Post: #1
Title: اجتماع بين السيد محمد عثمان الميرغني والخضر بتفويض من رئيس الجمهورية
Author: محمد المسلمي
Date: 11-15-2011, 12:52 PM
Parent: #0
اجتمع مساءامس السيد الميرغني ومصطفي عثمان اسماعيل وعبدالرحمن الخضر والي الخرطوم
بتفويض من رئيس الجمهورية للمشاركة في الحكومة
|
Post: #2
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: محمد المسلمي
Date: 11-15-2011, 12:56 PM
Parent: #1
وكانت ولاية الخرطوم اعلنت حكومتها امس
مع الاحتفاظ بأربعة وزارات خالية للحزب الاتحادي الديمقراطي الاصل
|
Post: #3
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: ود الباوقة
Date: 11-15-2011, 12:58 PM
Parent: #2
بالتوفيق ان شاء الله
ومولانا الميرغني مواقفه الاخيرة واضحة وشجاعة
شكرا المسلمي
وفي انتظار ما يتمخض عنه اللقاء المبارك باذن الله
اردم
|
Post: #8
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: محمد المسلمي
Date: 11-15-2011, 05:01 PM
Parent: #3
ودالباوقة الصحة والاخبار
ابوهاشم ماعنده اي مشكلة
|
Post: #4
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: محمد المسلمي
Date: 11-15-2011, 12:59 PM
Parent: #2
المصدر السوداني اليوم
|
Post: #5
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: د.محمد حسن
Date: 11-15-2011, 02:47 PM
Parent: #4
السيد المسلمي
كل عام وانت بالف خير
لماذا تلهث الانقاذ للاحزاب للمشاركة معها في حكومة هي اتتها بتفويض سهبي 100% في الانتخابات الاخيرة وبعد مقولة د. نافع الشهيرة العايز الحكومة يلحس كوعو
واين الردم في هذا الموضوع اخي ود الباوقة
سؤال جانبي
الا ترى اخي المسلمي انت وود الباوقة ورهطكم بدلا من الردم ان توضحوا لنا رؤيتكم كمؤتمر وطني عن ماهية المشاركة في الحكومة وبرنامجها الاسعافي لانقاذ السودان ن اعلانه الافلاس
واتمنى توضحوا مغبة اعلان السودان دولة مفلسة بدلا من نقل الاخبار فقط
لان هذا المنبر حسب رأي المتواضع هو للحوار وليس لنقل الاخبار من مصادرها
نعم اتفق معكم يمكن ان تنقل خبرا وتوضح وجهة نظرك في هذا الخبر وتدعو الاخرين للنقاش
ولك احترامي
|
Post: #6
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: عمار عبدالله عبدالرحمن
Date: 11-15-2011, 02:54 PM
Parent: #5
أكيد بكره الصحف تكتب مولانا موافق ,,
وبعد يومين الاتحادي ينفي
ويتهم المؤتمر الوطني (بانه كذب بلسانه )
ثم ياتى اعضاء الاتحادي ليبشرونا بان الحزب لن يشارك
والساقية لسه مدوره ,,
(( من الافضل ان يقدم النظام استقالته ويجنبنا الكوارث القادمات))
|
Post: #7
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: احمد محمد احمد عتيق
Date: 11-15-2011, 02:59 PM
Parent: #6
والطيب مصطفى رايو شنو يا هؤلاء ..ولا لسع لامن يشاور اسحق ..!!!!
ربما البعض عقولهم في ثلاجة وليس الكل ...!!!
|
Post: #9
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: محمد المسلمي
Date: 11-15-2011, 05:07 PM
Parent: #5
الدكتور محمد حسن كل سنة وانت طيب
مولانا اموره ماشا كويس وقريب بكون جوة الحكومة
|
Post: #10
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: فخرالدين عوض حسن
Date: 11-15-2011, 06:18 PM
Parent: #1
الاخ المسلمي تحايا وتقدير
والي الخرطوم الخضر هو ابن اخت خليفة خلفاء الختمية عبدالمجيد عبدالرحيم
قبيل الانتخابات المخجوجة وكنت وقتها في مهمة عمل شاهدت الخضر يقضي يوما كاملا في صحبة الميرغني
وادي معه جميع الصلوات
والخضر دائم التردد علي الميرغني وتربطهم صله قوية جداا
السيد عبدالمجيد عبدالرحيم خليفة خلفاء الختمية هو كاتم سر الميرغني والامين علي امواله والطريقة والحزب كمان والاخير ايضا من ضمن الاصول والمتتلكات الميرغنية
وله شركات ضخمة في البلاد ومشاركات مع رؤؤس اموال سعودية وخليجية يتحدث المراقبين علي ان المالك لها اصلا هو الميرغني وان خليفته هو لافته لذلك العمل
ورغم ذلك فان خليفة خلفاء الختمية عبدالمجيد عبدالرحيم ( خال الوالي الخضر) يتمتع بثراء واسع ويد طويلة في السوق وشركات واعمال لا حصر لها ولم تتعرض له مطلقا عصبة الانقاذ
بل له علاقات متشابكة ومصالح معهم
والخليفة دائم الدعم للانقاذيين
وصواني اكله مدورة في دار المؤتمر الوطني المجاور
وعلي مائدته يواظب اركان الحكم الانقاذي المتسلط
الخليفة عبدالمجيد عبدالرحيم هو الرباط القوي بين حكومة الانقاذ الاسلاموية والسيد محمد عثمان الميرغني
في الانتخابات الاخيرة كما اسلفت قدم الميرغني دعما غير مباشر للخضر المرشح لوالي الخرطوم
فقد سحب الميرغني كل قيادات الاتحادي الاقوياء والذين يتمتعون بثقل جماهيري من معركة انتخابات ولاية الخرطوم
التي كان من المتوقع ان يخوضها باسم الاتحادي الاصل كثر ومنهم طه علي البشير صاحب جريدة الصحافة والرئيس الاسبق لنادي الهلال
ولكن الميرغني قدم احمد سعد عمر وهو بدوره رجل هين لين لا شعبية له في الخرطوم وهو دوما رسول الميرغني السري الي عصبة الانقاذ منذ امد سلم تسلم والاقتلاع من الجذور
ويحسب من جنود رقعة الشطرنج في دائرة الميرغني الضيقة
وفي الجراب الكثير
قال ديمقراطية قال
|
Post: #11
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: أبو الحسين
Date: 11-15-2011, 06:40 PM
Parent: #10
| Quote: وله شركات ضخمة في البلاد ومشاركات مع رؤؤس اموال سعودية وخليجية يتحدث المراقبين علي ان المالك لها اصلا هو الميرغني وان خليفته هو لافته لذلك العمل |
فخر الدين الكضبنجي سلام...
أخشى أن كُرهك للسادة المراغنة دا هُو الساوَّك كدي... تجقلب من غير هُدى...
وما قصة البربار الفي حضرة السادة الكوارتة في أمدرمان ببعيد!!!!
.
.
.
.
.
.
عندك بوستاً باير كدي فاتحو لكن صُتُّو وخلطتُو بي مشاركة ليك برااااااااااك... أرجوك أعدِلها عشان أجيك بي غادي... باقي مغرود فيك بالحيل...
.
.
.
.
المسلمي نسيت أسلم عليك وعيدكم مُبارك... لخمني فخري بي مشاركتُو المشاتري دي...
عبد الرحمن الخضر كثير التردد على الميرغني... كمان ما تقول نجحو في الإنتخابات زي ما نجح صلاح قوش؟؟؟!!!
|
Post: #12
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: أبو الحسين
Date: 11-15-2011, 06:40 PM
Parent: #10
| Quote: وله شركات ضخمة في البلاد ومشاركات مع رؤؤس اموال سعودية وخليجية يتحدث المراقبين علي ان المالك لها اصلا هو الميرغني وان خليفته هو لافته لذلك العمل |
فخر الدين الكضبنجي سلام...
أخشى أن كُرهك للسادة المراغنة دا هُو الساوَّك كدي... تجقلب من غير هُدى...
وما قصة البربار الفي حضرة السادة الكوارتة في أمدرمان ببعيد!!!!
.
.
.
.
.
.
عندك بوستاً باير كدي فاتحو لكن صُتُّو وخلطتُو بي مشاركة ليك برااااااااااك... أرجوك أعدِلها عشان أجيك بي غادي... باقي مغرود فيك بالحيل...
.
.
.
.
المسلمي نسيت أسلم عليك وعيدكم مُبارك... لخمني فخري بي مشاركتُو المشاتري دي...
عبد الرحمن الخضر كثير التردد على الميرغني... كمان ما تقول نجحو في الإنتخابات زي ما نجح صلاح قوش؟؟؟!!!
|
Post: #13
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: عماد الشبلي
Date: 11-15-2011, 06:55 PM
Parent: #12
ربنا يجمع السودانين علي كلمة سواء
بعيدا عن لغة السلاح ....
ونيران الحروب
|
Post: #14
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: فخرالدين عوض حسن
Date: 11-15-2011, 11:19 PM
Parent: #12
الاخ ابوالحسين كل سنة وانت طيب وجميع اهلك
بالطبع متعود علي الاساءة منك ولن ارد عليها
طمعا في الاجر من الله تعالي
انت صوفي تنتمي للطريقة الختمية ..فهل الصوفية تسمح بالاساءة ام ان اساسها السماحة؟؟
انا سياسي ولا علاقة لي بالصوفية
رغم ان اهلي صوفية والسيد محمد عثمان يخاطبني امام الجميع: بابن اساتذتي
انا احترم السيد محمد عثمان الميرغني كمرشد طريقة صوفية اختلفت ام اتفقت معها
اما السيد محمد عثمان الميرغني السياسي فاني اري بانه من الاسباب الرئيسية لسرقة الاسلامويين للبلد وتحكمهم فيها وتعذيبنا
ومن اسباب استمرارية الاسلامويين في خنق بلادنا وقتل صغارنا وكبارنا
من هذا المنطلق فانني ضد السيد الميرغني السياسي
ولن يسكتني اي ارهاب ايا كان
اختلف معك في الراي ولكني اموت دفاعا عن حقك في كافة حقوقك الانسانية ومنها حرية التعبير والعقيدة
اعلم انك حوار للميرغني ومن مريديه
وانا عاشق للديمقراطية الليبرالية والتداول السلمي للسلطة في الحزب والبلاد
حوار لحسن الخلق
وعلي هدي وخلق رسولنا الكريم عليه افضل الصلوات والتسليم
اطنان من الاحترام
وكن بخير
|
Post: #15
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: أبو الحسين
Date: 11-16-2011, 08:43 AM
Quote: بالطبع متعود علي الاساءة منك ولن ارد عليها
طمعا في الاجر من الله تعالي
انت صوفي تنتمي للطريقة الختمية ..فهل الصوفية تسمح بالاساءة ام ان اساسها السماحة؟؟ |
فخر الدين يا الحبيب... سلامات... عندك سماحة منطق... لكن كلامك تقولو لي زولاً ما قاعد يتاوق سودانيز أون لاين!!!
بالليل تكضب علينا وبالنهار ترشدنا... يا سبحان الله...
يا اخوي أنا ما أسئت ليك وما متعود أصلاً أسئ لي أي إنسان... والكضب ما إساءة الكضب بلية سودة... وانت وأسامة خلف الله... تعودتو عليها وأثبتناها عليكم مرات ومرات هنا في البورد... تتذكروا السيد الحسن الميرغني مستشار الرئيس ونائب الرئيس... والسيد أحمد نجل السيد الميرغني السافر مع حملة البشير لي كسلا!!!!! أخجلو يا ناس أخجلو!!!!
فحكاية الإساءة دي شيلها من راسك...
ولو فهمت أي تلميح بإني أسئت ليك فإعتذر ليك الآن... ولمن أجي السودان أبوس راسك...
أرجوك لا تكذب فقط...
|
Post: #16
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: Yousif A Abusinina
Date: 11-16-2011, 09:43 AM
Parent: #15
حسم السيد/ ابوهاشم موضع المشاركة - وقال صراحة وعلى الملا موضوع المشاركه تم حسمه
فلماذا التكرار المستمر فى الموضوع
[U]فالهم الاكبر هو السودان فالهم الاكبر هو السودان فالهم الاكبر هو السودان فالهم الاكبر هو السودان فالهم الاكبر هو السودان فالهم الاكبر هو السودان
فكل امنياتنا وطلبنا من السيد/ محمد عثمان الميرغنى عدم المشاركة
اولاد العم المسلمى تحياتنا
ابو حسن كيفنك والاهل
علاء الدين والكل تحياتنا الطيبة
|
Post: #17
Title: Re: اجتماع بين السيد محمد عثمان الميرغني والخضر بتفويض من رئيس الجمهور
Author: فخرالدين عوض حسن
Date: 11-16-2011, 05:25 PM
Parent: #15
الاخ ابو الحسين
افظع اساءة هو عندما تنعتني بالكذب وهي صفة يكرهها الله وارسوله واعوذ بالله من الكذب
اقبل اعتذارك وارجو ان تقبل اعتذاري ايضا ان مسك مني ما اساء اليك ولم اقصد
فانا قط لا اتعرض للشخوص
وانما اتحدث في العام
والميرغني شخصية عامة ولا انظر اليه من الزاوية الدينية ابدااا
قبل ان تقبل راسي
اقبل رأسك
وادعو الله ان يحفظك
ويحفظ بلادنا من كل أذي
والله من وراء القصد
عفا الله عنا جميعا
وكل عام وانتم بخير
|
|