوى الامين وبعدين عقار بتدعموا دول اجنبيه مثل دولة جنوب السودان
فصل الجنوب ...قالوا دايرين الانفصال صوتو ليهو نحنا عايزين نخليهم على راحتهم والبارات وكدا
كلام الطير فى الباقير
يعنى اعلام مضاد قوى مخلى الشعب دايما فى حالة اندهاش وذهول وخوف من المجهول وخوف من الله (ماداير يشق عصا الطاعه )
هل الشفب السودانى اتحلج من الشد والجذب؟؟؟
يعنى الشعب داير شغل كتير ومكثف عشان يبقى جاهز يطلع الشارع ؟؟؟
(ما كلوا طبعا لانو فى نوع اصلا قاعد على الهبشة)
المشكله وين؟؟؟
انتو رايكم شنو ؟؟؟؟
الشعب يكون مالو؟؟؟

السماء ما تزال صافية فوق أرض السودان أم أنّهم حجبوها بالأكاذيب ؟
هل مطار الخرطوم ما يزال يمتلئ بالنّازحين ؟
يريدون الهرب الى أيّ مكان ، فذلك البلد الواسع لم يعد يتّسع لهم . كأنّي بهم ينتظرون منذ تركتهم في ذلك اليوم عام ثمانية وثمانين .
يُعلَن عن قيام الطائرات ولا تقوم . لا أحد يكلّمهم .
لا أحد يهمّه أمرهم .
هل ما زالوا يتحدّثون عن الرخاء والناس جوعى ؟ وعن الأمن والناس في ذُعر ؟ وعن صلاح الأحوال والبلد خراب ؟
الخرطوم الجميلة مثل طفلة يُنِيمونها عُنوةً ويغلقون عليها الباب ، تنام منذ العاشرة ، تنام باكية في ثيابها البالية ، لا حركة في الطرقات . لا أضواء من نوافذ البيوت . لا فرحٌ في القلوب . لا ضحك في الحناجر . لا ماء ، لا خُبز ، لاسُكّر ، لا بنزين ، لا دواء . الأمن مستتب كما يهدأ الموتى .
نهر النيل الصبور يسير سيره الحكيم ، ويعزف لحنه القديم " السادة " الجدد لايسمعون ولا يفهمون .
يظنّون أنّهم وجدوا مفاتيح المستقبل . يعرفون الحلول . موقنون من كل شيئ .
يزحمون شاشات التلفزيون ومكرفونات الإذاعة .
يقولون كلاماً ميِّتاً في بلدٍ حيٍّ في حقيقته ولكنّهم يريدون قتله حتى يستتب الأم
مِن أين جاء هؤلاء النّاس ؟ أما أرضعتهم الأمّهات والعمّات والخالات ؟
أما أصغوا للرياح تهبُّ من الشمال والجنوب ؟
أما رأوا بروق الصعيد تشيل وتحط ؟
أما شافوا القمح ينمو في الحقول وسبائط التمر مثقلة فوق هامات النخيل؟
أما سمعوا مدائح حاج الماحي وود سعد ، وأغاني سرور وخليل فرح وحسن عطية والكابلي و المصطفى ؟
أما قرأوا شعر العباس والمجذوب ؟
أما سمعوا الأصوات القديمة وأحسُّوا الأشواق القديمة ، ألا يحبّون الوطن كما نحبّه ؟
إذاً لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه ؟
أجلس هنا بين قوم أحرار في بلد حرٍّ ، أحسّ البرد في عظامي واليوم ليس بارداً . أنتمي الى أمّة مقهورة ودولة ########ة . أنظر إليهم يكرِّمون رجالهم ونساءهم وهم أحياء ، ولو كان أمثال هؤلاء عندنا لقتلوهم أو سجنوهم أو شرّدوهم في الآفاق .
من الذي يبني لك المستقبل يا هداك الله وأنت تذبح الخيل وتُبقي العربات ، وتُميت الأرض وتُحيي الآفات ؟
هل حرائر النساء من " سودري " و " حمرة الوز " و " حمرة الشيخ " ما زلن يتسولنّ في شوارع الخرطوم ؟
هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
هل أسعار الدولار ما تزال في صعود وأقدار الناس في هبوط ؟ أما زالوا يحلمون أن يُقيموا على جثّة السودان المسكين خلافة إسلامية سودانية يبايعها أهل مصر وبلاد الشام والمغرب واليمن والعراق وبلاد جزيرة العرب ؟
من أين جاء هؤلاء الناس ؟ بل - مَن هؤلاء الناس ؟
رحم الله الطيب صالح
__________________

رتفاع معدل الإختلاسات في المال العام والثراء الفاحش الذي وصل له البعض عن طريق السلطة وغيرها من الطرق الغير شرعية .
إختفاء الطبقة الوسطى
إزدياد عدد الفقراء وظهور الاثرياء
ظهور النعرات القبلية
ظهور الفساد في المجمتع بصورة أوسع واكبر
الخداع بإسم الدين
إزدياد المطالبات الحكومية ( الضرائب وغيرها من الجبايات )
تدهور البلاد إقتصاديا وأمنيا
إرتفاع نسبة البطالة رغم إزدياد عدد الشركات
تدهور التعليم
التدهور الصحي
تدهور الهامش
تراجع سعر الجنيه مقارنه بالدولار

ازيك يا ابتهال ومرحب بي قلمك الرائع

نسأل الله يخسف بالكيزان الأرض ويخلي باقي الناس وهو القادر على كل شيء

Quote: أنتمي الى أمّة مقهورة ودولة ########ة

غايتو ما عرفت الوصف القلتيهو في دولة الكيزان ال########ة دي -
لكن ما دام مقص بكري قصاها فأكيد هي وصف جاء في محلو

العوض يديك العافيه وشكرا للمداخلة

Quote: نسأل الله يخسف بالكيزان الأرض

امين ..........يالعوض ويقوم الشعب السودانى من الغيبوبة

Quote: غايتو ما عرفت الوصف القلتيهو في دولة الكيزان ال########ة دي -

الوصف بستاهلو مافى كلام ..دا كلام الطيب صالح لحطة اندهاشته الاولى باهل الانقاذ

قلم جرئ جدا .. خطير للغاية .. فلنرحب جميعا بالاستاذة ابتهال عثمان ..